小倆口台式漢堡蛋餅專賣店 (已結業)

話說呢排見到好多platforms介紹呢間位於側魚涌既台式蛋餅🍳🍞本人乃係一個蛋控，又點可以錯過呢！ 不過地點對於我就真係遠左d既。咁岩今日要柴灣做野，唔通連個天都叫我去試下🤣未去到前，心入面以為呢到會係有d文青feel裝修靚靚地既餐廳去到門口，佢只係一間平凡小食店的樣子，舖到好細，坐得落十五到二十人左右，都算乾淨企理的。Menu選擇唔多，主要都係賣蛋餅😍我叫左個芝士薯餅煎蛋餅🍳，諗住會飽肚d，因為睇佢細細粒，唔覺得會有幾飽肚。蛋漿調較得幾好咬落口感唔錯又唔會太咸入面見到原片煎蛋無偷工減料😍略嚴芝士落得唔夠均勻唔係舊舊都食到本身煎蛋餅其實無咩味，主要靠芝士薯餅既咸味同蛋餅面既蜜糖🍯茄汁🍅吊味。以為望落細細份做lunch唔夠飽？錯錯錯！食落都幾飽肚🤣 絕對岩女仕們做lunch🙆🏻 $48仲跟杯黑糖奶茶，奶茶味道偏淡，唔甜，配上蛋餅真係好有台式風味。好多學生都去食👍🏻小倆口既地點十分方便，距離地鐵只係1分鐘咁近，大家不妨去試下，支持下呢d小店😍 我都想再試芝士肉鬆味🤣

對於台灣的食物有一種鍾情, 喜歡食材唔需要好矜貴, 仍然可以做出一份誠意。話說小店的食材由台灣空運, 是要把台灣的味道完整的帶過來。芝士薯餅蛋餅一份蛋餅用木板呈上, 已經切開6件方便食, 而且見到裏面都係漲卜卜塞滿好脆嘅薯餅同埋溶緊嘅芝士, 金黃色的確好吸引!光顧前做了一點小research, 中間有種叫「醬油膏」的調味料, 係台灣為蛋餅而製。英文叫soy paste, 就係比較杰身嘅豉油,味道比豉油更甜而獨特。午餐配一杯飲品, 二話不說就點咗熱黑糖奶茶!奶茶茶味都濃, 飲完一啖會慢慢滲出一陣黑糖味, 唔會太甜, 好有台灣嘅天然風味~這個小倆口配搭好溫馨呢 期待下次會試下其他配料蛋餅!

等左好耐香港終於有人做台式蛋餅，期待心情下實在無驚喜既，蛋餅做得唔錯，但當然無台灣果邊咁好食，食物選擇少，只有四款蛋餅及一個鐵板肉醬烏冬同漢堡，飲品更少，黑糖奶茶及水蜜桃茶或紙包飲品⋯⋯如果多些選擇會更豐富囉，但整體係可以一試，食完未必好想會再特登入去食！

本身抱住滿心歡喜去試蛋餅，睇到網上邊賣廣告好hit咁啦。但係價錢貴之餘，叫左個肉鬆芝士蛋餅，肉鬆少得可憐、芝士更少得淒慘、蛋餅無蛋香。。。我去食手抓餅都做到俾我啦，仲要四十幾蚊！其次，黃金蝦排堡，塊蝦排仲薄過我部IPhone 又乾真真，啲薯角唔熱既，茄汁又係少得可憐，點兩下無晒最後，叫左個咩鐵板烏冬，極失望！佢係肉醬意粉個汁撈啲極冧既，啲肉醬呢就得十粒都無既肉粒仔，鼻屎咁大粒架咋！汁係乾既仲要油到死同埋我覺得呢間餐廳好唔環保，全部都用膠叉膠杯紙碟，人手又短缺！抽風系統差！食完成身油煙味！安排上菜有問題，明明先到但最後上菜，去個陣已經人唔多，得幾個客，都可以漏左杯野飲到就嚟食完先上。。。等野飲都等成15分鐘，野食唔洗講，更加耐！唔會再去食貴夾唔抵食，份量細！純粹個人意見，不喜勿插！

