富臨漁港

營業中

休息中

古法羊楠煲$1碧綠貴妃耳蝦球$128七味脆豆腐$48花生$13晚茶$36合共：$249臨近歲晚，終於來到富臨吃羊楠煲，只因$1！我覺得食物質素尚可，但富臨的人手不足，令服務水平不足，難怪大家也北上過年和吃飯！來到酒樓有人帶位是常識吧，但這裡就是沒有人帶位，客人唯有只好揀自己喜歡的位置吧（哈哈！）自己揀位也沒所謂吧，但奇就奇在十五分鐘後才有侍應詢問要什麼茶（反正我並不口渴，也沒所謂吧）！之後到點餐階段，舉手後約五分鐘也沒有人來，穿黑衫的姐姐視而不見，實在令人失望！（反正我不趕，也沒所謂吧）主菜來到了，以$1價錢來說，羊楠煲的質素實在很不錯，六舊大大舊羊楠，有支竹、馬蹄、粉角等配料！$1價錢是值回票價！整體比稻香昔日的$1羊楠煲來得要好！同時間來珧碧綠貴妃耳蝦球，這個菜式的擺盤可以，蝦球吃下去尚算新鮮，但西蘭花就偏硬，明白茶樓的圍餐水準就是這樣，但硬過石頭的西蘭花就是第一次吃到！最後來了炸豆腐，味道香口，不是十分出色！整體感覺只是一般，但有一個舒適的空間坐幾個鐘可以的！

朋友突然問食唔食羊腩煲，就到左富臨試下佢個特價煲。星期五晚七點幾黎到，竟然數埋無十枱客，個市有無咁淡呀…？要點特價煲，條件係要點一個正價菜，合理吖，就先點兩樣野啦。⭐富臨小炒皇呢個都算係近期食過最難食嘅小炒皇，雖然正常有嘅料佢都有，韭菜花、蝦乾、魚乾、魷魚、腰果等，但唔知師傅係冇落調味料定點，食落去淡茂茂好似完全冇炒過咁，仲要上枱係凍嘅，得嗰幾枱客唔使一早炒定喇啩。⭐雙冬羊腩煲個特價羊腩煲就幾有驚喜，細細煲都有五、六件羊腩，入面有馬蹄、支竹同冬菇，但係就冇筍。而取代咗筍嘅居然係粉葛，仲要超大舊，雖然吸咗南乳羊腩汁啲粉葛其實幾好味，但都唔使落咁多粉葛嘅，淨係食葛都飽咗啦。計埋碟花生同茶錢，呢度食咗二百幾蚊，嘢食一般啦，勝在地方大有冷氣，服務就不敢恭維。

下次唔會再黎食TEA TIME去食 比較少客我地食野既時候 員工係我地後面吸塵....普遍食物都差過酒樓金錢肚正常 份量較少叉燒包皮無咩味 入面少肉 仲要9成都肥肉份量少 上菜既時候微凍  炸物要熱食先好食腸粉 皮好厚 叉燒都係肥肉多豬腳薑最新鮮都係呢個茄子酸菜豬肚

3位黑衣經理、部長玩電話傾計～唔理客人保溫壺冇熱水叫加扮睇唔到～晚市已經冇咩人～仲要冇服務～唔通佢哋想轉行近排做緊晚市優惠～2-4人惠顧$28脆皮燒雞一隻～燒雞份量都唔少～諗住幾十蚊應該味道麻麻～出奇地皮脆肉嫩～仲有幾塊蝦片放喺上邊魚香茄子味道不過不失～街舖魚香茄子都勁多油～依間油份量都可以接受～肉碎份量適中～仲有蔥花粒～送飯一流～不過食唔到鹹魚香味魚滑唐生菜配都幾大煲～魚滑有蔥花粒～仲有好多條陳皮絲～大量蒜頭薑絲～飲落個湯底都幾清～成本唔高～ 但係呢個魚煲都賣得幾貴$15/碗細白飯～$13/碟花生～$12/位茶芥～樣樣+10%服務費～$360其實都唔平～仲要冇服務～唔怪之冇咩人嚟幫襯

今日約同三五知己，去到紅磡明安街富臨漁港歡聚中午茶。蠔皇义燒包打開籠蓋時香噴噴的煙霧了出來，包裏的饀料豐富，义燒醬汁美味。午市孖寶 （這個套餐逢星期一至五才有，任選一款粉麵+一個小菜，價值$108，都算扺食。）海味雜菜煲熱辣辣的海味雜菜煲端出尼香味四散，湯裏有蟹柳、蝦乾、鳴門卷、金菰、鮮嫩的雜菜和粉絲，滿足了肚子。鹹魚雞粒炒飯炒飯裏混雜了生菜絲、雞蛋、雞粒和鹹魚粒，飯炒得夠乾身，粒粒米飯分明和少油，飯裏帶有少許鹹魚的香味，另人垂涎三尺。蜜汁义燒腸腸粉裏混入了义燒粒和葱粒，食落有著义燒的蜜味和葱花的香味，但可惜粉皮比較厚了些。香茜牛肉腸腸粉裏包裹著免治牛肉和芫茜，咬落濃濃的芫茜和牛肉香味滿佈口腔裏，但可惜粉皮略為厚了些。蜂巢炸芋角這個點心祇有少許酒樓還有做，不知是工夫多還是其他原因？當然見到有我就一定會食。外脆內軟的蜂巢炸芋角裏有著濃濃的芋頭香味，又不太油膩，十分惹味。時菜鯪魚球鯪魚球裏混入了蝦米和葱，提升了魚肉的鮮味，且魚肉十分彈牙。鮮竹牛肉球牛肉球裏混入了馬蹄和葱，食落彈牙爽脆，再加上甜甜酸酸的喼汁，提升了牛肉的香味。

