富金海鮮酒家 (已結業)

一大清早行完獅子山 一落山緊系要飲餐茶先夠滿足拉！！！星期日飲午市茶一定好貴 我吾太熟識黃大仙既茶樓選擇 所以都系聽朋友講就去 呢間舊式少少既茶樓比較平 所以二話不說就拎飛等位。呢間茶樓仲系用舊式既點餐方法 拎張點心卡出去搵d推住點心車既阿姐拎點心 行下呢度行下果度搵點心 雖然系吾方便 但系呢種文明已經買少見少 逐漸被淘汰 我覺得仲keep到未常吾系一件好事。一行四人 叫既點心吾太多。蝦餃大大粒 入而有3-4隻蝦架 但系皮厚 食落去口感吾太好。叉燒包都算吾錯 但系味道吾夠香 而且個包有少少乾。蝦腸算系吾錯 每件都有大大粒蝦 而且腸粉都算滑。叉燒腸都系普普通通 反而無咩味甘。排骨麻麻 太多骨喇 而且味道比較淡。其他真系吾好意思喇 因為我無食到 所以比吾到評語！

一開始將上一枱同剩既杯碟比我地,感覺上衛生既注重好低!!而且D杯仲有D菜系度~衛生真系吾多好!!之後出去拎野食,個個牙姐同我地講燒味飯系出邊直接拎,原來系老點我地!!!系位落order就得!之後我地叫左一個部長幫我地落單叫"一碟叉燒飯",系好快嚟,但嚟既系"一碗叉燒飯",錯吾緊要,佢仲要死都話系我地既錯,後來我地比張卡佢睇,佢先認落錯單!!3,4個部長見到個個牙姐有問題,都吾過嚟幫手改單,玩手機既又有,圍埋吹水既又有!!叫佢地都好似扮睇吾到咁!吾計態度~~碟叉燒飯D叉燒紅得好過份,而且得個甜,無肉味,又硬!!有食物車嚟到,我同個位牙姐講,有無"咸魚肉餅飯",我想叫一盅"咸魚肉餅飯"個個牙姐有仲即刻拎左比我,但我一打開發現佢比左一個"咸魚肉片飯"1比我,我同佢講我要既系肉餅,佢話佢地根本無賣~哈~佢咁同明屈無分別!!明明都無就是但比其他野我地~D飯一食就知整左好耐!!加D水可以做弼啦!態度又吾好,食物又吾好味!!下次一定吾會再去!!!

我特意留待第 500 篇寫表姐擺酒這一餐！ 比我大11日的她，剛在 11 年11月1日，跟表姐夫結婚！實在意義重大！ 由於，她嫁到黃大仙，所以在黃大仙龍翔廣場 <富金海鮮酒家> 擺酒！ 他們只邀請親友，簡單設宴七席！原先，我們一家與叔叔等人坐在女主家席，可惜，酒樓內有人吸煙，爸爸接受不了，加上懷孕的堂妹亦不適合吸到煙味！於是，大姑姐決定將我們全圍親戚遷移到第七圍。但是，屬於主家席賣相較討好的食物便無緣影相了！... 大約每10 分鐘上一道菜，好讓大家細味品嚐！ 每位侍應均為每一枱服務，很有條理！ 經理一早已通知負責我們這枱的侍應知，總數 13 人，另有一枱只得 10 人，要將食物調配份量。負責我們這枱的侍應阿姐好好口！又識做！ 值得給 5 分！ 依上枱次序：金豬大紅袍通常酒席首道菜便是乳豬全體，據說有紅運當頭的意思！ 每人分到大約兩件，皮脆肉嫩！咸度適中！尚帶微暖！火喉燒得恰到好處！薄薄的乳豬皮好香口！配合半肥半瘦的乳豬，真是美味不已！拌上一點乳豬醬，更添滋味！翡翠桂蚌玉帶賣相不失得體！翡翠是什麼？ 正是西蘭花，西蘭花味道清新爽口， 味道比較清淡；帶子 Size 幾大

