宮崎日式燒肉店 (已結業)

話說我同朋友去食晚市 平日19:30， 價錢係$268+1 好啦甘就入去食啦 我入到去行下睇下d自助吧有咩食 發現甜品得兩樣：🍰+🍦 雪糕仲要係小杯裝既雀巢雪糕得芒果同雲尼拿味 有無搞錯 我唔係要求你比貴價雪糕我 但起碼都多小小選擇呀 講到服務態度，有個職業攞住碗湯比我 個底滴緊汁 佢知既 又要係甘遞埋黎 差小小就滴到 我條褲 跟住佢仲要企係我隔離睇住我避開d湯汁又唔幫下手搵布抹 唔好意思都無句 其他職員個個懶懶閒甘要特別批評既就係佢既清酒煮蜆 超多沙 我試左4-5隻都甘多沙 我決定唔食 痴線！！好嬲

下面的人說得很對，間野無下次食物得個咸字，價錢又不便宜總結何說性價比低 埋單每人300蚊，食物質素一般，加上，甜品只係雀巢雪糕一杯。講番食物質素，肉類 燒左好耐都未熟 ，最後燶埋，成晚係到食碳。雪藏味勁，飲品選擇選擇唔多， 出面300蚊一定有更好嘅選擇。

一心諗住食返餐日式燒肉放題，見呢間食評幾好，賣相又好似唔差，就一於試下。點知，中晒伏！旺角雅蘭中心算幾多選擇，見門口擺設都幾正常，當然唔可以同日本燒肉相題並論，但估唔到食物嘅質素原來咁差！首先燒肉嘅選擇唔算多，以燒肉為主題嘅餐廳，但肉質完全唔掂，又un又無味！佢嘅海鮮亦唔好得好多，唔係好新鮮，叫左幾隻帶子，食落口感覺好唔新鮮，好腥刺身反而選擇幾多，一般放題有嘅佢都有，不過唔太敢叫太多野飲選擇都算多，連冬瓜茶都有！整體黎講，如果係二百零蚊食2個鐘，燒得唔算多，抵又唔算抵食，加上食物質素麻麻，唔會再有下次！

今晚去了一間從未如此差的曰式燒肉店。員工服務態度完全是劣等，直頭當顧客係乞丐都不如。我們同行八人，原來這裡是顧客不停落單，廚房就不停掉單，非常環保。過了30 分鐘也沒有一張完整的點餐紙上食物送上，你不停點，他們只是送上兩三樣食物便草草了事。我們再點了10 件牛小排，等了又等，只是給了三片，仲大聲夾惡說我們沒有細閲點餐紙內容是不可以多過10 件。我們忍不住便大聲讀出來單上寫著是每款不可以點多過10 件。那男員工唖口冇言便立即走開了，直頭要挖洞自己跳進去啦！另外一位四眼女員工更十問十不答，你問她麻醬在那裡，她半聲不作，只揮一揮冷手，如果收費是一百幾十元當然冇要求啦！這種的服務態度，絕對是地獄之皇。還不到兩小時，又是那位四眼女服務員原來可以說話，就不停叫我們立即埋單並趕我們離開。訂了枱也要等很久才有枱，我懇請這間餐廳的老闆一定要看到我的心聲，認真地管理你的員工吧！你一定被你這班出色的服務人員團隊為你帶來拍烏蠅的日子啊！趕客功夫絕對頂呱呱👍👍相信你很快可以轉營或者轉行呢，祝你早日拍烏蠅日子快些來臨吧！原來俾1 分都真係多左呢！你這間絕對是米芝蓮地獄之冠！恭喜恭喜🎊🎉🎈🍾️

