宮崎日式燒肉店 (已結業)

知道今晚食燒肉放題，所以胃口早已ready好！！！點完野食後2話不說飲返啖啤酒先 ❤ 自助飲品區有好多選擇，茶、酒、soft drinks、CC Lemon咩都有！點左好多野都唔記得點左咩.. 刺身算唔錯，夠新鮮又唔會勁薄，絕對唔係要叫20片先＝1片個d XD 而主角當然係燒！肉！ 見住d肉燒到條邊脆脆地，d油滲出泥，真係好邪惡 😭 仲有大蝦同帶子，真係辛苦哂負責燒既男友lol最驚喜係天婦羅多春魚，雖然我不嬲都係多春魚fans，但天婦羅版又真係第一次食XD 入口香脆，感覺連魚子都脆卜卜，但又唔會太膩，一定要encore！最後食埋杯朱古力雪糕，正式宣佈說好的減肥計劃無限期delay～

旺角食肆林立，能夠紇立係旺角多年嘅餐廳一定有其特別之處先前聽聞朋友介紹旺角馳名已久嘅日式燒肉-----宮崎日式燒肉店難得朋友又得閒，咁就緊係約埋一齊試下啦當晚同朋友6:30入座，由於係平日同未到食飯時間所以等都唔洗等就有位啦，仲要係卡位添建議大家出去食飯都揀平日同埋早少少一黎可以避開人龍，二黎會有優惠今期做緊只要二人同行就送其中一樣多啲人仲會送多啲添，所以記得約埋班朋友仔一齊黎 原來依間唔只係一間普通日式燒肉店，仲有好多其他野食當然唔少得我最鐘意食嘅刺身啦同埋原來餐廳做緊沖繩祭，多左好多期間限定食物所以大家要把握時間黎試下啦憤怒火牛仔食落口有少少辣，岩晒鐘意食辣嘅朋友仔仙境純情豚好快就可以燒熟可以食，所以要小心火候如果唔係就好容易燒燶冰鎮大頭蝦超大隻蝦，足足有我隻食指咁長蝦頭又有勁多蝦膏，好好食丫只要4人同行就會送依個牛盛，望到牛肉上嘅雪花就知係靚嘅牛肉果然係入口即融，配上黑椒黎食更是一流刺身拼盤都係4人同行就會送比你食果然愈多朋友愈著數有咁多款刺身可以揀都已經夠吸引啦沖繩白豚腩沖繩祭嘅期間限定，不過好難掌握火候丫鯛魚刺身鯛魚作為日本嘅高級料理，估唔到係依度都有機會品嚐果然清鮮甜美，配

今次朋友生日 約埋一齊 係返上次 響旺角食呢間宮崎 本來諗住去 食韓燒 但係諗諗下 韓燒麻麻地好食 咁索性去返上次去嗰間 話曬食過 冇咁容易中伏 今次再去食係同成班朋友 如果唔好食就唔係咁好 話曬都係生日食好啲 呢間餐廳俾我感覺 每次嚟到 啲員工都好nice 即刻畀到枱我 而且仲有卡位坐添今次柯打就好多嘢 老虎蝦一定要啦我自己都食咗五隻 仲有薄切和牛 黑毛豬 仲有嗌咗啲羊㗎 牛肋骨等等 需煞兩個鐘時間食但係九成嘅嘢我都叫咗嚟先至於今次有叫佢拉麵呀因為上次食過都好好味有機會再試過啦

我好少去到旺角 今次同屋企人一齊出嚟 食日本燒烤 都係朋友介紹 話呢間非常好食 咁我即管去試試 訂咗18：30食 因為有小朋友唔可以食得太夜 講返正題 呢間餐廳 設計好有日本feel 而且食物 質素非常之好海鮮種類非常多 有生蠔 帶子 各種魚類肉類方便 如有 雞扒 羊架 牛肉 豬肉 等等當然有沙律吧 沙律吧有沙律 水果 芝士蛋糕湯 等等 熟食方便 本人最鍾意 佢嘅海鮮炒飯豬扒拉麵 都非常好味 飲品方便 可樂汽水利賓納 韓國啤酒 也有雪糕等等呢間餐廳 設有bb櫈 好方便呀本人非常滿意 值得再去

