尋麻記

營業中

休息中

嘩！今日同閨蜜去咗大埔嘅尋麻記，真係一個驚喜發現呀！😍 呢間麻辣川菜專門店喺大埔墟新街市附近，環境乾淨整潔，令人食得好安心。😌首先登場嘅係佢哋嘅招牌手撕麻椒雞（$88半隻）。老闆喺你面前即場手撕，香氣四溢，令人食慾大開！🤤 雞肉嫩滑多汁，入口即溶，帶有淡淡嘅雞油香。麻辣味層次豐富，前調係麻椒嘅麻香，中調有辣椒嘅熱辣，後調係花椒嘅清香。辣味適中，麻味持久，令人回味無窮。👌麻香乳鴿（$68/隻）絕對係另一樣必試嘅菜式。乳鴿皮脆肉嫩，油香四溢但唔會覺得漏。麻香味勁重，但唔會蓋過乳鴿本身嘅鮮甜。每一啖都係麻、香、脆、嫩嘅完美結合，令人欲罷不能！😍正宗四川雞絲涼麵（$36）帶來清新嘅口感。麵條爽口彈牙，雞絲嫩滑鮮甜。醬汁係呢碟嘅靈魂，酸、甜、麻、辣四種味道平衡得恰到好處。食落口先係酸甜開胃，跟住就感受到麻辣嘅刺激，最後留低香濃嘅麻香喺口腔裡面。簡直係夏日開胃嘅最佳之選！🍜小食方面，燒椒黃金皮蛋（$20/100g）絕對係驚喜之作。皮蛋香滑濃郁，搭配燒椒嘅煙燻辣香，產生出意想不到嘅美妙口感。老醋青瓜海蜇頭（$20/100g）就帶來爽脆清新嘅感覺。青瓜爽脆多汁，海蜇頭彈牙有嚼勁，老醋嘅酸甜味中和咗海蜇

我點咗一隻「招牌麻椒雞」 老闆娘即場將一隻完整嘅雞手撕雞，份量出乎意料咁多,肉質新鮮多汁,雞皮又香脆,仲有濃濃嘅花椒香,對於一個家庭晚餐加餸,真係冇得輸。 點可以做到隻雞咁重花椒味？原來在老闆娘手撕雞之前，成個雞肚係裝滿好多原粒多花椒的仲有一碟麻辣毛豆作為小菜,微辣微鹹好開胃。好抵食,但係晚上通常容易賣光,所以想食就要早啲去。另外，阿女鍾意食手拍青瓜， 所以我特別叫多盒， 真係夠酸脆爽,簡單but夠味,喺飯桌上一定係必備小菜。間舖雖然唔大,但佈置得整齊清潔。間店真係係街坊心水之選。睇黎呢間已經成咗我家定期嘅外賣晚餐啦!

今天下雨，最好就是買外賣食物回家一起吃。約了朋友1:30 ，我12點多就來到大埔墟於是就去蕁麻記看看，怎知道排了三個人等了15分鐘等到差不多朋友的預定時間，趕唔切買麻辣就改朋友gather完再來。下午五點半來到，萬料不到喜愛的海蜇頭已經賣晒，有幾個涼菜盤都清了。幸好最想試的麻香雞還有很多。我點了一隻麻香雞，老闆娘就把雞展開，他問我要不要雞頭和雞尾，我說不要，他就剪掉拎在垃圾桶。她把雞皮出來，雞肉慢慢撕開，將一些黏附在雞皮的脂肪也撕掉。然後將雞肉施成一條一條比較小塊。將全隻雞撕好就將一些配料加入去，麻將和花椒。包好了就再放落去。一隻大雞絲好晒有汁有味道可即食就$148。我另外又點了一盤涼菜，沽清了海浙還有我喜歡的茄子枝竹。於是我點枝竹和茄子。茄子可以選擇不同味道，我選微辣於是就加了一些醬汁。這是按食物重重量來清的。一百克$20。一盒兩款涼菜就$40。回家後煮點米就可伴著吃晚餐。買香港相當入味，不論白肉和紅肉非常明顯，我家人對白肉和紅肉的要求非常明確，他們可以隨便就清楚揀出白肉來吃。涼拌蔬菜也很入味，每一項食物都很香濃，雞有很多花椒,輕輕的麻，沒有多餘的汁液。吃起來很乾淨，雞皮分開出來，也