友人們約我去黄大仙飲下午茶,我說去富臨,不久,友人致電我已去了富金,我說那裏是富金,啊!在龍翔中心,我來你吃住等吧!去到友人留了一碟咖理蒸魷魚給我,哇吃哥士的嗎?怪味超軟無彈性的物體然後,友人叫了一碗鷄河下午茶價$13,等了一會兒,一女侍應怱向我友人說油鷄河貴少少無問題吧!友人想問貴少少即貴多少,女侍應已飄走了,一碗肥油鷄河送上了,賣相似乎不錯,問亞姐要多少錢,$25吧! 友人分給我一塊肥鷄,肉死實不滑的,河粉很普通,湯底無味,很慶幸沒有叫來吃。然後各人吃了一粒餃,我們都不能說出它是甚麼餃最後我以為吃的是甜品,但椰汁是咸味的,芒果酸,糯米硬希望富金派人去其他酒家試菜,這些食物水準不合格,還停留在＋多年前的屋邨酒樓水準,望改進,更要誠實地告訴客人是$25不是貴少少

嗰日一家四口去到攞籌,唸住飲茶,攞完籌等咗好耐,都未到我哋no.,但係見其他啱啱嚟個d熟客呢頭攞籌嗰頭就入去,我老婆就問嗰個知客,佢話嚟嗰係老細d親戚,我心唸,如果嗰個係老細親戚,使唔使攞籌呀,嗰個知客更好似唔志在咁款.激到媽媽聲,所以決定以後都唔會再去.

難得有兩小時lunch~梗係揾間酒樓慢慢食啦~唔係好熟呢區,但係在附近做野~又見到呢間幾新,就試下啦~一試就出事....d 點心唔係好得~唔係唔新鮮,而係味道唔得...皮蛋瘦肉粥 :食完成碗粥加埋都無1/4隻皮蛋,瘦肉全部係肉絲,不知所謂仲要係正價點心都咁既質素咸魚蒸肉片飯 : 等左好耐好耐....一見到上枱時,眼都突埋~第一飯個size嚇親,第二咁既size等左大半個鐘,第三d 肉唔新鮮.....十幾蚊食d咁既野~第二間酒樓幾蚊既特價點飯好過多多聲另外叫左金錢肚&鮮蝦腐皮卷就ok...味道正常小小

※‧※‧※‧※‧※‧※‧※‧※‧※‧※<< 八月初 >>今天來到這家好幾個月沒有來過的酒家，還記得上次在這裡吃過的時菜龍躉頭腩飯，味道不錯又抵。今天發現了兩張菜單，分別是「午市特式粉麵飯」和「特價燒味飯，潮汕風味」，當中有些以前在這裡沒有看到的菜式，在那2張菜單裡，自己心目中選了想吃豉椒蟶子伊麵和酥炸蠔仔餅，奈何同行的友人沒有興趣，除了幾碟點心外，只選了碟很廉價的紅米炒飯。身邊有不少親友也是這樣，有花費的條件有餘但很節儉，有時與他們一起吃飯真是不太爽，不過，自己背地裡卻也十分欣賞他們懂得居安思危，做人做事都有節制的生活態度。潮洲粉果 : 新鮮熱辣，味道還可以。韭菜餃 : 新鮮熱辣，個人認為韭菜比較少，喜歡吃韭菜的我，情願吃韭菜餅或韭菜果，才滿足到對韭菜食慾。牛肉腸粉 : 腸粉不太滑溜，牛肉比較少。叉燒酥 : 凍凍的，外不脆，叉燒餡料一般。紅米炒飯 : 不記得全名，只記得十分便宜，炒飯炒得乾身不油膩，味道清淡，有些紅米，是健健康康的一碟飯。服務人手不太足夠，等待約5分鐘才有侍應執檯 !※‧※‧※‧※‧※‧※‧※‧※‧※‧※

