富記麵家

營業中

休息中

去開灣仔，天陰又落雨濕濕就想食返磅熱辣辣的麵，揾下附近有咩好食，就見到呢間啲墨魚丸好似幾出名，就同老公黎食下。💛💛墨魚丸拼要鮮蝦雲吞米$51👍👍👍👍墨魚丸好食，好有口感，但又唔會好似出面啲機咁整出嚟好假的口感，雲吞正常，米粉反而入口幾爽口。牛坑腩河粉$68正常，似係普通牛腩的味道，反而入面嗰舊蘿蔔幾入味，幾甜。油菜（因為惠顧粉面，可以優惠價$15 加）要左腩汁，煮得好淋，我中意。💗💗💗💗

一路都見到有呢個單品，不過硬係覺得好奇怪心諗乜料呀越南菜咩，所以無乜試嘅慾望。直到朋友仔熱情推介咁就要try try 佢，竟然好有驚喜喎😋湯底一貫鮮甜唔口渴，蘿蔔又大又甜又無渣，本地牛肉唔柴又唔肥，滿口油香得嚟食落又滑又好有牛味。唔係越式咁薄切，雖然話生其實都幾熟嘅，得小小粉紅色㗎啫加埋自家制勁彈牙墨魚丸，𥚃面有粒粒墨魚，口感豐富有咬口。（唯獨佢哋個河有少少偏幼身）個人感覺比佢哋個牛腩更正，牛腩有時有啲肥，呢個感覺食完都係輕鬆無負擔😂 自我感覺良好

見網上食評唔錯就試個墨丸河。但原來份量細，墨丸都唔係話好高水準。好在我又冇超高期望。但又未去到其他人咁要激讚….一碗41。四粒墨丸但超細粒，河粉都好少…女仔一定唔夠飽……..我諗我會轉角或者對面街買其他野。講味道，味道正常，係咪好新鮮又唔算，但至少係都ok,但真心唔會有下次，見其他網上回圖好似份量唔錯，真心被呃既感覺。食過一次就算了………我都係經過試下…………有時💛但都唔代表好食。唔會推薦。

話說今天星期六 1:45落單2:00取去到嘅諗住拎時候先話冇芫荽墨丸其實如果冇 落單位置可以封鎖項目咁咪確保到冇人叫呢樣嘢囉都算 其實你明知道冇點解接咗單之後唔打俾我去到先至話俾我聽冇咁樣唔係會慳返更加多嘅時間咩？午飯時間唔係長 去到仲要等咁其實我提早落單有咩意義呢？你話因為多外賣/堂食單 做唔切可能我要等多陣我都仲可能理解 因為唔係直程skip咗我張單其實提早嗌外賣自取嘅意義就係唔想等好啦 最尾我改咗做黑墨丸咁佢收到我改嘅order之後就直接放咗張單入廚房但係冇同佢講話係急單之後同時有好多堂食同外賣嘅單廚房根本冇時間去留意呢張單因為職員冇特登交代廚房一定係會跟返順序去煮其實我一早叫咗話明兩點拎點解職員唔識得主動同廚房講做咗呢張單先呢？既然你一直唔處理我唯有企喺你哋餐廳度等以免我出去等 就等同於出面現場叫嘅外賣單唔知係咪後期職員終於醒覺先至識得主動同廚房講煮咗我張單先最終遲咗成10幾分鐘先拎得走Btw啲野幾好食 但雙併墨丸得2粒外賣盒又收$2 成張單加埋成$50仲要有咁既經歷應該就冇回頭 下次不了

其實想去近期最火嘅灣仔豬雜粉🐷🐷，不過太多人排隊，個肚又餓到打鼓，立刻plan B啦！記憶中的富記，係飲食男女一篇關於墨魚丸的介紹。曾經兩次拜訪，一次未開工，一次休息，似乎欠點緣份，而且今日帶住唔愛墨丸嘅囝囝⋯⋯不過最後都係入咗去，肚餓嘛🤣🤣哥哥食雲吞，細佬食牛丸，而我就叫咗杯墨丸河加紫菜。哥哥話雲吞正常好味，但冇驚喜，近排緊係食得好嘢多，十歲就咁串咀😎細佬話牛丸好好味，仲請爹哋食一粒。正如哥哥所講，雲吞正常嘅，不過湯底就冇驚喜。牛丸好好味喎，湯底略帶一點蘿蔔味，之後我哋都有問老闆娘，佢話啲牛丸係交返嚟嘅，不過真係好有水準。至於我嗰碗墨丸河，墨魚丸真係冇得頂，鬆軟中又帶少少彈性，食得出鮮味，連不甚喜愛墨丸嘅哥哥都話正！嚴格嚟比較，俾我最愛深水埗嗰間仲要略勝一籌！今日嘅感覺係「塞翁失馬焉知非福」！

