小城知味 (已結業)

因為要送個女性朋友回家!肚子餓了.又選擇了這間快餐!可能臨近放工.忙著收檔!我叫了焗雞扒意粉!對我來講.不叫焗得黑.只是我不喜歡吃!我同了1個廚房阿姐講.可唔可以換個俾我?點知個阿姐.叫了企焗野果個人.自己搞番掂!嘩!瀨得又瀨!廚房不是1 team人的嗎?跟住我見到企焗爐果個人.E..係1個看似19.20歲的後生仔!但點知.佢換了便服.我看他換了便服.我不好意思叫他再做個比我!佢好有禮貌.話意粉無晒.炒番個飯比我!炒完仲自己拿個飯比我.仲同我講唔好意思!其實我唔好意思至真.換左便服仲再做個比我.阻住佢收工!我唔鐘意食咸魚粒.所以個炒飯我食左1半.又無食到!到走個陣.係個門口又見到個後生仔!佢又同我講.唔好意思.又講bye bye!我個女性朋友都話佢好有禮貌.個樣0k靚仔.搞到我有d呷醋/.\...我覺得呢個後生仔好好.至少有禮貌同埋做錯野.肯承擔!我做左主任廚師幾年.眼見而家d後生仔不知所謂!又串.又無禮貌.又無料.做錯野.又推比人!老實講.我幾鐘意呢個後生仔.哈哈!呢個鋪1定有下次!

在樂富中心和朋友百無聊頼咁行.選擇了這間.坐下來食野!叫了焗雞扒飯.什麼雞擔擔麵.不太記得了.雞扒皮很脆.快餐有這樣的Leval.叫不錯了!飯都很夠熱.不錯!可惜.那個羅宋湯不掂!沒有羅宋湯的應有味道!羅宋湯居然沒有牛肉.那叫什麼羅宋湯?不如叫雜菜湯好過!什麼雞擔擔麵.那個雞好有酒味.好好味.可惜湯太咸了!麵好像是半生一樣=.=不過快餐來說.叫不錯了!

coupon今日到期, 上次試左早餐, 今次試下下午茶tea set 選擇好少... $22 排骨擔擔麵 + 熱薏米水排骨 係無骨的, 像瘦豬扒, 外層煎過後好硬, 調味不夠 (像樓下食評話齋, 落少左准鹽調味係爭d) ; 內層亦是淡味, 不過肉質夠嫰擔擔麵 好大個碗, 好多麵條, 而麵稔得來仍keep住韌度, 好食 湯底係好杰好濃的肉碎麻醬湯, 優點係保持濃度, 唔會越食越淡, 缺點係 --- 好滯, 食到一半d湯更稠更杰, 像撈麵, 食完都唔駛再食晚飯薏米水 有凍熱選擇, 選了熱. 上桌時暖暖的 好香甜, 像一碗落足料煲得夠火喉的自家糖水, 紅棗味亦重, 糖水甜度適中 雖然糖水熬左咁耐, 但d渣仍好食, 薏米仍有咬口, 紅棗仍有甜味臨走時經過茶水間細望一下, 見紅棗薏米係零零舍舍隔左水另外搵個盤裝開的. 可能煲到爛稔的薏米紅棗沒有給客人食, 只要糖水部份, 而煲到剛剛好的渣就中途抽起隔水放, 當一有order就"畢"這些渣落糖水度, 這就做到糖水又好飲渣又好食的效果 $22好抵, 用埋coupon更抵!

10:50 早上想食粥: 想再試 "小城知味"早餐 : 皮蛋瘦肉粥 + 珍珠糯米鷄皮蛋瘦肉粥 : 皮蛋有1/4 隻, 瘦肉? 好似一點瘦肉絲/ 碎 ( 不會再在這裡食粥)珍珠糯米鷄 : 味道ok,( 糯米"好淋" 好入味, 有好多蝦米仔) 可能樓底倭, 所以感覺上比茶樓還嘈雜 地下及台面不太清潔

