小包包 (Fashion Walk)

營業中

休息中

今次黎食呢度嘅二人套餐，$298pp，好抵食！首先食嘅係LB凱撒沙拉，生菜脆口新鮮，配上鮮美嘅凱撒醬汁，健康美味！接著嚟嘅係松露薯條，個黑松露香味一上枱就飄散出黎，薯條煮得金黃酥脆，每一塊都好香好脆，令人食得好過癮。之後嚟嘅就係蝦肉tacos同紫菜墨魚脆脆啦，蝦肉捲餅入口即溶，蝦肉鮮甜，配上酸甜嘅醬汁，好食！而紫菜墨魚仲香口，外脆內軟，紫菜味道香脆，內裏嘅餡料又豐富，好滿足。兩款包揀了招牌豬肉腩包同炸三黃雞包。豬肉腩包肉質鬆軟，搭配上醬汁，味道豐富；炸雞包外脆內嫩，雞肉肉汁豐富，嫩滑juicy，口感好正！最後就係甜品啦，綠茶冰淇淋包同鹽味冰淇淋包。綠茶冰淇淋包有淡淡嘅綠茶味，雪糕夠滑順，餅皮香脆；鹽味冰淇淋包就係個鹹甜平衡，配上軟綿綿嘅餅皮，味道好特別。飲品方面，揀左Chris’s lemonade 同Yuzu Soda，兩款都好清新，又開胃，酸酸甜甜嘅味道令人飲得好舒服。總括來講，呢個二人套餐份量適中，種類豐富，味道都好好。如果想試哂唔同款式嘅包、小食同餸，呢個套餐絕對係一個好選擇！

銅鑼灣的Little Bao是一家以獨特的亞洲風格fusion 菜式黑松露薯條薯條炸得酥脆配上濃郁的黑松露醬汁份量也非常足夠是一道非常適合分享的開胃菜凱撒沙律 好新鮮 濃郁的凱撒醬汁完美結合炸雞脆脆好得意 係四川麻辣味紫菜炸墨魚脆脆外皮酥脆 入面係嫩滑墨魚紫菜的添加增添了菜品的口感好好味招牌豬腩包是Little Bao的招牌菜品之一豬肉肉質鮮嫩多汁，配上饅頭內軟的口感，非常美味。炸三黃雞包是另一道非常受歡迎的菜品，饅頭炸得非常酥脆，內裡卻柔軟可口，整體味道非常美味。綠茶雪糕包和海鹽味雪糕包是兩道甜點菜品。綠茶雪糕包的外皮是酥脆的饅頭，內裡是濃郁的綠茶雪糕，口感非常清新。呢個甜品係little Bao 招牌 必叫啊

平時食開西式漢堡包，今次朋友帶我食Little Bao中式漢堡包，估唔到幾有驚喜。我同朋友試左二人餐，套餐有四款小食、兩款包、兩款雪糕包同兩款飲品。入面有卡位同吧枱位，甚至室外座位，裝潢時尚型格，燈光十足。- 紫菜炸墨魚脆脆墨魚丸好彈牙，外皮沾滿紫菜碎，幾有特色，旁邊係黑蒜醬，個人覺得太鹹。- 墨西哥炸雲吞雲吞非常香脆，味道酸酸甜甜。大細啱啱好可以一啖食晒，唔會食到周圍都係碎👍🏻- 炸雞脆脆餐廳嘅炸雞水準好高，口感酥脆juicy，肉質好鮮嫩。- 黑松露薯條Little Bao既黑松露薯條加左蘑菇令口感比較濕潤，沙律醬既黑松露味好香濃，非常惹味。薯條上面嘅醃菜可以中和沙律醬既膩，整體味道好豐富🤩- 炸三黃雞包Little Bao用左中式包，口感好似饅頭，但更加軟熟。三黃雞味道出色，花椒沙律醬簡直係畫龍點睛，令味道更上一層樓- 天婦羅軟殼蟹包天婦羅軟殼蟹包係今期special，套餐只要再加$30就可以食到。軟殼蟹超大隻，而且炸到所有部位都好脆但唔油膩。，另外配上醃青瓜同蘿蔔絲，食落無咁罪惡感😝甜品係雪糕包，味道有綠茶同海鹽兩款，食落比普通炸饅頭更香脆，入面包住綠茶雪糕，仲有少少煉奶，入口一

