富豪雪糕流動車

營業中

休息中

週末行尖沙咀，聽到一陣令人懷念既音樂聲，就知道系富豪雪糕既車仔系附近。醒起都幾耐冇食過富豪雪糕，出於懷舊就買左筒軟雪糕黎食。相比起之前食過既水準，系令人失望左少少，軟雪糕雖然滑，但系感覺太水，唔夠實，食落口感好差，而且奶味都唔夠重；唯一可以贊既系雪糕筒好脆口食落都幾正。可惜整體黎講都系令人失望，希望今次只系一時失準，下次可以食番唔錯既雪糕啦 (

呢排個人真係好累,精神壓力到頂點...星期六..沒事做..都係起街行下放鬆..就看到雪糕車,雪糕係我最愛食物之一,就買下枝回味下,仍是依舊滑同可口,但雪糕車在香港好似越來越少見,希望幾時行業會再興旺,甜得東西總是可使人心情放鬆

細個時候聽到雪糕車嘅音樂總係覺得好吸引,可惜父母永遠唔肯買俾我食, 話d軟雪糕又貴又污糟又又多菌又無益.......大個後可以自己完成呢個童年夢想雖然我依家on diet, 但總有口痕的時候,呢日就買左個軟雪糕, 一邊行返屋企一路食個軟雪糕真係好香滑好creamy!脆筒又夠脆! 兩重口感加埋好正!有人話以前d軟雪糕仲平, 但對我嚟講$9都好抵!因為呢個軟雪糕絕對唔比果d賣三四十蚊嘅雪糕球差!!!以前聽人講過話d軟雪糕咁滑係因為用豬油整, 但咁好味, 間唔中食一次豬油又何妨?

路過剛剛好見到有對情侶買仲要好長好大既雪糕所以即刻去買黎食點知個老細掛住睇電視支雪糕出黎又斜又細平時食開好重奶味今次冇咁重 仲好似放多左水既奶咁個雪糕筒脆卜卜好好食

來香港，除了維港夜景、電車、點心、還有甚麼可以代表一下香港啊？張誇常在尖沙咀工作，每次經過文化中心向天星碼頭方向行走時總會聽到「叮，叮，叮，叮叮，叮叮，叮叮」的音樂盒聲音，就知道雪糕車在附近每次都總會見到有一條由旅客組成的長長人龍，相信也是被雪糕車的外型和叮叮聲吸引吧！這天閒日難得沒人排，當然要試一下啦 軟雪糕：採用牛奶公司的奶漿所造。可能當天已經做了很多生意，雪糕未凝結足夠時間，擠出來時已有點溶化。吃進口的感覺就有點滑香，可是奶味卻沒有老麥軟雪糕的濃，吃畢就感覺好像吃牛奶公司的雪糕杯一樣。在不久之前在電視上看到介紹雪糕車的節目，最初還被吸引到，很有想吃的感覺可是這次之後卻失去了衝動，可能是繁忙問題致今次的感覺，但是否代表香港似乎有點言過畢竟沒有了以前張誇小時候 - 8、90年代的味道啊！

今天特別走到藍屋附近去感受一下香港舊區情懷, 行經二手回收店嘅時候, 二手回收店嘅姐姐話附近有免費雪糕派, 於是走去睇下就見到有幾個細蚊仔和裝修工人排隊攞雪糕吃. 條龍不是很長, 而且老闆好好人咁話食完可以再食, 佢仲非常有禮貌!我叫左杯Vanilla味雪糕, 軟綿綿, 好甜, 好好味.和我小時候食嘅味道沒有分別, 都係咁軟綿綿, 滑口, 透心涼, 是消暑良品, 因為有小小咳, 所以都唔敢再食多一杯了, 我見到有小朋友食完一杯再一杯.至於點解免費, 就真係唔清楚啦, 聽裝修工人話好似老闆生日? 老闆好怕羞, 唔肯上鏡, 唯有係呢度答謝佢, 下次比我再遇到雪糕車一定會再支持一下!

叫得流動車, 當然是沒有特定位置. 今天我在香港科學館踫到, 上前買了幾個甜筒跟友人品嚐. 如不是要行一段路才到集合地點, 小女必定必定買軟雪糕! 甜筒@蜜瓜味小女對冷凍食物不太喜歡, 除了日式食物, 以及甜筒又真係好難抗拒.蜜瓜味好濃, 偏甜. 甜筒皮不脆就太敗筆.下次都係軟雪糕, 有緣的話再見吧!

出差之際, 遇上富豪雪糕車, 正好解饞$9軟雪糕, 價格上漲了, 但回憶之味, 也就在所不計了。難得是味道依舊, 份量依舊。食味偏甜, 奶味較淡薄。富豪雪糕的獨特之處是其質感, 極軟的質感, 綿綿的像泡沫, 入口即化, 吃它要與時間競賽奶脂成分極高, 現代人愛低脂, 富豪雪糕是高高脂, 營造出滑溜感。愛它, 便會接受它的肥膩, 再怎樣說也是舊時代集體回憶之物, 誰會介意它膩?還記得當年, 富豪雪糕車就如Creamy mami(小忌廉)一樣,像有魔法似的, 準時放學時在不同學校校門出現, 又或是較準晚飯後, 出現在我家樓下(而同時出現在朋友家樓下)當時覺得它很厲害, 懂分身似的而到了現在, 豪雪糕車仍是給我夢幻的感覺呢。