去jusco時, 店員係地鐵站口派coupon, 才留意到此間食店早晨粥餐 -- 皮蛋瘦肉粥 + 咸肉棕 皮蛋兩細舊, 瘦肉係好大舊預先醃好的咸瘦肉, 肉質夠稔, 一咬即化開, 且仍保留鮮肉味, 唔會熬到無晒味 粥底杰杰的, 像屋企粥的感覺, 且加了果皮去煲. 調味方面就要改進, 太咸了 粥太咸, 棕就太淡, 要落糖或落放係枱面的蒸飯/腸粉豉油才夠味 棕餡料只有綠豆及一細舊肥膏, 糯米就過稔, 唔好食一直以為此店細細, 原來一轉入去還有另一片敞大的地方, 快餐店來講環境算唔錯

o尋日去吉之島, 行到咁上下, 又冇咩選擇下, 來左呢道醫肚. 格局似快餐店, 要自己排隊買飛, 但又有人送order去你張枱度, 真係好奇怪! 叫左鮮茄焗豬扒飯, 花鵰雞担担麵, 同埋水餃麵. 鮮茄焗豬扒飯 - 隻碟睇落好大但其實好淺! 鮮茄好少, 豬扒預左係雪藏貨, 但味道居然比預期好, 入味又唔嚡口, ok呀! 花鵰雞担担麵 - 應該係招牌貨, 雞肉不嚡, 有淡淡的酒味, 算ok; 不過担担麵就好唔掂, 又淋, 個湯好稀, 聞落有d麻醬香, 但飲落又冇咩麻醬味, 同詠藜園差好多皮!!!水餃麵 - 同樣個麵都好淋; 水餃好大隻, 一隻入面有幾隻蝦, 味道都重可以.返屋企後上來OR至知道好多食家都話呢道好唔得, 又唔正宗上海菜云云, 但如果當係o係普通快餐店食飯, 水準一般之餘又冇咩服務, 感覺應該會好d (至少我係咁諗!)!

今日執屋成家人攪到五點幾先食飯. 去左揾下午茶餐吃~ 見到呢間野冇食過.. 因為有位就入左去食.. 分別叫左三個茶餐. 自制魚蛋河粉 + 薏米水, 另外叫左散叫一個「南乳脆雞翼」魚蛋望落去唔似自制，麻麻地. 魚片食落口，好食. 好滑身，不鞋口. 冇諗過咁好食. 河粉夾起好通透，食落口好滑~ 靚河..!薏米水味道似飲青保良糖水，但係甜到剛剛好. 好多意米粒及紅棗在底.南乳炸雞翼黎到時. 見到賣相不錯，用生菜格油..載在木桶內, 共有四隻. 價錢同kfc差不多啦. 味道好食. 雞肉內好有肉汁及好滑，炸得不乾身. 又少油. 外皮好脆. 南乳味道又不會蓋過雞味.. 怕得住euro gogo的.. 正! 媽媽叫左個芝士肉醬意粉拼炸雲吞 + 薏米水. 她話賣相焗得太乾身.. 整個意粉唔夠濕.. 好乾，味道一般, 個炸雲吞 . 比較少雲吞，多數是雲吞皮來炸. 有埋酸汁都算係咁. 爸爸叫左個皮蛋廋肉粥 + 油炸鬼 ,+ 豆槳他話味道一般, 同出面粥店差不多，份量都唔少..好抵食. 個飲品又有豆味. 唔會淡口, 環境似一般美心咁的格局.. 椅子好坐. 食物價錢夠便宜. 飲品價錢略貴地方地下乾淨，人聲夠

太公是上海人，是以，對「正宗滬菜」也特別執著；小城知味在這個層面，完全不能達標，太公也曾狠狠地將之批評；但若拋開這因素去看這家店，又是如何呢？是日，太公與同事到小城知味午膳；本來，太公想起上次到此晚膳，吃到不倫不類的滬菜，有些卻步；但樂富商場自大裝修後，選擇所餘無幾，也只得一試。這裏的午市其實似大家樂；除了上海點心和排骨菜飯等，還有咖哩飯、焗飯焗意等供應；既然對滬菜不存希望，也就索性來個焗雞扒飯一試。焗雞扒飯容器也相當骨子；可惜，看似大碟，卻只有淺淺的一層，份量比大檸樂的焗豬扒飯少很多；茄汁不夠酸，炒飯欠蛋香，而且飯粒太硬，也比三大快餐店的要差。只有雞扒夠嫩滑 (不過無乜味) 一點是可取的。價錢又如何呢？$26一個份量如此少質素也欠佳的焗飯，不連飲品，實在不能說是「抵食」。當拋開對「正宗滬菜」的迷思，此店，仍是不合格。