Little Bao 係我同老公都好鍾意既一間餐廳~以前中環番工成日去😌今次揀左Fashion Walk呢間，比中環店更寬敞闊落，坐得再舒適啲，仲有室外位置，木枱櫈加上植物環繞，非常寫意🥟墨西哥炸雲吞 $98人氣小食之一，皮薄酥脆的炸雲吞，用左Taco皮包住爽滑飽滿既蝦膠，蝦膠超爽口彈牙，配上綿密既牛油果醬，加上菠蘿莎莎，酸酸甜甜，超好味🍟黑松露薯條 $98個醬真係好好味，而且多到包到每條薯條，仲有磨菇粒🐷Pork Belly Bao $98招牌菜色，絕對值得一試！豬腩肉入口外焦內軟，入口軟嫩而且絲毫不肥膩，中間嘅洋蔥pickles令佢更清新，醬汁非常惹味🦀Soft Shell Crab Tempura Bao $138軟殼蟹卜卜脆同鬆軟無比嘅刈包形成強烈對比😍😍配埋蟹籽沙律醬😋好好味🍨Salted Ice Cream Bao🍨Matcha Ice Cream Bao雪糕包亦係另一必點名物！上下兩層炸饅頭，外脆內軟😋😋😋中間夾住冰涼雪糕，冰火兩重天，抹茶味仲有煉奶👍🏻勁有feel老公生日，為佢安排一下，雖然冇寫字服務，但有蠟燭同埋Live 嘅生日歌 😂😂😂佢地唱得好落力，我地都好開心😁

創意中式漢堡包專門店 Little Bao 以原創的「中式漢堡」小包包打響名堂，今次就來到銅鑼灣Fashion Walk 分店。餐廳由亞洲最佳女主廚May Chow創立，以有趣、具試驗性的方式，將中式小吃結合美式餐飲文化，創造多款中式漢堡的創新料理。室內裝潢設計注入型格時尚氣息，玻璃窗透進了柔和的自然光，氣氛悠閒輕鬆不侷促。戶外用餐區設有露天雅座，空間較開揚，亦是Pet-Friendly餐廳，可帶同毛孩入場。2人套餐Set Menu每位$298，包括4款小食、2款包、2款雪糕包及2杯飲品，比單點更抵食。小食可以6選4，今次自選墨西哥炸雲吞、紫菜炸墨⿂脆脆、炸雞脆脆(四川)及黑松露薯條，一次過嚐遍多個款式。墨西哥炸雲吞炸雲吞外皮脆身，內餡包著彈牙蝦膠，沾上四川菠蘿莎莎醬及牛油果醬，味道酸酸甜甜可減低炸物的油膩感。紫菜炸墨⿂脆脆黑漆漆的賣相詭異神祕，其實是在手打墨魚丸裹上紫菜，點上微甜的黑蒜醬，帶有蒜香之餘而又不會過於濃烈。炸雞脆脆(四川)外皮炸得乾身不油膩，炸漿不會過厚，灑上辣粉刺激味蕾，挑起食慾。黑松露薯條作為店內人氣熱賣小食，薄切薯條混合香菇魯「肉」醬、黑松露沙律醬及醃日本大根，惹味

Little Bao由亞洲最佳女主廚May Chow主理以中西合璧Fusion包為招牌菜似台式刈包 mix 西式漢堡包🍔而各款餡料都好有特色 非常值得一試!! \ 🐖 招牌豬腩包 ($98) /黎Little Bao一定要試佢既招牌刈包 🌮今次揀左豬腩包 慢煮豬腩肉煮到肉質軟腍而豬腩肉肥瘦均勻 入口即溶 🐷加上 大蔥 紫蘇葉 醬汁 食落邪惡得黎又好惹味 😋😋\ 🍵 綠茶雪糕包 ($48) /將麵包炸到脆口 食落好似中式炸饅頭熱辣辣既炸饅頭夾住厚厚既綠茶味雪糕🍦冰火交融既感覺!!!🔥雪糕上加左煉奶 細細件 甜度適中 唔會好漏 好味到想再叫多份!! 🤭\ 🦑 紫菜炸墨魚脆脆 ($98) /將紫菜包住墨魚丸 再炸到脆口 手打墨魚丸入面食到墨魚粒粒 非常彈牙 點埋黑蒜汁食 非常惹味 😋\ 🌮 墨西哥炸雲吞 ($98) /炸蝦雲吞🦐 上面塗上四川菠蘿莎莎同牛油果醬 食落脆口 不過份量有D少 細細件好的骰\ 炒小椰菜 ($88) /用辣椒🌶️ 青檸 花生同魚露焦糖醬去炒小椰菜 絕對係濃味人士都適合食既菜 😆