老爺買咗新手機，成日話要出街影美食，分享去佢地朋友組到“威威”曬下命！ 今次老爺提議話想學韓劇入面既人食燒肉，一講到呢度，就諗起我之前食過既宮崎，可能上次我都有影相放組群“威”過，老爺睇到就即當然支持啦！今次攪緊沖繩主題晚市放題會有多款不同「沖繩直送」食品，阿古豚肉餃子、白豚腩、紫薯麻糬波波、塔可波波、塔可醬丼、黑咖喱丼、沖繩 3 色腸(脆皮腸、辛辣腸、豚肉白腸)…… 食後感…… 可以一試！ 但最好留肚食其他……(因為幾飽肚！）

朋友生日，去食放題。今個月生日仲有鯛魚刺身一落到去見到摩天輪雜誌架，好精緻。一入座拿拿聲叫野食，上菜好快。快子架係即棄，夠衛生雖然放題，牛肉質素高，一d都唔差豬肉上架都特別d既，用個牛牛架好生鮮，特別係甜蝦，帶子雞泡魚干，好特別，好少見其他放題有得食海葡萄，原來沖繩特產，香港我都係第一次食到 鯛魚，不得不讚，超生鮮，應該即割 真心好食，有燒肉，有刺身，有sushi.應有盡有，會再encall.

一行四人燒肉夜宵。入座快。場內九成九入座。檯面衛生可接受， 清潔檯布不太清潔。冷氣夠。點餐方面， 無論點寫， 食物件數永遠唔啱， 漏單， 追左三次單嘅牛肋肉都冇黎， 黎嘅反而係另一種牛肉， 數量仲要係亂比。品質方面， 全部肉都唔係新鮮，鞋口， 多筋。 唯一係海鹽牛肋肉係好食嘅。 食品飲品選擇， 講真唔多， 甜品就唔好諗了。爆點方面， 檯上方冇抽氣， 鄉音侍應姐姐話我地唔可以咁大火，會有煙， 咁大個人第一次明火爐燒肉唔比有煙。 傻的嗎？keep住中細火燴熟啲燒肉。整體好差。真係百幾蚊都比多佢。價錢同所有野都唔成正比。

今次無意中 畀我搵到間 好有日本感覺的 燒烤餐廳 一入去 就落咗地牢 好像 上次去日本京都食日本燒烤 同一感覺 我仲以為去咗日本 裝修擺設都好有特色 最重要啲服務員態度殷勤 有禮貌 oder食物快而準至於食物水準一流 海鮮很新鮮至於肉類 有個牛 羊架 黑毛豬肉樣樣我都至愛 蔬菜新鮮 至於沙律吧有甜品芝士蛋糕沙律糖水啤酒汽水 當然任飲任食簡單來說 是我暫時去最好的燒烤餐廳下次會再約朋友去過

首先價錢係可以接受既，但食物質素真係唔值呢個價錢 燒肉冇汁 乾曾曾咁 最後仲有侍應好似做到好有疲態咁 別人要呼叫幾次先聽過咁 對比真正地道既日本燒肉真係有一大段距離阿 我真係希望能夠改善食物質素如果真係要選擇 壽司同炸物仍可以接受

較早前到宮崎的日式任食燒烤，整體來說是不錯性價比高、香港少有的日式燒烤。款式相對比較大路之選，有A-H款既分類，小肉類（豬牛羊）、海鮮、燒物、鍋物、小食等。不得不提每一台會有一大盤新鮮魚生：三文魚、油甘魚、貝殼、生蝦等贈送，質素不錯。扇貝是包吃的必食之選。至於蝦個人來說是份量很重的大蝦，蝦味說是一般，口感很不錯的。有一樣不得不吃的是一般韓燒、日燒較罕有的黃花魚乾，燒數分鐘烘熱吃，無論味道或口感都非常一流！飲品、雪糕任飲任食，是日價錢是日晚餐人均消費已包加一$270左右😎放題來說飽肚、味道不賴之選！

