容龍海鮮酒家

營業中

休息中

去過西貢，流游山等地方食海鮮，多年始終覺得容龍既煮功最好。容龍可以自帶海鮮，先到三聖村買海鮮榮利記是多年也光顧既海鮮擋，海鮮新鮮，試過一次買野剛剛那隻帶子死左，都可以叫容龍既人去返呢間店換過隻，所以好放心海鮮一定新鮮唔好比人呃。價錢唔可以話佢最平，不過一分錢一分貨，是日買左條東星班（海魚，唔係養）， 8隻蟶子，4隻大花竹蝦，$1300. 樣樣都好鮮好甜。拎上容龍，呀姐會問你海鮮想點整豉油王大蝦，外殻走油炸得香脆，入面既肉好彈牙好嫩，豉油味剛剛好不會太咸又帶到蝦既鮮味魚2味 青芹炒球肉好鮮，炒既火喉剛剛好，魚肉不會散，海魚真係同養魚唔同，一食就知！魚2味- 炇骨，外層粉漿不會太厚，包住魚肉，入哂味好好食豉椒炒蟶子王，好大條，肉好鮮甜好彈牙，豉椒味不會太重蓋過鮮味，正！另外叫左個揚州炒飯，普通，不多提最後要食容龍既招牌甜品，燉椰皇，好香椰味，好滑又不過甜！ 必食！最後容龍煮功+炒飯+1個椰皇+2杯可樂，$630， 價錢都算係咁。出面多數煮工同買料既錢一樣（e.g 出面如果你買海鮮買了1千，多數煮工都收1千，total 2 千）所以容龍都算抵，而且味道唔錯！ 出面食海鮮味精落得好重手，容龍已

很久没有去容龍食晚飯，起碼食過20年的我，早三天前就訂位，招乎可以，但每碟出來的海鲜都 给弄垮. 五隻鮑魚變了四隻，避風塘賴尿蝦變了乾辣蝦。豉椒聖子变了橡筋聖子，龙趸鱼皮有冇刮鳞，一条长长的象拔蚌。每片切到5mm厚，油盐焗松皮蟹更惨，是没油的，隻蟹超overcook, 老過阿婆，绝对浪费我啲食材。找经理投诉，只说一句唔好意思就拜拜。还有一包什锦海鲜，里面还有一条芝麻斑，结果个汤出来后，条鱼不翼而飞，到底发生什么事，食材买了两千，埋单又用了两千多，4000多元识到一对一肚气，以後絕對blacklist！

去屯門做完野，無啦啦有條友話佢last day要請食飯叫埋我，咁就一齊去啦。去三聖買左海鮮就直上容龍，一行十幾人。小弟第一次去，入口見到d相都已經覺得唔野小，聽同行既老人家講先知原來幾十年老店番新，入面環境唔錯，好座過係三聖食加工左聖子，賴尿蝦，燕尾星，大尾魷，等等。最正都係賴尿蝦，卜卜脆，又夠咪，而家諗起都濕濕地...I mean 口水。虎頭蝦第一次食，估唔到驚喜，佢係好好味，但衰在冇咩肉食😂最後一人食左個椰子蛋白，埋單3差野10條友。

點心水準高，蝦餃新鮮，百花魚肚足料，材料新鮮，咸水角可以不試，較遜色。芝士焗龍蝦可口，焗蠔入味，椒鹽鮮魷香口，與晚餐品嚐海鮮的味道一樣，沒有分別。班球炒麵最抵食，魚塊厚，又新鮮。泊車方便。兩點午餐不用訂位

那天在関財記 買了四人份量海鮮 約1400左右 包括 聖子皇、龍蝦、蟹、象拔蚌、蝦、扇貝～ 試過幾間 不過代煮比較好食 可說容龍了龍蝦焗出來比較干身 粉不算太厚 味道很好。 因為叫了個象拔蚌剌身 由於佢地冇刺身牌照 所以會有湯 比客 好似打邊爐咁 可以用個湯叫個白飯 做泡飯 不錯。 不過呢間代工比較貴 1200左右 包二個白飯、四 可樂 及一湯 。 味道很好 所以下次還是這間

