富興潮州麵家

營業中

休息中

行開去正街買生果，突然想起食牛筋麵，即時諗到呢一間算係幾舊嘅潮州粉麵店。有啲肚餓，於是叫咗個牛筋撈麵。呢碟牛筋撈麵唔要蠔油，要左牛腩汁，牛筋有七大件，炆得夠淋但咬落唔會黐住啲牙，麵身夠煙韌，師傅淥麵時間拿捏得好準確，附送嘅湯都好味，佢又唔係雲吞麵嗰啲大地魚湯，應該係啲牛骨湯嚟。

【#牛雜專家🐮 】#富興潮州麵家今日約咗朋友下午茶，時間尚早，走去食碗 #牛雜粗麵 打定底先😄依個鋪位一直以來都係做潮州粉麵，細細個果間叫「大碌竹」，區來街坊應該實知我講乜🤣 所以即使後期轉過幾次手，我同屋企人都仲係稱之為大碌竹🤣因為撞正食飯時間，所以人都幾多，即係證明有一定捧場客。 依碗麵都上得幾快，都幾大碗，麵底剛剛好唔會過淋，湯底都夠濃夠味，唔會死咸。牛雜都算大件，比咗好多舊肚，金錢肚草肚都有，牛肺都有兩件，牛膀比較薄身。牛腸呢🤔搵晒成碗，竟然冇🤢 之前食都有比，可能真係太忙，執少咗💔整體味道係唔錯，不過少咗牛腸就真係差咗少少野咁😣 可以既話我會選擇非繁忙時間幫襯。可能係上天唔想我食得咁肥🤣推介指數：6/10@foodiehck2022#港飲港食平靚正 #西營盤#牛什 #麵食 #午餐

身為香港的潮州人，每逢經過潮汕食肆，必定光顧品嚐是否正宗潮菜。今天路過西營盤正街，忽然有陣陣牛腩香味撲鼻，抬頭一看，見到招牌寫著富興潮州麵家，即刻入內叫了一碗牛腩魚蛋河，再加一碟油菜和奶茶，價錢不貴，但份量也不少。最欣賞是魚蛋，夠彈牙和爽滑，味道與幾十年前的街市魚蛋味道一樣無變，值得推薦！另外牛腩火喉夠軟稔，配上潮式河粉一齊品嚐，充滿了家鄉的味道！翻開餐牌見到有家鄉蠔仔粥，當然不放過啦，可惜味道較淡，這個就食唔到家鄉的濃味感覺了。

好random入咗嚟呢間潮州粉麵，想食返碗牛雜河，斬牛雜嗰個居然係一個後生仔，嗌咗碗雙拼，牛丸大粒有少少筋，味道唔錯，牛雜嘅份量唔算多，切得又細又薄，唔係好夠味，麻麻哋，河粉唔會太淋，有米香味，質地唔錯，不過湯底就淡而無味，反而啲䓤就切得幾靚，食完冇乜特別感覺，普通一碗牛雜可而已⋯⋯

這小店我已食了很多年，在西灣。在香港我覺得這是最好食的牛雜麵，我多是食牛雜粗，湯濃好飲。也只不過是$30一碗。除了牛雜外還有它粉麵。好味的街方麵食，也有人情味的一間小店。

今晚又來西環 QUICK DINNER這間麵店我已經幫襯過幾次，其水準都好穩定, 快靚正乎合我一人晚餐的大原則。而且對其牛腩、牛根有信心，次次來都只會食呢兩野。 之前幾次都係食粉麵，今次大不同點了 $37 亦稱之為麻甩飯，我對碟頭飯有點情誼結，由細食到大，是回憶。小舖無乜裝修,  舊舊地咁，但基本要求是地方夠清潔就OK 啦 。估計是一家人經營, 所有野都由老闆一手一腳做，廚房兩位後生仔, 應該是仔仔。先送來是細紫菜湯 ，有蔥花、紫菜,  以為味道清清地, 但原來味精略重。 好快 都上枱份量足, 估唔到牛根會有咁多, 差不多佈滿整碟，墊上生菜、白飯底加牛腩汁。這裡的牛根夠香、入口軟淋、亦保留小許彈性; 腩汁惹味，但不會過濃。 平民美食； 街坊價錢， 也是令我百吃不厭的原因。 

呢度嘅餃子全部都係鮮制自己包嘅，好有誠意，最正係個魚皮餃，個皮煙韌得來，入面啲肉又好飽滿，仲好juicy!個湯好清，好正，連買啲麵食係一百分。呢個湯加埋腩汁，但係真係值得一讚，完全冇味精味，好清又有牛味。西環物價來講睇到都難！

大少今日帶咗我去食粉麵飯。大少叫咗牛肚拼魚片頭米加腩汁，我就叫韭菜餃拼魚片頭米，另加碟灼腐乳通菜。大少碗腩汁米，我見到啲腩汁好似好希咁。我見大少好快咁食晒，所以我都冇問佢好唔好食。我d韭菜餃，唔知係唔係因為係潮式韭菜餃嘅關係，所以佢係用雲吞皮包，唔係用水餃圓皮包。個感覺好似雲吞皮 Cross-over 韭菜餃。好得意。呢啲粉麵飯鋪頭，其實都冇乜可以挑剔，全部都係街坊生意, 大件夾抵食。我同大少都只不過想遠離商業區，靜靜地兩個人食個午餐。