中秋節前一日同男朋友決定去宮崎食番餐勁嘅慶祝男朋友一早訂左位八點食我地今次坐嘅位好寬敞坐四人位 唔使迫迫澀澀，好啱傾偈，而且仲可以好多位擺嘢食佢呢度真係好多野食有刺身，壽司，和牛，海鮮，豚肉！！我最中意食牛舌，即刻剔左厚切牛舌呢度仲有牛胸腹，一口牛全部都好好味好正！刺身當然有叫有帶子，三文魚，吞拿魚，甜蝦，油甘魚，仲有鮑魚都好新鮮仲叫左帆立貝omg太大隻啦！！！好鮮，好鮮甜燒完之後都仲！！仲有蝦！！一樣好大隻不得了！！錫紙包住嘅係魚男友最後貪得意叫左 菠菜三文魚不過呢個好冇味就見人見志。總括黎講 成餐都好好味！好豐富出面仲有嘢飲可以攞，仲有生果食又有芝士餅甜品blablabla好正呀

如題，叫左份天婦羅素鮑，由入座開始到埋單共入過5張單，頭3張單成盤炸物完全無嚟過，叫過員工跟都係等左1.5hr先到盤野，但仍然無我點嘅素鮑，又唔係點你啲咩貴野，員工直頭叫我入張淨係果樣野嘅單，話幫我跟，淨返半個鐘我再入多次單（每次張單都係入10片）我地一枱5個人埋埋單終於嚟……佢上5片比我我入5張單共50片，得5片比我，仲叫我還枱，我話唔上返比我唔會走，另一員工話再幫我入多次單，最後等多半個鐘都無到，好差本身係支持者，但因今次我唔會再去

諗住睇到咁多好評，都應該唔會差，完全係不能接受既水平👎🏻👎🏻首先室溫既刺身，完全無刺身既感覺，入口唔凍唔新鮮，收到$288一位不能接受！無咁既質素憑乜收人$288一位！其他既肉類，唔係鞋口就無味道可言！放少少心處理下啲肉都好最離譜係呢個送既牛，夠膽咁既賣相比客人？而家屠房宰牛呀？個肉唔知拎咩汁整完，好難食唯一一樣好食少少既係雞翼同雞肉，食落去比較好食，有啲肉汁仲有叫一杯生啤，竟然自動幫我轉一位另加$50任飲，埋單先發現呢間真係搵笨一次就夠！

同事又係九月生日之星，一班同事就選擇放題較適合，無意中看到 「宮崎」Facebook 有以下生日優惠，同事正正是處女座，大家就決定呢間一落地牢就是沙律，飲品，水果，壽司豉油自助區。一開始以為這裡只是燒肉放題，原來除左燒肉放題之外，重有其他食物可以任點，包括壽司，炸物，刺身等等⋯⋯大家放工後比較肚餓，所以先點刺身拼盤，賣相先不說吧，但刺身沒有放在冰粒上，略嫌不夠凍，不夠鮮。肉類也陸陸續續到齊，準備開爐🔥個人認為豚肉，雞肉等部位以及海鮮比牛肉出色，特別係豬頸肉，雞腿肉同樣厚切大大塊，肉質軟腍爽彈和入味，反而牛肉等部位，例如牛舌條和一口牛粒雖肉味濃但肉質較un，而且更是第一次食到非常苦的多春魚。這兩樣是全晚最好的，就是生日優惠送的貴妃蚌和帆立貝，超級大隻，肉質鮮甜肥美，由於太大隻關係，己霸佔整個爐身，燒熟的時間又較長，所以這裏限時兩個鐘時間真的不太足夠～最後食多一碗烏冬就飽曬嚕～

一行四人去宮崎食日式燒肉做生日飯，其實三四年前啱啱開果陣去食過兩三次，果陣都有水準(以放題黎講), 但今次再去已經發現除左價錢外，食物、味道等等都差左好多。通常食放題，相信大家都會叫豬同牛吧，但係呢度既豬牛都有d特別，就係不時聽到在座食客話(點解d豬牛全部冇味既？) 無錯，賣相好好，貌似肉質好，但實情係咬落完全無肉味，所以如果對食肉獸黎講會好失望不會建議叫炸物，因為炸到好乾同冇味。任叫海鮮的確好似會扺返哂，但都係一律冇味.....