富記麵家

營業中

休息中

閒日午餐時間過黎，小店用餐位置唔多，要排隊等十五分鐘左右餐牌選擇甚多，眼花撩亂，最後揀左牛筋拼墨丸河. 碗麵熱辣辣，香氣四溢.有熟蒜同蔥花，湯底有味墨丸口感好好，食得出係自家製. 有墨魚嘅爽口，粉嘅比例適中，食落變左食粉多過食丸咁. 味道適合 唔會死咸. 牛筋都煮得好足時間，入口係淋得黎頌有少少咬口，而且都好多舊. 同事食牛腩都話好食. 從相片睇得出佢都有心機咁放啲牛筋，係一行，總對唔係求其整. 小店有黎個質素相當滿意，良心製造. 係會encore!下次再試佢嘅黑墨丸

大碗，河粉唔會好易斷D牛腩好香，唔會得d肥膏，d肉唔老唔會sip住牙la，入味又夠諗牛筋滑，唔腥又入味，份量好多！湯底正常唔鹹，不過應該冇味精，飲完都唔會頸渴最驚喜係蘿蔔，超級甜又冇筋！以為比左糖入去煮，不過食到係蘿蔔本身嘅清甜，冇花冇假，想叫多碗淨蘿蔔同朋友share都已經賣曬朋友食牛肚河就冇送到蘿蔔，不過料都比好夠呢個價錢係港島食到咁嘅質素真係冇得彈，比起其他港式粉面好食好多有誠意路過會再幫襯！

早前喺報章睇過介紹呢間食店, 見個老闆都幾用心經營, 自己時不時都經過呢頭, 今日就的起心肝專登嚟呢度買個外賣食當支持下 😌餐牌好似好推介手打墨魚丸, 咁第一次就試呢個啦~ 😆 手打墨魚丸河粉 ($35)個墨魚丸幾有鮮味, 手打係唔同啲, 食到有墨魚丸粒~ 黑白墨魚丸河粉 ($37)試埋呢個黑白墨魚丸, 黑色嘅加咗墨汁, 食落去味道就冇乜分別, 平日呢個黑色墨魚丸都幾早賣晒, 好彩我係食lunch先有機會買到~ 整體感覺都可以, 墨魚丸加咗辣椒油幾好食~

疫症之下多數買外賣，緩和左之後有時都會出下去食，抖下氣，某日的Lunch，公司是彈性食飯時間，唔洗同人迫之餘又可揀下午茶食平點，到了富記一轉，有下午茶餐，講起來真係好耐冇堂食了，記得未疫症之前，可以係話飯堂之一，成班同事一齊食吹下水，而呢個畫面，都只能回憶了，不景氣之下好多同事都唔做同放no pay leave......有緣再聚。諗食咩，前排外賣多數食牛筋，有點掛住主打的墨丸。黑白墨丸河粉，＄37，自家製的墨丸，口感彈牙有鮮味，食到有少許墨丸粒，真材實料，鍾意呢到的河粉夠爽滑，湯底味道都不俗。熱檸茶。抵食又有水準。黑白是良知，支持小店。

呢間食完一次唔夠兩星期又想食，中午大熱天時行15分鐘去食都肯制啊第一次去叫左黑白墨丸，睇落得4粒丸，黑白各二有啲齋咁，所以今次再黎就叫左本地生牛肉河粉，另外加白墨丸（$46+$9）生牛肉河本身有一舊白蘿蔔，啲牛又多件數，條條都切得唔薄架，食落軟得黎又唔會冇咬口，再加佢既招牌墨丸，睇落好豐富，食落都好滿足