今早約了朋友們去健行早上要來個活力早餐，好好補充體力先大滿貫被領匯收回，家的附近現在只剩大快活想到小城知味也有提供早餐放過大快活炒滑蛋，今天就來個改變吧！早餐選擇滿多有西式跟中式本來很想點粥配鹹肉粽可以吃粥怕邊健行邊想上廁所還是吃粉麵類比較安全點了一個五香肉丁煎雞蛋米粉，配熱咖啡櫃台的服務生的動作很生疏出一張食物單居然可以花多於一分鐘拿著號碼牌跟食物單，找個位子坐下食物會由店員送上單子是7點44分發出的一個湯米粉居然在7點50分才送上而且咖啡還沒到哦！有點趕時間的我，有如熱鍋上的螞蟻一直回頭看廚房那邊，我的東西到底好了沒…只好先吃米粉湯頭沒什麼味道，只有輕輕的五香肉丁的醬汁味形容為輕輕的，因為五香肉丁只有　５到６顆左右！很小氣耶！米粉有點硬硬的，用5分鐘來煮米粉應該巳經熟到糜掉了吧？煎蛋有兩只，煎的過火，像在吃雞蛋乾一個這樣糟的米粉，馬上破壞整天的好心情我的熱咖啡終於在7點55分鐘後送上還好有這杯熱咖啡把我的心情由狂風暴雨轉為雨天咖啡好像是即磨的中間有很明顯的分隔層奶好像加太多，不過因為這樣而變的很香醇這個不怎麼樣的麵餐，居然要HKD21！同等價格可以在大快活來一個香滑炒蛋、牛奶麥片及

哎,估唔到沒有去一陣子,這間店的水準竟然下降了這麼多呢??上星期三和妹妹二人到此晚膳.我仍是點了酸辣湯麵,只是今次加了雞扒,合共27元雞扒先來,吃一口味道又不錯,炸過後也唔會太乾,肉質尚算軟滑.醃得又唔會過鹹呢??之後上桌的酸辣湯麵份量少得可憐,作為一個唔算細食的人,望見己知不會飽的了.湯點解凍冰冰的,跟熱的拉麵同吃有點古怪,加上湯仍然只有辣味,沒有酸味,倒畢如改如辣麵吧走的時候看見待應在門外宣傳.其實,這間店最敗筆是價錢貴份量又唔算多,最重要是食味一般,與其花時間在門外宣傳,倒不如在價錢和食物質素上改善更為實際,相信成績更好呢

年三十中午，諗住試下新店，於是揀咗呢度。第一次嚟，原來係快餐店+茶餐廳式，即係先自己買票，再由伙計送上食物。結果叫咗咖喱牛筋腩飯，加熱奶茶。太太叫咗煲仔鮮牛粥。熱奶茶完全唔掂，似即沖三合一。可以響屋企出現，但唔應該響食肆飲到！咖喱味道唔錯，夠辣又唔油，牛筋腩就偏肥同有臊味，飯亦較硬。煲仔粥等咗好耐先嚟，仲係要催幾次。粥其實味道ok，不過啲牛肉同樣唔得…可能係新舖o既關係，勁多練習生、新手，結果安排座位、上菜等都係得個”亂”字。咁o既環境，預咗坐得唔舒服，啲枱仲要張張”及及震”？！趕客咩！

