富東海鮮酒家 (已結業)

今天與朋友到東涌渡假，所以來到這家酒樓先填肚lunch時間人都真多，所以要一早到搵位大夥人今次只用每人$40便可以吃得飽飽走人所有點心味道都一般不過值得一讚的是，點心很大份，平時的酒樓都係小小的這裡的馬拉糕很大份，填滿了整個點心寵，而且很鬆軟，甜度適中，不會太淡，好味！另外這裡的菜肉包包身就太厚，內涵就很小，而且汁不太多，雖然飽肚，但就欠缺了味道腸粉一向不會是我的最愛，這個叉燒腸的皮不算很薄，所以不會看見半透明叉燒也不多，而且味道不算太濃，要靠是油才有鹹味呢！小寵包叫了一客，外相幾特別，但真的太細小，汁不多，雖然吃了一個，但不太嘗到真正的味道

星期日喺大嶼山某泳灘游完水, 途經東涌已經是三點幾, 大家都有點餓所以在機鐵站附近找食肆解決咗先, 搵到呢間在隔離村的海鮮酒樓試下下午茶先,內部裝潢一般, 點心都可以的, 小炒價錢不太貴質素也算不錯,是日試食了以下點心:鮮蝦菜餃- 用料的蝦肉爽口彈牙, 菜茸也不少呢煎堆仔- 外脆而內裏軟糯甘香, 扺食鼓汁蒸鳳爪- 醬汁不太濃亦不太淡, 鳳爪軟硬適中牛肉球- 又幾好食, 有少少咬口鮮竹卷- 個汁不太多亦沒有太杰身嘅獻汁,OK咖哩尤魚- 唔識評論因為己唔”好”呢味腸粉- 味道一般,粉皮都幾烟靭下豬肉炒河粉- 這是一個乾粉牛河嘅豬肉版本,不過炒得唔錯,沒有太油膩,重有幾條菜仔伴下唔使咁寡啦,讚整體點心同炒河質素幾好, 雖然員工態度較為散慢, 但收的價錢平易嘛,好難要求咁高嘅

一班朋友入ＣＡＭＰ玩，諗住食完飯先去買野，咁佢地提議話去呢間食午飯～星期六多人要等係正常，但係等到派枱喇～～～行到一半，個個帶位的人突然話張枱俾人坐左，跟住９秒９跑走左。。。掉低左我地成班人企係酒樓中央位置囉！！！！完全唔知想點！！！我地只好問番侍應張枱係咩邊，咁咪自己行過去囉。行到去有班地盤工人坐低左囉，咁一係你就安排我坐另一張枱，一係就叫我番出去等囉～～完全不知所謂！！之後我地只好自己係入邊等到其他人離開才能自行入坐。。。之後其他侍應都不太理會我們，我們只好叫主任斟水，執枱同埋單～～侍應態度仲差過快餐店，完全唔似係一間酒樓應有的水準～～仲要為左開電視而撞開我張椅子！！！真是不能忍受！！食物方面，我們叫了：煎堆仔，芋角，炸両腸，鳳爪，雞扎，炸多春魚，煎薄餅，魷魚，金錢肚，魚香茄子燘米，還有沒來的排骨煎堆仔：難食，感覺是份量錯配了，沒有ＱＱ、香脆的口感，反而有糊口而同不新鮮的感覺芋角：可以，但不太新鮮炸両腸：普通，炸両不脆反淋。。。或者食過一間好的，便覺得它很普通吧鳳爪：得５隻，唔夠分，冇食過～雞扎：普通，至少沒有難食的感覺炸多春魚：粉漿厚到似同條魚著羽絨～～厚到不得了。。。煎薄餅：應