今天去完書展后和友人一齊坐巴士翻屋企，出了會展中心后，佢問我，喂你食5食雪糕ar，有雪糕食wo。因為我第一眼見到一個雀巢既雪糕車，我就覺得好莫名，唔系ar ma，雀巢雪糕有咩甘好味姐。點知另轉個頭見到我幾乎好幾年未撞見過的富豪雪糕車，梗系食la。雪糕車個阿伯真系好識搵生意做啊，特登停系書展既出口，個個行左甘耐，見到有雪糕嘆，邊個會唔買呢。不過宜家物價上漲得快，連雪糕車也不例外，從一年的$7蚊上升到依家既$9蚊，要左一個軟雪糕，因為友人要攞傘冇手食。阿伯好熟手甘擠緊雪糕~攞到手時唔知點解歪左。。不過真系好好味ar，雪糕好滑溜，又唔會好甜好漏，只不過呢個價錢真系貴左少少，個雪糕筒都依然好脆。雖然佢個價升左好多，不過如果下次有機會再遇到佢，我霖我依然會要翻一個軟雪糕。

好耐都無見到有雪糕車, 難得一大班朋友後飯都有空位陪我食雪糕...估唔到宜家一杯軟雪糕要成$8,我真係真係食米唔知價.至愛就係佢個脆卜卜既雪糕CONE, 至於軟雪糕相比M記就更加奶更加滑流.不過價錢就係M記既3倍有多, 值唔值又見仁見智.

-呢家車周圍走 聽到d聲就好開心 只要有心情 見到都會買：）-軟雪糕..個人覺得真系太軟：（硬d會好d..-橙冰 味道幾好：）不過可能冰得太耐..要等拒溶少少先食到-_-整體来說是不錯的：）

Openrice 真係包羅萬有！ 就連 <富豪雪糕車> 都有得打食評！其實，我都係早排見到子陵兄嘅編輯推介食評先知道！ 今次，我都要打食評同大家分享吓！喺 11月18日 (星期五)，當晚我同個朋友去文化中心聽音樂會之後，走去海防道搵嘢食！ 行到半路，我哋見到有架 <富豪雪糕車>，呢架係與別不同！ 換上新裝嘅 crossover 版：Chocolate Rain X 地們 X 富豪雪糕車 ！ 於是，我哋兩個傻婆企喺度狂影！ 跟住，有幾個女仔又影埋一餐！ 我哋瘋狂到走去對面影車頭車尾！司機都好 nice ！等我哋影飽收起相機先開車走！第二日星期六，我去上環食完下午茶，中環 shopping 之後，打算搭天星小輪去海港城影反斗奇兵聖誕裝飾！咦！ 又見到 crossover 版雪糕車！幫襯買杯雪糕都好呀！ 起初我以為係星期五晚見到同一架，留意一下車牌，原來唔同架！ 軟雪糕 $8雪糕筒仍保持水準夠脆卜卜！雖然雪糕質感軟滑，富奶香味，仍保持原本嘅味道，甜味剛好；但係雪糕表面比以前多咗氣孔！況且，物價上漲！難逃加價厄運！幫襯一次比一次貴，而家要 $8！相比現時流行嘅乳

今日一落船就見到小時候在家裡都聽到叮叮叮音樂聲嘅雪糕車。我哋好開心咁買咗軟雪糕，急不及待咬咗一啖，嗯… 發現雪糕味道都不同了。味道好甜，似Cream多過雪糕，又唔夠香唔夠滑。但雪糕筒好新鮮卜卜脆。

上文提要：在中環吃了一個不過不失的熱狗後，原本也想一併光顧其店內的軟雪榚，但當看了價錢牌之後，總覺得不值為此而花上十五塊錢。打後由中環乘坐渡輪回到尖沙咀，就在文化中心的不遠處，發現了一架富豪雪榚車，這反而給我勾起陣陣的童年回憶。想童年時的物質可不算豐盛，有時會和家人同遊一些大型公園，例如摩士公園及維園等，當聽到「藍色多瑙河」的主題音樂時，就知道附近會出現一架富豪，半呃半氹之下，怎也騙得一杯軟雪榚在手，軟滑冰凍的味道，可是一個消暑的恩物，換個角度來看，這港產的雪榚品牌，可比甚麼Gelato及Frozen Yogurt更加美味。有人曾說過其軟雪榚是用洗衣機來攪製的，如稍有點常識，當知道是以訛傳訛之說，也是一笑置之；不過就有被驗出大腸桿菌超標的負面新聞，也算是個別事件。現今物價昂貴，以前一杯只需數元，現在已升格至八元了，多年不吃之下，入口的質感仍然軟滑非常，吃到尾也不太溶化，雖然奶油比例稍重，甜度總算適中，雖然七仔及老麥亦有同類出品，始終是港人的集體回憶，怎也勝人一籌。正是吃開有條癮，就在假期的前夕，再來光顧多一躺，今次看真之下，原來已「進化」到用上八達通來交易，至於款式，除了招牌的軟雪榚外

八月上旬‧晴真的很久也未吃過這裡的雪糕了，是日熱，吃一個正會時宜。質地很幼滑，很香的奶油味。脆筒又夠脆，是好吃的。不過就真的要吃得快一點，因為溶得非常快。