寶泰車仔麵 (灣仔道) (已結業)

灣仔嘅食物選擇到幾多，而粉麵檔尤其開得尤其多，嗰日咁啱想食粉面，所以就決定去試吓，餐廳最受歡迎嘅嘢食包括牛腩，整得好淋好入味，亦都可以選擇加牛腩汁同埋辣椒油，令味道更上一層樓。

同朋友同事食左幾次椰子雞煲.同其它小食真係冇得輸.椰子雞湯底好濃椰肉又多加埋红棗.薑.同其它配料好夠味.雞肉嫩滑.件件份量都啱啱好加埋蘿蔔.真係一流.飲品好大杯.記得食既時候要點返店內辣椒醬.麻辣又好味.雞腳食得出浸左好耐涵鹵水好夠味.下次一定再去性價比高

#confidante_foodblog灣仔覓食重慶酸辣粉($32)味道：🌟🌟🌟回頭：🌟🌟🌟以地段嚟講，呢個價錢買到一碗重慶酸辣粉咁足料已經好難得，當然一分錢一分貨。味道方面比較一般，一開始食之前飲咗一啖湯，發現係冇咩味道。後尾撈勻左，就出咗一陣好淡嘅辣味，而酸味會比較出。薯粉方面，較為煙靭。配菜有很多，更有半隻蛋送。值得一讚嘅係外賣等咗一陣就到，如果比較趕時間買返去食就最好，因為同朋友都係出面等咗15分鐘都仲係冇位🥹

小妹好鐘意食車仔麵，上網見灣仔唔多，面對電車路嗰間食過幾次，想試新嘢，見呢間好似唔錯，所以一試，午飯都好多嘢揀，但我想食麵，所以最後都係決定揀麵。 車仔麵嘅餸好多款，眼花撩亂 (選擇困難症) ，最後食咗 4 餸車仔麵 (蘿蔔、豬紅、酸齋及韮菜餃)，好好食 ，蘿蔔好甜 ，飲品揀咗豆漿，埋單 $59，都唔算貴。麵嘅湯底揀咗沙嗲汁 (少辣)， 都可以，唔係太辣，但有啲麻。整體唔錯，食完見門口有「酸菜魚」，下次晚飯可以試試，我鐘意食㗎。

四字總結：「貴，但好食」毫不起眼既門面，你唔會估到入面咁多野食！有火鍋、酸辣粉、烤魚、車仔麵、蠔餅、特色小食等等。淨係睇餐牌都花多眼亂，車仔麵張點心紙仲好多款簡⋯⋯頭都痕我地一共叫左兩碗車仔麵+一碗酸辣粉清湯 蘿蔔 紫菜 木耳 油麵腩汁 冬菇 魚蛋 芝士腸 雞翼 出前一丁仲有份魚皮 係跟車仔麵既餸淨係呢兩碗車仔麵都過百蚊😹佢真係貴 而以上既餸都無乜特色，不過 到酸辣粉上菜時我就知佢貴得有道理雞腳 豬手 燻蹄 勁多料 配料都多 最緊要係佢個紅油好香 香而不膩！雖然呢碗酸辣粉要$6x 但我覺得好抵 兩個女仔食都夠飽！！仲有其他餐單，影定下次到黎試下條烤魚先🙌🏻🙌🏻

聽同事介紹這裡酸辣粉不錯，看了看他帶回來的單張，還有雞煲，烤魚。想著除了以前在深圳吃探魚外，在香港也沒吃過比較好的，於是便去了試試。我一人叫了個水煮麻辣烤鱸魚，大辣。下單後約二十分鐘才上桌，本覺得有點慢。誰知那魚不知烤過還是炸過，看起來脆卜卜，擺盤賣相亦佳，值得等待。看了看，配菜有蘿蔔、冬菇、豆卜、紅薯粉還有一串豆付干。由於我一個人食，都不敢叫白飯，以免浪費。湯煮滾後馬上嘗試，湯不夠辣未能滿足我，可能為了配合大眾口味。跟店員說了說後，廚師拿了一勺醬料加入盤中，再煮均後，對味了。所以如果嗜辣的話，要註明大辣再加辣。主角鱸魚非常有驚喜，皮脆像吃炸魚皮，魚肉烤過結實煙韌，是我尋找的口感。我覺得水煮魚、酸菜魚要嫰滑，烤魚則要這種煙韌結實口感才入味。這裡的魚真的處理得不錯，整體上配菜，湯汁亦滿意，我會再去吃的。