入東涌探朋友，順便吃埋晚飯才離開，人家次次都請我去酒店用餐，實不好意思。反正只得兩個人，求其找間酒樓吃點小菜便可。與其去幾個大品牌的連鎖店，倒不如試試富東村的酒樓，更感興趣。環境比一般的屋村酒樓舒服些，起碼擺檯不會太密，空間感充裕一點。點菜方面，就由主人家話事，我樂得清閒。想要的炒龍躉球，售罄，改要了炒斑球。本人懶，幾鍾意這味餸，因為啖啖肉，不會吐骨。這裡的出品，至少肉嫩，沒有雪味，醮上蠔油，味道總不會差；可惜西蘭花是太硬了。另有咸魚雞粒豆腐煲，上檯時沙沙聲，咸魚香撲鼻而來，很對路。豆腐又香，夠晒入味；雞粒不韌；咸魚更加是我的至愛。這味菜，夠濃味，最好送飯，所以每人也點了一個白飯。眼見檯檯都來一味羊腩煲，我地都唔執輸。只覺羊腩太韌，要花點力氣才咬得動，不過這幾天天氣轉涼，吃一煲暖笠笠的羊腩煲，也真不賴。後來，我們再加一籃菜去滾，幾滋味。店方更送上紅豆沙，雖不算相當出色，至少也有充足的紅豆，不會只得個甜字，不另收費的，可以接受了。邊食邊傾，談起了一些事情，馬上行動。

星期六的早上，難得爸媽一起放假，便趁機到樓下的茶樓飲茶，享用一盅兩件當作Brunch，省卻在家料理早餐及午膳的功夫前陣子我們家都習慣到夠遙遠的稻香飲早茶，貪佢新開，特價點心種類多，而且平!可惜近日稻香一如各交通工具一樣運用可加可減機制調整了價錢，而相反富東酒家推出了新的特價系列，令兩者價錢相距拉近，為了節省移動成本(腳骨力)，我們便選擇了就近的富東作為普羅大眾市井小民，當然要在特價時段光顧啦，我們9時多便來到，人客不算很多，所以環境尚算清靜。我們一行3人獲分配一張6人檯，當然是坐得舒舒服服地，而餐具椅桌均矛人几明潔淨的感覺，環境方面確實是勝另一酒樓一籌由於已光顧多次，點心紙的內容已十分熟悉，迅速劃了點心紙，點心亦快速上桌。特價孖寶(HKD39)chopstick:-包一個迷你盅頭飯和2款各2件的點心，並免一人茶錢加一。我們要了鳳爪排骨飯，叉燒包和燒賣。鳳爪排骨飯水準中上，飯粒分明，入口亦香，唯排骨選用了夠肥的部分。叉燒包和燒賣不值一提，普通過普通。生菜魚雲(HKD18)-大大碗的生菜魚雲，鯪魚球彈牙爽甜，生菜亦清甜，唯湯頭下了較多味精，表現還可接受。豬紅瘦肉粥(HKD9.5)-不算太大

送完小伙子機後，整個下午在東涌的屋苑流連，直至晚上。酷熱的天氣令人感到疲累，沒甚麼胃口，倒想吃點清爽的，於是又想起冬瓜盅。走到這商場盡頭，見到這間酒樓有冬瓜盅，還要是在做特價推廣，$38 一個，週末加二十元，都是 $58，怎可錯過？三人速速入內，雖是週末，但卻不用等位，甫坐下，部長立即推介冬瓜盅，說如喜歡的話要先落單，以免向隅，那便先點一個，再看其他。我本想點兩隻鹽焗軟殼蟹嚐嚐，但太座怕熱氣，反對了，而小妮子想吃點酸咪咪的，鳳梨咕嚕肉 $48 就最理想不過，再加一個南非鮑片菜膽 $68 便夠。冬瓜盅是中型大小，材料有帶子，蝦，雞粒，蓮子等，瓜身燉得夠火候，瓜肉晶瑩通透，瓜湯清甜，消暑一流。鳳梨咕嚕肉，味道和炒功不及「得龍」的肉香外脆，但作為炎熱天氣下佐膳，也真不賴，顏色亦沒有嚇人的螢光。南非鮑片菜膽，估計是鮮鮑片，鮑魚味不濃，較似吃海螺片，煙煙韌韌，蠔油汁茨調較得好，小棠菜也煮得恰到好處，爽口。飯後送的紅豆沙真材實料，除有起沙外，亦有紅豆粒，一咬即散，及充滿陳皮味。這店的水準是不錯的，下次會再來。

