寶哥味館 (放題店) (已結業)

今次係第2次黎食,比起上一次(大半年前)真係旺左好多,叫左2個和牛SET,牛肉粒依然好正,出面自助D野食都係好齊料,唯一美中不足既係上一次出面自助SECTION有肥牛,今次就冇左,問番佢地話而家牛肉一定要另外ORDER,如果鍾意食牛既我唸個一碟一定唔夠,但整體上係正既~

我同honey試過不少任飲任食的打邊爐，當中我們一致讚好的就是位於旺角和太子中間的寶哥味館，雖然價錢方面不算平，但食材方面就比較有水準，如果黃金時間食都要預算要近＄１８５一位，不過我們就十分喜歡它的湯底，雖然沒有鴛鴦選擇，但湯底不會淡而無味，仲好好飲。由於已近九個月都冇來過寶哥，所以某個周末我們考慮要到那兒吃飯時，我同honey就決定到久別重逢的寶哥了，大約７時我們上到寶哥時即被嚇了一跳，因為在上去之前我仲擔心會唔會好多人，洗唔洗ｂｏｏｋ位之際，點知．．．．成間店得幾枱客，就算到了８時多時，數埋都唔夠十張枱，雖然我知依家又豬流感、又有鏹水狂徒，但係我都估唔到生意會差成如此，難怪員工們都殷勤服務，而且在食物方面亦有所改變，每次都例必點的（魚立）魚湯底，有唔少青口，我們多數再加多ｄ青口等ｄ湯味再濃ｄ，亦有個迷你鐵板畀大家燒食物，醬油好多選擇，但事實上每位收了１０元，所以可以任取，honey先行發功取食物，食物方面同以前差唔多，多了熱食如菜乾粥、茶葉蛋、煎餃子、白灼蝦等，有玉子豆腐，之前是沒有的，對上兩次食都沒有油麥菜，今次反而有喎，正！但粟米就唔係好甜，而我覺得最好食的就係龍蝦丸，最意外是

見呢度d人讚到間野咁好，就親身體驗一下，尋晚上到去，嘩 ..... 成間野都係得2個人, 超靜!坐底左d伙計都唔理我地，喺度睇電視，叫落單又唔理，都唔知咩服務態度!!等左好耐終於叫到個魚湯底，但係味精魚湯囉 ...... 勁咸!!出便個food bar又冇乜款式,,黎黎去去都係菜同丸，個碟和牛又超少，咁既選擇百幾蚊真係好唔抵!!早知真係唔會黎! d海鮮唔新鮮之餘個賣相又唔好，基本上個兩個鍾都係食丸同菜，個間野唯一既好處就係夠寬敞、夠靜，因為冇客 ...但400蚊埋單，真係好唔抵!!比我簡下次死都唔會再去

須知道他們出名吃和牛粒但我不吃紅肉所以無幸一嘗只點了海鮮餐食物方面沒甚麼令人深刻不過他們的食物比一般火鍋店的食物較新鮮而且自助食物檯亦十分整潔不會亂糟糟．．．另外，免費自助調味醬料檯卻令人驚喜愛吃辣的朋友絕不能錯過

4月尾同朋友慶祝生日, 上OR見到寶哥好多好評, 所以決定一試o個日落大雨... 擔遮都濕晒, 又肚餓又攰, 本來打算cancelled不過既然咁多好評, 又難得可以同朋友出黎聚一聚, 就決定出黎食餐好ge寶哥味館, 如果你行街唔抬高個頭, 你根本唔會留意到佢ge存在左搵右搵, 原來就係始創對面, "阿宗"對面個棟大廈ge二樓上到去, 有個幾"殷勤"ge男人 (應該係老闆掛?!) 招呼我地, 幫我地keep住把遮waiter安排我地住一張六人枱. 位與位之間其實相隔好遠... 搞到好似搭枱咁安頓好之後揀湯底, 因為我地有兩個爐, 所以可以揀兩個湯底, 一個沙嗲, 一個立魚之類(唔知點解個立魚湯底一片魚都無... 魚味又無, 反而似冬陰公湯底, 有青口ga law!!!)另外飲品方面係任飲ge, 好好彩, 我支支汽水都係支裝 朋友們都係罐裝ge之後出去拎o野食... 喱個係我最失望ge地方, 拎食物ge地方一眼睇晒...都唔駛5分鐘已經行晒... 唔怪得D人話要另外加個和牛啦... 根本就唔夠o野食初初第一輪ge時候發現唔見肥牛已經大打折扣... 後尾第2輪先見到有不過每次出得三碟.

