富記麵家

營業中

休息中

牛腩麵相信係每位香港人由細食到大灣仔富記麵家更有着一份人情味牛腩炆得好琳好入味，牛筋就有小小唔夠淋，比較彈口味，值得一讚嘅係每碗麵都配有白蘿蔔，冇揸兼且入口多汁!!另外亦都叫咗呢一度最出名嘅自家製先墨魚丸河，呢度嘅墨魚丸粒粒唔一樣樣，睇得出真係自己整，而且仲見到有用大墨魚食落夠鮮夠彈牙，真係食得出有墨魚味唔係得麵粉湯底係屬於清淡嘅一款，顯得佢哋嘅食材特別好另外10分值得一讚嘅係佢哋服務非常好，無論係店員還是店主都相當有禮貌非常親切

見到menu寫明係手打墨丸就叫來試下一食真係勁爽口彈牙有d墨魚粒但又唔會有渣咬唔開唔係粉漿墨丸真係好感動!!同埋每碗都有舊好味蘿蔔即刻加分 lol雖然係傳統粉麵店格局但坐得唔算太迫，同埋阿姐態度都好好無話人多就態度差，值得一讚

灣仔番工嘅香港人可以試下依間黃色魚蛋粉💛魚蛋粉要黃已經唔多 仲要有米豬連真係唔簡單🤣🤪晏就12:15黎到已經坐滿左環境好乾淨 有海報有pepe裝飾🤣聽到好多客人都嗌墨魚丸🐟係佢地招牌餐牌仲有好多選擇仲有唔係度度有嘅牛坑腩🐮而我今次試左 牛盛匯河🍜$50有蘿蔔、牛肚、牛筋、牛腩🐮仲送左一粒牛丸🤣全部材料都好入味 份量好多🥣店員都好好禮貌召喚各位去懲罰依啲小店💸小店比有名氣嘅黃店更需要大家！食完個人都開心啲💪🏻💛#黃色經濟圈

下午五點幾，時間急趕兼肚餓，經過灣仔道窄窄的行人路時，發現－其貌不揚的麵店，本想急食－碗麵醫肚，結果，試了—碗又－碗色味俱佳嘅河粉，兼且....墨丸彈牙質美，牛腩唔靭清爽，雲吞鮮甜可口，牛筋滑滑巧＾冧＾👍（小心牛筋，因頗滑，有－舊咬都未咬，舊牛筋已滑過喉籠，入咗食道嚕～）下午茶時間（好似至到6p.m.),免費送咗支身型美妙嘅瓶裝可囗可樂，及—杯檸檬水，襯托２碗雙拼，太正了！速食變慢食，未食過嘅仍不少，下次再嚟！

星期五一個的lunch，今次去了富記，都係近年比較新的店子，成日都經過但係未幫襯過，彈性食飯時間必食下午茶。 小店子，普通粉麵店的格局，去到時已經幾多人，不過都仲有位。 據聞招牌係墨魚丸，一於試下，下午茶有埋飲品。 自家鮮墨魚丸河粉，$35，有4粒墨魚丸，據聞是手打墨魚丸，形狀有點不規則，口感彈牙，味道鮮味，仲食到有少許墨丸粒，河粉份量適中，口感爽滑，都不俗呢。 可樂，爽！食物不俗，價格合理，店員幾好人，又多個食飯之選。

依間麵店開業唔係好耐已經有唔少雜誌/電視節目介紹過有次夜晚9:00嚟到 已經賣哂牛腩😟所以今次特登早d嚟叫咗碗墨丸牛腩伊麵 (雙拼$45; 伊麵+$3)加杯凍檸茶 (+8)牛腩淨係個樣已經覺得好食肥瘦啱啱好 食落唔會膩牛味好濃但唔酥 而且煮得好腍😃絕對唔會輸比其他食清湯腩嘅老牌子墨丸係自家手打 好鮮好彈牙一食就知真材實料 仲會咬到墨魚肉🤩不過雙拼得兩粒墨丸 唔夠喉🙈碗麵仲有舊白蘿蔔 煮得好腍好入味加埋蔥同炸蒜 無得頂👍🏻要特別提下 店員姐姐超有禮貌一入去已經同我講歡迎光臨 問我想坐邊仲特登拉開d櫈比我坐同埋放袋問佢要杯水 仲問我要洗唔洗要暖d☺️全程都多謝前多謝後唔會諗到喺麵店會有咁好嘅服務好值得推介 一定會再嚟❤️試埋佢自家製炸魚皮同水餃!