聽聞尋麻記係大埔好好名😎 名物招牌菜係麻椒雞同金牌肥腸，今日路經大埔一於走去買嚟宵夜食😋 去到見到都多人幫襯，一個接一個嚟買嘢。 鋪頭唔大間只做外賣，鋪面好乾淨企理👍鋪頭放好一盆盆涼菜，睇到邊樣選邊樣😋 心大心細嘅我樣樣都想食，需要一d 時間選擇😝 🔸招牌麻香雞半隻（不辣的）$88 ～ 雞肚入面嘅花椒香料會因應不同辣度而釀滿😋 今次試麻香雞不辣先，下次再試埋麻椒雞😋老闆現埸剪開隻雞，在客人面前細心慢慢撕開拆肉 ， 半隻就係半隻雞，確保無偷工減料👍 入口雞肉好入味又香，好開胃又惹味，肉質嫩食落不會好韌👍🔸金牌肥腸$32 ～ 係等緊雞期間，聞到好香鹵水味，抵唔住要即埸企係到食埋😋肥腸洗得好乾淨沒有一點騷味，食落好滑口唔韌，仲要鹵得非常入味，墊底有大大粒雪豆，老闆話係雲南雪豆，係健康嘢嚟架用於平衡返正肥腸嘅肥美😝 🔸招牌芋圓冰粉 $36～ 老闆娘話冰粉係佢地自己整的，必須要當日食用，隔夜會不好食，睇得出對食物嘅要求👍 冰粉煙韌好q 彈，口感幾特別, 甜度剛好😋 配埋花生碎，提子乾，芝麻，椰果，葵瓜子層次好多真係好好味🤩 必食item👍🔸檸檬雞爪 $52 ～ 清新唔辣，已去骨，彈牙爽口好味👍

聽朋友講，尋麻記喺大埔好出名，好多人專登走入嚟大埔買嚟食。尋麻記係做外賣店為主，舖頭雖然唔大間，但係好多人幫襯，成日都要排隊。鋪面好乾淨企理，亦都睇得出老闆有額外花心思去裝飾～今次試咗佢的招牌菜，樣樣都超好食：🌟麻椒雞嗌咗半隻雞，係即場由職員手撕半隻雞俾我哋手法好公道，喺客人面前即場整，半隻雞就係半隻雞，確保冇偷工減料👍👍雞肉好爽口，帶有豐富的花椒味！我揀咗大辣啲辣味係由雞隻入面嘅幾種乾椒醃製而成，所以啲辣味、滷味係同雞肉味 合為一體！👍👍個人覺得辣得夠刺激！不愧係招牌菜，絕對推薦！！🌟金牌肥腸肥腸洗得好乾淨，無臊味， 口感煙韌，夠晒軟糯，滷水味道好入味，又易咬開~肥腸的份量亦都相當多😋😋其實仲有其他小食都好好食，都不可錯過！！

身為一個雲南人，對麻辣嘅食物一直要求好高。佢不單止係個雞好好味，其他嘅麻辣小食都很滿意。好入味，好送飯，配酒一流！今次係第一次，嗌咗半隻雞同一個麻辣牛肚，下次我要全部試過！真係好鍾意！

今日禮拜六 學校Canteen無咩食～就來打包大埔名物翻學校食真係不愧為大埔名物啊 實在太好味了！！我覺得每個經過嘅同學仔都會羨慕我哈哈哈哈 炎炎夏日哩啖涼麵嘅含金量真係極高 超好味！ BB辣好適合我哈哈哈 下次再挑戰辣小小～一D都唔油膩 勁香勁好味😋金牌肥腸真係好好味 洗得好乾淨之餘仲要非常入味 好食😋推介！因為咩都想食 所要點咗個大滿貫冰粉！真係好睇又好味😋見到老闆娘放水果落去嘅時候 水果保存得好乾淨、新鮮 食得出老闆娘&老闆嘅用心同細心！有下次！