真係好激氣我晚上八點鐘去到, 即刻叫左個羊腩煲,同時叫左個魚香肉鬆茄子煲,個羊腩煲好快到,我隨即叫左碗飯,響我食無可食,連個羊腩煲就食曬(淨番3舊羊腩),碗飯同茄子都未到,跟住我就叫個侍應跟下,格左陣,碗飯終於到!!!但茄子重未到!!!!我地問點解啦,個部長話: "我地個同事落錯左,以加同你落番。" 甘我就話:哦,唔緊要啦!" 五分鐘後跟住碟送黎到,點知唔係茄子,係頭先佢話落錯的個碟送!!! 個部長話: "幫下手, 食左佢啦!" 甘我就話: "我皮膚敏感,唔食得雞架。" 個部長重要繼續逼我食左佢,我就黎無耐性同佢講野,佢feel到我開始生氣,佢就話幫我落過!!! 原來佢一直無改!!佢想將錯就錯逼我食!!! 禍係佢地闖,點解要我去承受佢地的錯!!好離譜!!! 我等到九點十五分,足足個幾鐘!!!我趕時間,第二日要番學番工,甘我叫埋單啦,個部長阻止我埋單囉!!話個送就到!!我真係唔想再曬時間,況且我等左甘耐,成肚氣,咩都飽啦!! 去到收銀部先發現原來佢地根本無落單!!!真係好唔想埋單!!好唔憤氣!!以後都吾會食!!個度有幾個女部長, 對D男侍應特別好,今次就係個男侍應落單有問

又要到東涌一轉，想去環境較好的聯邦，為了遷就人，就去了鄰近屋邨酒樓。雖然是屋邨酒樓，點心價錢絶不街坊價，相對午市優惠套餐較抵食。其中有一個超級無敵套餐，有4款不同價錢選擇，每款也有小食、飯麵、小菜各一。我揀了其中一款有叉燒拼鹵水豆腐、咸菜鴨絲炆米、濃湯浸時蔬。叉燒拼鹵水豆腐-有點奇怪的配搭，不過兩者都是十分喜歡。叉燒肉質嫩滑不乾不嚡，蜜味非常。而鹵水豆腐不是潮式的，似是炸豆腐，炸得又熱又脆口。咸菜鴨絲炆米-除了咸菜外，還有豆豉令炆米更惹味，米粉炒得乾身爽口。濃湯浸時蔬-湯底的味精不重，又帶點蒜子的香氣。另外叫了幾款點心，蟹子燒賣、九菜餃、雞包仔這三款最好。壽包-包皮較硬身，寫明是蛋黃壽包，裡內只有丁點的蛋黃，缺乏香味。上湯豆腐餃-餃皮太厚，也找不到豆腐蹤影，原來它是用玉子豆腐的。黑芝麻煎堆仔-外層很鬆脆，糯皮很煙韌，但芝麻饀不夠多。皮蛋瘦肉粥-這個是最差的，入口已經甚重味精，材料又少，只有幾片薄薄的皮蛋，粥底更沒有綿密的口感。4人食了$280，在屋邨來講不算平。

送完機，一家人在翔天廊遊逛一會，再乘巴士返東涌飲下午茶。東涌酒樓沒太多選擇，近近地來了這間富東。時值下午 1 時 45 分，剛是下午茶時間，坐下後看看餐牌，下午茶的點心價錢貴到飛起︰小點 $13.8、中點︰$15.8、大點︰$21.8，媽媽計過數後，還是覺得叫套餐最抵。該套餐包了燒味拼盤、臘味茸菠菜、4 籠自選點心和福建炒飯。燒味拼盤︰這碟普普通通，燒鴨、叉燒、油雞，每樣皆不覺出色。臘味茸菠菜︰一個字「鹹」，同多幾條仲覺得滯。4 籠自選點心︰要了叉燒腸粉、沙爹金錢肚、雞扎和瑤柱豆苗餃，水準全屬中下，腸粉餡少，粉又厚身，豉油超鹹；沙爹金錢肚變咖喱，都係好鹹；雞扎冇食；瑤柱豆苗餃暖的，吃不到瑤柱，餃皮好似潮洲粉果咁厚。福建炒飯︰這碟要算是較好，但濕炒個茨汁太杰，飯分量亦少，變咗飲汁。