我用open rice 叫外賣嗌咗黑白墨丸同牛筋雙拼黑白墨丸得各一粒，會唔會太少😓相入面碗嘢個狀態係啱啱開，未食都幾鍾意嚟呢度堂食，外賣真係第一次餐廳可否交代下，唔該

灣仔嚟嚟去去都係食嗰幾間，通常第一時間就係醒起食呢到～以前Lunch基本上一星期必食一次😇時隔幾年再食，好開心疫情無打倒呢到（雖然九龍城嗰間捱唔住😥）不過估唔到黃昏六點嚟到，都不斷有客人出出入入光顧。基本上菜單九成都試過哂，每次落單都係喺牛肉、墨魚丸、水餃之間拉鋸。最後今次都係叫咗墨丸水餃河——搭杯凍檸賓（呢次有啲溝得太淡）我本身就好喜歡食水餃，呢到鮮蝦鳳城水餃，好impressive, 有次見住佢新鮮蝦即日包😻亦試過幾次想食都賣哂。今次食，水準都keep到～墨丸——貴精不貴多嘅代表😂好多人呢到講話份量少同細粒？但食得出粒粒真材實料唔係落粒加工製成，越食越彈牙同埋好鮮肉汁喎！（我每次都真係會花時間慢慢咀嚼呢幾粒丸🤣）河粉——出面有啲舖頭又油又膩，食到好濟。不過呢隻唔係過好多油嗰種，好滑口又襟食👍🏻PS 今次唔記得加紫菜～失策！今次食個份量好似多過之前，食到超級飽，連湯都飲埋，正

.📍富記麵家📍#饅頭去灣仔 #饅頭的港味道------------------------------1️⃣ 牛盛薈河粉 ($55) 🔹黑白墨魚丸 (+$10)牛盛薈河粉嘅餸包括牛腩、牛筋、牛肚加一粒牛丸，小編幾鐘意呢度嘅牛腩，今次店家揀比我哋嘅部位幾靚🥰，唔會得一大嚿肥膏，煮得又腍又入味，一梳梳入囗即化唔黐牙，帶有少少漿口同少少油香😋，幾好食；牛筋就係Q彈嗰款，牛肚尚算軟腍，牛丸質感偏紮實，但咬開都見到有少少汁，幾款餸嘅牛肉味唔係好濃郁，不過以呢個價錢嚟講可以接受👌🏻；至於佢哋嘅河粉都幾滑身，唔會煮都好易夾斷，配腩汁湯底，味道上正正常常不過不失；不過感覺就唔需要特登畀錢加黑白墨魚丸，質地地唔係彈牙，墨魚鮮味未去到好驚喜，小編覺得試過一次就好了。------------------------------🔸整體評分：7.4/10🔸小編回頭率：6.5/10

今日一個人出左灣仔上堂，都幾驚難搵位，好彩阿sir醒目早左15分鐘放，事前都有睇過openrice, 搵到間平靚正就去試下，今日試左個水餃＋牛肚雙併河，水餃唔算好大隻厚身，不過涵都好足料，牛肚十分夠味，湯底都好好，唔係好濃，所以都無額外點飲品

📍富記粉麵 -好耐之前就係連登見過巴打開post講自己開既粉麵鋪 就特登去左試試味😙 一路對呢間舖頭既印象都唔錯 間唔中經過灣仔都會幫襯支持下19年起知道咗佢地仲係良心小店 緊係要大大力撐下😎💪🏻-🔸自家製黑白墨魚丸河粉 ($41)黑白墨丸一開始以為只係gimmick野 點知食落真係有唔同‼️黑色墨丸就濃墨魚味啲 白色就彈牙啲 兩款墨丸都各有特色😚兩者都食得出好足料 充滿魚味 而且幾有咬口 唔會似坊間既咁粉感👍🏻自家手打既果然係唔同啲！至於河粉唔會話好碎 都唔會話成pat野咁 吸左啲湯之後啲河粉入曬味 幾好食😜但略嫌份量偏少 而墨魚丸得四小粒 男仔食一碗未必夠飽😰-🔸自家製雲吞拼魚皮餃粗麵 ($36 + $8)鮮蝦雲吞size正常 但個人偏好大大粒塞滿餡料既版本🤣調味食得出有蝦醬味 略嫌調味較重 有少少偏鹹但餡料都幾均真 入面包咗大大隻蝦仁🍤至於魚皮餃就係偏向街市大粒餡多個款 個人就偏向鐘意食細粒滑皮個隻🤔但呢個只係口味問題 如果鐘意食大粒魚皮餃既人 呢個就會覺得好正🤤 個皮幾彈牙幾有魚味既～粗麵食落彈牙亦都有咬口😋即使我地影相影耐左 啲麵都唔會話漲曬腍曬👍🏼