樂富一直以來都係冇咩特別好野食~雖然十幾年唻都有好多間食肆~好似食街、美心、大快活、東東雲吞麵、香辣屋、大滿貫、金牌、牛車水等等...不過就真係冇一間可以稱得上係好食既~隨住樂富大裝修~好多間既食肆都一一收檔~攪到嚮度住更加冇野好食~當知道有一間叫「小城知味」既鋪頭開張時,曾經都帶有一絲希望~希望呢間野既質素係好,令到樂富居民有啖好食...點知,真係希望越大、失望越大....去過兩次~兩次都係叫外賣~第一次分別叫蒸飯同焗飯~結果~雖則味道都還可以,但蒸飯個份量少得可憐(相比起對面馬路既金牌,真係少左三成)另外個焗豬扒飯,d芝士竟然係騷得緊要...@@咁大個仔真係未食過d芝士會咁騷既...而個汁又太「漏」...食完之後真係滯到不得了....第二次(即係今晚,剛剛買完外賣)叫左個排骨菜飯餐...排骨既味道都還可以~不過,上餐速度就真係令人難以接受~兩次既叫餐,平均都要等三個字...今晚更加等左四個字...發覺唔對路,同經理反映~佢竟然話「我地既食物係即叫即整既,所以係需要d時間~~~」well...就算係即整,都唔需要二十分鐘掛?一個排骨菜飯,有咩係需要即整呢?菜飯,一定係事先整定既~配菜

樂富裝修前，我也很少來到這裏吃下午飯﹑晚飯，因為樂富中心的食市是很難食的。今日我竟然去了樂富食lunch，因為樂富中心裝修所以了少很多食市，唯有選了這間 "小城知味"。lunch時間也很多人，心想應該好吃的。這裡是先付錢然後坐下，然後等他們拿來，其實價錢都算適中.......我點了雲吞撈麵，我之所以點這個是因為最普通，應該最保險，點知.....原來難食得很，吃了一口，是吃不落，我看見有碗湯，我嘗試當湯麵這樣吃，發覺原來是不行的，真是太浪費極了，我也不想的，因為他們的撈麵是沒有醬汁，是乾乾的，，至於雲吞也算ok﹗所以我不會再到這間 "小城知味"，因為最機本的麵已經這麼難食，何況....其他呢？

樂富商場翻新後多了這一層，也多開了這一家小城知味。是晚同事們要開夜，就三人夜行闖新店了。收集同事們的經驗後，小城知味在他區的分店，如銅鑼灣、葵芳等，都是有人為你寫單上菜, 如菜樓般的。暫時只知道有這家，採用了半快餐的模式，要自己先到門口收銀處叫菜付款，再待食物送上，運作如大家樂的即炒食品。一家快餐式的連續「上海菜」，也不能期望太正宗；的確，光看餐牌已感到不太對勁：「蛇羹 + 糯米飯」套餐？！我自幼跟家人出入各大小上海菜館，也不覺有蛇羹和糯米飯！還有蝦仁炒蛋，揚州炒飯等不太「上海」的食物。算了，看他快餐的格局，也不期望過高，我們叫了：1. 「排骨+菜飯」套餐：排骨煎得還不錯，剛剛夠熟還保有肉汁，只是用的排骨不夠好，肉味不足；調味也太平凡，其實上海排骨，最好下些淮鹽調味，就可錦上添花。菜飯則一般；正宗的上海菜飯應該是把菜與米，再加一些咸肉，一開始就同煮的，但這裏的菜飯，很明顯菜是後來才加在飯裏，咸肉味也欠奉。2. 「蛇羹 + 糯米飯」套餐：很不倫不類，蛇羹與坊間出售的完全不像，既吃不出有蛇味，也看不出有蛇肉，裏面的肉絲像豬肉絲多於一切，而且整個味道根本就如一碗碗仔翅，只差沒放粉絲而已。糯米

開了張己是第三次光顧.今次食了酸辣湯米線.酸辣湯今次好淡,又唔夠酸味,狂加枱上的醋,至於辣絕對足夠,一路食一路流鼻水.湯的料尚算豐富,我嫌太多,令到湯太杰了.至於米線和酸辣湯完唔夾,一點也不好味道.加上米線煮得太淋了.至於花雕雞擔擔麵.花雕的酒味夠,雞尚算滑.只是雞件份量實太少了.擔擔麵的湯底好濃味.不錯環境真是不錯,比起同系的大滿貫和金牌粥麵裝修明顯靚好多,服務也不錯.只是要問才有水供應比較差呢