寶哥上海味館 (已結業)

真係好耐無去西九龍中心，今日同女朋友去拍下拖。行左好耐，肚餓，女友話想食小籠包，於是就入左厘間所謂嘅上海菜館。環境箅Ok嘅 60分，企在門口睇菜單時，有2個亞姐好好笑容咁揮晒手咁招呼入坐，好殷勤咁，於是行左入去。回鍋肉套餐，回鍋肉(好味嘅但好細碟，得4塊肉仔，全部菜)，飯1碗(算多飯)，例湯1碗，可樂1罐+$8，合共$56，算合格60分。炒鳝糊套餐，超難食，I0分。招牌小籠包4粒$36，正常50分。豆沙窩饼$36，有6塊1x3cm，細塊到得人驚，係炸嘅，唔係煎嘅，又硬又乾，貼$都唔食，0分粟米魚肚羹$12，失敗，5分茶水每人$32人合共$194 (無加一)。20分一定唔會再去

剛剛要去深水埗黃金買手機配件， 之後去西九龍中心逛逛， 這個商場真是十分混亂， 但都有不少食店，頂層food court 更加係人山人海！最後去到寶哥，見到佢地方夠大，又唔駛等位，又好想食小籠包，於是即係管入去試試叫了一客小籠包， 外皮算簿， 夠熱， 湯多，小店算係不錯另外叫了客飯，味菜牛柳絲， 仲包豆漿 一杯，upgrade 酸辣湯都係加幾蚊，好抵好抵！雖然個主菜份量較少， 但呢個價錢， 夫復何求看見附近嗰張枱多數都是年青顧客，簡直時光倒流， 回到學生時代

由於從沒想過會有寫食評的一天，所以沒有拍照！服務態度：我是晚市時間去的，因為想吃小籠包，所以就抱著「我要食小籠包」的心情進去。員工服務態度差，沒有禮貌，全場吉位好多，有梳化的位置也佔多數，我和朋友拿著背包，卻安排靠窗硬櫈二人座，於是我問可否坐梳化位，他背著我說話，聲音很模糊，我再問一次，就敷衍答我。雖然如此，我們常把謝謝掛在口邊，但臨走時，我決定不說謝謝，因為我男友付款後，我想問清楚帳單，收銀勁黑面，連我們離開餐廳，都沒有說歡迎下次再光顧類似的說話。食物：晚市48元小菜(有飯&例湯+豆漿/竹蔗水),份量很少，不太吃得飽，醉雞細碟不特止，全部頭頭尾尾，咕嚕魚一樣好細碟，味道不錯，唉，最好食得小籠包，價錢合理，36/4粒。茶水收3蚊，仲要加一，杯茶似茶餐廳用黎洗筷子的茶水咁，覺得被騙。

完全不知所謂。侍應的態度不好。間餐廳餐牌好怪，寫明凍熱庶水但係無凍庶水。撈面勁難食，我食左一兩啖 ，想嘔唔掂最後寧願唔食。個面雞絲好少都算， 跟本個醬係惡搞。完全唔係上海味

選擇了一間餐廳，因為隔離兩間餐廳的下午茶不太吸引。之前的食評都顯示這間寶哥不太好吃，又或者太慢，今天還是一試。店內環境其實不錯，不少都是梳化位，對著中間坐空間感十足。中間也有大桌子，可供十人十二人一圍吃飯。大排擔擔麵，擔擔麵湯底不太香濃。排骨不是新鮮炸，不太厚身，這麽快來到當然不是新鮮炸，與誠記的排骨當然不能相比。湯底，少許花生味，以酸辣味為主，沒甚麽渣，肉碎加添滋味。麵條，碗子不太少，所以其實碗子內的麵條也不太少，長長的麵條，很難剪得斷。雖然麵條不太煙韌，但是夠長，還可以。擔擔麵的湯底內有肉碎，不肥不瘦，後來在湯內不見了。擔擔麵配合肉碎來吃，夾起麵條配合湯及肉碎，味道不錯。下午茶送凍熱豆漿，豆漿味道一般，豆味欠缺濃郁。

擔擔麵無味，好似清水，口水雞全部都係頭頭尾尾，仲要50蚊，好貴，又唔好食，超級唔掂，二個字無言！係我食過最難食既上海野，都唔知有無搞錯，下次一定唔會再來食⋯⋯⋯

是日晚餐跟好友到西九龍中心，喜歡食上海菜的我好懷念6年前返工經常食的醉雞，所以帶他到此用膳。晚餐的價錢給我們的感覺唔算便宜，為了尋找昔日喜歡的醉雞味道，所以點了醉雞脾，還有我喜歡的糖醋骨麵~~~跟好友吃了醉雞便大為失望，呢度的醉雞曾經令我一吃就愛上，但現在的醉雞不但唔夠味，而且凍到有些肉開始結冰，真係完全退晒步。好在糖醋骨尚算好食，入口唔太韌，麵正常，唔算特別~~~小籠包都不錯，不過感覺價錢唔值去到$36籠~~~好友認為呢個豆沙餅算不錯，我覺得真係熱上，但醉雞的壞開始已經令我跟好在食呢餐食到有d失望埋單連茶位加一要$202，感覺唔值，之前在東海滬食差不多食物價錢，但人地餐具、食物質素真係好好多，6年前呢度開果陣午餐時間係坐滿人，昕昕接近一歲時食都還不錯，事隔幾年竟然退晒步，令人難以再回來吃醉雞

七點八落單 ，十五分鐘先炒起一碟菜，要35分鐘先上埋個回煱肉。我以為多客人，所以都體諒。殊不知，原因竟然是因爲只得一個鑊，不夠工具！為何不早一點通知客人食物需要多些時間，完全好似厄你入泥食，到你問先講！咁既餐廳就係做生意？