今日點幾鐘去到睇黎唔係好合時 因為遇正office既lunch time ! 見到出面排晒長龍 所以我地就決定搵地方坐陣 過左office 既lunch hour 先去食 結果我地終於食到 ! 本來想嗌總統牛肉蛋堡點知又係賣晒最後嗌左芝士肉鬆蛋餅同埋芝士薯餅蛋餅 份量其實唔係好大 味道都還可以 但又唔會去到驚艷既地步個人比較鍾意肉鬆多啲芝士半溶，口感都okbtw薯餅都幾match 蛋餅 野飲方面就嗌左黑糖奶茶味道似無珍珠既珍珠奶茶甜度對我黎講都算適中 另外仲有水蜜桃茶同之前睇到既食評一樣味道真係有D 淡

其實唔知係咪以前，會睇好多台灣小說，內文d人成日食蛋餅，所以我對蛋餅都有情意結足料的吞拿魚+肉鬆，少少既甜醬，一口食落就滿足哂一份蛋餅真係唔夠食，本來我係想食牛堡，但個蝦堡英文名真係夠膽叫hahaha,有態度緊係揀你，個蝦堡其實都足料，但個波羅甜過黎，一齊食既話可能會食唔到蝦味

星期日放假一心諗住去買外買試下好唔好食，點知2:15去落單話10-15分鐘，無問題👌🏻一般等待時間。點知去完其他餐廳買完攞埋，再番去都仲未有，果到講緊7個字時間，眼見人地有得攞我都仲未有，入去問，仲要問番我轉頭後面果位先生應該早過你係咪？我點會知呀🙄🙄最後原來都無落單，我谷鬼氣梗係退錢走人。我唔會再想試囉👋🏻👋🏻

見到咁多好評 然後亦見到好多網有話好食 一早bookmark左諗住一定要黎試 見到個個都話地道亦都唔錯 所以好期待 因為係蛋餅既fans 點知一食就好失望 先唔好講選擇小 價錢亦都唔公道 48蚊一份 比起台灣差好多 食唔到令人懷念既味道份量亦一般 味道黎講並唔出色 自己都絕對整到既水準 所以不會再惠顧 如果大家係中意食蛋餅想食返係台灣食到既味道 就唔好對佢有所期待 作為一個十年都唔打食評既人黎講 可想而知呢間野令我幾失望先會花咁多時間去打呢篇野令大家知我有幾失望😞

^比不少鰂魚涌區午餐便宜，還連凍飲。^先上兩杯跟餐飲品左：黑糖奶茶(凍) 甜度剛好， 比很多台式飲料店好喝右：水蜜桃茶(凍) 普通水果調味劑的味道^點了招牌蛋餅(薯餅+芝士)，份量不多，適合下午茶。蛋餅中薯餅脆身，但秘製醬汁過甜，蓋過芝士的味道。蛋餅可能落了砂糖所以亦偏甜，建議可以選擇咸味餡料中和。^外皮不會煎得過油過焦。而且蛋和餅身不像別的餐廳煎到分離，夾起時餡料亦沒有掉下，整體是好的蛋餅，缺點是份量太少不夠飽足感。^賣相一般，麵包烘得乾身，配以腍身的薯角。^很平凡普通的茄汁和蔬菜，煎得太焦黑黑的蝦排。^超薄的蝦排，和底下的糖水水果片一樣厚度，猜測是菠蘿片，很甜亦沒有菠蘿味，味道被純粹的甜味蓋過。比較像是菠蘿漢堡而非蝦排漢堡，而且蝦排亦煎得太焦。建議只點蛋餅作下午茶。

每次去台灣，早餐都會去食蛋餅，但香港好少地方可以食到。原來鰂魚涌有間小店係專食蛋餅嘅，於是約埋朋友一齊去試吓。餐牌選擇唔多，蛋餅只有四款。培根加芝士蛋餅蛋餅煙煙un un，芝士半溶，配蜜糖幾好食，份量唔多好快就清晒！套餐有飲品，我揀咗黑糖奶茶，有台灣風味。

