富臨漁港囍臨門酒家 (已結業)

食物質素下降中，脆皮燒腩的皮可靭如香口膠。至於服務質素，服務員多不理會食客，要多催才有反應落單等。用具質素方面，食具清潔也有待改善，常有殘渣，杯有油面。但價錢方面，比起附近酒樓比較有優勢，然而性價比則...對比以往表現，質素有下降傾向。

真係唔明公司春茗點解會揀咗喺呢間酒樓食，雖然可能係平價貨，但係都唔應該差成咁，環境又擠迫，加上食物冷冰冰，粒蝦丸一啲蝦味都冇，成晚淨係等公司抽獎，啲侍應服務態度又差，仲有一班旅行團入嚟借廁所，總之淨係想快啲食完就走，希望公司下次唔好再揀呢一間，如果唔係公司春茗，我都唔會見識到咁嘅質素，真係多謝晒！環境方面，樓底比較低，服務人員嘅態度真係不敢恭維，個個趕住收工咁，成晚都冇同我換過一次骨碟，今時今日真係好少見咁嘅酒樓仲可以生存到！

吃飯的時候剛好差一日才過正月十五，我們以為這裡的點心選擇已回復正常，劃點心時才發現還是局限在新年菜單，點心選擇很少，我們一行6人基本上只能把每樣點心叫一份，再加一碟炒粉麵飯。↑燒腩仔肥肉比例稍多，還好燒肉皮尚算脆。新年必食之一的蘿蔔糕較鬆散，一夾起就爛了～↑通常一份咸水角只有3件，這裡卻有4件！抵食！而且炸得外脆內軟，內裡的餡料也不算少，是當天最好的點心！↑炸豆腐有點像潮式的，外面香脆而豆腐很滑，也是不錯！↑馬拉糕比平常吃到的深色，甜味也較重。可惜它蒸的時間不足，吃到中間時會吃到很濕潤的有點黏的口感，應該是最中心部分還未蒸好吧？↑腸粉皮略嫌太黏太厚，餡料份量很少。乾燒伊麵上桌時不算很熱，也太乾了，味道也稍淡，有點可惜。

放工同屋企人食晚飯,今次揀咗富臨漁港。好耐無嚟匿間食啦,早兩年過節都會揀匿度食團年飯,因為就屋企人返工地點。叫咗個晚巿三寶,有糯米飯,潮式并盤,蛇羹。糯米飯較淡口,并盤不過不失,蛇羹好大煲,4個人都飲唔晒,當然材料一般。瑤柱扒豆苗,份量好多茄子肥牛煲,做到好乾,無咩汁,麻麻地。最後當然要食返個甜品啦,問阿姐有無糖水送,佢問我係咪叫餐,我話唔係呀,跟住佢就唔答我,行咗去,轉頭比咗張甜品紙比我見有棗皇糕就叫咗個啦,屋企人點咗個南瓜紅豆糕。棗皇糕不太甜,OK。另一個無食到,應該ok掛,因為都清晒。

剛由澳門回港, 澳門旅遊那幾天吃什麽都幾乎由我做主, 今次回港的第一頓晚餐就由男友作主吧！一如所料, 每次讓他選都必定是中菜。很久沒光顧富臨, 因為它的水準每況愈下, 今晚他說想試試富臨的質素有沒改善, 好吧！今次點了3個菜。菠蘿生炒骨賣相對辦, 但整體質素完全未達水準, 生炒骨不脆, 焾的, 味道亦強差人意, 只有鹹味而沒酸甜味, 不夠醒胃! 而且有好多都是炸粉來, 我不是來吃炸粉的喔！配料方面, 店方很吝嗇地只給了一小片菠蘿, 其他都是青椒來金銀蒜蒸日本元貝元貝沒鮮味, 而且殼上一灘油, 廚師是不是瘋的?多油=好味? 啖啖油很影響觀感和口感呢！之前在其他酒家都未試過食到"油"元貝高山耳浸菜苗上湯味道尚算濃, 但油分又遠超適當份量, 實在太太太油了, 未食先見油光試問有誰敢吃"油"菜呢？它的食物質素不斷每況愈下, 不但味道大倒退, 還愈來愈油膩, 真正肥仔餐來! 服務和衛生方面同樣愈來愈差! 門口沒人接待, 自己走進去還是沒人主動上前招呼開茶又要被問好幾次, 為什麼侍應都不記住呢？餐具又多污跡, 而且洗餐具時發覺非常肥膩, 太可怕了！服務差! 食物低水準! 衛生差! 但都竟然可以迄立

