影片
港鐵尖沙咀/尖東站 B1/ N5 出口
繼續閱讀
電話號碼
27362228
開飯介紹
馳名中外的阿翁鮑魚是店內的招牌菜，酒家可容納約120人。
繼續閱讀
獎項殊榮
米芝蓮一星餐廳 (2015-25)
特色
同客食飯
營業時間
今日營業
11:00 - 23:30
星期一至日
11:00 - 23:30
以上資料只供參考, 請與餐廳確認詳情
相關文章
很久沒見飲食前輩翁生喇！我這後輩這天和他及翁太見面吃飯，一起慶祝小弟的生日，開心樂事 ! : )今晚和他一起吃由他親自就帶領其團隊設計的「阿翁鮑魚名菜宴」，可以吃盡很多此米芝蓮一星的著名出品，確是食客們的福音。這晚我們一起先小酌紅酒：為套餐拉開序幕的有「紅燒砂鍋包翅」或「蟹肉竹笙燴花膠」，我選了後者：足料得誇張！用生拆花蟹的肉，加粗，花膠條配上高湯烹調而成：湯盡是蟹的鮮味，花蟹肉是吃得出的鮮活，份量多而且肉質甜美，每條花膠爽滑有致，吃完很有窩心的感覺：來到怎能不吃鮑魚？「養殖吉品鮑鵝掌」用 30頭養殖吉品鮑，以濃郁帶膠的鮑汁燜煮至軟熟有彈性：鮑汁是鮑魚、老雞、金華火腿等熬成的精華，也是此菜的靈魂，從深黑色光澤便能看出它的濃度：鮑魚切下去，少許黏刀及見亮麗醣心，口感帶煙韌，仍保留彈牙的神髓：鮑汁味道濃醇，配一咬脫骨的炆鵝掌嫩，沾盡鮑汁精華，更令人陶醉：「金銀黃皮老虎斑」這裡一定堅持用海魚，不用養魚，今趟的老虎斑起肉，一邊用來炒球，肉甜緊緻帶鮮，絕不是一般養魚可比：另一件用「黃金式」做法，表面包滿鹹蛋黃金沙，以惹味鹹香帶出魚甜，有更精彩：此套餐兩位送「富豪脆皮炸子雞」半隻 (五位送一隻) 或「生炸金牌燒乳鴿」，我們挑了前者：我和另一食評友 E 先生常常說，這裏的炸子雞在香港真係可以話係數一數二。極之皮薄、香脆、肉嫩，淋油功夫到家：用新鮮走地雞，以自家醬汁醃製上皮風乾，由生雞開始一下一下將熱油倒到雞身上，至其表面變得亮紅脆身，以滾油淋至熟：皮薄，肉嫩，淋油功夫到家，單是心機已物有所值，此「脆皮炸子雞」單點原價 $660 一隻，能贈送享用此雞，確是精選之安排：「方魚生炒芥蘭仔」芥蘭仔炒得翠綠爽翠，脆的方魚就如畫龍點睛地替整碟炒菜加添惹味和層次口感：「海蝦仁叉燒炒飯」炒飯加添新鮮游水蝦，飯粒炒得乾身分明，叉燒及瑤柱等海味令整體味道更立體化：「蛋白生磨杏仁茶」，用上生磨的杏汁，香滑順喉，在這時節吃最適合：餐單原有「精選甜美點兩款」，改了做「壽桃」替小弟賀壽：還有有翁生翁太的生日大利是，謝謝你們啊！餐單每位 $880，另可選25頭鮑 (每位 $980) 或 18頭鮑 (每位$1,280)，比單點超值得多，性價比相當高！
繼續閱讀
下月便到父親節又是盡孝的時候！要慰勞爸爸當然要選間高質的餐廳吃一頓豐富晚餐，早前品嚐了一個非常豐富的高質套餐，用來作慶祝節日的餐廳就最適合不過了。這夜來到尖沙咀美麗華廣場內的富豪酒家！連續15年米芝蓮1星食府的質素絕對是信心保證，加上貼心的服務肯定會吃得稱心如意。是夜我們品嚐阿翁鮑魚名菜宴！宴內共有8道經典的招牌菜式非常豐盛，打頭陣我們選上是蟹肉竹笙燴花膠，如喜歡品嚐魚翅則可選紅燒砂鍋包翅。蟹肉竹笙燴花膠湯頭醇香細膩味道鮮美！內裏有索盡高湯精華的爽滑竹笙，還有梳梳鮮甜生拆紅蟹肉及份量激多的軟滑花膠絲，每一口也是奢華的味道美味又養顏。養殖30頭吉品鮑鵝掌！養殖吉品鮑同樣口感幼滑富糖心，形似元寶色澤亮麗特別適合喜慶場面品嚐，有條件的可升級加$200選25或$400的18頭的養殖吉品鮑。來自波蘭的高質鵝掌特別大隻好有看頭！炆得超軟稔又入味盡體驗滿滿鮑魚鮮味。要經驗老到的師傅才能掌握時間與火候，炮製出黏糯柔韌鮮甜又芳香的糖心鮑魚，阿翁鮑魚正正就做到且保持著高質出品，吃罷齒頰留香每次品嚐也絕不失望。鮑魚汁唐生菜膽只選用最精緻的部位，吃下脆嫩甜美配襯香濃鮑魚汁升級了田園美味。我從川汁脆皮釀遼參及古法炸釀花蟹蓋中苦選了後者！皆因兩款也非常吸引所以選擇困難症要發作了。