特價長腳蟹餐 $2988/12位用我哋得9個人食😂菜式豐富，份量超足▶️ 原隻白烚長腳蟹 (約四斤)成大隻長腳蟹！第一次見🦀起分肢之前姐姐好好咁俾我哋影咗相先之後幫我哋拆開晒殼，食嘅時候超方便，完全唔使用鉗蟹腳全部都係肉😍好正呀，蟹拳都係啖啖肉仲可以自己加醋絕對係今日成餐嘅主角，份量多到每人起碼食到兩至三件▶️ 京式片皮鴨 片皮鴨好薄身但有肉，表皮香脆可以夾埋青瓜、蔥絲、醬油薄餅皮煙韌有咬口👍🏻好細心用保鮮紙蓋住，鎖住水份冇咁容易硬▶️ 泰式柚子蜜大蝦球呢個都幾有驚喜🦐大蝦球咬落香脆，肉質爽彈配上泰式甜酸醬，淡淡帶出柚子甜味，別有一番風味▶️ 竹笙海皇燴燕窩質感好似碗仔翅咁，只係材料靚啲除咗竹筍，仲有大量蝦粒燕窩同甜品食嘅嗰隻唔同成碗幾好飲👍🏻感覺好有營養▶️ 翡翠炒龍躉球底部全部都係西蘭花，好爽脆上面就係龍躉球，肉質實正，魚味濃鬱，仲有適量嘅膠質🐟▶️ 紅棗蒸龍躉頭腩呢個同上面個龍躉差唔多，只係配上紅棗同黑木耳▶️ 古法扣羊腩煲好大煲😮全程用火鍋爐煲住，保持溫暖入邊唔少材料：羊腩、羊羹、枝竹、馬蹄、香菇等自己唔食羊，所以冇試到▶️ 瑤柱扒豆苗呢個就麻麻哋，因為面頭嘅瑤柱芡汁太重，令豆苗失去本身嘅香味

見到一蚊雞煲poster諗住去試吓。阿姐問我哋加啲咩餸，第一次上門，咪諗住睇吓餐牌先囉。同阿姐講幫我哋落咗個雞煲先。跟住見到枱面有QR code，費事叫個黑面阿姐過嚟，就諗住自助落單。點知等咗成八個字，淨係等到個黑面阿姐催我哋埋單。「我哋仲有啲xxx未上喎⋯⋯？」「見唔到喎」「我哋scan QR code㗎」「宵夜時段個系統用唔到，要寫紙先得㗎 ！唔係叫咗你哋寫紙咩？」跟住就叫我哋去埋單。前台阿姐係咁易打咗我哋張單出嚟——完全冇俾時間我哋講嘢。佢聽我哋講完整件事，叫咗经理過嚟——原來又係頭先個黑面阿姐——又俾佢鬧咗第二次。過程省略。處理結果：無得退返錢🙃聽日嚟食多餐🙃唔記得講埋添：落單未問過我哋辣度；啲餐具污糟邋遢；啲雞咬開仲見到有血？？都唔知重慶雞煲定重慶白切雞😅真係唔知咩事囉，QR code用唔到又唔早響，落左單都當睇唔到，仲要被逼吃多餐，真係冇咁得閒日日去吃囉想早啲收工都唔使為難啲客㗎嘛😅真係開晒眼界🫠

