家上海 (奧海城三期)

營業中

休息中

呢間餐廳我同朋友都好鍾意食，都食咗四五次，每次都必叫呢個皇牌炒飯，每次都覺得好好食，原因係通常蛋絲都係炒咗再砌，但呢個蛋絲好有口感好幼好薄。所以一食就知，廚師係用熱油滾熱蛋液，快速打圈而成。所以呢道炒飯都食出唔少心機同功夫。十分推介！！！上海炒年糕，喜歡年糕嘅人必食，年糕好軟身入味，味道一流！因為主菜比較出色，所以小籠包立即變得普通😂😂味道正常！但值得一担，本身是4隻，但原來可以按比例價錢叫6隻，實在非常貼身！！！避免叫8隻但6個人食既尷尬情況！very good!! 環境方面，非常舒服，而且裝潢設計美觀，不時也很欣賞其顏色及花紋，而且茶具、食具都十分精美。唯一是午餐時間，相當多人，几個朋友食飯圍圈坐都覺得難聽得清楚，所以並非傾計嘅好地方，純粹食好嘢😂😂食物唔貴，服務又几好，推介推介😀

適合4個人 分享食味道清淡 符合腸胃敏感嘅我哋🫠冇set lunch都滿座有預先OpenRice留位前菜呢碟花雕3寶 略嫌份量少 貴價其他份量正常3男1女都有食剩特別係呢碟排骨蛋炒飯我當時都飽到食唔落了用$100 coupon後人均HK$113每次食完一餐都會派張HK$100 coupon吸引你1個月內回頭🫠普洱茶、龍井茶好味 有回甘味🤤🤤最喜歡上海炒年糕 有別於一般雪菜比較鮮綠 非常滋味😋😋蔥油餅，煎得香脆小籠包大家可以易啲share鍋貼都算大隻真係比較多上海菜款式平時自己一個就唔會嚟呢間食除非佢遲啲有set lunch

家上海地址: 大角咀海泓道1號奧海城三期地下G19-21號舖家上海係我其中一間好鐘意食嘅上海餐廳，佢全部野食真係做得有板有眼，唔單止環境坐得幾舒服，仲要好好食😚。二人餐👫$398 (包括: 麻香雞絲粉皮🐔; 上海酸辣湯🥣; 椒鹽小黃魚🐟; 紅燒東坡肉🐷; 脆煎灌湯小籠包🐷; 酒釀丸子🍡) 其實二人餐樣樣野都好好食，但個人特別推介係脆煎灌湯小籠包🐷，煎小籠包真係唔係好常見，熱辣辣小籠包底超級脆，上菜時仲聽到喳喳聲，小籠包皮薄餡靚，有肉嘅鮮味，調味唔會過咸，而且都幾Juicy，正😋。  另外椒鹽小黃魚🐟都要推介，小黃魚煎到好香脆🤩，魚味好重唔會因為炸完就無咗本身嘅魚味，加上唔多骨，正👍！大上海牛肉餅 🐮 $48/3件外皮酥脆，牛肉好鮮味，而且細細啖咬落去已經爆汁🤩，正。

上次同家人來吃過一次覺得味道幾好，所以今次家人生日就選這裏與親戚一同聚餐慶祝生日，我們選了一個六人套餐，十分之抵食，味道也很好有水準，砂鍋雲吞雞雲吞大大粒雞肉也不老，糖醋脆鱔也很香口，揚州炒飯炒得不乾好食，他們還免我們一桌茶芥，職員服務態度殷勤，知道我要拍📸食物照片每次都將食物放在我面前🤭，值得一讚！👍

今日第一次去食，下午茶～上海粗抄。$62 叫左半粒鐘，都未來，追了2次單，好快就送來。嚟到，表面出哂湮，但係，有部份粗抄是暖D，似一早抄定D豬肉都一少少少片，其他配料也極少，真係幾差吓。自己抄好食過佢。見到隔離抬，個豬扒菜反，望落正正常常。下次都係去返金滿庭好D。

今次第二次去食 之前食下午茶平日好抵 食過 生煎鍋貼 好好食 今次來晚餐諗住再食多一次 鍋貼。鹽水鴨 味道普通 清清地 98蚊🔴6.5分百葉紅燒肉 汁得個甜字 冇醋嘅味道 有點兒不像外面的味 冇惹味想撈飯嘅衝動 good嘅係肥膏入口係溶嘅 瘦肉位置唔會韌 $148🔴 5分 扣分位係個汁脆煎灌湯小籠包 有五件 皮薄亦都多汁 波底有少少脆皮咁 ok嘅 $5x蚊🔴8分蘿蔔絲酥餅每次有呢個點心嘅餐廳我都一定點 因為鍾意食，但吃完失望.. 皮唔鬆又唔脆 仲要厚同實， 蘿蔔絲超幼少 調味咸，外面酒樓吃較高興一點 $5x蚊🔴2分但是 相比之下 鍋貼好食過小籠包鍋貼係呢間必定要點嘅嘢！🔴9分

