容龍海鮮酒家

營業中

休息中

一向都鍾意食海鮮,今次同朋友聚會決定黎食下,呢度都要預早d訂位,星期日食實爆...佢最遲booking係7點半,今次帶左幾支酒黎,初初睇以為40蚊支開瓶費,點知...係80蚊支呀...最後都開左3支...我地自己係三聖買海鮮黎加工 (6款買料買左1000蚊,加酒樓叫龍蝦)老實講,呢度既加工費就貴d既..比起海天,名門應該還要貴d,不過我覺得佢又真係整得幾好食...真係一份錢一份貨...油鹽水浸花甲, 好多芹菜同粉絲,清清地,花甲又新鮮,不過係芹菜多左d姐,都唔錯既...蒜蓉粉絲蒸扇具,呢樣都基本上係膽黎,唔落豉油,靠本身海水既咸味都已經夠味喇,又唔太油...ok丫盬焗奄仔蟹,焗得乾身岩岩好,又唔太咸, 好多膏呀,又多肉...正正正...砵油焗桶蠔, 用錫紙包住上台打開...好香呀, 我地買既桶蠔又夠肥美,佢煮得好野味,好juicy,蠔邊又少少脆,好好食,將蠔味帶出又唔會太濃...好食豉汁炒蟶子皇, 我地買左大蟶子,唔會太多"獻",味道調得適中,有聖子鮮味又有香豆豉味...芝士焗龍蝦, 呢個招牌就要叫黎食下既, 不過都越黎越貴呀,今次要三百幾蚊隻,金黃色既芝士面,好香,龍蝦本身都好新鮮彈

If we say New York is a landmark for United state then "Cheese crispy baked lobster larvae "must the most welcoming dish in this restaurant .It cant be described by words that how mouth watering this dish is .It simply carries the name of this restaurant as a leading position among seafood restaurant .Although the price is certainly not cheap at all , it is expensive but i think it worths it , first it enjoys great reputation and the lavish environment it has is something old generation prefer l

If we say New York is a landmark for United state then "Cheese crispy baked lobster larvae "must the most welcoming dish in this restaurant .It cant be described by words that how mouth watering this dish is .It simply carries the name of this restaurant as a leading position  among seafood restaurant .Although the price is certainly not cheap at all , it is expensive but i think it worths it , first it enjoys great reputation and the lavish environment it has is something old generation prefer

    難得幾個朋友仔一齊放假，最好就約埋去飲下茶啦！     容龍別墅聽就聽阿爸講過，但就未去過，咁啱朋友仔住嗰左近就約埋去飲餐茶！一行四個人，隨住青山灣花園條斜路行上去，其實只需要五分鐘路程。     行到上去見到一個好大的牌匾，寫住容龍別墅！門口仲貼住係2014年米芝蓮推介的餐廳。咁就更加要試真啲！餐廳响2樓，而樓下兩層都係停車場！     因為我們係平日而且都比較晏去到，不用等位，環境方面餐廳呈長方形，旁邊有一列的落地玻璃窗，可以見到窗外海景，環境相當優美，而且相當光猛。可能人客不算多，可算安靜，很久沒有試過可以咁靜局地嘆下茶！   食物方面！蝦餃，燒賣，鳳眼餃，义燒腸，米網腸，鳳爪，排骨，春卷，咸水角，义燒餐包，奶皇包，龍蝦汁鮮竹卷，醬汁牛肚！    首先一讚食物應該係即叫即蒸的,因為大部分蒸的食物都係一齊滾熱辣上枱嘅，最有驚喜係米網腸，腸粉皮包住脆脆嘅米網，而內涵仲有蝦添！食嘅時候米網依然很香脆，好好味！而另外一讚嘅係义燒餐包，絕對唔係貴價點心，但一樣有高水準，皮薄，沒有過多的汁，义燒亦很好味！   而其他食物都在中上水平，價錢方面亦唔算貴！待者服務亦有禮，最難得就係環境清

