富記麵家

營業中

休息中

走去e肚仔搵lunch食，見到依間麵店，好耐冇食過就去open rice望下食評。見到大家都讚好墨魚丸，因為本身都鍾意食墨魚丸，咁就去試下啦！因為比取餐時間遲咗，去到已經有碗麵等緊我。其實攞嗰陣有啲擔心我遲咗去會唔會啲麵已經漏到淋晒呢....一打開就睇到原來湯同麵係分開裝架！好少食依類店有得分湯，好貼心！放咗個麵入去之後，再望下，原來有塊白蘿蔔跟湯，另一驚喜點！最大既驚喜點就係粒手打墨魚丸勁彈牙爽口，同機製真的不是同一個領域架喎，我開始明白食評講為咗粒墨丸去食富記

第一次幫襯，叫了墨丸河+炸魚皮，口感非常好，手打墨丸墨魚粒多，炸魚皮夠爽脆店員年青，忙中有禮，水準不錯，下次一定帶朋友來試這間真正香港人的麵，下次來一定試其他，

去任何粉麵舖，我一定會點墨魚丸，咁就知我幾鍾意食墨丸。富記自家製既墨丸，我係一直都想試，不過次次中午經過，外面都有人龍。今日啱啱過咗午飯時間，人少d，終於有機會試。由於中午食咗野，今次就叫淨墨丸。先睇睇舖頭牆上介紹，每日新鮮製造，採用大墨魚，未試食已經有期望！其實一碗有六粒，相中少一粒係我未影相已急不及待食咗一粒。食過咁多唔同墨丸，富記墨丸的確比到不一樣口感，嗰種超彈牙感覺，仲有特別"煙煙韌韌"既口感，應該墨魚比例十足。睇下餐牌，其實仲有好多價錢實惠既麵食，希望下次有機會再試。

手打墨魚好正，超彈牙、同超多墨魚粒，河粉幼滑，湯底有落過心機而不是死味精咸。年青員工有禮、細心，眼見有客人咳他馬上拿杯水給客人難得粉麪舖食完會想再回味幫襯，值得推介。

有留意開我foodie page既就會知我近乎冇post過中式粉麵🧐因為本身真係冇特別喜歡🤫但呢間野又似乎令我另眼相看🤨同埋呢間野係超級超級無敵黃😂😂😂💛🍲自家制鮮蝦雲吞伊面 （$33）唔係間間粉麵檔都有伊面揀🤫我唔汁輸trytry先😂雲吞係自己包🥟都幾足料！蝦食落新鮮爽口！不錯😋但伊面底可能有少少食唔慣、覺得淋左d!🍜牛盛薈伊面 （$50）有蘿蔔、牛肚、牛筋、牛腩、牛丸🐮份量超大碗🙈淨係講賣相都高分！其中最鐘意係牛腩bb🥰好軟熟！牛肉味濃！！其次牛筋都炆得幾淋！整體都唔錯！少有地成碗食晒😝🐟自家酥炸魚皮 （$23）炸魚皮非常鬆脆！😋🤤自己比較鍾意浸落啲面度食😝吸埋啲湯既味！食晒成碟都唔濟喎又！🍢自家鮮墨魚丸 （$42）有睇過間野d openrice!發現好多人都係會叫呢間啲墨魚丸食🤓自家手打架！而家唔多地方會有手打！爭好遠架！真心彈牙爽口！🤭🤤🤤🤤🤤下次黎既朋友可以試埋佢生牛肉河！聽聞係好食到不得了🤫

灣仔區類似粉面食店其在多不勝數但朋友強力推薦下 前來了富記面家店面是一般面家的裝潢 並不特別我點了 墨魚丸 雙拼 加新鮮牛肉 🍜下午茶仲送飲品 我要了凍檸茶少甜少冰面食好快就到 當然要試下個湯 好特別 香濃得黎又甜用牛骨煲成 唔係一般鹼水 或者 湯再試下 主打 既墨魚丸 雙拼既話有 白色 黑色 每樣2粒咬落去好彈牙 鮮 食到粒粒墨魚肉黑色既墨丸仲有d墨汁既味道河粉方面係 薄身 較窄既湯河 唔係用炒河混水摸魚至於新鮮牛肉 係 手切雪花肥牛冇雪味之餘 肉身厚 重牛脂味 凍飲亦見到水吧有唔錯功力唔會太甜太多冰埋單五十幾蚊 唔算係平但 出品屬誠意之作 至於相下次補番 因為好快會再去