去完台灣好掛住蛋餅，睇網上食評大部分都話呢間好食，於是滿心期待去食蛋餅今日(星期五)下午3點幾到，開門入去見冇職員，喺counter大叫都冇人應，諗住坐住等一陣坐左幾分鐘都冇人覺得唔對路，於是出番去周圍行一陣等員工返黎，到差唔多4點又番入去睇，一樣冇人，睇清楚門口又冇任何指示，打過電話又冇人聽，但係可以自由出入，好奇怪，最後都冇職員出現，超失望咁離開，後來餐廳有電話覆我，話係營業中，但冇解釋點解入到去但又冇職員，建議下次大家去之前都係打去問下先。

有日放工諗住食下台灣嘢，上網搵見到呢間近近地又價錢平，一於試下佢。一岀地鐵站行兩步就到，好方便就腳。店內坐位唔多，我地大約七點到，入面有兩三枱客人，坐落冇特別舒服。叫左肉鬆芝士蛋餅配熱蜜桃茶 同埋蝦漢堡Menu選擇唔多，個到我地去到仲冇埋黑糖奶茶，冇得試蛋餅幾好味，配蜜糖好夾，停唔到口，幾分鐘清哂🤤個蝦堡都ok, 本身以為會似麥記之前岀過個款，呢到係硬身啲，啲薯角幾好味個蛋餅可以encore!!!!!

香港人喜愛台灣美食，越來越多餐廳以台式食品吸引顧客。較早前朋友介紹我這家台式蛋餅店非常不錯，所以今天特意約在鰂魚涌上班的朋友前來午餐。餐廳舖頭細細，位置比較窄，適合兩至四人前來用餐或者外賣。食物主要是以蛋餅和漢堡為主，飲品只有黑糖奶茶或蜜桃茶兩款。對於我這種有「選擇困難症」的人來說，可以省掉點餐的煩惱。我選擇了芝士肉鬆蛋餅，因為平常比較少吃。另外飲品選擇了凍黑糖奶茶。朋友則選擇總裁牛肉蛋堡和凍蜜桃茶。飲品很快就送到面前，黑糖奶茶的奶味很重，濃濃的黑糖味令奶茶香味提升，入口順滑，味道就像沒有珍珠的珍珠奶茶。過了幾分鐘，蛋餅都很快送到。蛋餅很熱，是即叫即做的。外皮有雞蛋香，芝士和肉鬆餡料十分充足，多到連蛋皮都包不住，口感十分豐富。本來以為只有一個蛋餅不夠飽，但其實份量不少，加上芝士也有點兒膩，兩人分享會比較恰當。

由於同事介紹， 所以我同媽媽去試。。 入到去店ge位唔多。。 咁岩星期六唔多人，所以有位坐， 之後都不斷有客人。。 佈置簡單， 雖然細，但係唔係成間店都油煙。。唔錯。。我地點左煎蛋餅，佢有4款餡，我地叫左肉鬆芝士煎蛋餅。。 仲有叫左烏冬。。 凍奶茶同埋凍水蜜桃茶。。等左都唔算耐， 好快有得食。。 佢地係用鐵煮，所以比較熱。。 煎蛋餅皮好煙韌，肉鬆好脆好香口，芝士又好充足。。 比我預期好食！！ 反而，烏冬就麻麻，雖然佢唔會酸唔會濕立立咁。。 但係相比起之下就無咁好食。。 同埋份量唔多。。 凍奶茶好多奶（不過台灣飲品應該係咁，我唔識欣賞。。。。。）但係水蜜桃茶好好飲，唔會澀。。兩樣飲品都無冰，都夠凍。。 老闆又會問下d客覺得d野食好唔好食。。 我覺得佢好有heart 。。 希望佢keep住。。

係香港搵左好耐終於可以食到台灣口味既蛋餅仲有好多唔同餸配搭價錢同台灣比就可能貴唔少，但性格比唔錯， 而且從地鐵站行過去唔駛5分鐘 （如果搵岩路的話）值得推薦大家去試試