去昂坪360 遊覽完後, 下午三點三到東涌歎下午茶 香煎馬蹄糕@甜甜地, 都OK嘅 香煎蘿蔔糕@冇蘿蔔味, 三件中只有一件有煎過中式炸春卷@脆卜卜, 味道唔錯, 仲叫多一碟 咸水角@新鮮熱辣, 正~ 豬紅瘦肉粥@味精粥+二粒豬紅, 冇瘦肉 魚茸燒賣@即鯪魚肉球, 一般啦!燒鴨檬粉@來到是燒鴨瀨粉, 湯底好咸, 咸到飲左成二壺茶都唔掂 义燒湯麵@义燒唔錯, 湯底都係好咸~

瑤柱蛋白炒飯好淡。可能呢期瑤柱缺貨，所以唔係好見佢地o既蹤影。廈門炒米，米粉碎左少少。有d 又黐埋一舊咁....味道都ok 啦。蝦餃皮都幾薄，ok。鮻魚球，燒賣，鳳爪，叉燒腸粉，粉菓水準還可以。是次新蒸頭九個人合共叫左8籠點心，2碟炒粉麵。埋單三百幾蚊........算ok啦。

(2006.03.13 晚飯)各位食友請注意, 附圖既蒸海斑只售$38! 驚唔驚?知道這裏是走平價路線的街坊酒樓, 但都無法想像可以平成咁. 其他海鮮、小菜價錢都好吸引. 既然係平o野, 本來亦無要求, 但係奇怪佢地蒸海鮮撰油竟用生油, 一陣油味, 玩咩... 石斑肉質無彈性又唔滑, 無魚味, 唔食可惜, 食又曬力...唉...另外蒸了鮑魚仔, 唔係特價, 但情況仍然差不多, 浪費了本來可以好美味o既海鮮. 叫了一碟燒肉, 三個字講晒: 乾韌鞋, 真係食唔到喇. 全晚最好食係金銀蛋菠菜, 結果我大半餐都係青菜送白飯. 咦, 今餐食得咁健康, 真係要多謝佢地咁用心良苦喎. 飯後送甜品, 係杏仁露, 我食o左一啖, 甜到打o左個冷震, 不得不放棄. 係喇係喇, 甜品唔應該多食嘛, 收到啦. 佢地咁為我健康著想, 直情要感激流涕啦!

尋晚親戚book左間房叫左兩個約二千蚊既全包宴加加改改之後埋單約五千八乳豬併盤西蘭花炒花枝聖子片發菜瑤柱節瓜沙律卷趐龍蝦伊麵青班炸子雞炒伊麵福建飯楊枝甘露壽包樣樣都算大碟,亦幾好味,算唔錯見到出面大廳都有八九成滿,又有大型幕電視特別一提服務我地間房既小姐好有禮貌,又細心有笑容重幫我地分埋蛋糕,打包食物又分得好好寫晒字響盒面讚~!

早茶有個set幾得意，一盎飯/一碗粥加兩個點心。雖然兩個點心都變左迷你版，但都好多野佢既野食都係一般啦反而係佢既環境令我覺得唔自在感覺有d up dup又有d污糟，當然只係個人感覺我都冇親眼見到

唔記得幾時又再來一次dinner，是晚成14人，叫了都幾多，很多菜式的味道已很模糊，所以不欲置評。惟有三味菜記憶很是深刻，第一味是椒鹽豆腐，最好味，脆得外脆內熱，豆腐仲好滑添；第二味是干煸四季豆，甚有川菜館水準，豆煮得夠入味，辣度適中，幾好；第三道是海皇什菜煲，個湯底好鮮甜，大量什菜吸收了湯底的精華，令菜也頓時變得味美：最後記得酒家送糖水，話就話係紫米露同紅豆沙，但來到時才發現所謂o既紫米露原來只是加了椰汁o既紅豆沙！？咁都俾佢諗到，真係要寫個服字！！