家嫂 (已結業)

友人邀請一試，但旺角訂位太滿，不如入大埔試試喇。一星期前訂位還受理。去到現場，不用即場等位，見到大夥小夥圍著一枱飯聚，原來食肆已劃分BCD區，大家食得開心又盡興。被安排坐在一旁的角落，靜靜的不錯，只要服務員留意到你便可。放題任食是這樣的: 先上小食sss及刺身，然後是雞煲，再來是精選火煱湯底及配料，最後雪條三選一，還有茶水醬料任取，紅白酒不用額外收費。除刺身外，所有食物也可以無限追加。聽上來都算不錯。我與友人以為款式雖少，但其實是吃得飽有餘。沒有追加甚麼的，就捧著肚子投降，欲追加肥牛也力不從心。可能沒有人等位，食肆也沒有實施限時，只是因為坐在B區，晚上10時必須停吃離開了。雖然刺身不是任食，但當你看到餘下的火煱配料是殼類海鮮，還要有雞煲的時候，吃少一點刺身也無妨。

岩晒一眾大胃王😋頭盤小食、手工火鍋料同雞煲都係任食😍每位人頭計$312，個蝦多士超好味，可以不停係咁食～ 海鮮船同刺身就唔太推介☹️ 但係刺身嘅份量真係多到瀉出黎🤣成張枱咁大，有5～6款刺身可以選擇，個份量係多到第一round食完已經要停，飽到繼續吾到🤪估佢唔到嘅係白酒同紅酒係任飲，酒鬼🍻一定要去！

依世人食放題嘅次數..無論壽司定火鍋都好..加加埋埋..應該10隻手指都數得哂😅今次試依間火鍋放題，好多飲食步驟，都算幾得意上菜次序：前菜—刺身—雞煲—海鮮火鍋 (任飲紅白酒同養生飲品, 無限追加前菜同火鍋配料)作為小眾胃型，我最欣賞係佢嘅前菜😆香蒜炒蜆同麻醬茄子好正😋雞煲都好入味又唔算好濃味唔錯（唔記得影相）刺身都ok，無咩雪藏味，都多種類。火鍋就揀咗花膠老火鍋，但海鮮唔係好新鮮有啲腥飲品我就飲咗杯白酒（好難飲），同2杯養生飲品（唔係話特別好飲，不過不失）

餐牌的午餐B，明明說是花膠件的 但實際送上來的是魚卜 ，相差太遠了！ 急凍花膠又不是很貴 ，畀兩小件起碼唔算呃人先，魚卜有好多，但你比多多我都唔啱數喎。 魚旦有鲜味，炸雞翼也夠乾身內juicy, 但這個價錢有點不值了。

家嫂 出名打邊爐放題下午仲有飯餐同麵餐餐牌上有幾款選擇 都係$52 不過就係佢預設嘅餸菜同埋面底若果想揀自己喜歡嘅餸菜 同面底 就$58 可以揀三款 🥬🍗🥠🍤湯底都有幾款選擇 酸湯/ 蝦湯/ 沙嗲湯/蕃茄麻辣湯等等今日我哋就揀咗自選款式叫咗鴨血 / 魚腐 / 肥牛 / 米線 8/10肥牛/花膠/魷魚/手打烏冬7/10成碗面勁大碗 蝦湯都好香濃 仲有一粒粒蝦米蝦味好逼真不過花膠同魷魚就有少少失望 花膠冇乜口感 魷魚就有少少韌所有麵餐都附送一杯飲品 可以喺雪櫃自己隨便揀 值得一齊出面有一啲醬料自由拎 我哋拎左麻辣菜譜 平時唔食菜譜嘅我都食咗一碟

上網見幾個YouTuber都介紹呢一間嘅lunch放題。就滿心歡喜來試一試。點知，只係過咗一個星期已經唔再係嗰回事。價錢加左，但野食就小左，依家變咗「百無」無響鈴，無烏冬，連平價既豬皮都無左。雲吞我十二點令去到得返個碟，問啲職員就話食哂就無，網上youtuber 都係同樣狀況，感覺唔良好。主要食菜，兩款丸，餃子。喇沙湯底食落好淡。唯一好既就真係佢有好多元化既飲品。講真，整呢個午市放題都係想吸引回頭客。但呢餐真係無吸引到我，牛X會多款式好多。