呢排去開灣仔通常都會去文華饕記多，因為佢黃得來又收得晏少少，早兩晚九點半過後膽粗粗走去收十點嘅富記麵家，問店員仲有無得食，門面的四眼哥哥仔熱誠招呼話有呀，咁就二話不說入內開餐。睇過啲食評話此店牛做得出色，便點了牛肚米，見隔離枱客人食緊兜炸魚皮好似幾好樣咁，於是叫埋再加碟油菜，牛肚比預期的更好味，夠哂入味又夠軟淋，𡁻幾𡁻就得，而且唔會黐牙，個湯頭亦香甜濃郁！食到十點仲有一半未食完，於是同店員講唔好意思阻住你哋收工，門面那位四眼哥哥仔話「無問題！慢慢食！我都仲要收嘢，千祈唔好心急呀！」忍唔住讚賞佢哋嘅牛肚，四眼哥哥話啲牛肚牛筋等等都係佢自己炆咗好耐㗎，唔怪之得入哂味啦！然後佢主動問我啲炸魚皮覺唔覺喊咗少少，我話都係㗎😅，佢話有客人同佢反映今次重手咗啲，下次再炸佢會落返少啲鹽㗎啦，所以原來佢就係老闆！臨走時問老闆最近生意還好嗎？佢話因為武肺所以生意額確實都有受唔少影響，但幸好還有一班有心嘅客人支持，暫時都仲叫捱得住。有禮貌、肯聽客人意見、對煮食有熱誠嘅年輕老闆，店內亦有不少文宣，門口更貼有醫護免費及不招待內地人告示，如此良心小店，大家要一齊幫手多啲幫襯，等佢可以繼續撐住呀！

已經試了同區有所有黃色茶餐廳，一直沒有去此店的主要原因是我午餐要吃飯才飽肚。但是，今天下午終於忍不住去試了全灣仔區最有名的面店，選擇了鳳城水餃面和凍央少冰，千叮萬囑要落腩汁，證明我的眼光無錯！環境極黃滿分，非常正面的佈置，有支援醫護手足的善舉。味道方面我會給4.2分，因為腩汁將面的水準大幅昇華，而飲品甜度剛好非常易入口。總體是相當有水平的面店！老闆娘很有禮貌，是一位很誠懇的服務者，希望大家都多多支持這家黃面店。😀

li間粉麵店堅係勁多人排隊 但店面不大 座位不多 真係要1個人去先食到 第一次幫襯 好好彩等一陣就可以入座來之前在openrice做過功課 一坐低就落單 牛腩墨魚丸雙併河粉 HKD45 灣仔來講 價格合理等左一陣 就有得食啦 哇！份量都唔少 HKD45完全超值！！！男士食都絕對夠飽！牛腩都有成8舊 仲俾埋舊蘿蔔 一d都唔孤寒 墨魚丸就2粒 算係咁 麵底真心幾多 絕對唔會食幾啖就食完！首先 試左牛腩先 佢地煮到好淋好入味 一d都唔un 但個人唔太受得味精 佢個牛腩味精味都幾重 試過就算 之後再食 都唔會叫啦 但蘿蔔就好清甜 無渣之後 食自家製墨魚丸 哇 一試驚人 超級彈牙 仲要有墨魚粒 好有咬口 唔似出面得d粉味個d 真係必食之選！一定會encore！河粉 合格 唔會煮到碎哂 或者 痴埋一餅 份量又足HKD45既雙併粉麵完全超值 大家一定要試墨魚丸 無介紹錯👍🏻👍🏻👍🏻

鮮有的牛腩魚蛋麵檔，在店面幫忙的都是以年輕人為主，充滿活力。店舖裝潢也比較新式，重點是冷氣很足夠，不怕吃到一身汗啊！【牛盛薈河粉】牛盛薈就當然是牛的大雜燴，當中的材料有牛肚、牛筋和牛腩，這次還另外加了一粒牛丸和白蘿蔔，變得很豐盛呢！牛腩和牛筋都煮得很腍身，牛肚也很容易就能咬開，白蘿蔔鮮甜沒有渣，但牛丸就有點失望了，粉粉地的口感不太喜歡呢～ 湯底也很鮮味沒有太多味精，不會有一陣油膩感，讓人忍不住一口一口的喝進肚裡去。這間麵店真的很不錯呢，重點是真香港人開的，聽聞墨丸是手打的，下次要來試一試啊～

