小娘惹 (已結業)

好香濃好惹味地方細小，只好等下，好羨慕附近的人可以叫外賣食叫左個喇沙椰香濃，蝦都ok,份量唔算多，麵硬度都適中可惜，如果個湯熱多d就正正子佢真惹味的，想撈飯食叫左咖啡，一般，偏甜

今日和朋友去試吓，要齊人先入得，都唔緊要啦，入去前，貌似老闆娘已經問我們吃什麼，都覺得有啲奇怪，都唔緊要啦，在門口落咗單，我叫左巴東牛肉飯，當老闆娘話有位叫我們入去，見到張空枱上已經有一碟巴東牛肉飯，正當我們想問我們應該坐那張枱時，老闆娘竟然向我們說，「呢個飯係你㗎啦！」我當堂嚇咗一跳，然後我笑唔出。 唔係啩，人都未坐低，食物已上枱？去慈善飯堂都唔會咁啦，何況要比成$70食一個飯？食落味道其實同大快活咖喱牛腩飯差唔多，味道都唔係最緊要，但咁嘅服務態度，唔好再標榜自己係五星級酒店名廚出身啦。唔會再幫襯。

小娘惹位於太古坊行仔，唔係呢頭返工都唔易搵到，但門口長期都有人等位就知係好東西！個廚係大酒店出身，喇沙湯底落足料，的確好好食，但係只有lunch hour先可以食到，下就2:30就收工，相信得附近工作既人先去到餐廳野食幾好食，但樓面比較細，主要都係serve附近打工仔招牌娘惹海鮮喇沙 $75喇沙湯底好creamy香濃蝦味，油麵米粉都掛湯，海蝦、螄蚶既鮮甜，呢碗喇沙係我係香港食過最好食👍🏻正宗古早肉骨茶 $80聲稱用新鮮🐷肉，肉質炆得軟屬，湯底有藥材味香撈飯又好正，有幾粒油炸鬼吸湯點睛班蘭脆焦糖燉蛋 $38班蘭幾香，燉蛋質地係好特別，入口有少少似豬油咁厚咁滑，同平時食到燉蛋好唔同

Takeaway lunch in the office. Colleague recommended this place for laksa (and she would know, being Malaysian Chinese). Apparently only the really authentic ones would use the “sea um” and a mixture of thick and thin noodles. I’m not a fan of laksa so called and ordered the chicken rice. Would it be possible to order thighs only? No, each set contained a mix of boneless thigh, breast and wing. Ok then. I was pleasantly surprised upon my return. Chicken was not oily at all; but even the breast (w

呢間小娘惹都食過幾次㗎啦，次次食都咁好味，不過去親大多數都係食喇沙，今次轉一轉口味叫咗個巴東牛肉飯。巴東牛肉係印尼嘅名菜，呢度嘅巴東牛肉用咗牛肋肉，加埋秘製醬汁煮成，每舊牛肉都炆煮得好入味、好有口感，有椰香之餘更有少少辣同香料味，送飯真係好正！而且分量十足，牛肉同醬汁嘅比例剛剛好，加埋少少蒜片，真係好鬼惹味！白飯亦都煮得夠乾身，軟硬適中！而且更包埋老闆娘自家秘製嘅羅漢果水，飲落潤喉又舒服！每次去親呢間餐廳，都唔會令人失望！下次要再試吓其他菜式！

今日去咗鰂魚涌食午餐朋友介紹一間叫做小娘惹的馬拉菜館，店細細間，坐位置唔多，所以都要排隊。佢哋出名有海蝦喇沙麵，湯底做得好香濃，好滑好又有椰汁香，配料有魚蛋，好少見到的螄蚶同埋有三隻大蝦，裏面仲有豆腐卜，面都係油面加米粉，口感唔錯幾香口幾惹味，湯底夠鮮甜又有椰香，入口香滑有東南亞菜的味道。之後叫了禮拜日限定嘅豬手撈麵，撈麵用上星加坡出名的黑豉油，鹹鹹甜甜幾惹味，上面仲有啲炸蒜同埋配料，個豬手炆得不錯，非常之冧，皮依然彈牙。今日好有胃口就叫埋佢哋嘅肉骨茶，肉骨茶係傳統的味道，重藥材香料濃濃嘅湯底配上排骨豆卜冬菇，仲有油炸鬼俾你吸湯，可惜肉骨茶好似有少少煲燶嘅苦澀味道，排骨處理時間過長，所以口感一般，連煲相但溫度不夠熱。

