富臨皇宮 (已結業)

早2日阿媽唔想煮飯，但又諗唔到食咩，就不如去附近既富臨皇宮酒樓食個飯算啦~~~ 去到即刻有位坐wor, 經理仲即刻遞左11,12 月菜牌比我地，等我地揀返幾個小菜先！老豆鍾意食乳豬，見到餐牌有，即刻叫左半隻bb豬食，切件大件，厚身，皮脆肉都厚，都ok之後叫左個水鴨湯潤下，好多湯渣啊，唔止水鴨，仲有雞，好夠火喉之後叫左個瑤柱金菇扒菜苗d瑤柱成碟都係！ 多芡，送飯一流阿媽鍾意食鱔，就叫左火腩大鱔煲，都幾入味，火腩同鱔數量平均，個味道都幾配合之後仲有隻德國豬手，睇下佢同德國餐廳有咩唔同，都係淋完汁切好上枱，食落好冧，似鹵過個款豬手最後食左生煎包當飯後小食，每隻都好大粒，多肉餡，如果煎脆少少仲正！

今日全家人放假，近近地落咗樓下間酒樓食飯，今次都食得幾豐富，我哋首先叫咗個乳豬先，個豬皮都燒得幾脆，肥瘦適中，之後叫咗碟生煎菜肉包，一咬落去d肉汁必晒出嚟，之後再叫波士頓龍蝦芝士伊面底，呢碟餸比屋企人旋風式清晒，佢個芝士味道同出邊嘅唔一樣，食得出芝士係有落左其他調味料，所以就好食好多~之後再叫咗三碟小炒，鐵板黑椒德國豬手，豬手都幾大隻同埋幾多肉，瑤柱金菇扒豆苗，香薯一口牛，呢度餸幾重黑椒味，屋企又話好好食，啲薯仔又甜，咁多人食梗係要叫煲湯飲啦，叫左野山參燉水鴨湯，煲湯幾足料👍🏼同埋好甜

有車真方便，坐朋友順風車去元朗交收物品，因為不想勞煩朋友的媽媽煮飯，就在她家附近吃一個小菜晚飯。其實富臨皇宮在很多區也有分店，估不到來到元朗也幫襯!平時多數是午市飲茶食點心，今次叫餸食飯，也覺得很抵食。上湯龍蝦伊麵底的份量十足，龍蝦新鮮彈牙，雖然上湯芡汁略嫌太多， 但伊麵吸收了上湯精華後又十分好味，味是濃的。作為湯怪的我，平時連例湯也不放過，因為在家不會煲豬肺湯，所以就點了金銀菜燉白肺湯，滋陰潤肺，湯色清澈又夠味，湯料非常足夠，有大量瘦肉、雞腳、豬肺還有新鮮白菜和菜乾，連湯渣都好好食，飲落不覺有味精。其他小菜的選擇也不少，點了花膠冬菇鵝掌煲，花膠的份量頗多，鵝掌超軟腍超入味，冬菇大大隻又夠厚身，整體是好味的，有些像婚宴的食物呢!黑椒鐵板豬手香噴噴熱辣辣，配了洋蔥，微辣又鹹香，很有點西餐的感覺。生煎包，煎得金黃，內裡是豬肉和椰菜，煎得香脆而不油膩。這個酒樓集團的價錢實惠，是個吃家常小菜的好地方。

早2日屋企人農曆生日，平日黎既，唔想出咁遠食飯，就近近地去屋企附近既富臨皇宮食飯算啦~去到第一次間就叫左半隻BB乳豬賀賀佢啦~原來佢係一個竹籮咁上菜，仲有張紅紙，好有意頭啊~切件有D大件，個皮都幾脆，有D肥膏，肉都幾多，唔錯唔錯~第2樣叫左家人最鍾意既生煎菜肉包~有6隻大大隻~肉餡好多，菜同肉既比例都均勻~之後有鐵板黑椒德國豬手~原隻豬手咁上，淋完黑椒汁之後經理幫我地切開~得我地食得方便D，豬手都好淋第3樣菜叫左瑤柱金菇扒豆苗~多汁菜嫩，用黎撈飯正~之後有火腩大鱔煲~ 熱辣辣~火腩好入味~鱔又唔腥最後食完飯要飲個湯~叫左水鴨湯~滋陰啊~夠咸，應該係水鴨味黎~唔錯