呢間餐廳令人驚喜嘅地方係一入到餐廳老闆就好快端上一碗熱紫菜湯，同埋即刻問我食乜嘢,服務態度係抵讚嘅！食物質素方面，我叫咗個牛腩飯，我朋友要咗個粉面雙拼（牛腩、魚皮餃）。牛腩肥瘦均勻，食落去幾好食，唔似有啲鋪頭嘅牛腩會太瘦，食落去成口都係渣。需要改善嘅地方係，成碟菜雖然有附送生菜，但係份量有啲少，成餐野變咗多肉少菜。我我都試咗朋友碗麵嗰魚皮餃，食落都幾好味，魚皮餃嗰皮食落去好煙靭，推介！成個餐美中不足嘅地方係，一開始送嗰紫菜湯味精味比較重，飲落去有啲鹹，飲完會好口乾，呢一點可以改善下～粉面雙拼HKD$29牛腩飯HKD$35

人大左，搬家搬到無咩食店既地方，呢間店令我諗起以前屋企樓下既雲吞麵店！同平時一樣，係中環食厭左，等厭左，搭幾個站叮叮，去西環食其他野。呢度午餐時分，唔洗等位，直接入坐！店面面積不算大，迫迫地係可以坐20人左右。呢種形式的麵店，大家都想像到，係經沉澱，令店子破落係由幾個大叔大媽主理，以鐵筒裝筷子，冷氣夠大，速戰速決！叫左個魚片頭粗麵（＄２３）加通菜（＄９）加凍華田（凍熱飲同價＄６）傳統口味，平民價錢！魚片頭粗麵★★★★／５幾好，一碗有５粒魚片頭，唔算少，粗麵唔會太軟，唔爛，幾好味！通菜★★★★／５烚菜不錯，唔會過熟過淋，腐乳唔會太咸。最欣賞係帶有住家烚菜既感覺！凍華田★★／５凍，但華田味淡到不能再淡，只係幫清水上上色。肥牛飯★★★★★／５（＄３３）好惹味，有驚喜！老實說，肥牛肉肯定係冰鮮的，有ＤＤ韌，但整碟飯既飯香＋牛肉汁真是勝過一切！米飯的香氣撲鼻而來，每口飯都五香肉汁，肥牛量適中，配上生菜，為整個飯帶點小清新～隨飯附送了紫菜湯，紫菜咸香，不錯。

記得最傳統嘅牛雜都會係配河粉，米粉，甚至依家興的米線，但我覺得最配合嘅都係飯。飯？你無聽錯，係飯！現在只有舊式的潮式粉麵店才會有。飯比麵類配合得更好食，因為拒嘅汁料會被飯完全吸收，精華都會吃進你的口內。甘樣先至稱得上原汁原味。飯嘅米並不是什麼靚嘅珍珠米，日本米。吃得出係最普通的米飯，但就只有這種米才能把精華全吸進飯內。這家店轉手過好幾次，還是賣同樣的食物，裝修都是一樣的，但人就不同了。食物的質素，說真的沒有以前的好吃。但還有在，已經不錯。材料比外面的多，都有十幾件，但比起以前的小。味道較淡，不夠香，不過都把每個部位炆得十分淋，入口感覺不錯。建議食嘅時候加過潮州辣椒油，感覺配加惹味的。隨飯附送了紫菜湯，紫菜挺香的，湯味精太多，比較咸。牛腩河要了肥腩，果真是肥腩。入口的油脂香很重，很夠軟。一碗有8件左右，一個人吃都夠了。外面切牛什的師父是年輕嘅師父，最年輕，但都見切得有板有眼。就是味道要

今天在港大參加活動，活動後，就在西環｢覓食｣吧。我不熟西環區，只知道有很多傳統食店。還沒有想好要吃什麼。 經過了富興，嗅到很香很香的柱侯牛雜、柱侯牛腩的味道！我和Honey就被吸引住了！雖然這粉麵小店格局相對地殘舊，無關係，最緊要食物好味。雖然地鐵已經通到西環，但是這個粉麵小店價錢也不貴喎。我叫了一個牛雜河，Honey叫魚皮餃麵，每碗只是$24。牛雜非常入味！很香濃的柱侯味！牛什煮得非常稔！湯底也不太鹹。 我們又叫了一碟大的炸魚皮。炸魚皮很香脆，不過，魚皮太厚，咬下去是比較硬，也相對稍鹹。牛雜河和炸魚皮都是鹹香的食物，所以，我們又叫了油菜和兩杯凍飲，凍檸賓和凍檸樂。油菜$9，凍檸賓加$8，凍檸樂加$9。整個午餐，只是$90s'，認真化算！舊區覓食，除了傳統口味，價錢也很平民化啊！