富記飯店 (已結業)

很久之前已想到富記食飯，但苦無機會。昨晚終於和三數朋友到這裡一試。沒有叫「冰鎮」特色菜，只點了家常小菜小試牛刀。我們一行四人，叫了燒鳳肝、鴛鴦滑豆腐、腊味炒芥蘭、燒薄餅。燒鳯肝- 夾著菠蘿及鴨片一起品嚐，雖然菠蘿可以消一點膩，但因鳳肝不算少，一客８件四個人食似乎多了點。腊味炒芥蘭- 芥蘭爽口，腊味不膩，不錯。鴛鴦滑豆腐- 豆豉及珊瑚蚌蒸豆腐，清淡得來豆腐亦滑。燒薄餅- 厚薄適中，香口料足，有火腿粒及蔥粒，$28一客，不錯的選擇。原想叫焗魚腸，但因為已經飽了，故下次再試。環境一般，卡位的設計雖然可以座得舒服一點，但冬天客人脫下的褸便沒有地方可方置。而且開揚的格局傾計會較為欠佳，因為始終人一多便嘈，很難集中精神傾談。但Menu很多菜式都幾特別，想點甜品，但只有官燕可供選擇，但當我們叫埋單時，侍應姐姐問食唔食紅豆沙。便要了三客，反而紅豆沙有驚喜。因為紅豆沙有蓮子之餘加了西米，甜味適中，很好吃。

好耐無去過富記食飯...今次我地兩位叫左焗龍脷柳...燒鵝例.....例湯.....附送紅豆沙....燒鵝皮很脆...好好味...例湯都好得.......我地兩個人都可以清晒..哈焗龍脷柳好特別味道都好好........送的糖水都唔馬虎.........係我食過最好的紅豆沙.........十分....雖然好飽但食完真係好想食多碗......服務態度很好......我地問個好nice的waitress可否order多一碗.......她竟然主動話送俾我地.......今時今日咁的服務態度.......真係冧死客......好滿足的一餐.......謝謝妳.....不久會再來光顧..... ^^

同班朋友一講起去邊處食晚飯呀，就會話去富記。每一次都會叫冰鎮黄鱔，佛海菩團，好味豬手，法式片皮雞.......。最近還多了很多特色小菜叫白雪燒鳳肝，味道好食。好像在很久以前在街上排曬隊的燒雞肝,好好味及食落一D都唔漏。看有的評語，又話又唔好mud,唔好物，都唔知係唔係食嘢,你去令一間食,有無禁好食？？？啲伙記,記得有一個瘦瘦穿西裝，每一次佢\都會介紹不同款式給我們,還記得每次我order so many, 他會叫記我\"你食完先叫啦\"太多very good.其他伙記都very good,我其實每個week 都會去一至雨次,Very Good,不妨去食吓

d野幾好味,雖然唔係最平~

yesterday 同屋企人去富記食野,好耐冇去喇~好食左,有幾味幾得意,唔錯喎~

睇其他食家都話呢間野D 侍應個個冇笑容，感覺真係好差！我地Book 左十二位，點知好多人放飛機，得返七個，佢有個侍應勁眼超超望我地，好似好渺視我地咁，仲要不停問我地有冇人到，嬲爆爆咁執哂我地多左既碗碟走，好啦，到左埋單，無啦啦計左我地十個茶錢，我地話我地得七個，佢話我地明明book 左十二個，得番七個，都要計茶錢，我地咪同佢理論囉，唔係話唔俾，你應該一早同我地講會計錢呀，其他食肆都唔係咁做野架啦，佢個阿叔侍應仲要鬧返我地轉頭話我地唔岩，話我地黎唔齊人應該通知佢喎，都黐線既，你冇話明，我做乜要俾呀，人地卡拉OK 都會講明收人頭費啦，呢間野咁做野，好差！聞說佢呢間野即係先達小巴站附近果間富記既分店，總店都勁唔掂，話說我當年去食，冇睇餐牌就叫艇仔粥，佢個侍應竟然同我講：「呢D 咁cheap 既野我地唔會買架喎！」谷到我一肚火，後來問阿媽知道有D 所謂高級D 既粥舖唔會賣艇仔粥，咁又點先，我唔知，駛唔駛咁寸人？你話總店出名，又係地茂店，我就忍下你O即，呢間乜鬼富記飯店話哂都高級D（不過平心講，D 野唔係太好食），咁樣待客，真係好過份，非常希望呢間野盡早執笠！