古法炸釀花蟹蓋炸得金黃酥脆令人好有食慾！內裏盡是梳梳鮮甜蟹肉看得我雙眼發光，沒有多餘的汁醬吃下毫不膩口，這滋味教我快速吃光光而回味太喜歡了。兩位起更會奉送富豪脆皮炸子雞或生炸金牌燒乳鴿！我們選上了美味的招牌脆皮炸子雞。脆皮炸子雞烹得金黃而不油膩，沒多餘的調味可以吃著鮮雞的原汁原味。單尾是蔥花江瑤柱炒飯！乾爽的飯粒充斥江瑤柱鹹鮮香氣，加上蔥花點綴即成為人間美味的澱粉質。甜品先來蛋白生磨杏仁茶口感順滑大滿足的甜味。再來兩款精選甜美點包括欖仁合桃酥及椰汁馬荳糕！前者酥脆可口後者爽滑香甜不錯吃的結尾。要跟重要的人好好吃一頓的好選擇，阿翁鮑魚名菜宴收費為$980/位另加10%。
繼續閱讀
朋友係要見面的。人到中年，要學懂對自己好一點，這夜就同幾位朋友食鮑魚。阿翁鮑魚水準不容置疑，連續多年得到米芝蓮既認可，足以說明一切。無須傷腦筋，吃套餐最好，是放夜品嚐的《阿翁鮑魚名菜宴》，打頭陣會是紅燒砂鍋包翅，或蟹肉竹笙燴花膠。從沒試過後者，即管一嚐。非常足料的出品，滿滿的蟹肉及花膠絲，配合高湯，每一口都是鮮美。主角始終是鮑魚鵝掌，用上三十頭的吉品鮑，雖然是養殖，但經鮑魚專家阿翁的獨特烹調，依然是軟滑、有溏心，好掂！鵝掌都好巨型，唔會話硬轟轟咁，軟腍入味又不怕唔怕溶溶爛爛，我很喜歡。鮑汁當然不能浪費，伴以口感爽脆的唐生菜膽，一流。接著來的古法炸釀花蟹蓋，外層乾身脆口，內藏澎湃的蟹肉，啖啖鮮美，喜歡的話可沾少許醋來吃，高質。兩位起會送富貴脆皮炸子雞，或者生炸金牌燒乳鴿，我一向是炸子雞的支持者，嚐過多次，絕對是信心保証。蔥花江瑤柱炒飯，是看得出的乾身、粒粒分明，香口好吃，我是吃得一粒米飯也不剩。高級食府的甜品，自然離不開蛋白杏仁茶，生磨，香滑順喉，甜胃亦大表滿意！再來一口鬆化既欖仁合桃酥，與及清甜的椰汁馬荳糕作結，呢個套餐，無得彈~
繼續閱讀
頭盤鱼翅是凍的，上湯是熱的,就咁淋上鱼翅上，鲍魚過淋，冇鮑魚味，如食麵粉,其各樣餸都可以，但份量少，服務態度真係太差了,第一次我朋友食鵝掌，都未食完，正想吐骨，服務員就企係我朋友身邊伸手收骨碟，狀似吹我朋友快啲食，第二次朋友還未食完就收走筷子，可否先問吓才收走筷子，這樣真的很冇禮貌。這家店我已幫襯過3次，今次是4人用餐亦是最差的。
繼續閱讀
一個月前諗緊老豆生日去邊到慶祝好，咁啱睇到幾個YouTuber都話呢度個$980餐抵食又好食，就即刻book台諗住帶老豆黎試下啦。Book台果時仲問埋佢一個月後仲有冇呢個餐食，佢仲話就算冇左都可以做返比我地。尋晚醒起佢冇打黎confirm booking，10點幾打去冇人聽，可能就收工。今日中午再打去問，佢竟然話搵唔到我地個booking，但就幫我地即刻落返。我心諗，如果我地係到左餐廳先搵唔到個booking，我老豆餐生日飯點算呢？食野方面，唔知係咪我地唔識食呢。明明呢到好多人都讚，但我真心覺得麻麻地，所有野都好濃味，但都冇乜食材既味道。燴花膠有d咸，吉品鮑既口感係特別既係同出面既鮑魚唔同既，鵝掌好淋，生菜係食鮑魚汁味，蟹蓋係食洋蔥味，雞係好味既皮香有雞味，炒飯都ok，杏仁茶超級杏仁，美點雙輝好食。可能只係我地唔識欣賞，又可能因為食完每樣野都要飲好多水。服務方面，本身覺得普普通通啦，酒樓咁囉，對熟客好好笑容，對生客梗係生疏d啦，都冇咩問題既，但收碟就有d搞笑。因為佢地每樣野都係位上，所以每次食完都要收碟，我地坐中間果行4-5人台，兩邊行人路，我感覺佢係想企係同一個位收哂全部碟。咁佢收完近果d，要收遠d果隻碟，佢係企係度期望我地遞隻碟比佢，佢係冇諗住要行近d拎既。我果一刻就諗起，上次團餐食12人一圍三千幾蚊果間酒樓，個姐姐直情叫我地遞d碟比佢啦，起碼今次佢係冇出聲，佢企係度等啫，而咁啱又有人忍唔住好心咁遞左比佢啦。去到食炒飯既時候，可能佢又expect你只係會用匙羹食飯啦，因為佢係會收左你對筷子。整體黎講，可能我地唔係富豪啦，所以食唔慣，係我地問題。感覺應該係：試過就算啦。
繼續閱讀