宮葉 パフェ (已結業)

對於撰寫食評，不可能每餐吃畢也能撰寫一篇文章，就如這個日式午餐丼，味道沒什麼特別之處，但吃到飯後，發覺有些事情實在是不吐不快，作為日式料理的店子，用的米為何不是珍珠米！我明白成本的重要性，但我不是要求索價才五十元的飯丼用上山形或新潟產的日本米，用大陸產的珍珠米是不會太貴吧，在超市買一包櫻城牌的珍珠米也是很便宜的呀！日式食店賣的是日本食物，靈魂的米飯不是日本種的珍珠米，實在說不過去！回說這個「帆立貝親子丼」，蛋就是做得不錯，蛋汁與蛋半熟配上碎紫菜非常不錯吃，紫菜更很香口，但立貝就是太細顆了，還有，說是「帆立貝親子丼」，蛋醬裡我找不到雞肉，那帆立貝和雞蛋又有什麼關係，說是親子丼？這算是什麼了？

日式咖哩雞扒飯-咖哩辣度中等，味道帶甜，雞扒煎得幾嫩滑，飯係珍珠米。但薯仔唔入味，芯係無味嘅。 日式炸豬扒拉麵（地獄湯底）-豬扒擺明係炸定左，一咬落去，又凍又硬，炸皮同豬扒一夾就分開晒。日式拉麵居然用中國蔥，唔用日本大蔥...麵底同公仔麵無咩分別，鹼水味太重，似用日本拉麵碗上嘅出前一丁。湯底味精太重，不過呢個價都預左係甘....照燒Q版魷魚-店員上菜個陣提醒我地要小心流汁「辣」口。一心諗住會係爆汁。其實無呢回事，無爆汁，魷魚燒到好乾身。似乾燒魷魚多啲。

一進到店內，望倒餐牌，見倒拉麵52蚊仲要無加一，真係太抵了拉麵未食已經聞倒麻油香叫左海鮮拉麵，竟然有魚片，好食喔，但蝦就有沙叫左士多啤梨乳酪芭菲$48蚊，好多層料，勁抵食服務就麻麻，要叫先會有水飲

今日真係好熱只係6月開始就有29.9度所以要同友人去消下暑。行行下花園街就見到呢間店於是入去試試。環境：日本和風格局，有一個小小bar枱，其他是木質感的小桌子。黃色燈光調的店。服務質素: 欠主動，但都有禮貌。價錢 :平民大眾化，如果走日本食物系黎講真係好平。食物份量都算平均，與價錢相對，而且是免加一。(total : $164-我們叫了3款食物，算超值之選)。食物質素: 一般中上，不是難食，但未至於好好味。主要食拉麵，吉列咖哩飯，日式甜品等。但這個價錢，又好合理 。和風豬軟骨拉麵($54) : 湯底還可以，麻油味精太重，但又吾算好鹹。但嫌麵質過淋，我個人喜歡麵質中硬，太淋我食得慢，就變成麵糊了。但要讚讚豬軟骨是入味可口，軟硬適中。$54都算是不過不失之作。蕎麥麵($60): 因實在太熱，我個人點了這個。個麵質過淋，亦欠蕎麥味度，不過蕎麥麵本身混了小許芝麻醬，再有蘿蔔蓉醬汁配送。味道生色不小。再配以元貝仔同蝦，這個價錢，不要期望太高吧。。日式精選乳酪芭菲($50) ： 給圖片來得大杯，亦有好多小甜點混合。綠茶雪糕，綠茶Mochi ，傳統日本小吃🍡(真係同emoji 呢個圖像一樣🙊)，栗子

見到好多menu都好多款甜品 好靚好多設計 而價錢唔貴 好吸引我去食呀！😍😍😍😍😍我叫左芒果味既杯 佢有分好多層 有燕麥脆個類 有cream 雪糕 影相好靚 $40-50真係值