昨晚與幾位朋友前往此店食飯，我遲了些才到，我的朋友不知我要食藥不能飲茶，所以為我倒了一杯茶，並先叫了幾個菜。我到來時見到杯內有茶，便請侍應生幫我換杯滾水，侍應生本應很快便取了一壺水給我們，但因為我杯裡還有茶，我本想他幫我換了杯內的茶，我見他沒有為倒去茶，便再向他說，我想換杯水，這侍應開始出現一些難看的表情。之後他為我們上其中一道茶「芝士焗龍利柳」時，初時我不知這菜是焗的，我見他用鐵板上菜，由於我不可食煎炸食物，便多口問他一句這菜是如何整的，他竟然望住我，好似覺得我想偷師咁，於是我再問有沒有煎或炸過呢？之後他說是焗的，我說我見用鐵板上，我以為是煎，跟住他才說是燒熱了鐵板後才把焗好的魚放上去，其實我就是想知道這個答案，因為我要衡量這菜是否可以食啊！但他就好像不想答一樣，真激死呀。環境尚可接受，至少較酒樓靜，座位舒適，不過圓的兩邊Sofa位則不太合適，當食東西時不可靠著椅背，要明顯地向前坐才可進食，因為該座位與桌是有一段距離的。我相信不是我的問題，因為我看見隔離的男士都有同樣情況。我們點了的菜是：1. 蒜蓉炒豆苗2. 鴛鴦炒飯3. 魚湯浸娃娃菜4. 龍利柳5. 贈送的茶皇燻鴨(鵝)6. 踏雪

上年第一次去人少少, 不用等太久, 食物尚算ok今次第二次去, 等了粒幾鍾,一坐下即想走,因為餐廳太嘈, 比酒樓嘈十倍. 我跟本聽不到朋友講話.如果你是一個人去, 不用聽朋友講話, 耳朵又不太靈光的話, 去也無妨, 反正你的耳朵不會受損, 我同朋友食完飯離開, 對耳朵"we we"聲野, 食茶餐也比它好十倍.

1) 雞c粉皮..佢真係整得好好食!]2)東玻肉, 好味! 半肥瘦岩岩好..3)鴨胸. 都可以試下..其他我就唔記得食過乜野了=.=

又一好友和我吃飯, 謝謝~~吉列蝦球配芥辣沙律汁–炸麵包糠面索油不夠, 所以都幾油膩. 煆肉幾爽口大隻但欠缺蝦鮮.鐵板海鮮豆腐–豆腐是玉子豆腐, 海鮮有帶子, 鮮魷, 蝦球, 材料豐富, 汁是帶酸辣但略嫌過杰, 鐵板底是蛋餅, 幾特別.附送糖水是木瓜雪耳紅棗水, 不過幾甜吓.

約了朋友出來晚飯，聽辣椒女說，試試這間食店；因為比較早到，所以不用等位，看完餐牌，最後選擇了粉絲節瓜煲、吱吱喳喳炒飯、日式燒台灣鱔和叉燒燒腩仔。粉絲節瓜煲- 粉絲很多但很碎，節瓜煲得好淋，也很入味，味道一般但唔出色。吱吱喳喳炒飯- 個名就好特出，但來到一見，只是一些碎肉、蛋和雜豆一起炒的豉油飯，炒得比較濕身，味道又唔見好食，但碎肉越食越像牛肉，真不知是否！日式燒台灣鱔- 燒鱔完全唔得，明顯係一早燒好，人客叫的時候，便再返叮拿給人客，肉質又韌又唔好食，認真過份。叉燒燒腩仔- 叉燒太瘦，肉質太硬；燒腩仔、皮脆肉質韌、又唔入味太鹹。食物可以說是水準以下，雖然價錢唔算貴，但又可必這樣對自已呢！侍應問什麼也不大懂，真係奇怪。