話說今晚約咗朋友食飯，我就提議打邊爐，不過就冇咩心水食店。朋友就同我哋推介呢間家嫂。我自己住大埔，但平時真係好少行呢啲。所以一路都唔覺眼有呢間食店存在。我哋喺夜晚七點嘅時候入座。當事人唔算多。另外值得一提就係。侍應服務非常之貼心。話說我哋四個人。但係有兩個朋友遲到，於是乎我哋企咗喺門口度等。侍應主動行出黎問我哋係咪book咗位。我哋話未齊人。佢話唔緊要都可以照入座先。而且仲唔計我哋時間住。一入到去已經見到一個飲品櫃。入面有勁多飲品。有雪梨茶。紅棗茶同埋竹蔗茅根等等。我哋坐低咗。點左一個$315嘅任食套餐。先來會上一個刺身拼盤。侍應同我哋講。除咗呢個刺身拼盤之外。Menu上嘅其他食物都可以飲叫嘅。雖然呢間餐廳主打係做火鍋。但係唔好睇小佢啲刺身。刺身勁新鮮。最令我喜出望外嘅係，竟然有海膽。海膽味道鮮甜。以最特別嘅地方係，如果你嗰台係超過四個人嘅話。佢上嘅刺身拼盤係超級浮誇。佢會係用一隻大船去裝晒啲刺身。而且大船出菜嘅時候必須有兩位侍應前後捧上。影相打卡一流。除咗刺身船之外，亦都會有小食。有雞翼，鴨血，流心皮蛋，炸蝦多士，同炸翠玉瓜等等。我自己極力推薦可以encore蝦多士同炸翠玉瓜。食完刺

作為孕婦的我 我只能望住班朋友吃得津津有味😭 最後忍唔住手 夾咗細半嚿海膽放入口 即時比班朋友阻止 但成功吃得到🤩🤩 唉。。成盤嘢都好想食 但唔得 除咗刺身外 任何小食及火鍋配料都可以encore 黑松露蝦多士 炸翠玉瓜 真心好食 大推 佢仲有其他小食 鴨血 蜜糖黑椒雞翼 等等(太肚餓 忘了影相 這是encore的照片)🤭🤭一行四人 叫咗個家嫂花膠湯底 打開蓋之後我又唔記得影相 湯底除花膠外 係有哈密瓜同蘿蔔 我surprise 係有哈密瓜 未落任何配料 試咗佢個湯 唔算濃味 可能無落肉之後海鮮 牛肉 同其他配料 都一一上枱唔記得咗講佢個雞煲 次序係小食>刺身>雞煲>打邊爐 一開始以為係用雞煲打邊爐 原來唔係 雞煲覺得冇咩特別 打邊爐配料我地冇encore過 魚皮烏冬都無食晒 肚皮都已經快要爆開了 順帶一提佢啲養生茶任飲 我飲咗兩杯 有好多款味位位大人收312+10% 我覺得好抵食 好多唔同種類嘅食品 迎合不同口味 大埔這間分店係人手落單 再order小食或配料要同店員講 我卸貨後一定會再嚟encore

.幾高質抵食既任食雞煲火鍋店All you can eat stir fried chicken hotpot X seafood hotpot 🥘 前菜、火鍋配料、飲品都好有特色而且款式幾多.前菜有松露蝦多士、蜜糖雞翼、胡椒豬肚豬紅湯、沙律⋯火鍋配料有例牌既海鮮拼盤（仲有成條魚上）、餃子、三色丸、蔬菜、牛肉片⋯野飲超有驚喜，唔係普通嘅盒裝罐裝野飲，而係有應該係自家製既竹蔗茅根、石榴薏米水、紅棗元肉杞子茶⋯.雞煲就一般般，冇咩特別，有埋蝦但偏梅身.Stir fried chicken was so so but everything else were greatLots of excellent side dishes, nice seafood platter and different special homemade (I think) drinks offered.基本上食佢供應既野已經好飽，所以我哋都冇額外叫太多野食

今日搖擺天使梁安琪又帶左浩楠去食好野，今次就係大家屋企附近既家嫂，食火鍋。好在Book 定位，唔係既話可能要轉餐廳了。去到先取飲品，汽水只有可樂，不過就有好多自製養生飲品供應，醬料區有很多平時火鍋店沒見過的醬料，我就選了紅油加蒜蓉加醬油。一開始送上前菜，當中我比較欣賞既有酸菜魚，魚跟鴨血都很好食。食到咁上下就上刺身，刺身算細盤(見到人地大盤啲)，我們一行三人，每人每款有一件，不過款式就少左啲。之後就到雞煲，我們點了唔辣，食落雞肉好軟滑，有點彈牙。另外火鍋店就有這好處我拿了紅油 (我第一次見醬料區有紅油，超讚 ) 加蒜蓉加醬油，出奇地好吃。食食下發現少左粒東菇。食完雞煲就上火鍋及餸菜，我們點左棷子雞湯底，都算幾清甜，海鮮係新鮮既。另外如果無外加食物既話，係可以外帶預先上枱既菜式，如果要問服務員拿盒子，每個盒收 $4元。雪糕每人只有一粒，有點限制。