日日都經過呢間酒樓，見到個老闆日日都係度幫手，心想應該唔衰得去邊，有日星期日去試左。嘩﹗多人到等左半個鐘可以入座，心想「嘩﹗等咁耐應該唔衰得啦﹗」，依...一座低見到有個好似水吧0既地方好多人，睇真原來係攞D點心的，D點心多到講唔晒，我最愛係有姐姐推住點心車係度行，依家好小有了﹗因為食左好多野同埋過左兩個星期，只係好記得D野食係好熱﹗印像中有﹕蒸雞腳﹕好多﹗唔似出面果D得兩隻腳開邊，佢應該有四隻腳開邊架﹗蓮藕餅﹕一碟有六件，好熟﹗仲煎到有d脆又唔太咸﹗綿花雞﹕好多綿花呀﹗又好好味﹗餐包﹕ 係唔小心搶左阿婆的﹗真係好軟熟又熱0既，出面好多地方都係暖的﹗特點係個水吧真係兩三分鐘就會有d新鮮出爐的野賣，有個阿姐會叫咪的﹗唔怪得之咁多人食啦﹗四個人都無食早餐0既中午茶埋單都係$12x，飽飽出門口﹗好低呀﹗琴晚我生日，因為阿爸愛中菜﹗我第一時間諗起富金，因為上次飲茶真係好味又平。叫左五個菜﹕1)大大個特價牌係門口既「花膠魚翅菜擔雞窩」-- $58 心諗一定唔方多得去邊，一黎到嘩都好多呀﹗可以開到五碗滿﹗仲有半隻雞﹗有3-4舊花膠仔、有翅都幾大舊﹗唔係日式翅﹗仲有一人一條菜﹗呢個湯白色底，好

以往來到這酒家 , 沒有發現有龍躉吃今天發覺多了張黃色的花尾龍躉菜單 , 大概不是每天都有的 時菜龍躉頭腩飯有約八嚿的龍躉肉 , 入口十分嫩滑鮮甜 , 當中有些有大嚿魚骨的啜起來特別濃郁鮮甜 價錢只是與一般的褔建炒飯相約 , 值得一嘗 豆沙酥看起來像叉燒酥的豆沙酥入口外皮鬆脆 , 裡面的紅豆蓉不太甜好味道！下次一定要encore 鳳爪 ; 夠稔夠入味 , 感覺比一般酒樓的好食豆苗餃 ; 皮薄 , 有些豆苗和蝦 , 味道ok小籠包 ; 湯少 , 皮可以再薄一些會更好以一包香煙的價錢就可以享受一頓美味的龍躉午餐 太好了

港人始終都係鐘意閒來冇事去歎吓茶 , 食吓點心 , 我都唔例外.今次間酒樓有嚟開 , 點心唔錯 , 價錢都平 蝦蛟印象中 , 九龍城廣場果間好彩 , 同埋美心 算最好食d蝦蛟又大粒又鮮甜 , 富金d蝦蛟雖然冇咁大粒不過都唔錯 , 幾好食 , 味道 above average 鮮竹卷 新鮮好食可以一試煎腸粉 , 小籠包 , 山竹牛肉 , ... 都 ok 乎合水準

四月廿三日(三)今日見完工後CALL左爸同媽去飲菜，揀左去左龍翔中心尼間富金度。南乳豬手，味道幾好，好有南乳香味，又唔會杰到變左膏咁，但俾中腳趾位，無乜肉食=(黑椒牛柳絲烏冬($30)咁大間係商場既酒樓都只係賣$30碟炒粉真係幾抵，仲要係牛柳同烏冬添，加埋一都$33，真係茶餐廳都食唔到。味道方面雖然唔夠茶餐廳咁有鍋氣，但亦都較小味精，賣相當然較茶餐廳好。碟上有黑椒汁令烏冬本身唔會唔夠味，牛柳亦淋，份量不小，整體黎講幾滿意~仲食左兩舊鳳爪排骨飯既排骨都唔錯。惟侍應感覺上不夠醒目。滿意一餐過後返到屋企去先記得今朝無帶鎖匙，摸門釘，激死~!

新年食開年飯，其實到到都差不多。富金勝在近屋企，識合老人家&一家大細去食下甘解~已經有訂位，不過都要等多一陣位。個餐\送啤酒汽水，不過我地唔飲，轉飲夏枯\草~o華~~真係甜過最尾上既紅豆沙呀!!!新年關係，d餸上得勁快，好采都做到亂中有序，未至於未食完已經扲走你碟野唔比你食~想講講碟燒鴨同條魚~燒鴨肥到嘔，真係想嘔，因為太多油喇，食完皮之後根本冇可能再食落去...條魚唔知係咪蒸左成個鐘，同食柴皮冇分別....未至於難食，可以入到口既，不過就真係唔多好食喇....