當天和 尼泊爾 來港的客戶共進午餐 , 這一家 尼泊爾 客戶 , 是我非常珍而重之的 , 因為他們是打從我爸爸主理公司的年代開始便一直合作至今 , 是超過20年的老客戶 , 彼此早已成為老友 , 他們來到 香港 就想多吃越廣東粵菜 ....由於時間和地點的關係 , 我們落腳在 荔枝角-長沙灣廣場 的 富臨漁港囍臨門酒家 用膳 ~Menu & 點單紙 ~燒腩仔 : 一碟燒腩仔共有14件 , 端上桌時略帶微溫 , 燒腩仔的皮並不是預期般的脆口 , 燒腩仔肉質嫩滑且不會過鹹 , 整體來說味道算是中規中矩 ~貴妃雞 : 雞肉是全熟的 , 這點很重要 , 因為 尼泊爾人 是不吃 pink chicken 的 , 這雞算是皮薄肉滑 , 如果不是太挑剔的話 , 其味道也算是鮮美 ~脆炸豆腐 : 外皮炸得金香酥脆 , 內裏的豆腐應該是經鹵水鹵過的 , 而且非常入味 , 沾上白醋來吃 , 實在美味又夠特色 ~芝士汁蝦球伊麵 : 蝦球共有8件 , 大大件而且爽口彈牙 , 伊麵也煮得Q彈入味 , 只是略嫌個芝士汁比較稀了一點 ~本篇完 ~

職員服務態度不太友善，問職員取倒水的器皿時，態度非常惡劣。蝦餃-皮厚，蝦仁還可以，同其他酒樓相比，真的失望，未必會再點燒賣還可以叉燒腸粉都幾滑，不錯芝士蝦球伊面-蝦球炸粉太厚，食一碗還可以，再食的話就太過滯雞-普通到唔普通，無特別

得閑就約屋企人飲個茶食個包，喺長沙灣飲茶選擇唔多，所以佢通常都會去到荔枝角富臨飲茶。來呢度飲中午茶，最好嘅時間係12點鐘前來拎位，如果唔係就有排等。菜遠蝦球伊麵＄98本身以為係炒麵，點知原來係湯麵，入邊嘅配料有大蝦，草菇配上伊面，蝦都幾大隻，蝦味欠奉但係都算彈牙，伊面煮得太淋。其他點心整體算係普通，皮蛋牛肉粥，牛肉較un，皮蛋就幾好食，飲得出加左啲味精。蘿蔔糕一夾起好容易散，入邊蘿蔔嘅比例唔算多，但煎得都算香口。魚茸釀茄子先走油炸起，再配上醬汁，朋友就話覺得幾好食。值得改善嘅地方係冷氣可以再加強，我哋食到一半嘅時候開始流汗，完全冇凍嘅感覺。

沒有什麼動人故事, 只是與好友出來聚聚頭, 飲飲茶, 吹吹水 ~燒賣 : 飲茶必點的食物, 這店的燒賣包得紮紮實實, 餡料很豐富, 豬肉餡的肥瘦比例恰到好處, 味道還不錯的 ~黑糖馬拉糕 : 外表圓圓大大, 色澤深厚, 已切成六件的, 但切得並不均勻, 味道滿有黑糖的清甜, 質地鬆軟, 口感不俗 ~燒腩仔 : 燒腩仔上檯時略有微溫, 皮脆肉嫩, 味道正正常常, 只是略嫌切得比較薄身 ~斑片荷葉飯 : 說是石斑片, 但其實當中帶骨的肉是比斑片多, 斑片也不太有鮮味, 飯粒蒸得粒粒鮮明又乾身, 甚有荷葉香, 味道算是中規中矩 ~本篇完 ~

Lunch時間，係公司開完會就同同事黎富臨食野，叫左個午市優惠點心套餐。百福燒味拼盤整體除左叉燒外都幾好食，特別個雞好入味，但雲耳就完全無味。蟹籽燒賣皇、富臨蝦餃皇各一大籠，但同事搶得太快，蝦餃想影相已全無😂，燒賣有原隻蝦，雖然唔係新鮮，但足料都ok既。原盅豐料靚湯豆味幾濃，湯料有豆角、黃豆、瘦肉。法式大蝦球伊麵掛住食無影相，蝦外炸得夠脆，只係粉太厚，伊麵味道剛好。碧綠花枝蚌片我諗呢個應該係全場最好食😂，唯一一碟被清光。清蒸原條金花尾都幾大條，可惜魚肉有點韌。野菌浸菜苗秀珍菇有點苦，麻麻地。紅燒乳鴿個個男同事搶住夾，但點知全枱最唔好食係乳鴿😅，d肉太淋，口感味道都唔得。最後仲有個瑶柱福建炒飯同杞子桂花糕，因為我早走左所以無食到，整體不過不失，填飽肚既選擇，普通酒樓質素，唔會要求太多。