同朋友聚會佢地簡左家嫂食。第一次食一間餐廳係有齊刺身、雞煲、海解火鍋等等唔同食物真係十分得意，滿足曬唔同朋友想食既野。前菜坐得無耐店員就上前菜，前菜有好多唔同種類例如酸菜魚、沙律、蝦多士、皮蛋等等。前菜食完係可以refill既。刺身食完前菜店員會自動上刺身，刺身擺得好靚大大盤好適合打卡！雞煲食完刺身就到雞煲，雞煲味道就冇咩特別，可能因為我哋揀唔辣所以唔係好濃味。海鮮火鍋食左咁多野終於到重點海鮮火鍋！ 火鍋有各種料例如蝦、蟹、魚、鮑魚等等全部都係任食既，d料唔差所以任食真係好抵呢其實食火鍋先前又食刺身又咁多前菜真係飽咗一半，三百幾蚊食到咁多唔同種類嘅食物真係好抵。可能因為疫情店內唔算好full， 希望家嫂頂得住啦。

一個人想食日本野，一個想食雞煲，一個人想打邊爐，一個人想食海鮮，在各方面既意見不合下，有位好友企岀來提意去呢道食，一個價錢任飲飲食，三百幾就做到，太好，最勁可以做到海鮮任食，仲有添加南非鮑魚，無限添加最後驚喜仲要有榴槤雪糕🍦⋯⋯會再幫襯，希望疫情，此餐廳頂得住

區內區內食米線，腦海一定係出現x仔同雲xx。有日夜晚經過呢間家嫂，聞到好香，但因為佢門面太細，又係主打邊爐，平時都好少留意。睇一睇餐牌，佢而家午市竟然有lunch, 選擇有魚生飯、米線同小菜客飯。身為米線愛好者就決定一試。行到門口，有職員喺門口派傳單，職員都好快安排入座，服務幾好。午市時間好少顧客，由入座到離開只有約5枱客，疫情下生意唔易做。叫左自選米線套餐，$58三餸連野飲，區內唔算好平，但食開米線就應該差唔多價錢。湯底揀左番茄濃湯，餸有推介黑松露墨丸同魚腐，另外試埋佢個白魚蛋，麵底都有4款選擇，有出面少見既寛粉，就決定試下。落完單，職員會邀請客人到雪櫃揀野飲，除左有自家杯裝飲品，都有罐裝汽水同支裝茶可以選擇。對於鍾意多選擇既野，樣樣都有得揀就覺好會加分。等左一陣寛粉黎到，份量比想像多好多，令我有d驚訝，番湯濃稠，比連鎖米線店既番茄湯出色，值得推介墨丸有墨魚粒，但味道較淡，魚腐係三樣餸中最好，白魚蛋就一般貨色，寛粉有少少煮過龍，唔夠煙韌。總括嚟講，係區內一個米線/lunch 新選擇，會再幫襯，試埋佢其他湯底同配餸

平時lunch都食係過頹飯多 見佢門口有米線食 諗住入去食番碗 但係見到lunch 都有set邊爐 仲要58蚊起就有得食 所以即刻轉軚叫左一set豬一set牛加蝦湯底 個湯底本身都有幾隻蝦同豆腐 仲有少少蝦米乾 湯底超香 都幾足料 豬肉同牛肉質素都唔錯 仲有得任食配料丸，菜，雲呑，響鈴全部任拎 仲要原包岀前一丁🤤🤤醬料都有種而且唔收醬料錢仲有最正ge係野飲！ 58蚊都無hea 人 唔係俾d罐裝野飲 全部都係煲岀來ge健康飲品 平時係街買一杯都20蚊起la 仲要係任飲tim!!!!

朋友帶我去吃米線 都吾錯喎 招呼週到 員工都很有禮貌 整得一讚 探左熱 我直衝入座 原來我無拍安心出行 埋位後每枱都有安心出行QR code的 員工才示意我拍 又吾洗瘀皮出去拍返😂 環境都舒服 原來米線餐學生係$42咋 普通就$52 連飲品 很多都係有益既飲品 ！午餐時段 都不用排隊 好多人 都不用搭枱 以我所知晚上時段做火鍋的吾好都吾知有米線食 可以叫餐 又可以自選 聽朋友講 晚上火鍋都好好食嫁 入到去似好高級既地方 我朋友未到都比我入座 有d餐廳係吾比 ...食得很愉快，我第一次去就寫評語啊