富臨漁港囍臨門酒家 (已結業)

晚上10點幾,朋友提意到酒樓晚飯, 原來酒樓係宵夜時段有優惠, 價錢會相對便宜好多. 原本以為咁夜應該無咩人, 點知酒樓都仲係好熱鬧, 有D 人就打邊爐, 有D人都食阿拉斯長腳蟹. 睇到都流口水.我地2個人,但就叫左3碟餸, 分別有:1.     星洲炒米: 唔太辣, 好足料,蝦仁都大大隻, 仲有叉燒唔肥, 炒得唔太乾身又唔太濕, 整體唔錯2.     金銀蛋浸時蔬: 由於無晒豆苗,只可以配菜芯, 味道還好, 如果配小白菜效果可能更好3.     蒸豆腐: 豆腐嫩滑, 表面睇以為好清淡, 但加賣D 豆豉味道更加突出3碟都份量十足, 物有所值, 價錢連賣茶介加一,都係200幾蚊

去了不下十次 今天覺得食物味道稍為淡了點 是晚與遠道回港的親友相聚 於是點了一客龍蝦🦞面底、兩隻乳鴿 和 羅漢上素 食物賣相仍跟以前一樣 漂亮 熱呼呼的但味道卻比以前淡了 不是清淡而是淡 似乎似沒落鹽 不過老實說我是可以接受的 因家人不是吃開素菜而我本人平時進食都清淡 故此淡與清淡對我來說沒有差 另外價錢公道又合理 花碌碌的餐牌多款小菜我都想試一試 可是胃只有一點點空間 在海外多年的家人也很讚這店的這幾款食物 不禁也讚嘆香港是美食天堂 也許是周末的關係 客人也特別多 比以往平日又夠熱鬧～...環境需談不上堂皇 但尚算企理 服務員服務也貼心 女經理也很給力 有禮貌

此乃我第一個食評，因為依間酒家實在欺人太甚，我決定要寫！今年冬至到此酒樓一試，一行9人，坐下後我們詢問有否小菜叫！佢話無！okay其實都預左嘅！咁叫左個圍餐3千幾元！話有coupons送番比我地！500送1張100，即我地埋單有6大張coupons! 氹我地中依個伏！Here we go.....起筷！咦！隔離枱有小菜食嘅？！我地無問番侍應，冬至飯和氣生財好吧！繼續食！埋單！送6張大coupons! 每張100！戲肉來了！3張係12月24至12月31日用，另3張是1月9日到期(咁短時間要食哂？！)。另外，只可晚市用！我們有聲音！我們反映太短時間！當然無人會理會！野已食！錢要比！coupons唔用由得你！今晚！我們再來這個伏酒家，用coupons! 埋單過800，每200可用100，用得4張減400！我以為！！！點知佢話有一張coupon1月1日至9日至！可！以！用！！WHAT THE ? 我地講番由冬至嗰日嗰個侍應話無小菜叫已經是個騙局！佢承認冬至有小菜可叫！話當日騙我們的不是他！我知丫！我認得邊個！往事不提！但現在寫話最多每次可用5張coupons係誤導！根本有時段，時限之限制！講完

是日聽完講座就同家人到附近搵野食，去左長沙灣廣場飲茶。好彩仲有位直接入去，其實都幾爆滿又有人訂左座位有活動。睇完點餐紙就點左兩隻特價野富臨蝦餃皇，奶皇流沙包，之後有點心拼盤，荷香珍珠雞，家鄉煎薄餅，海皇xo醬炒腸粉。富臨蝦餃皇雖然9.8元但無將貨就價，皮薄蝦足。味道好質量高性價比幾高。同樣特價點心奶皇流沙包，味道正常既但得一個性價比好低。點心拼盤有6種點心，紅棗糕都幾好味唔算好甜，蝦餃同一籠一樣，雞包正常野。荷香珍珠雞足料好味道。家鄉煎薄餅好香口。海皇xo醬炒腸粉咸左點同比較油。

難得媽媽今天放假，一於做個乖乖女陪佢去飲茶，我地去左長沙灣廣場的富臨漁港，係荔枝角地鐵站就可以通去長沙灣廣場，落雨都唔洗怕，酒樓位於商場3樓，都算幾大間，座位都幾闊落，中午時間唔太多人，唔洗點等位，可以慢慢坐，食物質素一般，價錢算大眾化，而且款式都幾多，我地兩個人食唔到太多野，叫左3樣野食剛剛好。珍珠雞餡料夠多。粉果比平時的細，但平時只有3粒，這裡有4粒。牛肉球係我的至愛，這個口感唔錯，加上喼汁，味道幾好。