爸爸建議要响呢度開飯，恭敬不如從命。自己已來過不下三四趟，大致已知點樣叫餸...法式片皮雞已係鐵膽菜式。食落只覺一次比一次差--- 皮不脆，肉不嫩；中間所謂嘅鵝肝醬只屬劣等貨色，不值一提...生炒骨亦係水準以下，端上枱時已經有少少凍咗，可能係煮起咗後响廚房擺得耐咗，食味大減...香酥豆腐實際上有D似酥炸版嘅老少平安--- 以豬肉及蝦米混入豆腐蓉然後酥炸，idea幾特別，可惜實在係太油、太油嘞...杏片芝士丸亦係幾特別--- 大大粒墨魚丸入面放入芝士粒，再舖滿杏仁片然後炸之。夠足料，丸打得頗彈牙，有食爆漿牛丸嘅feel，不俗...鐵板生啫生菜，蝦醬味極濃，可惜煎過咗籠，食到底嗰層有D苦...真正出色依然係佢哋嘅老本行--- 燒味。燒腩仔正式皮脆肉嫩，忍唔住食完一嚿又一嚿...送嘅紅豆沙煲至起沙，蓮子亦夠多，出色....餸菜水準有好有唔好，不過不失，但一定比甚麼迎囍、潮樓出色...

訂咗位所以唔駛等一去到就可以入．坐位與坐位之間比較迫，坐滿客後個環境好嘈，講嘢要好太聲．真係好奇怪唔知點解d待應個個都無笑容，唔係好願做嘢禁，叫一叫就'沃'一'沃．這樣的服務態度真係唔得．d餸的價錢總括來講都唔平，平均每碟都要成七八十蚊．而且個份量又唔多，好像一個焗蠔只得四隻，不過就要成差不多九十蚊．有d出名的餸e.g.手把骨，芝士丸.....食落都是一般般，唔係太大驚喜．不過個免費甜品又好好味．

一向食要好味，環境唔理。但係有時，味道反而其次，最緊要唔洗等。親人從西方遠來，要吃中菜。泉章居回覆除首輪以外不能訂位，鳳城又遭反對，結果打去問富記訂七時半，搞定。一行七人，點了兩份手把骨、整只脆皮雞、金沙蝦、鐵板啫啫通菜轉了芥蘭、錦鹵雲吞、雞蛋焗魚腸、五味骨、金銀蛋莧菜。比較離奇的是當時不過八時，手把骨居然只賣剩一份，也罷。小菜份量不大，金沙蝦和脆皮雞算比較好味，點鐵板芥蘭是個失敗：芥蘭是乾的，令下面的雞蛋也乾巴巴，反而原本用通菜就沒有這個問題，且會跟蝦醬味夾一點；焗魚腸比之小菜王就少許多油，但比之益新又無咁香口；錦鹵雲吞我會懷念幾年前在美都吃過的，那個汁又香又開胃。至於其他小菜，己無印象，但不得不提五味骨，味道曖昧，無法區分，令人摸不著頭腦。果真是如打翻的五味架，不知是何種滋味乎？送的是白果腐竹薏米糖水，濃濃的但不太甜，倒不錯。環境比一般酒樓嘈雜，雖只是八人枱但不大聲說話誰也聽不到；服務甩漏：要水無水，要人無人，廚房又漏單。不過，味道真係其次，唔洗各位長輩呆等位就夠。還有，這裡一大約只能做到一枱生意，越坐越多吉枱，結果坐足兩小時有多，也無被人趕走。科技發達，已沒有了「下次再會，又不知

我地13個人去食, 我係最遅到既, 所以唔知價錢同食咩.黎左個冰鎮黃鱔, 一pat野, 我唔知係咩黎, 冇味既... $78片皮雞, 個樣幾特別, 但味道一般, 價錢...... $178牛仔骨, 唔掂, 真係得好少肉, 又細碟... $68三色魚柳, 魚條黎既, 講真, 唔覺有魚肉... $58炸芝士球, 呢個都ok, 唔差, 但..... 12個/$160唔記得咩炒飯, 最差既野食, 冇wok氣就算啦, 都唔好油浸下話! 唔係多油就叫有wor氣架! d飯硬到好似唔熟咁, 求其搵間都好食過佢啦!... $68d waiter, 唔加茶, 大佬呀, 叫完都唔理, 明趕客啦態度又差, 我地叫左個炸豆腐($78), 好耐都未黎, 最後我地話未整不如cancel啦, 個waitress竟然"秒"咀, 有冇搞錯呀!!!!!最後埋單, 個waiter放低張單(個頭望另一邊),指住張單講, "簽個名!", 我形容唔到佢既態度, 只可以話, 唔該同多謝都冇......食完呢次, 唔使指意有第二次!出門口, 我知點解我d朋友叫個冰鎮黃鱔喇, 因為門口張相真係幾靚, 可惜我地食既唔同樣...