今次已經係第二次黎容龍食海鮮餐~我地自己係三聖買海鮮，之後行過去容龍都唔駛10分鐘~由於已經預先book左位，所以唔駛等就可以入去坐~ 我地總共叫左8樣餸1) 豉椒炒大蟶子蟶子比平時食的大好多，經烹調後仍然爽口，而且以豉椒炒這個方式煮很入味，好食~(2) 芝士龍蝦(開邊)同平時的芝士龍蝦有少許不同，龍蝦表面的芝士焗到好脆，芝士味非常濃郁，而內裏的龍蝦則好彈牙，很出色的菜~(3) 胡椒薑蔥鮑魚煲胡椒薑蔥味非常濃郁，但由於鮑魚比較細，令到鮑魚過於入味，反而失去了原有的鮮味~(4) 蒜茸粉絲蒸元貝蒜茸味唔夠強，而且粉絲比較乾身，令到元貝味道比較清~(5) 海龍皇湯湯有蕃茄同豆腐菜兩種選擇，我們叫了後者，做法簡單，但味道鮮甜~(6) 特色意大利黑醋骨肉質都算滑，而黑醋味道唔會過酸，味道非常配合~(7) 上湯野菌浸菜苗菜的份量都唔少，味道中規中矩~(8) 福建炒飯份量比想像中大好多，味道都算唔差~酒家奉送生果及糖水，味道都ok~雖然酒家加工費唔算平，但食到這樣質素的菜仍然值得一試~

等待時間勁長！ 每碟食物等20分鐘以上！ 7:23分落order, 8:15都可以未到！ 每次話要出去拿海鮮，間酒樓做什麼？沒有自己食材嗎？ 食物是十分美味，但這個價錢比這個服務，現今社會真的不可以接受！

由於之前食過，味道幾好，於是再與朋友一行十一人買料去容龍食海鮮！總共買了九樣！其中有龍躉炒球同蒸聖子皇！完全五掂！其問題出於廚房個執瑪完全有問題！食龍𧄌最好味莫過於塊龍躉皮，又滑又膠，好有骨膠原，但佢竟然起皮同我炒肉，話炒球系起皮，我食咁耐海鮮真係第一次聽！跟著我追個部長，先炒返十一小片比我地！好明顯系比人落隔！部長仲話可能五新鮮！我啱啱先食完D肉無問題又點五新鮮！因我地系專登買左兩塊皮炒，結果都無埋！理論都無用！另外，個執瑪開完D聖子洗都五洗就去蒸，蜆有好多沙，我無話可說，但聖子皇你要開邊清理先蒸！根本D執瑪求其了事！😩😩味道雖好，但一間好的食館點可能有D咁既錯誤，還說是米芝莲星級！

家庭飯聚,親友偏愛中菜,其中海鮮最受歡迎,與其去光服西貢鯉魚門,寧願遠些少入到屯門,當然所謂長距離,只是對住在市區朋友而言.是次光顧,已是去年十月,到現在方有餘裕記下點滴..週六傍晚由九龍驅車往屯門,道路很暢順,我們先到三聖邨買了若干海鮮,將海鮮交給容龍接待員,隨後再議定烹調方法.是晚菜餚很是豐富:{清蒸花英斑}活跳鮮魚,清蒸最味美,魚肉十分嫰滑.{白灼花螺}白灼後,逐隻挑出螺肉,點上䜴油,最是簡單直接.{蒜蓉開邊蒸龍蝦}芝士焗龍蝦是此店名菜,不過我們更愛輕怡版本,因此選了開邊蒸,時間掌控剛好,蝦肉爽口彈牙,蒜蓉起了提鮮作用,沒有過濃搶去食材天然味道,很好.{䜴椒炒花甲}花甲由於長於沙𥚃面,故此較其他生於泥的蚶肥美.長輩如是説,果然也是,豉椒炒比鹽水浸更俱鑊氣{膏蟹蒸糯米販}蟹熟度剛好,蒜蓉油膏滲到米飯𥚃,精華盡是吸收,盈香撲鼻. {椒塩瀨尿蝦}我對瀬尿蝦一向興趣缺缺,沒有嚐到,不過親友說很香脆惹味.,看顏色外觀不頼.{野菌浸菜苗}其實是雜菌白菜仔