今日天氣涼涼地既天氣，好想食芝士龍蝦，甘就緊係要配個伊麵底喇！佢個芝士底好似加左忌廉，好香好濃又唔流， 龍蝦新鮮爽口又大隻，伊麵軟硬適中入哂味，好滿意！跟住叫左個野山參燉水鴨湯，野參保氣，水鴨又好有營養！參味好香，好甜，水鴨好林，點埋鼓油真係好好送飯.再有半隻乳豬，個皮金黃脆皮鬆化，好快就食哂～無諗到係富臨竟然有黑椒徳國豬手，即卡叫左黎食，肉質嫩滑，唔洗點咬就落左喉嚨，配上黑椒汁好惹味！再食埋個香薯一口牛，個香薯真係好甜，加上黑椒汁又有小小辣，再食個軟淋淋既牛真係人生一大享受！之後叫左碟生煎菜肉包，個皮煎到脆脆地，咬落有好多肉汁噴出黎，又唔太大個，好易食！最後食左甘多肉，當然要叫反個菜喇！瑤柱金菇扒豆苗，豆苗有豐富的鈣質、B族維生素、維生素C和胡蘿卜素，對清除體內積熱有一定的功效！依碟豆苗好新鮮，質地好軟唔會老，瑤柱都好!

同媽媽去左元朗探朋友，之後同朋友同享晚飯，她們提意去食龍虾原來係去富臨皇宮，第一次無所謂啦！個肚都打緊鼓，上到酒樓不用等位女侍應安排帶位，雖然4位但都係張可以坐6-8人枱又近電視，非常舒服唔使迫迫摃。裝修適合婚宴，富麗堂皇！是日燉湯有三款，秋冬滋潤下，野山參燉水鴨，天麻燉魚王湯，還有金銀菜燉白肺湯可以選，大家選左白肺湯，因為潤膚、止癢、通便還潤肺止咳。而且係屋企自己好少會整過程煩覆，多數係酒樓食市先會叫。原盅上枱份量夠四人加上湯料足料，新鮮白菜同菜乾一同跟白肺雞腳瘦肉清燉，湯頭清甜唔油膩。龍虾配上湯伊麵底夠味道但個上湯略嫌太濕，伊麵質地適中唔會太淋易斷，龍虾亦滿滿還帶鮮爽口不過可能段份計，所以龍虾應該唔足一隻。 火腩大鱔煲鱔魚走油再落同火腩同炆煮，夠惹味兼無腥味，火腩蒜子冬菇絲煮得搞乾身，低下還藏著白蘿蔔，不過未夠火路較淡。花膠北菇鵝掌煲上枱時嚇一嚇，滿滿花膠好似想逃走，可惜還有鵝掌同小塘菜睇住，味道可以嘅，鵝掌軟熟淋身，但花膠質地有瑕疵，有些還硬身未透，北菇出奇的大大大size, 竟然入晒味又香一客六個山煎包熱辣辣送上，山煎包記得即食喎，材料有餃肉同椰菜黎，味道清新，外皮煎得金黃加上

未食過咁黑媽媽難食既龍蝦，叫左兩隻竟然有多過兩隻龍蝦頭，龍蝦肉就吾多見，未試大家可以不用來試，148蚊果隻所謂一食既京式片皮鴨，應該是剛出世不久了，呢度平價無好野