來到西九龍中心的這家餐廳，見價錢不太貴，餐廳環境還不錯，所以就進來試試。晚市餐牌 - 挺多選擇的點了一籠小籠包，擔擔麵和秘醬鷄絲冷麵。小籠包是不錯的，夠熱，湯汁亦不少，皮的厚度適中。冷麵亦可以，雖然所謂的秘醬只是麻醬、花生醬和豉油，但醬料充足。令我失望的是擔擔麵，湯太稀了，充滿皂水，而且麵有點兒發脹，整碗麵都沒有擔擔麵應有的味道。整體上的份量小，兩個人點三樣食品也不夠飽。小籠包($36)秘醬鷄絲冷麵($42)擔擔麵($37)

放午飯嚟呢間食上海嘢，第一次嚟所以叫咗個午市套餐：小籠包、涼拌粉皮、上海粗炒以及酸辣湯麵。首先個涼拌粉皮夠弹牙，剛出爐小籠包熱辣辣，包裡面d肉汁要小心吮，以免辣咀。個炒粗麵亦夠鑊氣，一定唔會係預先整定蒸熱夾出嚟，總括嚟講因為係午市，份量一定唔會大大碟，二人份量，埋單都只係$98蚊，加上我鐘意佢每款食品味道夠味夠淡口，咁先係有營食肆嘛。

今晚又係上海菜， 下雨天，两個人的晚餐。小籠包，話梅骨，金銀蛋覓菜，拍黃瓜，烤麸，上海湯年糕。話梅骨：份量好多，不酸，没甚麼話梅味道。肥肉佔很多，失落，或者將貨就價？小籠包，湯汁也有一湯匙，也好吃，可惜每次只能吃一粒。金銀蛋莧菜和小黃瓜，看上去清淡卻都是鹹，一般吧。烤麸，沾滿醬汁，喜歡濃味的不可錯過。上海湯年糕，最喜歡的一味，不鹹，清淡，多菜，少油，有火腿，雞絲，份量也有四小碗，两個人吃還有剩，大推。两人賣單，3百幾，這商場選擇不多，可以一試。

下午茶時段，來寶哥食下午茶，點了個招牌擔擔面，，絕對是令人失望。擔擔麵係無擔擔味，你只係食到一個熟了的白色麵+一個擔擔湯底，湯同麵既味道係分開，即係你只會食到一個白色麵線既味道，唔會食到夾雜住擔擔麵本應有的花生醬濃香。雖然只係$33一個餐，但都覺得曬左d錢。

同媽咪打算黎深水埗睇下有咩平靚正既好野食，但因為落兩所以唯有到西九龍中心行下啦，經過好多餐廳乽無咩興趣，又唔想食FOOD COURT喎，咁岩見到呢間出面啲相睇落幾吸引，就一於試呢間啦。食上海野食小食既話一定係食鎮江餚肉！涷冰冰好似食啫哩絕對開胃。呢到既鎮江餚肉都普普通通啦，肉同啫哩部份都一半半，但個重點係亂七八糟咁一堆上碟，睇落都扣左分啦由於我好想食菜飯，但呢到其實得3個餐係可以加＄5轉菜飯，其他小菜要另外加＄15叫碗菜飯，感覺好唔扺，所以我就揀左紅燒獅子頭。上菜速度都快既，但味道就。。。首先，紅燒獅子頭其實係肉碎球炸完再炆啦，但呢到既獅子頭肉碎肥肉實在太多！差唔多一半都係肥肉，我就唔多想食啦，不過啲汁係好食既，都幾入味，用黎餸飯都正呀，不過講返個菜飯，就真係令人失望喇，菜既量都多，但就好似係飯加菜碎撈埋咁，無另外調味之飯又濕濕地咁，我係為左你先叫呢個餸架早知叫返個小菜算個菜飯咁樣，我就唯有寄望個雪菜肉絲炒年糕啦，一上碟，咦！好大碟喎！黑洞即刻覺得今餐都有機會飽XD 年糕我個人就無咩要求，全部年糕我都好中意食，煙煙UNUN就OK啦，見到雪菜少，肉絲就直情係大海撈針咁先撈到呀XD好在佢年

同家人行完商場搵地方食野，見到呢度唔洗等位，即管試下啦~叫左個蟹肉蛋白，都幾滑身，咸淡度亦算合適，撈下撈下幾滋味~之後黎左個雪菜肉絲炒年糕，個人認為年糕可以再煙韌d，而家就有少少偏硬左~上海炒粗都係次次食上海菜必點，呢度整得味道ok，但肉絲卻少得可憐~砂鍋雲吞雞份量十足，雞件都幾嫩滑入味，但雲吞皮可以整得再滑身d~

經過西九龍中心就去試下哩間上海味館～本身好想叫蟹粉小籠包, 可惜賣哂咁就叫左招牌小籠包~但一樣出色呀!好味~入面有好香濃既湯~ 熱辣辣~食落去既湯非常鮮味~咬落去時有熱湯, 所以食既時候要小心啲呀!哩個招牌担担麵我見到賣相時已經係知道好少料咁~食落去時既肉就小啲囉 麵就多啲囉 不過不失咁啦～味道還可以, 都係一般既担担麵, 沒有什麼驚喜!哩個價錢～ 可以接受啦！口水雞其實食落去係冇乜特別~汁唔夠辣...!賣相一般, 因為好多血, 雞血呀, 有D生... 食落去既雞好多骨, 啲雞皮比較油... 煎鍋貼好乾身, 係脆既~ 食落好乾, 但冇乜別, 入面冇乜肉汁...點D辣醬會好味D!總括黎講只係小籠包較為出色~ 其他就沒特別,但價錢方面都算抵食, 唔會好貴!