富臨漁港

營業中

休息中

呢排疫情見到屋企樓下富臨門口依然人頭湧湧原來外賣小菜所有嘢都有折見到價錢非常適合所以同老公試一試.💟菠蘿咕嚕肉分量好多 入面小肥外圍炸到脆卜卜 酸酸甜甜 幾開胃配菜有菠蘿三色椒個芡汁整得幾好啱曬送飯💟黑椒薯仔牛柳粒真係做得好好薯仔炸過做到薯條咁嘅質地牛柳粒份量好多 咬上去好滑加上個黑椒刺激得嚟唔會好漏超正！！！💟揚州炒飯有好多叉燒 睇上去粒粒分明份量超多要摷鬆先至可以食個份量足夠四個人食唔會多油過底✅.加埋價錢百五蚊都唔使食到一家三口飽到不得 實在係太抵😂掛唔知咁多人去排隊啦 .

因為限聚令，晚市焗住都要買外賣，之前都係茶餐廳外賣為主，今日見到呢度外賣四八折，計落仲平過茶餐廳，選擇亦算多。外賣人數都幾多，都要等15到20分鐘先至攞到，時間合理。菠蘿生炒骨係我至愛嘅中式菜式之一，味道偏甜少少，菠蘿好新鮮，雖然放喺外賣盒入邊，但都感覺到揸得好脆，排骨亦肥瘦均勻，幾淋身。馬來咖喱雞感覺幾正宗，唔會好辣，但好香口，咖喱味香濃，雞件都有好大部分係雞髀，肉質鮮嫩，亦好入咖喱味。西蘭花炒蚌片蝦球，蝦好大隻結實又彈牙，數量亦唔少，蚌片亦爽脆。錫紙香菜牛仔肉，比想像中多辣椒，但實際上只是2隻辣椒辣度，牛仔肉算滑。最好係楊州炒飯及瑤柱金菇妏伊麵，飯炒得乾身，味道適中，材料豐富，就算放喺飯合一陣都唔會變淋身。伊麵亦炒得乾身，煙韌有口感。

因為只有一家三口食，又食唔到所謂嘅母親節菜式，只好食任飲任食打邊爐⋯不過可能久違嘅生意興隆，所以由落第一張單（只上咗唔到一半order)到重覆到第三張單⋯d嘢都嚟唔齊一半⋯⋯😓😓又因為係OpenRice 訂位有飛行里數送，不過由我到咗至到埋單離開，店家都未確認我嘅booking....直到埋完單都仲提醒佢哋⋯😓不過好彩佢哋有部份嘅服務人員態度都好好⋯😅😅

又到晚飯時間唔想煮，行過紅磡見到樓下大大個招牌自取外賣一律4.8折，好似好抵甘入去睇下係味真先？餐牌價格標明得非常清晰，而且價錢好相宜。店員表示下次只須打個電話去分店落單, 去番該分店自取就可以！唔洗企係度呆等。大澳香蝦骨$42豬扒算多塊，肉質唔乾柴好香蝦醬味。揚州炒飯 $42飯炒得粒粒分明，滿滿菜心粒、叉燒粒及蝦仁，份量足夠4人食不誇張。西蘭花炒蚌片蝦球 $65象拔蚌片口感不錯～爽口彈牙不過蝦球就唔夠爽彈，但呢個價錢都無咩投訴。三樣野埋單$150有找，炒飯大到可以留番下餐再食。

今晚的開年飯，來到紅磡的富臨海鮮酒家食。時間尚早，所以餐廳不是很多人。沙巴蘇鼠約一斤$288沙巴蘇鼠，原來就是沙巴龍躉，相對來説，價錢就稍貴了點，雖然感覺好像細條了一點，但肉質都好嫩滑。果皮蒸大連鮑魚6隻$138大連鮑魚很爽口，以新年的價格，六隻算抵食了。蔥油走地雞一隻$108蔥油走地雞，有蔥的香味，夠入味，味道不錯。蒜蓉炒油麥菜$78油麥菜炒得很爽口，不會很油膩。