『有誰跟我一樣喜歡吃牛腩麵』☁︎富記麵家, 𝑾𝒂𝒏 𝑪𝒉𝒂𝒊⠀⠀那天下午3時多到達，等了大概10分鐘才有位置。想吃生牛肉，沒了～想吃牛坑腩，也沒了～想吃魚皮，都沒了....大家想去就早點去吧哈哈⠀⠀꧁清湯牛腩牛丸麵꧂⠀麵質很爽口彈牙，煮得很不錯。牛腩很鬆化，但真的較肥，清湯都變得有點油了。牛丸感覺是買回來的，牛味有得但不太突出，質地也就普通沒驚喜(⊃｡•́‿•̀｡)⊃⠀𝑅𝑎𝑡𝑖𝑛𝑔: 7.6/10⠀𝑃𝑟𝑖𝑐𝑒: $38 (雙拼+$7)⠀⠀꧁黑白墨魚丸河粉꧂⠀河粉好滑好滑，而且也不太油膩！(•̀ᴗ•́)و自家手打墨魚丸鮮味夠，但質地沒有驚豔到我...覺得其他食評有點太誇張了...黑色的墨魚加入了墨汁，不過味道上沒有大分別。ʕ•ᴥ•ʔ⠀𝑅𝑎𝑡𝑖𝑛𝑔: 7.5/10⠀𝑃𝑟𝑖𝑐𝑒: $37⠀⠀總結來說，這家粉麵鋪雖然質素不錯，但定價偏貴，不過在灣仔區還算合理，經過推薦大家試試看哦！ʕ •́؈•̀ ₎⠀⠀——————————————————⠀🌟推薦 ʀᴇᴄᴏᴍᴍᴇɴᴅᴀᴛɪᴏɴ⠀⠀⠀⠀黑白墨魚丸河粉⠀🤰🏻回訪 ʙᴀᴄᴋ ᴀɢᴀɪɴ? ⠀⠀⠀yes⠀——————————————————⠀𒊹︎︎富記麵家⠀灣仔灣仔道1

讚1.墨魚丸的確好，爽彈有鮮甜味，好有去高流灣食果啲新鮮墨丸既感覺；牛腩都好味，帶肥有肉香；河粉都滑身，整體無投訴2.環境幾企理彈1.炸魚皮似乎乾硬左少少，食得有啲辛苦蹯

🌞weekend Lunch.🍜黑白墨魚丸🐙幼麵 +🍤鮮蝦雲吞🥟 +凍檸茶🍋🍹🤑$45 + $8🗣白墨魚丸🐙有好香又濃郁嘅墨魚味，入邊有啲切碎左嘅墨魚，好爽口，冇一般比較份嘅墨魚丸既嗰陣粉味。黑墨魚丸🐙更有驚喜，食得出墨汁嘅鮮甜味，令到成粒墨魚丸更加鮮。🍤鮮蝦雲吞🥟有濃郁嘅蝦味，入邊啲蝦好新鮮爽口，唔係林啤啤嗰隻。幼麵冇咩鹼水味，有咬口。湯底清唔太鹹。.🍜黑白墨魚丸🐙幼麵 +🥬菜肉雲吞🥟🤑$45🗣 菜肉🥬雲吞🥟嘅肉質好新鮮， 入邊嘅菜仲好爽脆，唔似係包左好耐嗰隻。.🍜生牛肉🐮幼麵 +牛腩🐄🤑$55🗣食完兩碗唔夠飽再叫多碗。呢碗仲有驚喜！但有腩汁嘅湯牛味濃郁唔太鹹，🥩生牛肉唔會梅，爽身而有咬口，油脂分布得好均勻，識落有好豐富嘅牛味，之後仲有好濃郁嘅牛油香。🥩牛腩亦都做得好好，佢將平時好銀好硬好乾嗰個部份煮得好淋唔乾，同埋佢本身個牛腩都好有牛肉味。.好味: 😋😋😋😋😋抵食: 👍🏻👍🏻👍🏻👍🏻👍🏻

奶油包係6月份既時間要出街做野咁岩去到灣仔個頭就心心念念咁想Encore富記麵家原因係2019年既時間食過發覺富記麵家除左價錢平之外份量都好足夠岩晒奶油包呢個比其他女仔大食既人因為要做野既關係唔方便堂食只好買左個外賣係工作地點食今次食既係炸魚皮米粉富記麵家真係好貼心米粉同湯係分開裝既咁就唔怕會淋左同米粉發水後冇晒湯米粉份量勁多唔會得好少食兩啖就冇晒另外不得不提一樣野就係D炸魚皮多到喊以奶油包既食量都覺得D炸魚皮勁多而且炸魚皮既味道好好唔會太咸仲非常脆口食完覺得好滿足仲有價錢真心好抵奶油包誠意推介

一路行街行到肚餓， 想食嘢但係又唔想食太多， 食粉面就啱晒呢間富記面家我都係第一次食，排隊嗰陣一心諗住食自家鮮墨魚丸， 點知。。。。。入到去，佢話好多都賣晒，咁今日附近咁多人，d嘢食晒都唔出奇嘅~ 唯有下次先再去試佢既自家鮮墨魚丸啦~ 我叫咗個魚餃河，其他人叫貢丸河同牛盛薈河粉。 真係打破唔到隔離飯香定律，個牛盛薈一嚟到， 嘩~~~~ 睇落真係好正 最衰我唔食牛， 如果唔係， 食呢個都幾開心。 佢個牛盛薈有牛腩，牛筋，牛肚~ 好豐富呀~我都偷咗粒貢丸食， 唔係平時食嘅貢丸， 呢粒入面有好多冬菇， 特別香， 真係好好味d姐姐雖然好忙， 真係忙到甩轆咁， 不過都仲keep住好好笑口，好好禮貌， 我估佢地都真係笑既， 不過戴住口罩真係睇唔到.下次要嚟試自家鮮墨魚丸！！！！