經過灣仔試食左富記麵家侍應服務態度好，有禮貌食物OK，墨魚丸彈牙，不過算細粒牛腩有少許痴牙湯底是清湯底，明顯可見是經慢火熬煮的清湯再灑上性感蔥花，炸蒜整體算OK的

紫菜四寶河：自家製嘅墨魚🦑丸每日新鮮製造已經好值得欣賞🥢同平時望落靚仔既吾同，因為真係新鮮製造，爽口彈牙，一食就食得出用料上乘，仲要粒粒墨魚🦑肉。❤️魚蛋好彈，可以用黎打兵乓球🏓，加埋香蔥乾蒜，好吊起個河粉味，而且湯底吾油🥢河粉呈透明，食起黎好滑嫩，一碗既份量好多，真係良心小店，差點食吾曬😂好彩有同事分享紫菜特別新鮮，咸香既味道，放河粉一流。待應侍人有禮❤️食物質素好 價錢合宜

#支持良心餐廳自家鮮墨魚丸米粉 $35呢個自家製墨魚丸真係幾特別見到佢係用大墨魚整 睇落個樣唔係平時咁靚靚仔仔一粒波咁 但因為真係自己整 所以食落真係夠彈牙 一食落去嗰下個分別出哂黎 平時街食嗰啲好明顯溝左其他野 但呢度真係啖啖都有陣墨魚味 佩服佩服再講講個米粉 可能你會話有咩好講但對於我呢啲麵控黎講 麵質都好影響我對個食物嘅感覺😂 我欣賞佢係個米粉唔會煮得好林 因為浸住索水本身已經會令個麵再林啲 所以煮時如果overcook就會變左林bad bad 毫無口感而言 但依度拿捏得幾好 軟硬適中 撈埋蔥花蒜頭一齊食吊到啲味 重點係個湯底唔油又唔會過咸 食完都唔覺得好口渴嗰種 有機會會再黎試其他 性價比不錯！Btw呢度所有侍應都好好人 好有禮貌！

今日同男朋友去食晏，地方乾淨企理，我聽講墨丸自己打，所以我叫左墨丸牛腩米～ 墨點知姐姐落錯單，黎左墨丸牛丸米。男朋友即刻同姐姐講，佢地即刻係咁唔好意思，係咁道歉，其實我冇咩所謂，本來唔換都得，但個老闆（我估係掛）堅持要換俾我，仲話係佢地落錯單唔岩😭😭 真係好耐冇試過咁好禮貌既麵店😭😭 每次姐姐放低野食，都講講慢用，又唔該前多謝後，唔講真以為去左咩餐廳🤣 野食係食到自己打既，墨丸幾香同口感唔錯，但我想講唔止咁，最後俾錢仲只收我牛丸價（因牛腩貴d），話係因為佢落錯單所以唔肯收番原價😭😭 最後我地威脅要dum低$20走，個姐姐先追出黎話收番牛腩價（佢話差價只係$3，唔洗$20，所以一定要追番俾番我地😭） 老實麵家，真係買少見少😭😭 值得幫襯！

舗面非常乾淨，檯面唔會癡笠笠，落單姐姐又好禮貎，唔該前唔該後。湯底牛味濃郁，味道一流。雙拼加咗墨魚丸，好正。真心講，呢d小店真係要多d幫襯，咁樣先可以保留香港嘅特色。

灣仔返工搵食好地方！正常麵家Menu有既，例如牛腩河呀、魚蛋河呀、墨丸河呀、四寶河之類都有。睇左一次周圍食咩之後都係打算一次試多幾味，所以決定左試咩都有既牛盛薈河。牛盛薈顧名思義就係好多牛啦！當中包括左有牛肚、牛丸、牛筋同牛腩（希望無記漏左d餸🤣)個人覺得當中以牛腩最出色！不過牛筋亦都煮得夠淋，味道唔錯。再者份量唔細，就算男人老狗食都唔會話唔夠飽，而且價錢合理味道好。見到隔離枱墨魚丸好似都唔錯，下次再試埋！

依家有幾多間粉麵鋪頭既姐姐會係咁"唔該","多謝"🙇🏻‍♀️? 係呢度搵到，店員真心有禮貌到與市場脫鈎。第一次來係食墨丸河+薑檸檬，墨丸彈牙，飲品足料夠味！今次就食紫菜四寶+羅漢果， 都係好正👍🏻聽店內其他食客話牛丸同牛肉都正， 下次再試。

下晝三點幾兩個人去，叫左淨墨丸、牛肚粗、油菜、生牛肉河同兩杯熱飲。地方唔大但好乾淨，睇得出用心經營~牛似乎係舖頭主要賣點，我本身少食牛，都忍唔住叫左個牛肚粗；屋企人想試牛坑腩但冇晒🤧，叫左生牛肉。牛肚入味又腍，生牛肉新鮮，墨丸彈牙鮮甜仲要自家製，中意食嘅唔好錯過。仲有舖頭好好禮貌好好招呼，同姐姐講話熱飲唔使糖包都唔該前唔該後，唔似其他舖咁呼喝當親切，食得都Gurr啲😂。已經決定下次早啲黎試坑腩，唔比我食我就一定要食到😤😤。

富記的墨丸好有鮮味，出面好多麵舖嘅墨丸係來貨又腍又冇味。細過時係冬菇亭食d墨丸好好食，依家好難食到好味嘅墨丸。連鎖米線鋪食親墨丸要加錢，墨丸成本貴d，加錢都合理吖，但係結果係難食，次次都好後悔加左錢㨂墨丸。富記果d唔係來貨，爽口又鮮味，應該用左唔少墨魚去打。下次有機會會試埋其他自家製口味，如菜肉雲吞，鮮蝦雲吞，炸魚皮。店舖面積不大，店內職員有禮，感覺他們用心經營，希望小店繼續努力，越做越好！支持小店！