自問不是一個特別喜歡吃海鮮的人,所以對那𥚃好食抵吃,沒有什麼心得,至於外購材料費啊,店內加工費,亦有些不明所以..只曉得吃海鮮,價格質量可以上落差距很大.在有限幾趟本土品嚐海鮮經驗,始終覺得不要浪費彈藥在一般食肆酒樓上,集中火力在頭號叫座,而不介意付出多少少錢,路程又遠少少的專門店上,你的失望感隨時可能有機會減低一半!屯門容龍,首次光顧,驚艷;再次光顧,依然沒有失望;只要海鮮買得夠新鮮質量好,容龍師傅們在烹調方面沒有太多的失手.家人說容龍前身是容龍別墅,有錢人府第,在該區很出名;改建後成星級食肆,十分火紅,週末訂枱要預早至少兩個月.我們是次同様揀選週日,店子當然爆滿.把從三聖村購來的海鮮材料交給店員,確定了烹調方法,就只有在熱鬧的環境下靜候美食了.首先端來是{菠蘿咕嚕豆腐}這道菜是每次必吃之選,看外型是布包水浸豆腐,豆腐嫰滑,外皮粉漿炸得香脆可口,甜酸汁份量恰好包裹所有材料沒有太多滴漏,菠蘿靑椒也沒有太吝嗇,整體賣相口感都一流!{椒絲腐乳炒唐生菜}菜煑有點水水,炒菜鑊氣欠奉,食感一般,故此沒有拍照的勁兒..隨後是{白灼九節蝦}

繼2014、2015連續兩年一班死佬入到屯門三聖村「興記」大擦海鮮，接續依個傳統，2016再豪多一餐 。本來想試吓其他區域嘅海鮮酒家，但大佬話要三戰三「勝」全取九分，所以就三戰三「聖」。不過，嚴格嚟講，今次唔算完全喺「三聖」之戰，因為，改改策略，先去有香港築地之稱嘅荃灣楊屋道街市買海鮮 ，再入三聖村斜對面山丘之上嘅「容龍海鮮酒家」，依間嘢都喺有死佬試過嘅推介。未講酒家，就直擊吓晌楊屋道街市嘅實況，街市樓高四層，地下全層主打賣海鮮，所以幾十檔，人頭湧湧 。而且，叫得香港築地，檔口多之餘，價錢比晌三聖真喺平平平一大截。好似啲美國桶蠔，對比舊年食評嘅資料，三聖賣$160（大桶），楊屋道賣$85（大桶），質素一啲都唔差；東星斑晌楊屋道斷條賣，條條兩斤幾，一條先$350，但三聖要$380一斤喎 。不過，瀨尿蝦最後都返去三聖買，因為行勻個街市都喺細隻咗啲，唔夠睇頭，但三聖買真喺好貴。順便介紹吓楊屋道街市嘅「陳女東記」海鮮（兜到我都唔記得佢個位置，大概正中間），睇勻咁多間，依間海鮮鋪真喺選擇多多，平價 、貴價都有，覺得取價公道，而且，啲店員好好相與，又唔介意我哋影吓相，最鍾意喺佢哋明碼實價標

老人家話想食海鮮，自上次起就愛上了容龍了，再次來到都沒有失望。先係三聖簡左一堆海鮮，有埋送貨服務先黎一個琵琶蝦，肉質其實同龍蝦差不多，不過本人就覺得俾龍蝦好味，更煙韌，更有咬口，啖啖都係肉，帶出曬佢既鮮味第二度送就係 砵酒焗蠔 呢個一定要食，個汁好好味，我地買桶蠔，大大只，啖啖肉，超正，香香甜甜既汁，真係想汁都 我地仲叫左半只鵝，雖然有點瘦，不過個皮燒得好靚，好脆，點埋個汁食一流呀，香脆多汁。好大只既聖子呀，估晤到煮完出來一點都不韌，仲好爽口彈牙潻本人都係覺得蒜蓉清蒸係最好味嘅 今次叫左整蒜蓉清蒸龍蝦，正，鮮味出曬黎，加埋肉汁，無得頂就算呢個係送既雜錦海鮮煮成湯都超清甜，無腥味，飲多幾碗都晤怕，仲有菜食，吸晒啲海鮮汁好好味，連豆腐都來個薑蔥鮑魚煲，不得了，超級香，鮑魚爽口彈牙好新鮮，又易咬口，再加上薑蔥一齊食就更香口，又可以清清一下你個口，正。 最後來一個鹽焗奄仔蟹，咸咸地既外殼，內面超多告，好似食梗大閘蟹咁，超鮮甜，都係必食之選 最後最後仲有糖水同西瓜送，就連普普通通嘅紅豆沙都煮得超有水準，粒粒鮮明紅豆，好有咬口，又唔會太甜，剛剛好，西瓜都超級甜，大讚。 今晚真係吃得超滿足，可以