上星期同FD子去左旺角彌敦道既宮崎日式燒肉店，因為實在有唔少朋友推介依間燒肉放題，所以選定依間去試試!果晚好幸運呀! 完全唔駛等就有位，店面相當寬敞，唔似其他放題餐廳將D枱逼到密一密，我地仲要坐到卡位成晚都坐得好舒適，可以慢慢食慢慢傾，氣氛非常好!首先一出場既係大蝦! 名乎其實真係夠肉又大件～而且蝦膏好足，係非常適合燒烤既item仲有XL大蜆！我地燒左一段時間，見到開口既蜆裡面D肉汁滾曬，一啖塞滿個口既感覺真係好滿足，好耐冇試過食放題贈送咁king size既蜆同蝦喇~再黎就係唔同種類既烤肉!睇到有食評話依間烤肉既爐唔夠大火，我又覺得唔係喎，火路反而啱啱好tim，因為以前去過韓烤，亦都去過燒肉專門店，真心覺得有D爐係handle 唔到^^"始終我都唔係專業人仕，幾靚既牛一擺上去，燒熟依件又唔顧得果件，一不留神就燒燶你都咪話唔灰，而且因為自己技術差，浪費左好好既肉真係好可惜啊! D:依間既爐係十分適中^^ 值得一讚我地叫左唔同種類既豚肉、牛肉，款式好多，肥瘦均稱，薄切牛同豬都係我既心水之選!值得一提既仲有佢地既醬汁本身自問係重口味既人 XD提一提大家，想燒得更入味真係要靠依2種醬!等D肉

一行六人去食俾咗個卡位，但係得一個爐而且好似俾人限咗個火力，個爐比其他燒肉店細火。一個標準燒肉爐放兩隻連殼帆立貝已經無咗一半。咁情況我都驚六個人燒唔燒得切。雖然肉類質素還算可以,但上枱數目永遠少過寫紙落單數量-六個人寫10最後來3件，而且都等得幾耐吓，而且都係有一般放題問題：唔見單。飲品有道地利賓納獅威同Hite,一般放題飲品組合。刺身我當bonus，真係得啖笑叫做好過無。同價錢下次都係過返對面三樓算。

太多種類了 牛都有好多種 二百幾蚊食2個鐘其實好夠啦 一開始點了很多牛 黑椒及原味我最like 我特別愛一口牛 肉及脂肪比例適中 不過多吃會有點膩 而黑椒類 厚切牛舌是我最愛 厚切口感較好夠嚼口 好彈呀！ 我叫每枱都有一頭牛 仲會出煙架 好其心之下吃了一個 牛頭木架上掛著牛肉 底層用乾冰噴煙 原來是薄切牛肉片加微辛辣醬汁 要2人同行可免費任選一份架 不過薄的確有點難度 不得不題海鮮 珍寶琵琶蝦好大隻 手掌咁大 唔落任何調味也很好吃 應該是鮮味吧 帆立貝上好像有點湯 燒完是有點味道的 刺身有三文魚、榮螺、甜蝦、帶子 以燒烤任食來講 刺身新鮮 炸物我一定點芝士年糕 流心的唔係炸定架 天婦羅都好好食 雖然蝦不算大 但炸粉不厚身 對蛋糕甜品雪糕我都沒興趣 因為太飽了 宮崎日式燒肉店 Miyazaki 地址: 旺角彌敦道639號雅蘭中心地庫B102號舖 電話: 26250199 「此乃個人感受」

自己都已經有一段日子冇食過放題/自助餐，因為成日型住放題啲嘢一定麻麻，但估唔到又幾好喎同朋友久違的聚會，因為朋友係無肉不歡嘅份子，於是就揀咗食宮崎食燒肉放題！仼食唔嬲一坐低都未睇order紙有咩食，侍應就已經送咗兩隻大過成隻手掌🤚嘅大頭蝦比我哋之後仲送咗3隻好大好大嘅蜆！很大唷！睇下啲食物就好似用photoshop拉大咗咁，將啲海鮮放哂落網燒，已經唔係好夠位放其他嘢了！可想而知，真係好大唔止大呀，仲好鮮tim呀！goodgood！未食燒肉之前，都叫咗好多刺身，都一樣咁好食雖然呢度唔係主打海鮮，但啲質素的確唔錯，絕無揸流灘嘅感覺！一口氣叫咗好多牛同豚肉，因為大多數都係冇俺製過的，加少少鹽再落網燒，份外好味