可能是夏季將至前最後一個火鍋局. 今次好友拉了13位好朋友. 來到太子的一家樓上店子. 滾多一滾.地點位置在第尾牛扒樓上, 沒有路邊大招牌的他, 真的不容易找. 我算是一名遲來者, 大伙兒已準備好每人一盤的生肉. 另外一盤盤的自取火鍋料. 未正式坐底, 便到食物吧上, 選擇了一些餐前小食. 充饑. 兩個火鍋到, 如常一個沙嗲鍋同一個豬骨鍋. 用上電鑪的火鍋, 是否因為熱力不夠勻循呢, 其中一個鍋老是滾不起. 佐上面的煎盤仍然熱辣火燙. 上等和牛來到時, 不如煎香佢, 更好食. 和牛每人一盤, 有極肥牛, 牛柳粒, 同牛脷. 慢慢上去煎, 用上一塊牛脂肪作油. 肉味鮮甜好味. 因為是放題, 自助形式, 其他要依既野全部大堂自己拿. 肉丸, 其他肉類. 看得出其處理幾衛生. 原本expect的七國咁亂既自助食物吧, 實在有點令人跌眼鏡. 叫了些雲吞, 魚丸, 等等, 不覺是馬虎的平價來貨, 而是用心用誠意的精心製作. 圖中亦有甜品. 馬豆糕, 烏豆糕. 味道雖不比大茶樓的精美甜點, 但起碼乾淨, 不覺是Mass Production一早做了一大堆, 用到夜晚的食物. 又是限時的派對. 2小

http://hk.myblog.yahoo.com/goodboy_philip/article?mid=31683呢幾個星期手頭上幾多野整, 所以少寫左 blog tim! 繼續寫番篇 outdate 既 blog 啦! 話說上個月有朋自遠方來, 用火鍋同友人 T 洗塵! 去左呢間寶哥味館, (打邊爐同韓燒), 有分兩個時段, 9:00之後就平 d, 100元度, 如果想加和牛盤, 就加五六十元, 海鮮有生蠔, 再加每人一小碟塊三文魚咁, 任飲汽水酸梅湯, 任食兩個鐘, 價錢就係咁喇! 咁好唔好食, 又睇落去?寶哥味館地址: 旺角西洋菜街218-220號生發大廈2樓和牛拼盤: 加錢既和牛份量係 fix 左每人一碟既, 有牛脷,生牛,牛柳粒, 質素唔錯! 可以燒可以 "十"! "最爽快的愉快像放題! 讓我越浸越美麗!" 四秒拖一拖! 三秒反一反! 粉紅誘惑! 我整比你食包你話好味! 和牛粒可燒可十隨你喜歡!其他野食呢, 睇下你想食咩, 如果肥牛呢...係無既!!! (除左加錢既和牛) 如果食海鮮, 有生蠔 (我無食啊, 因為唔太中意食生蠔), 唔敢講新唔新鮮, 其他 for 打邊爐同

今天第一次到寶哥打邊爐, 之前有幾次都想去, 但都訂不到位...這次特意早一個星期打電話去訂位~我諗因為係早既關係, 所以佢offer左一張卡位比我同我家姐我地揀左立魚湯底~~湯底不錯, 很鮮甜, 湯底還有不小豆腐及blue mussels~~醬油方面都好貼心, 有多款材料可供選擇, 如: soy souce, 醋, 芝麻醬, 潮州辣醬, 桂林辣醬, 四川辣醬, GARLIC, 芝麻, 蔥, 完西, 等~~主菜我地揀左一個和牛, 一個海鮮的自助方面有打邊爐的材料, 還有一些熱盤另外還有一些煎釀三寶的東東可以用來燒烤的~他們提供的食物全都很新鮮, 不論是海鮮還是一些餃子~~和牛又係好好食~油脂分佈平均~~特別是牛舌!!寶哥是一個值得再去的打邊爐好地方!!