今日經過荔枝角,打算在富臨食晚飯, 坐位好多, 可以坐好多人,我們4個人叫左龍蝦伊麵、薑蔥炒蟹、蒸魚、半隻鴨、炒菜、同一個椰子雞燉湯. 首先講下個個燉湯,味道不錯!湯料十足，雞肉嫩滑! 而龍蝦伊麵方面, 龍蝦都算新鮮 但略嫌龍蝦size比較少! 另炒蟹雖然都新鮮但唔夠鑊氣而且有D鹹, 而半隻鴨都係普通! 上菜速度OK唔會等好耐! 最後甜品有杞子桂花糕送，好好味！😌而價錢方面都好經濟實惠,孖寶都係$198 (包半隻鴨同魚)！

搵日同家人去飲茶，見到富臨好似好出名咁，入咗去，點知啲員工4,5個圍埋一齊傾計，無入招呼我地入座。 我同屋企人坐低左之後，佢哋繼續傾計，應該有半個小時，無人落單。隔離啊婆壺水無曬，成20分鐘都無人理佢，見到枱面好亂都吾汁下。救命，我不會再嚟

中午同朋友來了富臨飲茶，由於人很多都預咗要搭枱～我哋都冇乜所謂🙂叫了蝦餃,燒賣, 炸雲吞、一碟菜還有一個魚香茄子炆米🍆食物嘅質素麻麻地，但嚟到都係熱辣辣，所以都覺得還可以~~但因為我同友人都覺得茄子炆米冇乜味，所以就想叫員工幫我地攞辣椒醬🤔點知叫咗好多次不同嘅員工, 佢哋完全無視我哋😱有啲仲明明見到你舉手，但扮睇唔到行開😓😓可能佢哋真係好忙，但這樣的態度真的有點離譜...最後連同枱的其他客人，都說為什麼想叫辣椒醬都咁難😧😧不會再來

辛苦完一年又係時候，大家圍埋一齊敍吓食餐飯吹吓水，今年選左富臨漁港入到酒家見坐冇虛席，好彩一早訂定枱，唔係就冇枱食飯，當人到齊就叫佢上菜，首先係：鴻運金豬件伴素鵝：乳豬好脆啖啖肉，素鵝熱辣辣脆咯咯發財好市大利：蠔豉好大隻，但味道普通d，冬菇好厚肉碧綠蚌片帶子：蚌片好彈牙，帶子鮮甜，西蘭花爽脆脆奶伴海鮮卷：兩樣都好脆，但海鮮卷好食過炸鮮奶紅燒竹笙雞絲生翅：味道清甜，竹笙好爽蠔皇鮑魚扣金錢：生菜最好味，鮑魚冇乜味，唔知點形容清蒸沙巴龍躉斑：蒸得剛剛好，肉質嫩滑，冇過火唔鞋蒜香脆皮燒雞：味道可以，但皮唔夠脆還有生炒糯米飯、香燒伊麵、精美甜品和合時鮮果。

從來冇寫食評，今日要抒發感情。難得新年一班好友相聚，諗住飲茶食番一盅兩件，賞心樂事，點知開咗茶之後問攞點心紙啦，伙記話今日冇點心紙，有都只係好少，只得枱面兩大張套餐紙。恕我材疏學淺，去酒樓冇點心叫我都係第一次，伙記話你地叫咗套餐，都有d點心可以叫嘅😒，仲話，今日係開工日，好多人嚟飲茶驚蒸唔切點心（重點：咁套餐就整得切囉🤨）茶位已開，食晏時間7個人都唔知去邊搵過第二間食，唯有就範！至於套餐內容，咪同團年飯套餐差唔多囉，人均$250！呢個故事教訓我地，新年訂位飲茶時、攞位入座前，記得問有冇點心紙tick喇！

週末安排 與家人食團年飯 ，已在早前電話係富臨長沙灣廣場訂位，同埋問如果想食圍餐，是否宜家就要講埋，職員話，你宜家講埋啦，當 核對所有資料無誤，就掛線。週末當晚，因為 臨近新年好多人都食團年飯， 當我哋入座後，話已經訂咗圍餐時，職員就說訂位無講明訂圍餐，我已經 重複講我訂位是有講 ，但佢就話冇登記 ，咁我就問即場叫啦，職員話無，你walk in就唔係這個價錢，要食就係原價， 即貴咗1600？？真係唔明白已經訂咗位，咩叫做叫walk in？？因我哋已經入咗 ，所以就轉叫第二款圍餐 ，最後生果就變咗糕點 ，問職員點解冇咗餐單上嘅生果，佢就話冇㗎啦係呢啲？？之後埋單，職員無問有無揸車嚟，我地就主動問有無泊車優惠，職員話有，不過你無問？跟住就話我私人比張泊車飛你啦，我地諗，咩叫私人比張我呀？個停車場你開架？，但當時職員態度極差，唔會 幫襯第二次。 綜合以下幾點 1. 訂位唔清唔楚，就話客人無講清楚訂餐，要食原價， 有欺騙 之嫌2. 職員態度差3. 酒樓要注意吓職員嘅培訓及質素