早就在我的list里的一家店，終於在工作日的午餐去外賣了一份海鮮laska，味道真的不錯，裡面的蝦也不少，而且肉質也都很好，湯頭的味道更是濃郁，裡面還有貝殼類。

雖然佢唔係日日開舖 😉每次開舖嘅時間又唔長 🥺店仔細細😬😬但我覺得佢哋食物嘅質素同味道絕對無得輸 👍🏻👍🏻味道絕對對得絕價錢😝喇沙好足料 最重要係飲完個湯底都唔口渴😋😋

色香味俱全😍隱世高質小店.✅招牌娘惹海鮮辣沙 $75 ：香濃湯底激讚！一碗有齊麵同米粉兩種風味😋海鮮份量幾足～ 食過返尋味！.✅檳城白咖喱湯米粉 $66 ：個人更加喜歡檳城白咖喱！湯底都係超香濃，米粉好索味，餸同配料份量都足～ 同招牌辣沙係完全兩種風格，講唔出邊個更好味，兩個都試嗮就無走寶啦🤪最後值得讚多幾聲係有得揀配羅漢果茶！天然嘅甜好飲又健康～呢間絕對有潛質再黎食🥰見到成間鋪周圍貼滿啲食評報導同得獎，果然名不虛傳！

每日限定只係開2.5小時的正宗娘惹餐廳，要去就記得Mark住時間啦！招牌娘惹海蝦喇沙既湯膽用左十幾款香料打碎炒成，再混合白胡椒蝦湯混成湯汁，另外加上濃厚椰汁，令人忍唔住飲埋個湯啊！而且配搭既海鮮用左鮮蝦同獅蚶，鮮甜味美，外面好少會食到獅蚶嫁，真係好特別。但係未食過獅蚶既朋友，第一次嘗試要有心理準備佢係會有少少腥味🥺，所以可以連埋湯底試啊！巴東牛肉就用牛頰面肉熬製，配以十多款香料醬汁熬製，鬆軟入味。

商業區Lunchhr總係人山人海，只要係大街或者商場舖位，無論間餐廳好唔好食、抵唔抵食都硬係有人排隊嘅。相反屈咗入巷仔嘅餐廳就真係靠質素先吸引到回頭客，所以對我嚟講巷仔總係尋寶嘅好地方。就好似之前試過同區Homing People嘅cake同cookies都係無限翻焯嘅小食🥰🥰講番轉頭，小娘惹老闆娘好親切，舖仔雖細但座位算坐得舒服。喇沙湯底濃郁，海鮮勁多，成碗都係料撈極都有👍🏻👍🏻叫咗個桃膠糖水，有驚喜呀，甜甜地又有膠質，啱啱好中和咗碗喇沙嘅濃味，好滿足😍😍

鰂魚涌出名多美食係附近完成staycation 後見到大多都係bar and restaurants 而前一晚已經食左西餐嘅我地就想試下其他不同菜式一找之下 搵下黎一間係神秘小巷嘅馬來西亞菜.餐廳地方唔大 一眼體哂 仲要包括開放式廚房裏面只有大約五，六張枱餐牌只有主食，飲品 就並沒有小食本身就叫叻沙及肉骨茶食 但老闆娘就有提醒佢地肉骨茶係比較藥材味重而家我掛住新加坡胡椒味重的，所以就決斷拒絕所以改為海南雞飯另一提所有主菜都有送湯或者可以加配轉嘢飲當日就有椰子湯.店舖內的海南雞飯係已經去骨並且好嫩滑油飯雖然唔係常見嘅偏黃色但十分入味.叻沙特色係有配搭獅蚶我朋友平時會食打冷嘅獅蚶 都覺得太腥但完全無影響湯底 湯底十分濃郁麵預設為摻摻 或者你可以主動同老闆講你要咩麵