尋麻記 (大埔)涼菜同雞外賣專門店，平時屋企斬料斬係港式燒味，今次攪攪新意思。係川菜嘅外賣店，初嘗麻椒雞同麻香雞。店舖細細但好企理，好多人買。食物擺放入哂食物櫃，一目了然招牌麻椒雞(半隻)$88麻香雞(半隻)$88兩者之間分別就係麻辣同只麻不辣。lrder後老闆即場處理雞隻。撕開成一塊塊，再係面上加香脆花生🥜。雞肉實在，充滿香料味道，有點飲鹵味的香料味再加麻加辣。另外叫咗涼菜萵筍$38，一絲絲爽脆，好香麻油味，唔會辣。越食越開胃。

早前見網友post此外賣店為大埔名物之一，過開嚟大埔一於會一會它。諗住兩點幾下午茶時段會小人啲，點知都係人頭湧湧，證明真係好食先會咁多人！我叫了以下食物外賣：1. 招牌麻椒雞（半隻）：老闆即場剪開隻雞，好俾心機慢慢撕開，所以大家要耐心等候喲！雞如其名，又麻又香又辣，好開胃好惹味！🌟2. 金牌肥腸：呢個我極力推介，肥腸又淋又入味，唔騷而且好乾淨，正！😋3. 燒椒黃金皮蛋：皮蛋係糖心㗎！👍🏻4. 大滿貫冰粉：呢個冰粉真係唔可以錯過，香港唔多地方有得食，而且呢個冰粉老闆娘話係自己預備，甜度剛好，夏天食返碗涼浸浸，必食！😍

星期六去左大埔同朋友交收, 之後諗住買外賣唔駛煮, 朋友介紹呢間出名麻椒雞外賣店, 去到大約5點半, 已經要排隊, 除左麻椒雞, 仲有招牌肥腸, 不同款式的冷盤小菜, 不過有啲菜式已經售罄, 想食嘅朋友，記得早啲去, 我大約排左3個字就到我, 都算快~*麻椒雞（全隻）$148點左麻椒雞, 有大中小,BB辣可以揀, 我揀左BB辣試一試佢既辣度先, 俾左錢後店員會即刻手撕，雞肚入面釀滿了花椒辣椒和其他香料, 手撕完滿滿的一大堆雞肉, 上面仲會加脆花生, 見到未食都流口水, 哈哈!  雞肉好入味, 食落不會好靭，辣得黎又帶麻香, 味蕾好刺激, 正~ 溫馨提示, 食唔到辣嘅朋友可以試吓佢嘅麻香雞, 不辣的~*金牌肥腸 （中）$42呢度肥腸都係招牌之一必點, 果然係招牌, 肥腸處理得很乾淨, 唔會肥, 食落口感唔靭但又有啲咬口, 小小滑, 好味!! 墊底有大大粒的白云豆, 老闆話係同豬手一齊炆, 豆吸收了湯和豬手味, 食落甜甜地, 我很喜歡食~

行街經過發現呢間特色的川菜外賣店，菜單上有各種各樣的菜品，我點了幾道招牌菜和一些小吃。半隻麻香雞（$88）。這是他們的招牌菜之一，以辣椒和花椒為主要調味料，烹調出濃郁的辣味和香氣。麻香雞現場即時拆肉，配上辣椒的刺激和花椒的麻感，非常刺激。金牌肥腸（大份：$52）以熟軟的豬腸為主要材料，經過烹煮吸收各種香料，肥腸更加入味而質地韌而不膩。檸檬雞爪（一份：$52）是一道招牌小食，已經去骨，而且好入味。爽口得很。香辣雞腎（$48）它用麻辣調料烹製而成，雞腎的口感鮮嫩，辣味也很適中，非常開胃。麻辣豆干味道爽口彈牙，辣味適中。直接食又得，作為下酒菜又得。很是惹味。

一直都好鐘意食麻辣小菜，咁啱又有朋友住大埔，朋友高度推介呢一間。 去到嘅時候，舖頭都排長龍，原來呢間小店非常之講究衛生。佢哋每整一份手撕雞，就會用一對新手套。 睇得出對細節好有要求。所以等待時間變相長咗。因為疫情關係，我都好欣賞呢啲咁注重衛生嘅小店。 講返嘢食先，朋友推介食佢哋嘅手撕雞，青瓜，同埋萵筍絲。 最後我哋見到好多人order藕片，於是我哋都叫埋。 我最鍾意佢哋跟重量咁計，豐儉由人。 麻辣手撕雞半隻： 雞好入味，份量都好足，唯一要講嘅就係可以多汁啲青瓜海哲，萵筍絲：呢啲都係一定唔會錯嘅，爽脆口感，同埋麻辣嘅汁，點會唔好食呀？ 藕片：好爽脆，但又好香好夠味，最驚食果啲好淋身既，唔單止油、仲好粉，係會比人覺得擺左好耐咁，呢個真係新鮮整麻辣雞腎： 份量勁足！！！ 完全冇內臟嘅怪味！好彈牙爽口，正呀 可惜嘅係冇得堂食，外賣嘅話要用好多外賣盒，好似有啲唔環保咁。。 希望呢間店可以做大啲，有得堂食啦。。好多人試大腸，我見到個汁同賣相，份量都唔少，下次想試呢個