香港回歸祖國二十周年日，到長沙灣廣場打算吃「華御結」的飯糰，卻沒開，茶餐廳又因假日休息，「家鄉雞」、「大快活」和「麥當勞」都人山人海，只見「富臨漁港」內有位，便唯有茗茶。不用等位，接待員著我們入內，謂有其同事為我們帶位，但我們走了數十步才見那個服務員站在我們的飯檯附近等候我們，這樣算是帶位嗎？坐了下來，也真的接近五分鐘來，仍沒有服務，我起身走到部長前，要求開茶一壺「壽眉」，卻來了一壺「鐵觀音」，罷了。點了的點心，卻很快到來，猶如即叫即到，「炸饅頭」外脆，內尚軟，算不錯。「飽汁鳳爪」非常不錯，飽汁真的很飽汁，鳳爪炆得很腍很入味，特別中間那舊肉非常軟腍，內裡那條根也炆得軟綿綿的，很好吃！「鮮竹牛肉球」尚有牛味，咬落不會很實，尚好。「蟹籽燒賣皇」熱辣辣上桌，豬肉香尚可撲鼻，肉不實，不錯的。「醬皇金錢肚」，牛肚彈牙爽口，惜所謂醬油乏味，有點失望。「炸兩」非一般「炸兩」，「油炸鬼」當中釀了點馬鈴薯，吃落總是怪怪的。「爽滑牛肉腸」皮厚幸尚滑，牛肉味不算太有，一般。「乳鴒」又是一般，上桌時只暖，皮不脆而濕，肉尚嫩，整體遠不及「唐宮小聚」的出品。「乾炒牛河」亦是一般，牛肉片不多，稍嚡，河粉未完全上色，

今天上午到荔枝角富臨嘆茶， 點知食完背脊骨骼一肚氣，上午9:00 入座，叫碗 $8.8鳳爪排骨飯足足等左一個鈡都未到，已經不断催促，員工采你都傻，向他們投訴仲 hea 住你先。我是撘枱的，其實枱布並不污蔑，可以接受，之前其他撘枱客入座並沒有更換枱布，到有一個屬客入座後便為他更換枱布，本來冇乜所謂，但員工更換枱布過程中後悔氣，還弄污我的食物，又話d客吾幫手，真的怒火都來，便向經理 理論，怎知他們不單只沒有誠意調解，還取笑客人麻煩，這個無禮的員工還特燈碰撞到我，我想報警求助，不過我怕麻煩，所以放棄咁做，但我真的被他們弄至不快樂，我決定向經理投訴，員工態度及食物遲來問題，經理見勢色不對，便想平息事件，簡單說鳳爪排飯送緊出來，怎料排骨飯在廚房送出後不久便派完，但都沒有給我，當時我覺得是否發聲，便要給他們機會娛弄我，我再一次為此向經理投訴，同樣也是受到不公平對待，給我的飯，是一碗質素很差的飯，最終都有碗飯送到，但是要等超過一小時才有得吃，一肚悶氣谷上心頭，決定抄低他們的名稱方便向他們的高層及消委會投訴，經理叫…何遠盛、態度差的員工叫……黄月娥，之後我於11:45分到櫃檯結脹，一肚怒氣向他們投訴，

星期五晚上，一行5人一齊去長沙灣廣場富臨酒家食個晚飯，去到見到有一個雞煲翅六人餐$988，費事諗咁多即刻點菜，服務員說可以加$40 元有半隻燒鵝，嘩唔使掛，佢話做緊晚市優惠，又好即管加埋，這間富臨燒鵝一向不錯的，雞煲翅來到見到的翅好多，可以用筷子夾，好味好足料係的，好正,燒乳鴿好味，蒸石班，燒鵝，還有花枝片抄西蘭花，蒸帶子，樣樣都好味，覺得超值抵食，值得推介

星期二晚不想煮飯，惟有外出晚飯。想起富臨逢星期一至四會有特價餸，一家人决定幫襯下，顺便啤一啤。看看餐牌，其實價錢可為吸引，例如極品燒鵝皇例牌只需$20蚊，木桶鼓油雞成隻都只是$18，五人以上更可叫2隻，真係低過個己煮，食唔哂打包回家仲得。其它餸，都不算貴。於是先order了一隻木桶鼓油雞，由於太太想食片皮鴨，便order了份孖寶， 片皮鴨加冬瓜盎，成為$228蚊。味道方面，片皮鴨熱辣辣是好食，可惜有多塊沒肉只有肥膏，同師傅刀工有關，片出來完全沒肉。而包 片皮鴨用的包更太厚太硬，用的粉太多，成手白潺潺的，沒有口感，最後就咁食 片皮鴨熱算了。而 木桶鼓油雞尚算嫩滑，雞有點鮮味，鼓油汁方面渗入雞皮內，很惹味，適合我飲啤洒。大大隻只需$18元，夠嫩滑😋肉質ok,可惜皮乾而片出來多片有肥膏包太厚，粉太多，差不想食的幾片，刀工太差，沒有肉只有肥膏湯好鮮味，但太皮鴨皮餐牌多選擇全部孖寶配搭飯後order甜品，24/杯

朋友聚會，谂住找間酒樓可坐得舒服d。於是在附近荔枝角富臨漁港喜臨門酒家訂座食晚飯。點菜儘量點d低食套餐，片皮鴨加燉湯238元，龍蝦上湯伊面不超過200元，而5人以上可叫2隻雞，每隻48元，其它包括燒味拼盤，薑葱炒蟹兩只，咕噜肉和什菜煲，成張檯放滿餸9個人食都不過1198元，認真超值，食物味道是可以接受。