通常一般獲米之蓮星嘅餐廳都係普普通通，可能因為咁所以我都無乜expectation, 亦因此覺得原來哩度嘅食物質素都幾ok喎！我地叫咗5個餸，有咕嚕豆腐(普普通通OK 啦)，銀杏百合蜜糖豆 (百合好新鮮，唔太油，幾好)，容龍牛柳 (其實即係中式牛柳，不過佢地用靚牛柳，好有牛味，而且幾厚肉！), 煙燻倉魚沙律 (雖然哩個餸係喺佢地十大signature dishes 之一，但以為佢地專登整哩個餸畀外國客人，點知佢地又煙燻得恰到好處，唔太濃味，有時d餐廳會煙燻到煮燶咗咁架嘛，但佢地控制得好好), 最後一個餸，嘩，等咗一個鐘先有得食，就係蒜蓉排骨蟹肉糯米飯喇！等咁耐係值得嘅，隻蟹好新鮮，又多肉，糯米飯加蟹汁一齊食好味到不得了！！！講明先，我地係平日星期三去食晚飯，唔知星期六日會唔會因為人多好忙而質素有差別架。服務不過不失，但可以改善。總括來講餐飯好有驚喜，哈哈！

粤語片的男女主角，經常到新界遊山玩水，其中一處取景場地，便是容龍別墅。原來不經不覺，今年容龍已踏入七十五周年，店方還舉辦了慶祝晚宴，供賓客購買席券，小弟有幸敬陪末席，隨波士赴宴。是晚筵開二十餘席，賓客可先到偏廳，在舊容龍別墅佈景板前拍懷舊照留念，而掛牆電視亦不停播放多位粤語片明星在容龍拍攝之片段，有南紅，胡楓，謝賢，薛家燕，芳艷芬，羅劍郎等等，令人發思古之幽情，又慨嘆香江滄海桑田，景物之變遷。店方又請來樂隊助慶，男女司儀妙語如珠，惟舞蹈員太切合懷舊時代，表演舞姿不合現代人欣賞，中場有香港舞王之稱的麥德羅獻唱多首懷舊金曲，勁歌熱舞滿場飛，與衆同樂，氣氛很好。每席收費八千餘元，絶不會來單看表演，且看這晚菜式如何？鴻運乳豬全體，皮燒得脆，皮下脂肪不多，肉質也嫩滑。鮮果大蝦西沙律，以薯仔，青瓜粒等墊底，伴以鮮果，大蝦，上面以蛋黃醬喞成網狀，有懷舊feel ，味道尚可。野生松茸泡帶子，有露筍，茶樹菇和松茸炒帶子，珍貴、芳香、爽甜，當然比西蘭花伴矜貴，帶子厚肉鮮甜。生扣四頭鮮鮑魚伴花膠，以砂鍋盛著，鮮鮑魚個頭可觀，以蠔皇茨扣，煙韌入味，雖不及乾鮑味濃，但也吃得過，花膠厚身有嚼勁，以刀义品嚐，要細意

八月份有好多老友生日，今晚就一行六人當中有兩位是本月壽星祝賀生日，選了曾在此晚飯的容龍海鮮酒家，濶別一年，它已晉升為米芝蓮推介食府。我們先到三聖邨海鮮街購買海鮮便向容龍出發，ORDER 當然要試下招牌菜芝士焗龍蝦、奄仔蟹蒸糯米飯、 砵酒焗蠔、鼓油皇大蝦、薑葱鮑魚煲、白灼東風螺、蒜茸粉絲蒸蟶子、椒絲腐乳唐生菜。一如既往，好快廚房就將海鮮煮好送到我們枱。芝士焗龍蝦依舊美味可口奄仔蟹蒸糯米飯-飯上沾滿了蟹羔和蟹油，真是色香味俱全鼓油皇大蝦-不過咸，味道適中其他各菜式均有一定水平甜品-紅豆沙比起糖水店的毫不遜色，椰青燉椰皇好濃郁的椰青水味道，可見份量十足整體服務員的招待十分殷勤，單是換碟子已經有五、六次了，四面環境都是本地食客，令人感覺舒適。