今日去朋友大埔屋企團拜，買啲嘢食上朋友去加料，見到呢間尋麻記，就買上朋友屋企。舖頭雖然細細間，但老闆有裝飾得好有心思，又靚靚咁。對住琳瑯滿目既菜式，真係乜都想試呀！最後揀咗以下幾款。麻椒雞：雞既肉質嫩滑。花椒味濃郁，夠晒麻。啱晒麻辣控金牌肥腸：果然真係金牌產品！一定要叫呢個. 肥腸清潔得非常咁乾淨！而且滷得好入味。質地易咬開，唔會韌。而且佢有雪頭喺入邊，第一次食雪豆，原來係咁好食嘅。西芹拌腐竹：豆味濃郁，加埋西芹獨特嘅清新香味，味道都幾夾。雙椒茄子：茄子吸晒醬汁嘅味道，好惹味。招牌水果冰粉：呢個都係必食。聽職員講佢哋嘅冰粉係用豆每日新鮮搓成，全港冇乜幾多間會咁做，因為真係好嘥功夫。食嘅時候我見到冰粉真係同平時食開嗰啲好唔同，佢有好多氣孔，比平時嗰啲煙韌！好特別嘅口感. 而且加埋好多唔同嘅生果，增加味道層次。呢個手工菜一定要支持。另外，值得一讚係呢間外賣店佢哋嘅packing好企理。小菜有好多款式選擇，就算素食人士都啱食。呢間欣賞小店仲有好多自家製產品，例如腐乳，真係要慢慢試晒佢。

食唔食得辣都好，外賣店都照顧到大家要求，今次我地叫左 金牌肥腸 ❤少麻辣勁香滷水味，豬大腸夠哂爽口彈牙，一D騷味都冇，食起黎又唔會好油膩，仲有D香菜，食起黎唔會好有罪惡感。麻香雞❤即場手撕，雞入面會因應唔同辛辣度而釀滿唔同辣度既花椒等香料，麻而不辣，雞肉肉質嫩滑，PI夠薄，重點係，媽咪都食得出係走地雞，都話好好食。檸檬雞爪❤夠哂清新，細嫩彈牙，秒清。紅油豬手❤係最辣果味，豬手好好好彈牙，食起黎好有骨膠原既口感，同埋真係辣得好過癮，食得辣既必點!

自從上年試過「尋麻記」後，一直對佢地嘅麻椒雞念念不忘，今日經過見到唔係太多人，就一於買黎夜晚睇波食。對比起上次，餐廳多咗更多款式嘅涼菜，亦有冷麵及冰粉，但主角當然係麻椒雞啦。麻椒雞可以揀大、中、小辣或唔辣，聽老闆講唔同辣度用唔同嘅辣椒，所以會有唔同嘅風味。麻椒雞 :由於想試更多其他食物，今次只係要咗半隻，老闆依然好純熟地即時將雞拆肉拆骨，最後加入花生包好。麻椒雞入口麻香味十足，雞肉嫩滑唔鞋，小辣食落好惹味，下次可以試下要中辣，花生吸收咗雞油及辣椒味，用黎佐酒一流。檸檬雞爪 :雞爪全部已經起晒骨，啱晒鍾意食雞爪但懶嘅我，食落味道酸酸辣辣，相當開胃。雞絲涼麵 :一碗份量都幾多，足夠兩個人食，除咗雞絲外，仲有青瓜絲及花生，又涼又辣真係食得幾過癮。招牌水果冰粉 :好精緻嘅包裝，涼粉口感滑溜溜，水果有芒果及哈蜜瓜，味道好清甜，食完咁多辣嘢，食返d冰粉感覺份外清新。