我家嘅老人家最愛食海鮮。知道呢度整海鮮整得不錯。所以就帶她黎呢度品嚐一下😌我地自己先買左海鮮，自己買，可以揀d生猛d😁。買完海鮮就再去酒樓。蒜茸粉絲蒸蟶子👍🏻👍🏻(圖嘅左上角）識食一定係蒜茸粉絲蒸😌既可以保持海鮮嘅鮮味😊同時又可以夠惹未😋👍🏻聖子夠晒鮮甜，又無沙。粉絲其實都係主角。索哂海鮮嘅鮮味，連埋蒜茸一起放入口，真係好惹味！👍🏻芝士焗開邊龍蝦 (圖嘅右上角)我見個個人話黎容龍一定要食呢個芝士焗開邊龍蝦。呢個亦係我地今次黎嘅原因。但可能我地期望太高，結果有點失望😐龍蝦肉有點"煤"，但去買海鮮時明明係好新鮮。食左半隻後已覺得好膩。又不太食到海鮮嘅味道。上湯琵琶蝦👍🏻👍🏻👍🏻（圖嘅左下角）我從味食過琵琶蝦，是我家老人家揀海鮮揀的。佢話琵琶蝦係好鮮甜的。我無諗到原來真係咁好味😋確實驚喜☺️一咬已食到勁鮮甜。而且仲要啖啖肉，肉質又彈牙又juicy😋,一點都不會韌👍🏻我覺得比龍蝦好食好多上湯時菜(圖下嘅中間)無諗到有咁大碟,而且又唔會油，亦唔會太鹹。菜亦夠嫩👍🏻砵酒焗桶蠔 👍🏻👍🏻👍🏻👍🏻（圖嘅右下角）蠔加入砵酒包在錫紙裡焗，一揭開張錫紙d香氣撲鼻😊。大家都不禁發出"嘩"的一聲！蠔焗得夠乾身，但

屋企人想食海鮮，又唔想入西貢甘遠。見依間係米芝連既酒家，一於試下。早大半個月預約左6點。我地係三聖買完海鮮就行去。不過上去要行一條好斜同長既斜坡。有老人家行上去既話就辛苦點。砵油焗桶蠔：上枱時用錫紙包住，一打開錫紙香氣撲鼻。我地買既桶蠔，佢地煮完唔會縮水，得返細細粒。原完保持返未煮時既size，入口好多汁,蠔既表面又有點脆, 時間控制得好好豉汁炒蟶子皇：其實我有點怕食蟶子，因為怕佢會煮到好un。媽咪想食大蟶子, 所以買左大味道剛剛好，不會太咸搶左蟶子既味，蟶子仲好嫩好滑。芝士焗龍蝦：此店得意之作，但屋企人反而覺得一般。因為依只芝士焗完之後，係硬身唔係軟身。本人覺得唔夾龍蝦肉，芝士味有點蘇味。蓋過左龍蝦本身既鮮味。下次用返上湯煮會好好多。椰皇燉蛋白：好香好清甜，唔會太甜。食完蛋白仲食埋入面既椰肉。不過等候時間耐左少少紅豆沙：不會好水，好足料，唔會太甜。紅豆夠淋。

相約好友（6人）吃了一頓豐盛的海鮮晚餐。地點選擇系屯門容龍酒家。平時都會系三聖村買海鮮再系酒樓加工，今次有朋友去了荃灣楊屋道街市，之前都有聽聞這街市有很多又平又靚的海鮮買！海鮮種類有8樣，辛苦曬他們的預備！豉椒炒聖子，火喉有小小過火，但味道不會過燶！醬爆鮑魚，這個同我們想像有點出入！仲以為原隻上，下次會問清楚！砵酒焗蠔，超肥美，帶有微微的酒香！但食落有小小沙，美中不足哩！芝士開邊焗龍蝦，這處的招牌菜。焗起的芝士很燙口又脆身，白雪雪龍蝦肉十分彈牙，簡直有點魔鬼同天使的混合體。油鹽水黃金蜆，上湯有唐芹，葱，疆絲同埋粉絲，很鮮甜。清蒸海班，朋友説老虎班，肉質不會過鞋。鹽焗奄仔蟹，用這方法烹調，令到蟹膏更香濃。蒜蓉粉絲蒸元貝，元貝size 都很大。不用説吧，蒜蓉粉絲更好吃。上湯莧菜，菜分量都不少，更喜歡油份更少！啫啫通菜，可惜上枱一點也不啫啫！送的蓮子紅豆沙也絕不欺埸，很足料！原個椰皇蛋白燉鮮奶，清甜又嫩滑。楊枝甘露布甸及蓮蓉西米焗布甸這兩個是朋友的！他說楊枝甘露布甸，料子很多，還加上很多的芒果。海鮮料子買在＄1233，加工費（菜及甜品）＄1440，每人＄446。價錢同平時差不多，可能平小小，