個日媽咪生日，就諗住車佢去食d好嘢，聽人講容龍米芝蓮都有上榜，所以就諗住去試下。就算平日星期三夜晚去食，都係要預先book位架。個門面好有氣派，係成座別墅咁，好有住家菜feel.第一次食就叫咗d招牌菜，有芝士焗龍蝦、大澳唐生菜、糯米蟹飯、乳鴿。龍蝦其實兩個人一隻已經夠食，裏面d肉好甜，外層既芝士好脆，兩個夾埋一齊好入味；生菜好多汁，配飯一流；糯米飯有原隻蟹，蟹肉鮮甜，同埋好大盅，一定夠一家人食。最後我哋仲切咗之前請佢哋幫我雪住先既蛋糕，又唔收切餅費，真係幾貼心。下次屋企聚會都會再嚟過！

容龍午餐裝修同空間感不錯今次沒有點海鮮先來牛展、海哲，味道不錯叉燒多淋，但無肉味炒飯配料夠但味道不突出蝦餃可取，蝦夠彈腸粉、燒賣普通XO醬炒羅白糕，醬不香，羅白糕味道普通。鳳爪味道有點怪牛肉球沒牛味羅白糕味道普通應該跟炒的相同春卷沒特別燒鵝出色，皮香脆，又有肉汁

今日頌伊想同埋佢媽媽去遠少少食飯，就同佢地去左屯門容龍，見到大門停左好多車，仲以為要等位，好在唔使!門口見到Michelin Sticker, 感覺應該不錯。蒸魚十分好食，一d都唔會過火喉!鮑魚就都係咁... 因為本身就無咩味道，住左地球咁耐，都唔明佢點解賣咁貴...貝類都十分大隻，鮮味十足!!! 10個like!瀨尿蝦都好食，一樣係十分大隻，肉質細滑，一食就知好新鮮!糯米蟹飯係waiter 大力推介既菜式，糯米飯充滿蟹既鮮味，的確不錯!  下次黎都會再食一次~

去容龍每次都是訂了位先去，去前到三聖海鮮市場買定海鮮。這次也不例外。看食評這裡的食家大多推薦 芝士焗龍蝦，他們做的芝士味道剛好不太濃，食到龍蝦的新鮮味，可以一試。最值得一試的是糯米蟹飯，蟹肉新鮮彈牙，蟹膏香口。陪上做得不會太湿的糯米，口感剛好。值得一讚。

星期日帶埋BB入去容龍同爺爺嫲嫲飲茶。今次老公點了個「日本釀茄子」同紙米腸粉卷，非常好味道，令我到現在仍記得那個味道。可惜，其他點心真係平平無奇，好一般。日本釀茄子，煎得剛剛好，外皮有小小脆，釀料又夠入味，而且外形非常可愛。XO醬煎腸粉，只有顏色，真的食不出有任何味道。流沙奶皇包，這個都做得不錯，流沙不會過甜。燒賣，加上了元貝同帶子，但竟然變得沒有味道。紙米腸粉卷，真的非常之好味，口感脆脆地，不用點醬油也十分夠香口。讚！！百花釀魚肚，不過不失，沒有特吃感覺。最後係生粉糯米飯，一向對他們的小炒好有信心，但今次有點失準。漏單不在話下，之後等了9個字再追，所以可能係咁既原因，師傅有點失準。個飯真係麻麻地。