日日行路返屋企都經過紅磡寶哥味館，睇見佢個menu，碟碟郁啲都過百咁，唔想就住食，都係過隔離新星打任食火鍋好過。早排見寶哥味館呢間放題店，即刻同飛妹去試。上到去要等四五張檯，等位仲要出樓梯，企耐啲都焗死，心諗飛妹實扁嘴。點知入到去有卡位，坐得幾舒服。湯底有十款，我地揀咗海底椰湯。每人可以揀一碟和牛拼盤或者海鮮拼盤 食完就冇，其他料就自助。呢度啲火鍋料係靚啲嘅，我鍾意佢樽裝ZERO任飲，但係最緊要燒又得 淥又得，啱晒鍾意落手落腳嘅飛妹。我唔係幾嗜牛，但係老婆就大讚啲和牛又香又好味，見佢笑住咁煎啲牛我就放心嘞。食飽之後棚牙仲滲住椰香。美中不足係限時得兩個鐘，同埋生蠔每次一出就俾人一攞十幾隻，想食要𥄫到實。

火鍋和燒烤的溫度不夠熱亦不夠持久. 火鍋料都是泡熟的. 燒烤的鐵板太細, 放兩塊牛肉就無位, 最弊是完全沒有排油煙設備, 食完陣味慘過自己煮餐飯. 樓下推廣的和牛放題亦有取巧之嫌, 158蚊只是一碟牛肉牛舌牛粒(各四件)加其他火鍋料任食兩小時. 所謂和牛不知所謂之極, 無油不化有筋, 比澳洲最低級的來貨更差. 火鍋料的肉類主要是丸腸類, 餃和內臟, 味道還可以. 平常任爆的牛肉竟然是限量供應, 且己用前菜小碟盛起, 看極其珍貴, 偏偏味道不過而已, 還不是一般的滑牛嘛. 菜蔬選擇不少, 也新鮮, 算是某種安慰. 另一邊取熟食處放了一盤冰鎮青口生蠔, 咪以為發達, 看清楚上邊的手寫告示: 敬請熟食. 但連瞉的青口生蠔怎麼煮呢? 火鍋不成, 靠那塊無力的鐵板則出年都無得食也. 全場唯有汽水最可靠, 管其他百般不是, 可樂還是可樂.

今晚同幾個舊同學去打邊爐, 見d食評有讚冇彈, 結果就去寶哥試下, 睇下有幾好...一去到就聞到成間野勁大油煙...原因唔駛講la...環境裝修都唔錯, 算幾企理可惜個爐就....燒盤太細, 烚鍋又唔夠闊, 有點兩頭唔到岸...食物都真係幾好食, 有海鮮/牛肉套餐比你揀, 仲有甜品, 火鍋料任食不過, 牛肉套餐既份量真係少到無倫....幾粒肉, 幾片牛利, 幾片肥牛...對於一眾食肉獸來講, 呢一餐真係非常唔抵食...(每人$185)佢係就係有d類似韓燒果d煙肉片/五香牛肉比你食不過真係好唔夠食....六個人$1120埋單...我寧願比多幾十蚊食小x羊, 又或去九龍城d火鍋店食...

Suki 好姊妹12月結婚喇~ 佢話今次係佢結婚前的最後一次生日聚會...講到好似即將無自由咁...真係俾佢激死 我地成班好妹妹揀左「 寶哥味館」，天氣涼涼地，食火鍋都幾好丫最重要係呢度「任飲任食」架~ 每位$ 128(另收加一)，任食兩個鐘，都幾ok丫~ 晚上9:30後，好似仲有特價忝架由於這是我第一次到來，所以覺得咩都好新鮮...好似食buffet 咁，自己出去夾野食返自己位度「烚下烚下」架 哈哈...好好玩~ 但除了「烚下烚下」外，個爐中央個位整到好似鐵板燒咁，既可烚又可鐵板，真好玩!!!調味區有好多不同既調味料供應﹕生、熟蒜、葱、芫茜、辣椒絲、桂林辣椒油、潮州辣椒油、四川麻辣椒油、麻醬、醋、豉油...咁多款式，應該可以滿足到不同喜好既人啦~食物都有幾多種類﹕蔬菜類﹕娃娃菜、唐生菜、油麥菜、通菜、蘿蔔、 粟米件、番茄、 南瓜件、苦瓜件... 菌類﹕金菇、冬菇、雞脾菇、草菇、秀珍菇...