一直都想到訪曾獲封為亞洲最佳女廚師的May Chow所開設的Little Bao (小包包)，是晚就到訪了銅鑼灣店🥰天婦羅軟殼蟹包 $138seasonal bao～軟殼蟹，以花雕酒調味後炸至脆卜卜，上放有蟹籽蘿蔔沙律，下墊有酒糟白麵豉炸三黃雞包 $108招牌包之一三黃雞髀肉，肉質細嫩飽滿，有肉汁，配上花椒沙律醬，惹味！鹽味雪糕包 $48鹽味雲呢拿雪糕配焦糖醬，淡鹽的甜甜奶香K先生喜歡～綠茶雪糕包 $48濃郁綠茶味配煉奶J好喜歡～黑松露薯條 $98將黑松露沙律醬、魯肉醬煮香菇及蘸大根蓉，連同幼薯條一起拌勻，台式與西式風味合二為一墨西哥炸雲吞 (4pcs) $98Tacos，炸得十分脆卜卜，內有爽彈鮮味蝦膠，上面放有四川風味的菠蘿salsa和牛油果醬，味道充滿層次感紫菜炸墨魚脆脆 (5pcs) $98手打墨魚丸，爽彈鮮味，仲有粒粒墨魚肉，沾上紫菜碎後再炸得香脆可口，蘸埋伴碟的黑蒜醬，惹味炸雞脆脆 (6pcs) $128以三黃雞球炸成，炸皮香脆，內裏肉質細嫩，有肉汁YUZU MAPLE SODA $58飲落每一啖都散發紫蘇葉香氣的柚子梳打水CHRYSANTHEMUM LEMONADE $5

當日試試呢間想食好耐既餐廳。餐廳主打係饅頭漢堡包，建議未食過既您可以一到嚐嚐鮮🧡當日2人點了：❣️招牌豬腩包呢款係推薦試嗌👍🏻先講講饅頭外皮質地，好鬆軟，感覺似刈包，但相比起係更軟身主菜豬腩軟淋度岩岩好，肥瘦參半，味道都好入味，唔會感到肥膩，食落唔怕有負擔；內裡有紫蘇葉、大蔥和醬汁作配搭，配搭亦令整個包多了豐富感。本人係好怕紫蘇葉味道，但呢款係切得好幼細，幾乎感覺唔到佢既味道👍🏻❣️天婦羅軟殼蟹包呢款係限定包，軟殼蟹大大隻，炸得很香脆👍🏻包內裡特別地方有酒糟同蟹籽蘿蔔沙律，配搭會帶點酒香味道又有清新感，可以一試👍🏻❣️墨西哥炸雲吞呢款好多食客推介既小食，雲吞外皮炸得好脆口，有點厚身，蝦肉挺彈牙，特別地方每粒炸雲吞面上都有牛油果醬同烤菠蘿粒，唔怕食炸嘢有膩感，味道唔單一，都頗特別既小食💠💠💠💠💠💠💠💠💠💠💠💠💠💠總括，每款食物都係用心之作，配搭都很新鮮同創新👍🏻

餐廳巧妙地將漢堡中西合璧，極具新鮮感，創意無限！首先講一講佢哋嘅漢堡包係用上饅頭嘅概念去製作，所以每個漢堡包都是白色很軟熟的🤤🍔 招牌豬腩包掙扎了一點時間去諗叫唔叫呢個包，因為本身自己好怕食一啲肥淋淋嘅包，尤其豬腩肉😅 但呢個漢堡係佢哋嘅signature，所以決定一試😗望落帶點肥膏的豬腩肉，入口即溶，而且肉質鮮嫩，很入味，同埋油脂唔算太多，好好食🤣🍔魚包2.0呢個唔係一個普通的魚柳包，魚柳大大條份量十足，而且炸得香脆可口，炸粉薄薄的，再加上兩大片芝士，好好味！🍔雪糕包 (green tea / salted caramel)不能錯過的雪糕包☺️炸了的漢堡包夾住雪糕，冷熱交替，絕對是味覺的雙重享受😍