昨晚一行16人去食燒肉！一入去已經滿晒！場面相當壯觀。原來多人幫襯梗有佢道理。一坐下，waiter已為我們介紹怎樣落單。我們相當surprised 因用這價錢能食到咁高質素的牛肉，👍🏻👍🏻👍🏻海鮮又大隻又新鮮。帶子刺身又新鮮。總之這間餐廳一定會再去！唯一不足就是飲品種類不多😜

早幾日 booked 定枱同男友食，之前睇食評見好吸引咁，咪去試下，點知原來好普通。 漏單情況都好嚴重下，寫4件羊架/ 4隻雞翼，黎得一件。相掛住燒無影過，因為好難熟丫其實d 肉，好多都厚切，例如牛柳粒同豬頸肉，燒咗好耐都未熟。 唯一好處係 d 肉無醃過，唔會過咸，出面有得拎少少生果/ 生菜同埋鮮冬菇(菠蘿同哈蜜瓜) ，烤過嘅菠蘿幾甜，烤過嘅冬菇都幾好食。另外都有叫 d 天婦羅，點知黎到又油又凍，點咗炸金菇食到成口油。d 剌身都 ok，算新鮮，但又係會漏單，自動減少咗d 份量，加一之後 $300 一個人，價錢中上唔會再食囉。

生日月堅著數！好似呢餐！日式燒肉因為我生日有美食大放近，想知有咩著數睇落去啦！一年冇去原來多咗自助區，擺了前菜、生果、蔬菜等自取食品飲品都係自取，有可樂夠了！好酒的朋友更快樂淨飲啤酒也回來啦！雪糕還是雀巢聊勝於無吧！先上一份憤怒火牛仔及冰鎮大頭蝦，呢兩樣唔係任食範圍內係每兩位送一客肥大的大頭蝦夠新鮮唔錯呢。另外參加FB獅子山下遊戲中咗隻龍蝦，冇花冇假送比我地食，不果玩到22/8完了！不過原來8月份如4人同行用OR優惠卷都有得送！先食我喜歡的前菜先，日式螺肉最合胃口。刺身夠新鮮以油甘最吸引。壽司質素地不錯地獄三文魚軍艦最正斗。吉列蠔最有驚喜，貨包佳之餘炸得不油膩。清酒白蜆亦冇沙夠香甜，可惜蜆肉太瘦弱！蟶子有「海之人蔘」及「海之仙子的稱號，生日月份我更免費享用珍寶蟶子一份好開心呀！輕輕一燒便足夠，蟶子新鮮富鮮味絕對有誠意。另外這個半殼帆立貝肉厚非常，可以任食簡直瘋狂。呢碟牛牛當然係好友的飛彿，聽聞質素不錯呢！我就轉攻豬和雞，當中韓風豬頸肉最為標青，爽彈有肉香必吃啊~最後梗係少不了燒菠蘿吧！這晚我應該食左足足一個有多haha~最後食埋件芝士餅真係滿足到癲啊！加埋一每位＄290任吃120min