昨晚到寶哥哥打邊爐, 感覺還是不錯的。點了和牛拼盆, 最出色的當然不是和牛(每位二百蚊唔到仲有任食火鍋, 「和牛」的水準自然會好高吧!), 而是牛脷, 拿來燒, 自行加些蒜茸和芝麻, 幾惹味。至於其他如牛肉粒、牛橫隔膜等就普通了一點。自助的食物方面, 選擇其實不算多, 以煙腩肉最好吃, 其他大路如魚皮餃、龍蝦丸、菜肉餃、腸仔等, 自然不會有甚麼特別之處。花雕醉雞, 一淥完就冇晒酒味, 五香牛肉就偏「鞋」, 但冬菇好好味, 絕不是得個樣的下價貨。燒魷魚就更加新鮮, 賣相比起生蠔更吸引。值得一提的, 是黟記大力推介的「魚立」魚湯底, 好淡, 不過也可以說成是沒有味精的表現吧!如果不是對此湯情有獨鍾, 應該試試其他。而醬料方面, 都算齊備, 辣醬都有桂林和四川之分, 不過獨獨欠缺了麻油, 這是麻醬不能取代的。我沒有見到有雞蛋, 可能同三聚青胺有關吧!飲品沒有甚麼意見(反正是自行再叫了啤酒), 甜品方面芒果布甸當然沒有芒果(羅拔臣布甸粉做的?), 有馬豆的椰汁糕還是十分美味(別問我跟椰汁馬豆糕有甚麼分別了)。賣單每人接近二百, 貴過去酒樓的任食火鍋, 質素都算高少少。

首先要讚一讚個伙計哥哥，我有D懷疑佢係呢間野既老闆之一，鬼咁識做生意，服務又好好，仲氹得我地鬼死咁開心！第二樣要讚就係調味區，真係好多野俾人揀，真係應有盡有，連原隻生雞蛋都有，真係有D喜出望外，醬料費都只係收每位$8，非常合理！除左醬料之外都無其他費用收，連湯底都唔洗另外收費．個伙計哥哥一開始都解釋得好清楚俾我地聽．食物方面都幾新鮮，款式都係大路野，不過就refill得慢左少少，有幾款熟食，味道都可以，至於甜品方面，唔講得好食，但係幾討好，但係個自助食物區唔係咁集中，分開左幾度，唔留意都唔知有幾度地方攞野食．飲品都係任飲，不過係order既，唔係自己攞，本來想試個酸梅湯，點知好快就賣晒啦，好彩都仲有夏枯草，都唔太甜，略縑唔夠濃，仲有汽水供應，都係任飲，啤酒就唔包．至於座位方面，個燒烤位置同個鍋又真係細左少少，唔係好夠地方放野食，同埋係用碟食，唔係幾方便，好易漏汁，不過可以自己出去攞碗同匙，咁就好好多．總括黎講都幾唔錯，一定會再去！

男友知道我想打邊爐﹐又想食和牛﹐所以就帶左我黎呢間火煱店打邊爐睇過 d 食評﹐見到話夜少少就會多人﹐所以我地都預返早少少六點九左右就黎到﹐無咩人。安排坐o係個自助 bar 附近可以睇住有咩新野拎出黎﹐又可以睇電視睇到奧運閉幕﹐唔錯 ﹕)呢度既特色就係打邊爐 + 烤肉同埋係自助形式揀指定配料($118 自助火煱 + 豚肉拼盤 + 汽水任飲$158 自助火煱 + 和牛拼盤 + 汽水任飲$158 自助火煱 + 海鮮拼盤 + 汽水任飲)留意係個爐較細﹐烤肉個AREA都好細﹐適合少D人黎食﹐唔係就要爭喇﹗搭 lift 上黎果時個侍應好詳細咁解釋 d 野食既收費﹐幾好 湯底唔會另外收費, 不過有 $8 係醬料既最後我地揀左和牛同海鮮, 湯底揀左魚湯, 幾甜下﹐好日式既FEEL仲送左幾舊三文魚刺身和牛拼盤得好少. 不過和牛係貴野, 都正常既..有幾塊薄既和牛片, 有幾粒細細粒既和牛, 幾塊牛舌, 有兩舊好似係牛脂肪既野感覺係一般, 無溶o係口既感覺, 始終一分錢一分貨。牛舌都係厚切好食 d海鮮就吸引好多, 有蚌, 蝦, 帶子, 元貝, 龍脷柳﹐八爪魚仔d 帶子燒好味過用黎打邊爐好多, yummy!