早排經濟唔好景咪成堆藍店又開新鋪改曬名又盛嘅🌝跟住過多排富臨咪又學人出1蚊雞搶生意嘅🌝跟住東張西望咪話人地人均廿零蚊就食完個邊爐嘅🌝跟住我同個fd吹左兩句話人人齋叫個煲咪蝕死啲藍店囉🌝🌝🌝🌝🌝🌝🌝🌝🌝🌝🌝🌝🌝🌝🌝🌝🌝🌝🌝🌝🌝🌝🌝🌝🌝哎忽😪中伏大大伏😪點估到佢地有咁醒🌝聽完個報導學人改rules🌝要食邊爐ie加餸個雞煲先會一蚊🌝唔邊爐雞煲計正價🌝🌚🌚🌚🌚🌚🌚🌚🌚🌚🌚🌚🌚🌚頂佢張poster 呀點菜紙嗰啲全部都冇寫🌚跟住其實富臨啲野出名又cheap 又垃圾🌚佢臨收鋪我人又少冇得點樣借啲意🌚就硬食加左兩隻餸🌚跟住富臨真係冇令人失望🌚個雞煲啲雞雪味重入唔到味得嚟個辣汁得辣冇乜層次🌚豬潤就at least 唔臭但都冇乜味可言🌚成餐最好食係碟菜同啤酒🌚埋單要百零蚊🌚唉吊都係魔高一丈🌚🌚🌚🌚🌚🌚🌚🌚🌚🌚🌚🌚🌚🌚肥仔指數：🤮/5🐒滿分#foodiehk #food #美食 #美食家 #肥仔覓食 #食物 #hongkong #hk #hkig #Instagram #食家 #食評 #香港 #香港人 #hker #hkfoodie #delicious #foodblogger #fraud #cheat

純粹就腳入去飲早茶，點知中伏地壇黐立立，一陣味！點心好求奇滿心歡喜揀咗個天鵝造型帶子酥，所謂嘅帶子只係一豪子咁大，仲係韌嘅！酥？大家睇吓層皮，一啲都唔酥囉，超過三十蚊㗎，可唔可以有良心啲，俾啲合格嘅食物質素顧客呢，唔怪之得星期日9點幾都有咁多吉位！不過最需要改善嘅係衛生問題！可唔可以清潔下張地壇呀！

最近推出了一蚊雞煲 係晚上8:30後可以叫 見到甘平 就同老公一齊晚上收工去試一試個雞煲 又幾足料喎又入味 真係吾錯喎 所有火鍋配料都係半價呀 好平呀 叫左五碟配料加一支汔水 買單都係200幾

假期想飲茶，周圍都應該多人，後來發現呢間。入到去又要人手機落單，但個app 又唔work 喎！問職員，佢無反應行開咗！最後無人理之下唯有用返點心紙！食物都係一般茶樓質素，無乜特別。不過服務就唔得，可能係中式酒樓通病。住呢頭十年都唔知有呢間嘢，亦無人推薦過，都唔係無原因嘅！

消費券第一日，朝早九點幾去食，老人家佔九成，全場客人都唔算多，阿姐服務整體都勉強合格（第一次舉手服務員黎點單，但講兩句又行開，服務差～舉手第二個服務員黎態度好d）。兩個人去食叫左大約6-7個點心，150蚊有找。無邊樣食物話難食，賣相都OK，但要話印象深刻特別好味既都無，無中伏下次都會再黎～

與家人共7人，6時光顧酒樓，點了半隻特價燒鵝，又叫了大斑兩味，腐乳通菜和冬瓜盅。餸菜正常，我們大概6.55 食完，便打算叫些甜品。下單要了一份桂花糕，一份芒果涼粉，兩份雙皮奶，本來滿心期待，怎料甜點遲遲不到，催了3次，侍應每次都說甜品製作中，要我們繼續等，結果在7.40才來了雙皮奶。心想桂花糕和涼粉到底要用多少時間，怎會大半小時也不來? 最終決定放棄...前往結帳之際，食物終於上齊，看看時鐘，已是7.55，居然等了1個鐘。儘管甜品味道沒有問題，乾等之下，心情與胃口均消失殆盡...就算價錢合理，但要賠上這麼多寶貴的時間，這頓飯馬上變得極不抵食

朋友送咗盒富臨月餅畀我每逢中秋節我媽咪都會食五仁月老人家話鍾意食嗰啲果仁又香又有咬口食落去粒粒分明 煙煙靭靭唔會太硬老人家都食到小朋友都冇問題👍另外有好多唔同種類嘅果仁食落比傳統月餅健康入面有瓜子仁、腰果、白芝麻、欖仁、杏仁五款果仁作餡料幾種味道同質感都唔錯另外入面有好多金華火腿 鹹香十足同啲果仁 一齊食 配合得唔錯月餅鐵盒大方得體獨立包裝啱曬送畀人加上價錢又唔貴值得一試 👍very yummy and tasty!!

🥢估唔到大酒樓，仲平過茶餐廳 的外賣。 4.8折之後 ，小菜 ，炒粉麵都係 四十幾蚊一盒，仲有好多菜色可以揀 ，更加估唔到係，酒樓好好生意，有十幾人坐曬喺度等外賣呢，果然有實力。🍱🍚我最欣賞係揚州炒飯,，粒粒分明，炒得夠香口,，睇得出大廚的功力 ，好大盒， 有差不多四大碗飯，都只係$42。🐷菠蘿生炒骨係我的至愛，都只是＄42, 有鑊氣，甜酸度適中，菠蘿好 fresh。🍜金菇炒伊麵都炒得好乾身 ，唔會好濕，唔會碟底淨曬汁。疫情下，外賣 4.8折真係好抵食 ，仲平過茶餐廳 ，大大盒。正！👍