久聞小包包嘅大名，但一直誤以為佢得雪糕炸包，原來係一間中西合壁嘅食店，主食包係鬆軟嘅蒸包，甜品先係炸包。二人套餐盛惠$298一位，小食6選4，凱撒沙律鯷魚味突出、生菜爽脆；海苔墨魚餅外表香脆墨魚肉非常彈牙；炸雞一咬落去爆晒汁超juicy；牛肉餃最有驚喜，肉味香濃又有少少蘿蔔絲消滯。主食包都有唔少選擇，招排豬腩包自然係必選，另一款揀咗最近新推出嘅軟殼蟹，前者豬肉非常淋，同醬汁完美融合；後者蟹肉鬆脆，配埋生菜絲亦非常出色。去到期待已久嘅炸包，係期望中嘅酥脆口感，加埋凍冰冰嘅雪糕，一冷一熱刺激味蕾，正～～～飲品都唔少選擇，熱情果mocktail配上少量鹽花喺杯邊，味道清新～

📍《 小包包 》京士頓街9號Fashion Walk 地下H1號舖呢間餐廳主打中式漢堡，用饅頭代替平日嘅麵包，我地今次俾佢嘅雪糕包吸引到，決定黎試下😆 整體食物份量偏細份，價錢有啲進取，大家可能要叫多份小食先夠飽啦～▫️ 招牌豬腩包 <Pork Belly Bao> $98 🐖👦🏻’s pick⭐️ 呢到嘅signature之一，餐廳用慢煮方式將豬腩肉煮到好腍，加埋大蔥紫蘇葉沙律同秘製醬汁酸酸甜甜好好食！👧🏻本身有啲怕食肥膏但係呢度食落去完全冇油膩嘅感覺👍🏻▫️炸三黃雞包 <Fried Chicken Bao> $108 🐓睇完個名都唔知三黃雞係咩😂 麵包入面嘅沙律醬有花椒味，炸雞表皮金黃色好香脆，食落幾開胃🤤▫️黑松露薯條 <Truffle Fries> $98 🍟除咗一般嘅黑松露醬，薯條上面仲有一層用香菇整成嘅滷肉醬，同埋一條條日本大根，食落去有松露、酸酸甜甜嘅味道，幾特別！▫️綠茶雪糕包 <Matcha Ice-cream Bao> $48 🍦👧🏻’s pick⭐️ 呢款包係炸過嘅中式饅頭，入邊係👧🏻最鍾意嘅抹茶雪糕🥰 抹茶偏重

收工同朋友諗住去銅鑼灣食個飯，朋友見到呢間就話一定要食佢個雪糕包，我一直都想食今晚就揀佢。黑松露薯條有魯香菇，黑松露沙律醬，醃日本蘿蔔，店員叫我地拌勻先食，薯條新鮮炸起，魯香菇十分惹味，加上醃日本蘿蔔酸甜可以解下油膩。墨西哥炸雲吞大大隻蝦，雲吞香脆可口，加上牛油果醬同蘋果好好食。魚包2.0比目魚外皮香脆，肉質嫩滑，加自家製他他醬同車打芝士勁好味，麵包皮超鬆軟。CHRYSANTHEMUM LEMONADE好似飲緊菊花茶咁，味道甜甜地。GUAVALADA有番石榴，熱情果，柚子梳打，梅子粉，酸酸甜甜幾開胃。我地叫左鹽味雪糕包同綠茶雪糕包，呢個麵包炸到香脆，熱辣辣中間係凍冰冰嘅雪糕，超級好味。