小娘惹的門面紅紅綠綠，已很有馬來西亞風情店內有10多個座位，餐單上的種類唔算太多。招牌娘惹海蝦喇沙首先被濃濃的湯底吸引大大碗一到枱，奶黃色的湯汁最為吸睛，個湯底濃得嚟又好鮮味，同時亦很creamy同滑，正。麵食是摻摻：即油麵+米粉。油麵掛湯能力有限，可米粉盡吸湯，濃鮮湯包住一條條的米粉一好吃，令湯汁不會浪費，好好味。材料有3隻蝦，爽口彈5隻螄蚶，螄蚶雖細細粒，但其肉有獨特的鮮甜味，比蝦還好吃。不過未必人人愛吃螄蚶，唔食可早揚聲免去。2塊魚片，特別另一點讚是魚片，軟滑唔嚡。2塊豆卜，豆卜也是，吸盡精華。半邊熟蛋，芽菜等唯一要講是湯汁因都幾濃，吃多了有些滯而已。

早幾日同事買咗椰皇奶凍（杯裝）請我哋食，佢話原本想買原個椰皇上㗎，不過賣晒。一試愛上好好味，又綿又滑仲好有椰香𠻹，即刻問同事喺邊度買啦，想買比媽咪食。佢話海南雞飯好好味，叫我如果去試一定試吓斑蘭脆焦糖燉蛋（因為只供堂食😯）上openrice睇營業時間好短，就決定星期日帶埋媽咪一齊去試吓，我哋大約11:45到，門外已經有10個人排隊喺排隊嘅時候睇吓食咩先，一到12:00女店主由店內行出嚟：「咁多位早晨，睇定食咩先，就坐就可以落單。」好彩我哋第一批入得（好肚餓）如果唔係就要再等下一批我哋一早睇咗，所以馬上落單媽咪要深海魚蛋喇沙同原個椰皇奶凍，我要招牌娘惹海蝦喇沙同斑蘭脆焦糖燉蛋，甜品後上好快食物就嚟咗啦，先試啖湯先好香椰味，我同媽咪都覺得偏咸，媽咪比咗魚蛋我試，好彈牙海蝦新鮮爽口螄蚶鮮甜冇鯹味女店主一眼關七，見我哋差唔多食哂，準備甜品，仲幫我哋計定數，話陣間先比$227先上原個椰皇，跟著嗅到焦糖嘅香味媽咪話好好味，如果椰皇啲肉都可以食埋就仲我先用匙羹敲碎脆焦糖先，好好味好有口感，似食緊雪糕咁，好好味下次真係要試吓海南雞飯同肉骨茶

天寒地凍，食吓啲新加坡嘢都唔錯，決定去試一間位於鰂魚涌嘅巷仔入邊，名為「小娘惹」嘅新加坡喇沙！大約1點到，門口已經人頭頭湧湧，有冇唔少於10個人等候。等約40分鐘後可以入座。新加坡深海魚蛋喇沙未出嚟放入口，已經聞到濃烈椰奶味，而深黃色湯底質感濃郁而Creamy，少辣味，麵底由油麵及米粉混合而成。其中湯麵中所有吸味嘅材料，如豆卜及米粉都充滿濃濃椰香；另外，白魚蛋夠大粒及彈牙，而蝦肉亦富有彈性，一啖湯一啖餸，十分惹味！整體唔錯，味道獨特。羅漢果茶免費飲品，一杯普通紙杯Size，味道偏淡。總結，味道出色，平時出邊唔會食到呢種味道都，但去之前確保有足夠嘅時間等。