家上海地址: 大角咀海泓道1號奧海城三期地下G19-21號舖家上海係我其中一間好鐘意食嘅上海餐廳，佢全部野食真係做得有板有眼，唔單止環境坐得幾舒服，仲要好好食。@yohomenu_modernshanghai 餐廳呢㗎仲有做二人同行一人免費添，真係CP值好高，如果想去試下嘅朋友就要快手啦!!!佛跳牆脆皮乳鴿套餐 🐦🥘🍲 $328 (二人同行一人免費)前菜：淮安四負碟 & 鮑魚花膠佛跳牆淮安四負碟包咗水晶肴肉，四喜烤麩，燻蛋同花雕醉雞。咁樣燻蛋係我最愛，半凝固蛋黃再係上面加上淮鹽，每食一口都食得出啖啖嘅煙燻香氣，正。花雕醉雞肉質細嫩並帶酒香，好入味，🥰正。  鮑魚花膠佛跳牆就湯底清澈但都幾重味道，不錯。主菜：脆皮煙燻乳鴿，豉油海中蝦 & 濃湯魚翅撈飯主菜比個like👍一定有豉油海中蝦，外脆充滿豉油香，內裡蝦肉爽脆鮮甜，而且都爆得真係幾香下🤩，正。脆皮煙燻乳鴿，好有啖啖嘅煙燻香氣，好脆口，但係啲肉就少咗啲。甜品：酒釀丸子正正常常，無咩太特別上海煙燻脆皮雞 (半隻) $198脆皮雞🐔就咁睇真係睇唔出佢層皮炸得啱啱，炸得好脆，而且啲雞肉細嫩，好有雞味，食落都幾新鮮，好正。#nicefoodie

經朋友包介紹，一行四人首次光顧「家上海」奧海城分店。佛跳牆二人餐是今次的主題試菜，300幾蚊一位，但就買一送一，即係吾使兩舊水就吃到，價錢抵食，品質中上，加上環境和招呼都好好，讚賞員工的好客態度。佛跳牆套餐，當然個燉湯要高質啦！湯有鮑魚、花膠...驚喜是雞腳，食得出係燉湯吾係滾嘅！雞腳完整，骨頭都燉軟晒，清得來是濃湯。頭盤是四小碟，不過不失啦！煙燻乳鴿👍🏻夠入味，骨都炸到鬆脆，可惜只有半隻，差點想加單食多隻😏。醬油海中蝦👍🏻好夠鑊氣，加入洋蔥和上海年糕伴炒，絕味！尤其年糕，吃落去有🦐味，吾係求其撈埋上碟，碟都舔埋😛。魚翅撈飯係卓頭野，個人覺得隔離枱的楊州炒飯仲吸引哩🤫！甜品酒釀小丸子都幾特別，酒香之餘，裡面加入🍊（吾肯定食材？）令甜品更鮮味。除了套餐外，我們還點了脆煎灌湯小籠包、高力豆沙香蕉和流沙奶皇千層酥，小籠包50幾蚊真心抵食又美味，好Juice！其他兩款就正常品質。總括而言，各方面都值好評。對學朋友話齋，疫情下朋友🫂之間能夠相約吃吃🍚、吹吹💦，確是感恩🙏樂事，再加上食得開心滿足，人生一樂也。

4人一齊食午餐，周圍都好多人！呢間比較大間，多位，裡面仲有房 (當然，房裡面都可以分到好幾張枱的)不過侍應唔係成日行入來，我地叫菜時要自己出去搵人-_-不過坐得舒適啦~而且好抵食，人均消費大約$100/位用了$100 coupon (食滿$400就可用), 好似話每次都會比架~ 抵食食物種類繁多，生煎包、炒年糕、上海麵、前菜......大部分上海菜應有盡有味道不過不失啦，未至於好驚嘆，又可以encore個種~幾個人share食就啱晒~ 如果有1人 lunch set 就好, 我就可以多D黎~特別介紹熏魚~ 醬料味香~ 