有次經過看到這間叫宮葉的日式餐廳，就很想試試，Menu十分吸引，因為有我愛的抹茶甜品，所以特意抽空去吃晚餐，可惜食物只有賣相成功，味道實在太差！和式豬軟骨拉麵 HKD 54一般，湯底極像出前一丁的麻油味，豬軟骨不錯，肉質很嫩。這價格有點不值，吃過$30的拉面都好吃過這碗吉列豬扒飯 HKD 49豬扒很薄，飯有點硬，很普通的，沒有水準士多啤梨波子汽水 跟餐加HKD 8不好喝，味道怪怪的，波子汽水好像都不太好喝，就試試而且水牛城雞翼 HKD 40/兩隻很棒，很香帶點辣，很好吃的串燒，再來一碟🙋🏻推薦這款小食！當作普通晚餐都還可以，味道一般，原本很期待，但味道太令我失望，快餐店的味道和水準，本身一心來試甜品，但害怕又中伏，就沒有叫甜品，因為主食都做不好，甜品應該也不會太棒！最後埋單HKD $151，不算太貴還可以，失望而回的晚餐，下次有機會再試甜品。

Sunday mother day, no queue around 230pm on a Sunday.  You know something is wrong with this shop.   1. Order soupy rice with a few shrimps.  It didnt' taste bad, but definitely doesnt' taste good. 2. Order 2 types of dessert.  Took about 20 minutes for them to make when we were the only 3 tables in the place.  Taste was ordinarily.  3. 4 staffs standing and do nothing, young amaetur staff with no experience at all.  Conclusion: Never to come here again.  Should have went next door for dessert w

個friend 冇啦啦lunch time 想食甜品，去到太子 search 見到呢間，所以去試下本身對香港開既日本芭菲餐廳冇期望，因為之前去尖沙咀有間專食芭菲既餐廳食過好難食，所以有啲戒心去到首先食咗午餐，佢哋都有拉麵同飯供應，但見到隔離枱拉麵賣相麻麻，同聞到好大浸出前一丁黑蒜湯底味，所以唔敢試，睇相最穩陣係食紅酒牛柳粒飯，好彩味道唔錯，牛柳粒夠稔朋友有選擇困難症，結果一口氣叫咗兩款甜品：抹茶芭菲同和水蜜桃芭菲抹茶芭菲綠茶味夠濃，一粒粒類似寒天嘅粒粒好味又夠多，糯米團子chewy 另外叫咗水蜜桃芭菲，水蜜桃夠甜，加咗類似杏仁豆腐，大大杯好滿足同好抵食

裝修唔錯，以為係一間地道日本餐廳，食物選擇少，不過唔係問題，食飯好快送到（後來知點解，因唔用心）食物外表可以，但係好港式煮法，冇任何日式感覺拉麵似公仔麵，炸豬扒食到要脫左炸皮食（因唔好食），差過大家樂一哥豬扒，侍應customer service經驗明顯新手，望入廚房見到後生仔明顯不用心，享道玩手機，我唸有經過proper japanese chef training, 餐廳主人要用心好多，不然只得一個下場

日式精選乳酪芭菲（$50）士多啤梨乳酪芭菲（$48）👅作為港女既我咁鍾意相機食先🙈但我甚少食芭菲🤔覺得只係啲普通立立雜雜嘅嘢一層層咁堆成一杯野咁😂就賣好貴覺得唔值😕😕搵到呢間啲芭菲比起其他平又接受到😎咁就港女一下啦🤗🤗呢兩杯都係乳酪雪糕，綠茶嗰個雪糕就完全無乳酪味😀係純綠茶味，但綠茶味偏甜無咩苦甘味😗不過都okay～入面有小丸子、冇綠茶味嘅蛋糕、薉餅、水蜜桃、脆脆、火龍果同紅豆😆😆😆原本諗住兩個人share食🙈點知見士多啤梨個杯都好吸引，就忍唔住叫埋佢😍呢杯既乳酪雪糕係真係乳酪味重嘅雪糕😋幾鍾意！仲有啲微酸嘅士多啤梨、蜜瓜、脆脆同莓乾👍🏻👍🏻整體上冇乜大驚喜😀但成杯咁多生果呢個價都算OK🤗志在少女心一下都唔錯嘅💕

今日復活節公眾假期，在下午茶時間放了下午茶優惠在門口，加上見門面很新，故此入內一試，想點一個下午茶優惠餐與一飯餐，但職員居然說今天是公眾假期，沒有下午茶優惠，但在餐牌上與門口都未有寫上公眾假期除外，另外亦不應在門口以下午茶優惠作招徠，有違商品說明條例。結果也點了一拉麵與飯。味道是中規中矩，但職員懶散，又不斷閒聊和玩電話，亦差點收起我還未食完的拉麵。職員有待訓練！總結，希望不要再誤導消費者在公眾假期放置下午茶優惠在門口了，確有違商品說明條例。