要搵一間推到bb車又唔貴嘅餐廳真係好難，所以平時都係上茶樓多。做緊特價，$68有一碟炒野，一個併盤，一碟菜，真係好抵食㗎，是日又黎食左。福建炒飯，碟頭都幾大，但料就梗係唔多啦，粒粒米加上多汁都幾好味。白灼西生菜，菜新鮮，大碟又夠油水，好味。點心併盤，基本上都係啲大路點心，但個包成日都唔同，有時係饅頭，有時雞包仔，今日比左菜肉包。蒸鯪魚球（$6.8），很彈牙而且調味不錯，大大粒實在抵食。咸水角（$11.8），一碟有四隻，是日係新鮮炸出黎的，皮脆又煙韌，鹹鹹地幾好味。素腸（$11.8），個粉卷都幾煙韌，內餡有不少雜菇，仲有木耳，好爽口。炸兩（$13.8），呢個差啲，油炸鬼太硬，似係番炸再包腸粉。乳鴿（$18.8），呢個又係抵食之選，炸得香口，少少鹹，都好多肉㗎，唔係皮包骨。油雞瀨粉（$12.9），味道一盤，勝在平同份量唔少。茄子（$7.8），厚切加新炸起，幾好味呀。桂花糕（$7.8），甜甜地，唔會一夾就散，都幾正。假日無呢個抵餐㗎😆

食物还可以，一般的大路茶樓味道，沒有甚麼可以特別讚。可能是太过大眾化，尤似食堂，所以不要期望有服務，好似茶市吾恨做的心態，所以这家富臨的服務態度極為惡劣。尤其在收銀處那两位女職員，持勢凌人，不可一世。收銀姐姐是惡形惡相，找錢给客人是抛出來镶你拾，更以惡口相向对答问题。從未遇过去食飯的感覺似去返工俾老板教訓，還似去乞食一般的屈辱感，究竟客人付錢去找服務还是自找沒趣！？ 簡值不知所謂，元朗隨了富臨，還有好多酒樓啊

原本我和父母二人都沒有打算外出用膳，但剛巧伯父和伯娘都來探望嫲嫲，而爸爸有見早一晚在「富臨皇宮」的小菜水準不錯，所以便建議一同再到此用膳。想不到只是相隔一天，他們已換了新的餐牌。一問之下才知道這餐牌是七月份的新餐牌，而早一日的餐牌是六月份的餐牌。雖然這說是新的餐牌，但小菜的款式基本上是一樣，只是一些promotion的組合和價錢不同了。泰皇蝦腰炒通菜 $78這個泰皇蝦腰炒通菜的賣相跟早一日吃到的賣相好得多了，整道菜式看上去都沒有之前的那麼零亂，就連通菜的顏色也較為嫩綠。而味道方面跟之前的一樣，通菜富有濃郁的蝦膏味又不失通菜本身的爽脆清甜，蝦肉同樣爽口彈牙，但過鹹的情況未有改善，而令我們同樣感到有點失望，他們真的要多加留意。豉汁蒸大鱔 $98大鱔新鮮又鮮甜，配以豉汁蒸後，吃上去都特別惹味。大鱔亦相當爽口，不過如果它再爽口一點就更為討好。京式片皮鴨 $28/一隻至於京式片皮鴨真的是經濟實惠，沒想過在大酒樓裡可以用$28這個便宜的價錢就能享用兩碟片皮鴨和兩籠片皮鴨餅皮。雖然片皮鴨不算是特別甘香而令人回味，但鴨味也頗濃，加上每一件片皮鴨都帶點鴨肉，吃上去都帶有肉香味，只是當天蔥段和青瓜都沒有了