今日臨時興起想食上海嘢，特登search下有邊間上海嘢好食，見很多網評都話這間很不錯便來試試， 我因為一個人只叫了他們的招牌揚州炒飯和小籠包，小籠包的皮很薄， 內裏肉汁不多，味道比較偏油膩，不過吃起來的邳味道ok。 炒飯嘅米不錯，飯炒得很乾身， 但配料種類不多，切得非常細粒， 份量亦不是很多， 所以導致整碟炒飯吃起來口感很乾， 乾到我要邊吃邊飲水。除此問題外，整體味道不錯。 奈何因為之前看到以上食評，很多人都提及這店的炒飯很好吃和這店強調揚州炒飯 係他們招牌菜嘅原因， 令我吃後心裏感到失望和預期想的有落差。這店的服務不錯， 因為坐嘅位置比較大風炒飯送到嚟嗰陣已經不是很熱，所以我有向他們反映他們亦幫我攞入廚房加熱。 但提提大家再埋單後記得一定要check單，因為我付錢離開才發現他們多收了我一位茶錢， 要特登走回去問佢攞返錢。

今次去家上海食大閘蟹套餐，原來家上海係十里洋場同一間集團。今次好期待呀！頭盤味道一般般，味道正常，冇乜驚喜。之後侍應將蟹肉蟹膏翅送上黎，個翅好好味，味道夠鮮甜。之後就到分量十足既五両大閘蟹公，打開大閘蟹蓋係爆膏好好食呀！之後到蟹膏椰菜花同蟹膏賽螃蟹，兩個餸為今餐加了不少分，蟹膏好新鮮。今餐值得推介！推！推！推！

小編又黎到大角咀搵好西啦😝早前下午一行4人到位於奧海城家上海食lunch, 呢間真係要起碼三個人食先叫得多d野食兩個人就真係唔建議啦🤣1. 上海炒年糕 年糕幾有咬口 同個醬汁好夾一定要配埋個菜解下油膩🤣2. 揚州炒飯呢個係廚師推介 所以我地叫左黎試下個飯有穫氣 炒得顆粒分明非常好味😋不過要提下 如果叫炒飯就要俾多少少時間等下😀3. 生煎包 呢個超多肉汁 但個涵唔算勁多個種中規中矩😇4. 高力豆沙（十級推介）呢個係小編每次黎到必點外皮熱辣辣包住d香蕉個味好夾有意想不到既驚喜🥰🥰叫左咁多野食，連埋服務費埋單夾埋$378😄

行到去奧海城就食埋晚飯，係二期行左個圈就行埋呢邊，之後就揀左呢間等左陣位，好多人都食大閘蟹不過今次無食，食了普通野。點了上海粗炒，煎小籠包，蘿蔔絲鰂魚湯。上海粗炒，唔夠乾身有點油，整體普通啦，如果上到碟可以少點油會好好多的。煎小籠包，不過不失，都多料多汁，口感唔錯的。可以一試。蘿蔔絲鰂魚涌湯，始終鰂魚比較多骨但魚肉都還還嫰，口感可以，蘿蔔絲都林哂了，湯味道都有一點濃，整體可以，不過呢個湯等得比較耐，其他食完湯都未黎，而且自己只係一試而已。總結環境算寬敞，食物質素過得去。

難得星期五晚可以拍一個拖，期待大閘蟹季節已久，就去坐得舒舒服服的地方吧，有先生拆蟹實在開心，平時去家上海晚餐多數點小菜，今次就選了珍味蟹宴～先來一壼人參烏龍清清喉嚨，然後從四式拼盤作為美好的開始，當中不少得它們的招牌前菜，包括陳醋紅蜇頭、水晶肴肉、四喜烤麩及淮鹽溏心燻蛋，依然高質又令人開胃，We are ready！淮安蟹粉花膠三絲羹出場，有飽肚感之餘暖暖肚子！迎接清蒸大閘蟹，識食一定食清蒸！才吃到原汁原味嘛，蟹肉夠鮮甜，淺嚐剛剛好～另外配返壼咸亨太雕十六，入口好順滑。然後是蟹粉瑤柱賽螃蟹！是我這個晚上最喜歡的菜色，蛋白非常有口感，啖啖蟹肉同蛋白～再來蟹粉鹹肉扒花菜，習慣了每一餐總要有點蔬菜，滿足！尾聲前少不了必吃的家上海蝦蟹炒飯，再以夠薑湯丸作結，好滿足、職員態度亦很好，會再去哦～

呢度嘅下午茶抵食春卷超香脆 ，即炸醉雞翼 冇乜肉食小籠包皮薄餡靚鍋貼比小籠包好食個底塊皮剪得脆脆的最失望應該係呢個嫩雞煨麵啲麵煮到林晒而且個湯底味道好淡普通嘅雞湯味都冇下次都係嗌返炸排骨米線不過係下午茶來講佢都算抵食同夠飽