今日難得有時間，即興約係太子食飯行過見到超吸引甜品Menu所以就衝左入依間宮葉到試下!!佢個menu整得好吸引，所以我毫不猶豫咁叫左個吉列豬排拉麵同日式精選乳酪芭菲慰勞一下自己先講下個列豬排拉麵，即炸豬排超好食! 外脆內軟，又唔會太多粉 加上濃味湯底加爽囗拉麵揀直一流 記得唔好浸塊豬排落湯吖!至於個乳酪芭菲一睇就知超級邪惡 又綠茶味蛋糕，又小丸子，再加埋軟滑芭菲真係超級滿足 誠心向各位推薦相信發現左如此好食既乳酪芭菲之後，我會繼續試佢埋淨低既甜品!!實再停唔到口

工業除咗有甜點原來都仲有鹹點嫁！價錢黎講都算係幾經濟🙂吉野牛肉拉麵一上枱就聞到好香嘅麻油味，牛肉醃得都算係入味🐮驚喜嘅係半熟蛋，食起黎半流心😊好滑溜！拉麵黎講就不過不失啦，麵質較為淋身嘅，啱晒唔鍾意食好硬身拉麵嘅朋友水牛城雞翼總共有兩隻😀味道辣辣的，入口好惹味！而且辣味重會停留喺口腔內😝好過癮～燒得都幾香口嫁，可以試下佢宇治抹茶拿破裝飾式得都幾靚！拿破崙焗得香脆，吾會一吉就散開哂，，配合濃郁嘅抹茶吉士食，味道偏苦，不過茶味夠香。旁邊配有奇異果同芒果。令到甜品帶啲清新嘅感覺！蕨餅草青味幾重，口感有啲煙軔又係紫薯！ 呢款日本紫薯雪糕芭菲份量十足！紫薯用味道天然，似係用真嘅紫薯磨成！中間嗰層配有抹茶雪糕，質地都幾幼滑！再配白玉食，口感煙軔！下一層係芒果粒同忌廉，口感都幾豐富！而且芒果味道清甜～最底層就係哩喱，有淡淡的提子味，吾會太甜膩

今日出旺角去銀行整d 野，整完有d 肚餓，經過見到有間日本餐廳，於是入去試下。由於我同媽媽肚餓關係，2人都叫了咖喱飯，我自己叫了炸豬咖喱飯，豬排炸槳整得幾好，唔太厚，但豬排質感一般，無肉汁，不過估都估唔到日本咖喱不是甜咖喱，而是辣咖喱，唔食得辣的人會覺得很辣，我食完都飲左好多水。但白飯煲得幾好，是珍珠米，配上溫泉蛋食一流。媽咪叫了雞排咖喱飯，雞排肉質嫩，但無咩雞味。最後我地叫了綠茶味格仔餅配綠茶雪糕，格仔餅整得好好食，粉槳整得幾好，配上綠茶cream 食一流，綠茶味雪糕入面有d 冰粒整，所以綠茶味淡少少，但整體甜品都好食。

每次經過都被門前的甜品餐牌所吸引，今天終於吃到了！以日式甜點作為招徠的日本餐廳，環境舒適，頗有日本風味。這裡食物價格便宜，點了個日式咖哩雞扒丼，只需 $49，現在吃晚餐很難吃到這個價了。雞扒滑，咖哩汁甜中帶點辣，配蘿蔔和薯仔，不錯。除了雞扒外，還有溫泉蛋，蛋黃撈飯正呀！既然飯吃得便宜，甜品就可以豁出去，點自己喜歡的，貴一點也不怕啦！選了流心芝士撻， 這個$42，以芝士撻來說確實不便宜。可是，愛吃芝士的我就是要試試有多好吃！下單後製作需15分鐘左右，熱辣辣的送上，香噴噴的味道實在很吸引。一刀切下，芝士湧出。 酥皮又香又脆，牛油味重。芝士濃度十足，完美演繹了這個芝士撻，沒有不好吃的地方，力推！