今日lunch 去了這家河粉店試試1點鐘已經有不少人排隊有不少是學生 也有外賣的大概5-10分鐘就有位最平$3X就有一個河粉很便宜 難怪咁多學生食點了一個本地生牛河-$46牛肉好好食 唔會太肥 脂肪比例很剛好估唔到本地牛都有咁的質素而家河粉超滑!!!正呀同事點了一個牛肚加墨丸河-$40墨丸是自家制 好有咬口牛肚都已經調好味 咸咸地唔錯!!灣仔區真係好多唔錯的牛河/車仔面價錢也很實惠 對女仔來講已經夠飽 男仔就可能差DD

又係四處出動支持💛小店的日子，今次來到灣仔的富記麵家。睇comments主要係讚真材實料（雖然貴少少）同有禮貌，就等我去一探究竟啦！一點左右嚟到，差唔多坐滿哂人。雖然都係粉麵舖，但環境睇落都算衛生。店內嘅一張張海報和Pepe公仔已經表明心跡。餐牌選擇跟出面粉麵店大致相同，唯多了些本地牛肉的產品供選擇。價錢方面普遍$33/碗，初步印象是有點貴（尤其是油菜$23!）。今日胃口不多，就先試一客鳳城水餃河。鳳城水餃河粉 ($33)平時點的鳳城水餃河，都是大大粒脹卜卜的，而呢間嘅鳳城水餃，好像比平時的雲吞還要小🥺 先喝一口湯，湯頭有一種清甜👍 河粉份量足，幼薄和好滑唯獨對鳳城水餃較為失望，雖然皮好滑，但餡料（蝦、豬肉、筍絲、木耳）包得有點鬆散，一咬就散哂。至於不少評論認為店員有禮一事，反而我又沒此感想。由進店、入座、下單、上菜至埋單，也沒印象經歷過甚麼熱情或有禮的招待，反而有外賣客人問及訂單情況，店員竟然說：「等陣啦，入面有成幾十張單啊！」聽到呢句，俾我感覺就唔係太有禮貌囉

灣仔富記下午茶餐非常抵食， 29元以上的粉麵，包一杯飲品，可以選擇咖啡，奶茶，檸茶，檸水或樽裝可口可樂， 玉泉忌廉汽水。我的選擇 是要魚皮河粉，天氣轉涼，所以唔飲汽水，要咖啡。河粉与炸魚皮分開上，分量十足，加埋蔥花炸蒜，十足潮州口味，炸魚皮異常鬆脆，喜出望外。咖啡 不是即磨，但也不錯，濃淡適中，跟餐免費贈送。順帶一提雖然係茶餐廳格局，但服務員招呼周到 殷勤有禮，而且碗筷，醬油，辣椒油等調料器皿，好乾淨，另外內部環境頗為清潔。

生牛肉河粉E間小店係小弟經常幫襯之一、食左好多次都覺得出品平衡得好好。當中E碗生牛肉河粉係至愛、生牛肉肉質鮮嫩、非常之滑、湯底沒太重味精、河粉大大碗、條條完整有澱粉質微甜。以靑花瓷款大碗盛上、絶非破舊膠碗。環境吾會太狹窄、亦好乾淨。店員親切、以笑迎客、＄４６絶對抵食。有次店員認得長期客戸、推介左隱蔵餐單”黑墨丸”比小弟試食、好有驚喜、聽講反應好的話會長期供應、可以買下店員！店内裝飾可愛而且有深層意義、亦有記念貼紙可免費取走。如此定價、有E種平穩水凖、應該算係區内數一數二既麵家。

江湖傳聞呢個鋪頭係巴打開既 大家可以一齊去感謝下佢☺️☺️·勿演米粉 $35佢d墨丸超級真材實料 係真係食到墨魚味 而且係真係有墨魚塊粒咁 正 不過我本人鍾意滑d既口感 所以我鍾意佢個豬肉丸多d 全部都自家製 超有誠意😍鋪頭仲要超級乾淨企理😎😎·我之後再食多左幾次 佢d紫菜同埋菜肉雲吞都好出色😍😍