第2次幫襯，原本諗住叫黑白墨魚丸河試吓，嗰陣係晚市八點左右，姐姐同我講黑色墨魚丸已經賣曬😭😭😭所以大家想食黑色墨魚丸嘅話，可能就要早少少，同埋睇吓彩數。咁我今次照舊食返普通墨丸河。麵(河粉)嘅份量好足，同一般麵鋪嘅有少少唔一樣，比較窄身少少同埋透薄啲。四粒墨魚丸，粒粒夠紮實咬落口唔會淨係得粉，墨魚丸入面唔係墨魚膠，仲有'啄'唔到細細嘅墨魚粒，有咬口。湯底好味，唔會死咸死味精。對於我呢啲食量唔係好大嘅人嚟講已經非常足夠。

利申本身好少堂食粉麵，因為通常又逼又感覺污糟咁。朋友轉個video 介紹呢間粉麵舖，話啲墨魚丸係齋墨魚做。勁愛食墨魚丸嘅我唯有黎一次。夜晚成九點先黎到。感覺幾乾淨。不過實在已經夜，黑色墨丸，牛坑腩，鮮蝦雲吞都冇曬。最後叫左墨丸+菜肉雲吞+紫菜幼麵。墨丸同雲吞都比較細粒，每樣三粒。麵就幾大。墨丸食得出係齋墨魚，口感似食圓型墨魚滑，唔彈牙，奇在墨魚味唔係好勁，食完發覺我都係鐘意食非齋墨魚嘅墨魚丸。菜肉雲吞都幾好食。個人最鐘意反而係紫菜！好多麵舖啲紫菜真係韌到食唔到，咬極都唔爛咁，唔知點食！呢間好正常！正！麵同湯底都剛好。總結：雖然墨丸冇如我所料好好味，但佢啲嘢都幾平均地好味。有啲貴但乾淨同員工都幾有禮貌。俾個笑～

呢間黃店店內設連儂牆，老闆默默支持手足，之前示威者幫襯仲一毫子都唔收！係呢啲時期，小店真係要靠大家支持先可以渡過難關😢💛⁣⁣呢度嘅墨丸好出名，一向超鍾意食墨丸嘅我特登慕名而來，點知嚟到竟然賣晒😭😭 咁就試下佢既牛腩麵啦！點知都幾有驚喜😋⁣⁣清湯牛腩麵 （$36）⁣牛腩一啲都唔鞋口，肉質仲幾嫩滑添！肥瘦適中，仲有五大舊，抵讚🤤👍 湯底都幾清甜，加埋辣椒油食超正☺️☺️ 牛腩麵周街都有，但食到好好食嘅都唔係咁易，呢碗真係好出色🥰 ⁣⁣希望下次黎可以食到佢嘅墨丸啦！

七點10分，叫左淨墨丸，因為35分有車，一坐下就叫。店內得幾个客，四分鐘後，仲末有，叫侍應快一點趕時間。侍應話整緊，我望入廚房， 肥廚師先喺雪櫃拎墨魚丸出嚟，仲望左我一眼。不到2分鐘已經在枱面了，心知不妙都驚係會唔熱的。一咬墨魚丸，真係唔熱的。唔通仲要等佢返熱俾我？我當然起身走啦。雖然都真係好想試佢嘅手作墨魚丸嘅，但係真係非常不愉快的經歷。凍的怎麼可以放入口

無懼世事變改！就係好想去食呢一間後生仔老闆主理，近期人氣急升嘅麵店💛，報導引述，所有食物都有份監督，保證有水準先上枱。午飯時間真係要排一陣先至有位，做定功課叫咗兩款招牌嘅食品，試過究竟先😌.🍜清湯爽腩麵🐮💬牛腩選用爽腩部分，一絲絲唔會韌，清湯腩又點少得好拍檔「蘿蔔」，又甜又多汁，加兩滴🌶辣椒油，大滿足😋.🍜黑白墨魚丸🦑💬每枱都有點選，亦係重點推薦之一，淨食一碗有6️⃣粒，⚫️⚪️各✖️3️⃣，老闆親手主理，確實係好彈牙，真材實料，難怪有食客食完一碗又添多碗😌