又係勞蘇食打邊爐既時間，又係打平任食邊爐既時候，138平時，830之後108，想點，可以講係時光倒流價平日7時入席，得我一個，享受皇宮裝潢基本醬料都齊話晒係任食唔係高質邊爐，都係教個濃味啲既醬油好啲任食餐牌唔算出眾但一般打邊爐要有既必食都係度算係咁任飲方面有汽水同獅威，算係咁啦，自己係櫃拎就可以，仲方便過侍應上想清少少所以揀左椰子雞湯，雞都算ok突然有人上一碟蝦，多人啲就有多啲，人頭三隻，蝦質相當緊致Surprise叫左好多野食，滑牛、菲菜豬肉餃、芝心丸、脆脘魚腩，滑牛好離奇地，又唔滑又無牛味，菲菜豬肉餃唔知做咩用左魚皮餃個皮，味好怪，芝心丸個心ok，但出面好怪，脆脘魚係最最怪魚既野，又怪味又唔知點跟住仲有雞片、蟹爪棒肉、午餐肉、帆立貝，滑雞片雖然唔算出眾，但仍然穩打穩扎，味道不錯午餐肉就都係咁既味啦，蟹爪棒肉直接啲講就係蟹柳帆立貝。。。。有膽就試一般我鐘意食滑牛多過肥牛，但今次調轉，因為滑牛完全無牛味，肥牛反而正常唐生菜就。。咪就係都係唐生菜仲有牛栢葉同炸魚皮，都算正常，好味既，不過大份左啲加埋粟米、金菇、腐皮，都係同平時打邊爐一樣，我自己就好鍾意食，濃味既湯底亦好挾好好味既總括黎講

近來各個飲食集團大推晚市優惠，想簡單吃幾個小菜，隨時比茶餐廳更划算。富臨集團近期的優惠是走地雞或鮑魚，兩款皆吸引。而且小菜的價格亦親民。蠔皇八頭鮑魚扣金錢，每份只是$26.8。非常足料，適合過過口癮。喜歡到這酒樓吃飯，因為份量十足。堆得滿滿的涼菜，可以多人分享。冬瓜盅很足料，內有大量豬肉絲和海鮮。小菜水準不俗，用料和大廚手藝也不錯。菠蘿咕嚕肉最出色，口感鬆軟，酸甜美味。蔬菜很惹味。鐵板牛肉鑊氣十足。海味煲有下苦功，材料被煮得很軟滑。生煎包稍為遜色一點，麵包較厚，肉汁較少。

擇日不如撞日，收工無無聊聊搵飯腳，竟然又比我湊夠半圍六個朋友仔。呢個組合，最啱去酒樓叫番幾味。近近地落去紅磡舊區，享用富臨的晚市優惠。晚市有幾種唔同的優惠，樣樣都好抵好吸引，但每枱就只可享用一款。喜歡鮑魚的我，當然識揀啦。至於小菜，選擇亦唔少，有不同風味。八頭鮑魚只係$26一位，實在非常抵食。如果味道能夠再入味一點，就更出色。不得不讚呢個前菜，滷水掌翼非常之入味，酸酸甜甜咁，好開胃。冬瓜盅亦都好足料，一盅足夠六個人食，每人仲分到兩碗添！其他小菜亦各有各精彩。整體質素都唔錯，而且價錢亦算幾抵，值得再去的。

Happy Friday! 收工回家，急急腳出紅磡匯合家人，今次一行四人，去左富臨皇宮食晚飯。平時去富臨都係飲茶多，今晚食番幾個小菜。蠔皇八頭鮑魚扣金錢，鮑魚唔難咬；冬菇厚身也很入味。豉汁蒸白鱔白鱔蒸得剛熟，上枱前再淋上滾油，夠滑得嚟又鮮甜！夏天消暑當然要揀海皇燉冬瓜盅，冬瓜盅好足料，每人起碼飲2碗生煎菜肉包(6隻)生煎包炸得好脆口，呈金黃色，包面灑上少量芝麻，當然餡料亦飽滿，肉汁沾到包上 ，味道不俗😃大澳香蝦骨份量頗多，好濃郁嘅蝦膏味，肉質軟淋，值得一試！

今晚來到紅磡的富臨同長輩提早食中秋節飯。平日來飲茶較多，估唔到晚市同樣抵食。味道好，價錢經濟，坐得舒服，服務周到，長輩們都好滿意。蠔皇八頭鮑魚扣金錢 八頭鮑魚和冬菇炆得夠晒入味，調味適中，不會過鹹。海皇燉冬瓜盅天氣仲係好熱，叫咗個冬瓜盅飲下。一大盅，4個人都差點食唔晒。味道清甜，不油。豉汁蒸白鱔 白鱔夠新鮮，肉質彈牙，夠肥美，沒有腥味。竹笙羅漢上素 味道不錯，蔬菜能保持爽脆。最怕又鹹又多芡汁的。大澳香蝦骨 排骨肥瘦均勻，經蝦醬醃過，特別惹味。炸得夠乾身，配飯食一流。份量比預期多。生煎菜肉包(6隻)外層煎得香脆。西米紅豆沙起沙的紅豆沙，幾飽都要食埋。