從沒有想過一間門面不起眼的店舖，裡頭的菜式能夠讓人感受到對食材的尊重與超水準的味道。特別是蠔仔湯飯以及酸辣米線的湯底的底蘊，帶著川瑜的風味卻又與港式口味融為一體，點燃起味覺與舌頭的革命。裡頭的伙記也十分好客而禮貌，而且最近還新加了一杯特飲 兩十多三十塊 一公升多的啤酒杯所滿滿盛載著的洛新花茶，不單只是誠意，更是對客人的尊重。吃完之後 甚至乎是特地開個account來推薦的大家來的這絕不是打手啊！真的值得再來回味！

在附近工作，很累，只想坐低稍作休息，及食少少野補充體力。本身想食酸辣粉$30，但加餸每款$9，我想食豬紅蘿蔔冬菇，就要近$60埋單。所以最後叫咗個兩餸車仔麵$30+多一個餸= 同樣三餸$39。諗住都好，可以認真咁試吓佢嘅湯底同埋車仔麵醬汁。上到嚟嘅樣子：開始放落口，先來一點米粉及麻辣湯，湯底只鹹不辣，立即在望自己張單有冇下錯單。心想，枱面有辣椒油供應，待會可再添加。再咬一口豬紅，是偏實的質地，相比我比較喜歡滑身的，但冇腥味。冬菇是比較細的品種，大約5元硬幣大小，沒有去丁，煮得唔夠淋又唔入味，但未致於實及草青味。再食蘿蔔，成口根又苦、仲要唔入味。再嘗試食多嚿，繼續不停要吐啲渣出來。放棄。心很累，加辣椒油也放棄了。

尋晚冇地方食飯，揸車經過見到呢間，附近有位泊車，就落去買咗車仔麵上車食，四個餸$60，湯底好味，雞翼有超級滷水味，炆得又好林，唔錯嘅發現！魚蛋好味，芝心丸真係流出嚟嘅！👍🏻👍🏻雞尖魚蛋都好好食，本身我要米粉，但佢俾咗油麵我，但麵底彈牙好食！可惜距離屋企遠，未能夠買一碗返屋企煲住劇嘆！

今日咁啱去開灣仔做野 一個人唔知食咩好 咁啱係附近見到有間車仔麵 就一於試下佢叫咗三餸麵加沙嗲汁 餸有咖哩魚蛋 牛腩 同自家制響鈴 最有印象係個響鈴 因為有成三大塊咁多 不過應該叫佢分開上 唔係好快淋哂 牛腩同魚蛋都ok 幾入味 下次嚟開附近會再食

酸辣粉好好食花生中規中矩肉臊鹹香，咬落有肉感肥瘦適中芽菜系幼d嗰種，冇草腥味滷蛋入味，不過滷水香差少少薯粉軟糯滑辣椒油都香，中辣黎講唔算辣雞脾系生炸外脆內多汁都做到，但系略嫌調味淡左dd，食到後尾有dd膩，好彩酸辣粉同凍檸茶中和翻。望到個皮有辣椒碎，以為調味都偏惹味香辣，不過食落只有淡淡鹹味。好似我咁嘅重口味人士就覺得差d味埋單51hkd呢個價錢都抵食，雞脾計翻20hkd，酸辣粉唔敷衍，下午茶凍飲只需2hkd。服務都好好，counter好似系老闆女兒，好好禮貌，手腳又快。會再試其他餸