今日想去食河粉，咁啱記得Yellowland介紹過呢間粉麵店，有老闆每日新鮮手打嘅墨魚丸食，有手工嘢食仲要係良心小店，咁梗係要去支持下！🤩#良心小店系列💛黑白墨丸河粉🍲 ($40)✨湯底好特別，應該係魚湯嚟，有淡淡魚嘅鮮甜味，但無腥味🐟✨白墨丸彈牙中帶軟腍，唔會打到實晒；入面仲有一粒粒墨魚粒，口感豐富；味道有墨魚鮮味，果然真材實料！🐙✨黑墨丸同白墨丸差唔多，係多咗一陣墨汁鹹香味，都唔錯！🐙✨河粉滑身，正常~炸魚皮 ($25)🐟✨自家制魚皮大大碟，夠晒脆又唔會過鹹，浸下個湯再食，正呀生菜 ($15)🥬✨生菜同樣夠大碟，生菜新鮮唔會霉，但蠔油唔係我鍾意嘅，鹹但無乜蠔味，下次試下腩汁先！🤪.見到店內仲有寄賣荃扣里嘅手作，有興趣都可以支持下！嚟緊新年可以買個揮春裝飾下屋企😎

富記麵家見OpenRice/不少foodies推介！！好評如潮😍尤其是生牛肉、牛腩、墨丸！🥰🥳果然沒有介紹錯！［牛腩河粉$42加黑白墨魚丸+$10=$52］腩汁湯底香濃！！！🥰牛腩很焾！！又不會太多肥膏😍墨魚丸真材實料😋較爽口彈牙！但$10兩粒🥺但河粉不算很多🤣男士可能要加多點配料/小食回頭率：✅✅✅✅✅（下次要試生牛肉河粉）推介：黑白墨丸！！牛腩！！📍富記麵家 (灣仔)灣仔灣仔道177-179號保和大廈地下6號舖#灣仔foodhealsme #麵healsme

難得係後生仔開既傳統粉麵店 呢度最出色係墨丸同牛腩仲有水餃牛腩炆到好軟淋,連邊位都好淋唔洗咬自家製鮮墨魚丸 口感實淨得黎又彈牙 一食就知係手打墨丸先有呢種口感 水餃 蝦仁同豬肉嘅比例點到即止 食得出食材新鮮 仲有脆口既木耳絲令到味道更豐富 餃皮又薄又滑蘿蔔清甜無渣 大大件好入味 CP值高,後生老闆好友善地址:灣仔灣仔道177-179號保和大廈地下6號舖平均消費$100評分8/10

係openrice介紹灣仔平民美食嘅文章見到呢間麵店，決定黎試下佢🤓🤓🐂牛盛薈河粉 💰50 🤤🤤🤤🤤十分足料 有牛腩 牛筋 金錢肚 全部都有3件or以上牛腩嘅部分 大部分係坑腩 唔算好諗牛筋嘅部分 有三大舊 燜得好諗 滿滿膠質😆金錢肚都燜得好入味😆可惜嘅位係啲河粉口感太淋 第一啖熱辣辣都係 所以應該煮過左時間🧐🦑🦐自家製鮮墨魚丸拼鮮蝦雲吞河 💰46🤤🤤🤤🤤🤤一樣都係超足料 墨丸同雲吞都分別有粒墨丸的部分注意‼️真係有驚艷到😆😆口感實淨得黎又彈牙 絕對係機打做唔出嘅效果雲吞 第二個驚喜位‼️蝦仁同豬肉嘅比例點到即止 食得出食材新鮮 唔係果啲用好多味精蓋過食材味道嘅貨色🥬腐乳通菜🤤🤤🤤正常發揮 通菜幾嫩 腐乳好香可惜份量偏少環境的部分，雖然要搭枱，不過都有用高過人既隔板分隔。服務的部分，上菜速度好快，加埋我選擇困難揀野食既時間都係大概10分鐘就食到 抵贊！適合打工仔食個快lunch再返去補眠XDD總體黎講，食物水平中上，時間地點方便，推推！整體評分：好味指數性價比 回頭指數

平日lunch時間，門口有幾個人排隊，大概5分鐘就入到去。店舖唔大，環境企理乾淨。上菜都上得幾快，不過唔會催你或者俾你好趕嘅感覺，服務態度都好好。嗰日無牛坑腩，叫咗普通牛腩，牛味濃郁，煮得夠腍，連住少少肥肉，肥瘦適中，好味。而手打黑白墨魚丸夠彈牙，有咬口一啲都唔粉， 有啲墨魚碎粒，夠晒墨魚味。湯底都飲到牛味，之後無口渴應該無味精。蘿蔔清甜無筋。河粉幼滑，唔會好易斷亦唔會一pat野，份量十分慷慨，對於女士來講夠晒飽。會再幫襯，希望下次可以食到牛坑腩啦。