之前見食評個"芝士焗龍蝦"好靚又講到咁正依日約埋表弟一齊去食食店比預期爆場~而且都幾嘈下!! 服務生又唔足夠要order小菜/搵服務生都要一等再等"手烤BB乳豬"皮層夠脆口~但味道偏鹹..乳豬仔脂肪層好肥厚~醃料味道濃而帶膩"豉汁炒蟶子皇"豉汁夠濃郁~蟶子炒得好嫩口"砵酒焗蠔"無酒味..蠔肉帶韌身"香蒜排骨糯米蟹飯"蒜味香濃~蟹肉非常新鮮彈牙伴上排骨..味道有點失色糯米飯較濕..比較笠口"辣酒煮花螺"辣酒醬汁好薄弱~香辣唔夠濃!! 酒香味亦欠奉"香濃芝士牛油焗龍蝦"炸得金黃香脆..賣相非常靚但比預期失望..因為炸粉太厚食唔到芝士味龍蝦肉好新鮮彈牙"特色意大利黑醋骨"醋味夠香..但肥瘦較為肉膩感"啫啫腐乳通菜"..菜夠脆嫩但又係偏鹹整體食物比預期失色~服務生不足..環境亦較為嘈雜

星期日， 找地方飲茶是件痛苦既事。所以我地寧願去一些貴D既酒家，也不要找那些平價但要排長龍既地方。這個星期日，我地便到容龍飲茶。可能太早，所以我地一入去都未有人， 我地可以隨意選位，合晒我地既心意。 來咁多次容龍都係晚飯時間， 第一次飲早茶， 所以真係不知到底KEEP不KEEP到晚上既QUALITY。結果係....不可以說不好食，晚間太出色了， 午市令人太期待， 所以會有點兒失望，尢其點心部份。最后叫了一個瑤柱蛋白炒飯是齊天最出色的。 可見佢地既小炒部份是比較出色。【XO醬炒腸粉】﹣ 色OK，香同味都不足。 失色。【蒸蝦腸粉】﹣ 鮮蝦沒有味道，應該是用不新鮮的雪藏蝦，之后過度解凍做成沒有了蝦的味道。﹣ 腸粉皮厚度適中，不會過厚或過薄。不錯不錯！ 【豆苗餃】﹣  豆苗當造，好有豆苗味，加上皮夠薄。非常好食。【叉燒包】﹣  叉燒包內既蠔油只有咸味同好深色，但不夠蠔油香味。﹣  包皮尚算OK。﹣  整體不太突出。【糯米雞】﹣  加有了瑤柱，同咸蛋， 好好味。加上糯米夠淋夠汁， 每一口都有汁混在一起，好有味。好食。【菜心】﹣  煮得太長時間，有點過淋，沒有了菜心的新鮮口感 【瑤枉蛋白炒飯】﹣

是夜本大王既生日, 大王左扭右扭都唔知想食咩。去左屯門團團轉, 轉到成8點鐘真係頭都暈埋。走左去三聖先發現要自己帶海鮮去, 夜媽媽真係唔好攪我。最後英明既我就決定掟個靚灣上去容龍別墅。生日同大王去別墅,好浪漫巧刺激喔 ! 成楝別墅古色古香, 係香港真係買小見小; 可以當上一課歷史堂。一心以為會有好多自由”人”, 估唔到今次陀地佔多。地方大加上有露台,感覺好似去左粵語殘片同寶珠姐HIGH TEA 緊。ORDER 當然要試下招牌菜芝士開邊龍蝦、蒜蓉蒸蟹排骨糯米飯、 砵酒焗蠔同菜。服務殷勤,食物亦上得快。砵酒焗蠔 --- 本人認為真心抵, 桶蠔咁大入晒味之餘又不失鮮甜, 而且煮得夠乾身, 証明蠔夠新鮮芝士開邊龍蝦 --- 好特別,唔係西又唔係中式, 芝士焗到金黃卜卜脆,略略咸左少少同熱氣左D。龍蝦肉爽身實肉鮮甜。正 !蒜蓉蒸蟹糯米飯 --- 對兩個人黎講真係好大兜, 好彩大王係可以成個宇宙都食得晒既人。超多既蒜蓉簡直係留芳百世, 蟹、排骨、糯米真係好夾。糖水方面, 杏仁茶係超級失望, 啖喵喵。紅豆少就不過不失囉~總結: 貨真價實, 必定再黎