以前讀書就一直係附近搵野食， 讀書時期都試過唔少潮流伏野， 食得最安全一定係大集團，haha!!!所以今晚就去左食富臨╮(╯▽╰)╭  仲記得以前成日去飲茶😂起菜前叫左個白肺湯呢個白肺湯好好飲，好清甜， 仲要好多料！白肺洗得好乾淨， 一啲腥臭味都冇。 再叫左個蠔皇汁燴鮑魚食下先，鮑魚做得好入味， 本身鮑魚已經好香好鮮， 仲要燴得咁入味， 難以抵擋之後就order左以下3 味豉汁蒸白鱔鱔唔大條，但係蒸得好好食， 鱔本身好甜， 肉爽滑， 豉汁調配得好夾味， 十分好！脆皮豬手 我就最鐘意食脆口野， 富臨做呢隻脆豬手既皮十分香脆， 豬手肉又十分入味，肉質結實， 幾重口感確係正！好難得大集團有呢一種突破，無固步自封。 濃湯鮮竹浸皇帝苗 正常口味，味道上唔差的。 我將個重點放係size上面。 坦白說，去酒樓食菜唔係擔心個味道， 而係，菜咁平， 你唔會幾廿蚊比幾條我掛？ 呢樣野先最令人卻步！但今日碟菜食到我地超滿足， 夠分量，滿足哂一纖維量啊！╮(╯▽╰)╭仲要再一提店長 許先生， 極佳服務！真心一讚， 呢一餐，比錢都比得特別開心！！！！

好朋友有左BB為左慶祝我地幾個朋友決定食番餐好既，一早係富臨訂左台，為左方便大肚婆我地簡左紅磡第一次黎依間富臨經過一條白色走廊好華麗既感覺，地方好大坐位好足夠，而且好光猛舒服；叫左個燉湯潤一潤:金銀菜燉白肺，好足料除左白肺仲有雞，侍應仲好貼心拎左碟豉油比我地點湯料黎食蠔皇八頭鮑魚扣金錢；再粗粗地叫左個八頭鮑魚一人一隻，哈～要黎食個飽魚撈飯賀一賀Ｂ仔快高長大豉汁蒸白鱔$108；超彈牙一Ｄ都唔腥，白鱔配豆豉係最好味，唔需要太多花巧野脆皮豬手$128個皮燒到脆卜卜，豬手肉好嫩再加左炸蒜，侍應介紹話用左類似避風塘既做法，令到豬手更加脆身可口濃湯腐竹皇帝苗$78好大碟而且皇帝苗好嫩，食左肉肉可以食番多Ｄ菜無咁罪惡感

因為食過幾次覺得唔錯！是夜又來吃粵菜！時間尚早人客不多柯打不到3分鐘！金銀蛋浸時蔬已經送到了！非常足料內裡除了咸蛋,皮蛋覓菜仔和蒜子之外,還有些皮蛋黃絲！和秀珍菇！個湯底不錯,調味剛剛好再過一會,堂剪送到了燒乳豬半隻！外皮炸得非常香脆，好吃！不過肉不算多！可能是豬齡較少的關係！哈哈！不過正因如此...脂肪也不算多！頭抽走地雞一隻...雞肉鮮嫩,豉油味不會太咸,剛剛好特價$18真係超低食三個人埋單四百元都吾洗！之前睇好多食評彈呢度既服務差！但我兩次既經驗又唔覺得有傳言中咁差喎！可能有啲個別事件啦無論味道, 賣相, 服務整體都好好..

今日經過富臨，見到大大隻招牌在門口: 晚飯 1 蚊好嗞味，有 極品燒鵝皇，木桶鼓油雞，紅燒乳鴿，勝瓜濃湯浸大肥蜆，上湯開邊龍蝦，5選 1。嘩，非常吸引，我見到燒鵝已感覺垂涎欲滴。現在是晚上8時多應該都是食飯時間，裡面人不是很多，隻有幾圍枱的人。富臨的裝修真所謂中西合璧。中國式的紅地氈配上西式的裝飾，非常清雅。極品燒鵝皇例牌 $1元。經過燒烤的特有的金金黃黃帶啡的顔色，非常吸引，真是十分期待。廚房出菜前已將醬汁淋到燒鵝上，導致燒鵝皮帯淋，醬汁十分咸。燒鵝皮雖不是很脆，但是肉質夠淋滑，十分入味。花膠北菇鵝掌煲$108。花膠雖然比較薄，但有4件，都算抵食，冬菇也有4件，十分厚肉，有少少𡁻口。鵝掌非常淋滑，但整個花膠北菇鵝掌煲味道非常淡，就像沒有調味一樣。添加了2個白飯$20，再加酸菜$10，加茶位$20，要了個膠袋$0.5，再加一。共$175.5味道雖然有少少遜於預期，但十分抵食哦。

Food qualityiabolical, ridiculous, preposterous, absurd, pathetic, abominable, despicable, repulsive, insulting, rancid.chicken like rubber can make condomchasiu tough like beef jerkychestnut chicken pot - chestnut rotten crispy pork 烧腩仔 like car tyresweet n sour pork 咕噜肉like eating stonesthe peanuts are very good!!the coca cola very good!!Toilet hygiene: I don't think they know what toilet hygiene is, the clientele here are not people you want as friends.Never again! I'm lucky to be alive, thi