當Little Bao只有中環店嘅時候已經慕名試過，當時已經被佢軟糯嘅蒸包同juicy嘅patty吸引，有創意，有新意，令我對哩間中西合璧嘅餐廳印象非常深刻。今次同朋友來到銅鑼灣分店，內裡比中環店更寬敞闊落，坐得也更舒適，除了室內還有室外位置，木製枱櫈加上綠植環繞，真系非常寫意。要讚讚職員殷勤嘅介紹，令有選擇困難症嘅我哋好快揀到心水食物，還以超值價$298/位食勻小食、軟包、雪糕包同飲品，如果住得近真系可以嚟多幾次。▶️小食(4款)✨Shrimp Tacos✨Seaweed Poppers✨Chicken Poppers✨Truffle fries一次過食四款小食真係非常滿足，吾會太飽又充分滿足味蕾。其中黑松露薯條除咗黑松露還有真•蘑菇，而seaweed poppers就系由cuttlefish嘅魚肉做餡，再在外層包上紫菜deep fried，還有黑蒜dip醬，多重口味。到最後要講下我最中意嘅shrimp tacos，用心之作，裡面系蝦肉，用雲吞皮包好炸脆，用牛油果醬做襯托，再放上菠蘿salsa，令人想食多件呢！▶️包(2款)✨Pork Belly Bao哩款系Little Bao嘅招牌菜

呢間人氣的中西合壁漢堡包店，菜式不但有創意又創新，而且充滿特色，重好美味，難得屹立多年，依然人氣滿滿💕而且餐廳還有室內和室外座位選擇，環境幾舒適。.🍟LB SALT & PEPPER FRIES $88沙薑薯條份量超級多，而且用雞油新鮮炸起，口感香脆之餘，加上沙薑椒鹽、鮮沙薑沙律醬，真係好似食緊沙薑雞咁，感覺超特別。.🥟SHRIMP TACOS $98墨西哥炸雲吞外皮好香脆，入面滿滿的蝦膠，口感彈牙又鮮味，加上四川菠蘿莎莎醬、牛油果醬，味道酸酸甜甜更開胃。.🐷PORK BELLY BAO $98招牌豬腩包係必點，用上鬆軟的中式蒸包夾住兩塊厚切又juicy的慢煮五花腩，🐖五花腩肥瘦適中，口感嫩滑，加上大蔥、紫蘇葉、芝麻醬、海鮮茄汁，不但降低油膩感，同時令口感層次更豐富👍🏻.🍔MISO IMPOSSIBLE BAO $128近年興起素食健康主義，所以餐廳都有植物肉的漢堡選擇，啱晒素食人士💪🏻 漢堡包夾住IMPOSSIBLE素肉扒，外層香煎微脆，入邊軟嫩；加上味噌蒜香沙律醬和炸牛蒡，令味道更加惹味，口感十足。.🤍SALTED ICE-CREAM BAO $48💚MATCHA ICE-CREA

呢間餐廳主打各款Fusion菜，具有國際特色嘅中式漢堡包真係會食過返尋味。今次已經係我二訪呢間餐廳，今次見到佢多咗個2人套餐，$298一位就可以包4款小食、2款主食嘅包、2款雪糕包同2款飲品，如果有更多朋友一齊食一樣可以用返同樣價錢享受更大份嘅小食加額外嘅包同飲品～———————————————🌟LB凱撒沙律呢個沙律真係超獨特，佢係用豆豉鯪魚整嘅凱撒沙律，菜底以椰菜為主，面層仲有芝麻同乾蒜，令成個菜式更香口。.🌟紫菜炸墨魚脆脆呢個墨魚脆脆真係新鮮炸起，咬落去熱辣辣外層連埋炸過嘅紫菜食落非常香脆，入面墨魚味都好重，點少少黑蒜醬可提味令成個味道更濃更重。.🌟墨西哥炸雲吞炸雲吞個皮炸到金黃色同非常脆，佢最特別嘅地方係上面仲有糖醃過嘅波蘿粒同牛油果醬，感覺就好似用另類手法整緊中式果種點甜酸醬嘅炸雲吞，製法非常有創意！.🌟黑松露薯條大眾嘅黑松露薯條一般都係普通薯條再配個黑松露醬，但呢度嘅黑松露薯條就完全係與眾不同，佢上面除咗黑松露醬外，仲有炒過嘅蘑菇同滷肉醬，面頭仲有一條條黃色嘅醃蘿蔔，識落有少少似鹹菜嘅味道，成個菜式集合咗西式中式同日式嘅元素但食落味道又非常夾。.🌟招牌豬腩包呢舊豬腩真係不得了