上次姑媽請我們一家到「富臨皇宮」吃晚飯，發現食物的水準只屬一般，而服務亦有待改善。今次再到這裡吃晚飯都是為了方便婆婆，既然今次再次到此用膳，我亦可以看看他們食物的水準有否進步，服務上亦有沒有改善。今次吃晚飯我們一共只有八人，但他們卻安排我們到十二人大枱就坐，所以我們每一位都坐得特別舒服。由於上次來這裡用膳都是點餐，所以今次我們想試試他們的小菜。小菜餐牌上的款式也相當多，而且價錢也十分相宜，還有一些菜式正在做promotion。極品燒鵝皇 $78/一隻極品燒鵝皇正正就是我剛才說過正在做promotion的菜式之一，原本要八位以上才可以以$78超值震撼價來享用一隻燒鵝。雖然我們只有八位，但他們亦讓我們用這個震撼價來享用一隻燒鵝，令我們未吃燒鵝已滿心歡喜。極品燒鵝皇一來到的時候，我們感到十分驚訝，份量非常大而且香氣四溢，真的想到不以$78就可以享用一整隻燒鵝。它的價錢雖然便宜，但味道相當不錯，燒鵝還帶微微的香脆感，吃得到肉香的同時又散發甘香味，肉質亦見嫩滑。整體上都有中上的水準，只是吃到某些位置時則肥了一點而扣了一點分數。泰皇蝦腰炒通菜 $78吃過美味的燒鵝後，我們都對這裡食物開始有了信心。

姑媽已很久沒有探望嫲嫲，所以今次特意到我們家探望嫲嫲之餘還邀請我們一同吃晚飯。姑媽不太熟悉元朗而我們都沒有特別鍾情的餐廳或酒家，所以母親大人隨便的選了到富臨皇宮用膳。這裡光線充足而且十分寬敞，我們也坐得非常舒服。看了又看餐牌，我們都不知道點甚麼才好，所以最終決定了點星級晚飯C餐，愛它有湯、海鮮、肉類、菜和甜品，樣樣也有一些。雖然我們已點了星級晚飯C餐，但當我們見到木桶豉油雞才$18一隻，我們也忍不住點了一隻來試試。冬瓜盅先上的是冬瓜盅，冬瓜盅湯料大概有些冬瓜、豬肉和瑤柱，味道清清的，沒有特別的鮮甜味，但喝得出沒有怎樣下味精，喝完也沒有口喝的情況，整體味道都還可以。木桶雞 $18/隻雖然木桶雞只是$18一隻，但份量相當多，不過賣相則強差人意，他們是是但但的把木桶雞放在一起，就連雞頭也擺得不好，像是下塌了躲在一邊的樣子。沒想到賣相強差人意的木桶雞不是想像中那麼差，肉質不算是嫩滑，但雞肉味頗濃，加上木桶雞不斷散發出豉油香，豉油味濃而不過鹹，挺不俗的。燒味拼盤燒味拼盤的賣想比剛才吃過的木桶雞好，齊齊整整擺在一起，讓眼睛看上去都特別舒服。燒味拼盤簡簡單單的拼了白切雞、雲耳、煙鴨胸和叉燒。白切雞的

臨近父親節，差唔多餐餐都係父親節飯！父親大人想食乜，我都冇意見。一坐低，好似考試咁要填答案！你話如果有選擇困難証咁點算好呀？今日啲食物好似無樣好味！蘿蔔絲酥餅太多油，燒腩仔冇味皮唔脆，乳鴿炸得唔夠香，味菜大腸超級咸，豉汁鳯爪夠色水但唔入味，排骨完全唔掂無厘神氣咁！

熱到飛起，急急衝入去最近果間酒樓。見到肉絲煎麵$42，即點。叧外點咗蝦春卷，同埋成年冇食過嘅味菜蒸豬大腸，蝦餃，紅燒乳鴿和煎釀笳子。肉絲煎麵，肉絲冇味，嚡！個麵底好似鋼絲擦！蝦餃最好味，有豬油味有筍味！

Went to the 100 days celebration for my friend’s son in this restaurant, I wasn’t going to take photo of the food, but this dish really made me to do so. The so called花姿蚌 is so hard, that your teeth won’t be able to tear it apart, not to mention to swallow it. The shrimp was ok, I checked with those people in the same table and not even one person that can swallow it. The restaurant should take actions about it.