富臨食過好幾間，始終最好食是長沙灣廣場這一間，店員服務態度好，最近一班朋友10個人專程去食凍蟹，超大隻，非常鮮味，啖啖肉，這個蟹我們是要預訂的，朋友食過返尋味，她們說有其他煮法的，都是凍蟹最鮮味，正，正，正

朝早阿仔早醒，可以準時八點半出門，九點去到荔枝角，十點先上PLAYGROUP。仲有成個鐘，機會嚟啦，飲返個茶先，幾前荔枝角返工都成日嚟呢間飲茶，回味下順便食個早餐。牛肉球不能少，其實最鐘意墊底嘅腐皮，夠林夠入味，加上GIP汁，味道一流。牛肚都係我必點，夠林夠入味，加上墊底嘅芋頭，食下牛肚食下芋頭，又香又棉，再飲返啖茶，坐下。叫返個排骨飲，喂仔仔食小小。仲有腸粉燒買之類，大至上都幾好食。咁就完成一個早餐。其本上佢都叫平靚正，叫左六樣野都係一百二十幾，所以都吸引左好多人去食，要搭枱添，香港茶樓都好少要搭枱囉，或者我少飲茶🤣係服務一般，叫幾次先有人執枱，有個阿婆同我地搭枱，叫左阿姐幾次，直頭扮聽唔到，最後係部長親自招呼阿婆。

放假一家六口，六點多全場滿，好在早一天訂位食咗好多多野打頭陣粉葛鯪魚豬骨湯今天的湯面有不少的肥油還有不少的雞骨作材料令賣相失色了一些不過味道仍然美味，濃郁的粉葛的味和厚實的鯪魚味作底令這個湯的味道十分之鮮美！蜜豆炒象拔妦，油左少少 足料大半碟都係象拔蚌翠綠顏色, 鮮甜清爽味道象拔妦鮮炸子雞一隻要求分兩碟上：媽媽話呢隻雞一ｄ都唔肥但是我覺得味道都不錯魚湯浸龍躉球，湯色呈奶白，有大量紀子同維生.又是媽媽的至寶。龍躉鮮味.燴以濃郁魚湯來增加味道..令本身鮮甜的味道更上一層樓因魚湯非常美味，我們吃得一滴不留蒸頭腩唔喺個個都啱因為啲頭腩皮面位通常有一層「骨膠原」嘅啫喱狀魚脂，咬落感覺啜口！其實我覺得啲頭腩搵蒜蓉蒸.蒜香惹味，肉質都好滑溜。小菜就揀雜菌浸時蔬而時蔬就揀小棠菜。個湯底好濃香，啲小棠菜入口唔寡，菜內放有好多雜菌，做得都唔錯。兩隻龍蝦伊麵.一隻加拿大龍蝦同一隻澳洲龍蝦上湯龍蝦加上伊麵底澳洲龍蝦不愧為最吸引人嘅海鮮之一肉比較多而且彈；味道比較濃但不膩。伊麵滲透了龍蝦汁，非常美味。相比加拿大龍蝦遜色不過預期（因為當天特價所以叫）最後是服務態度，每個員工都有笑容！個個態度都好好，令我呢餐都食得

這間富臨未來過，其它店已經感覺好差，今日來了這裏，竟然不用等位，點了一些點心，已經開始感覺熱，感覺唔到有冷氣存在，然後嘢食開始送到，煎薄撑賣相ok的，味道普通，唔夠熱，好多葱同葱，見唔到其它配料！！這個是咸菜豬肚，真的十分唔掂，大碗但賣相不討好，飲一啖湯，好淡完全冇味，豬肚十分肥，咸菜浸到冇咸味的，一點胡椒也見唔到，真的很難食叉燒飯還可以，叉燒肥瘦適中同夠淋身的香葱花卷正常羅漢齋粉卷都好味的，粉皮薄身同滑身，入面羅漢齋都有好多的雞扎也大件，有雞肉，火腿，魚肚不夠新鮮燒賣正常，冇乜肥肉，有蝦不夠爽服務真的冇，叫仕應完全冇反應，上嘢食又唔知點解係要在兩個人中間，我們一路食一路流汗，問仕應有冇開冷氣，她在說已經開晒同笑了兩下，可能她自己也是知道的，另一枱剛進來的客人是不停撥扇同退回食物……唔怪得冇人，價錢也一點也不值得咁貴，這個集團應該不會再去了！！！