為食友相約晚餐，佢建議去食日本燒肉，仲要係放題個隻，作為食肉獸既我，好難抗拒喎！ 雅蘭二期呢間宮崎，起碼來過三次。印象中，以任飲任食去計，質素是收貨有餘。 廢話少說，一百二十分鐘任砌，殺呀！！！ 除了燒肉燒海鮮，什麼壽司、刺身、炸物、菠蘿等，統統唔放過，每樣試少少都好足夠。 劃好晒，將點餐紙交給服務員，店員轉頭便奉上憤怒火牛仔，同埋仙境純情豚。然而，燒烤需時，先吃些刺身與壽司，時間剛好。想不到三文魚刺身會吃到腩位，食神到了。 憤怒火牛仔以可愛的牛仔架掛上牛肉，配合仙境效果，影相拍片呃Like最好。薄薄的牛肉片,輕輕燒一陣便可，肉嫩不韌。豚肉亦肥瘦有致，帶點甘香，合格。 剛巧碰上朋友生日，店方送上一份蟶子，獅子座獨享。蟶子不用燒太久，否則會韌，我們的火侯控制都唔差架。 虎蝦體型寵大，肉質爽口，蝦頭若可多點蝦羔便更好，但其實已絕對可以收貨。 雖有龍蝦虎蝦供應，但於我而言，始終牛肉才是主角。澳洲一口牛粒、牛筋骨與牛胸腹，前者一啖過乾手淨腳，筋骨燒耐一點會更香更好吃，牛胸腹帶出油香，任食來說真是不錯。 帆立貝也來得大隻又靚仔，每人一隻很滿足。 龍蝦燒得剛剛好，沒有過火，因此是肉爽，不怕有一點

星期六book左9點半，0940入到侍應話可以食到1135order左三次，三次都漏單 海蝦order左三次共8隻，最後淨係嚟三隻，第三次order先嚟左兩隻帆立貝，仲要話已經冇晒wtf？啲肉漏單漏到已經唔知自己食緊咩雖然知道放題漏單係常事，但都唔洗咁誇張啦間鋪咁多員工冇個識做嘢嘅，最好笑係有個員工經過，我叫佢幫手搵人換網佢同我講叫我自己出去搵人換埋單479.4，我比左500，特登淨係找一張十蚊紙其它散銀老細請到呢啲員工真係執到啦以為有返啲水準先去，真係唔會再去囉

朋友今次話想食日式燒肉，上網搵到旺角有間叫宮琦既評價都唔錯，就book枱試下啦！星期三放工book左7點，唔洗等位。入到去都9成full左。食放題梗係睇下有咩比你揀啦，宮琦選擇都唔小，有A-H menu比你揀。刺身/豬/牛/雞/羊/炸物/壽司/飯麵/日式小食/海鮮一一俱全。韓式泡菜汁大聖子限定每人一隻，聖子配上泡菜汁同牛油燒，出奇地夾，而且聖子好鮮甜，唔似雪藏野帶子限定每人一隻，同聖子一樣鮮甜。但同聖子比較，個人喜歡個韓式泡菜汁多d，惹味d大蝦都係限定每人一隻，size好巨，放左兩隻蝦落個爐度都冇咩位燒其他食物刺身雖然呢度主打燒肉，但刺身絕不遜色。新鮮冇雪味，特別想讚下個三文魚，係比魚腩位你，淡淡魚油香味仙氣韓式豬腩片上枱方式好特別，乾冰放底，呃like一流我同朋友都不停影影第一round叫左好多唔同部位既牛：牛脷，牛小排，牛胸腹，牛助骨肉，一口牛........個人最喜歡係牛胸腹同一口牛，燒完一d都唔乾，仲好juice。另外牛脷都好正，好爽口，但牛脷比較薄，所以唔好燒太耐，唔係會有小小乾食完牛就食雞同黑豚肉。特別一提係中間用竹簽串住個款韓式雞翼，極度惹味，帶有小小辣！必試食左兩rou

係宮崎食過兩次，先講下落單方面。第一次係夜晚20:30入去用餐，主要印象係上菜慢落單超過15分數先到。不過數量都唔會少都正確既。第二次好少少，可能係因為18:00就入座，所以野食黎得都準時而且數量都唔會有太大出入。而肉方面都keep到有水準，最欣賞係一口牛，份量唔會太細粒。而佢地既7味雞翼都係個人比較推介既一款。熟食方面冇咩大問題，唯一係個拉面，湯既味道奇怪，會有一陣''穌''味，所以食左一啖就放左係度。