小店 (已結業)

去完食正餐黎左呢度食甜品叫左個朱古力布甸好軟心效果，同之前食過的心太軟算是很不錯了而且價錢便宜，只係三十五蚊！仲有個香蕉船，香蕉船外面脆不錯！仲有好鍾意個裝修=)

兩個人黎九龍城搵食, 唔想打邊爐, 所以黎左呢度試. 八點半到, 全場full house, 都幾旺. share左個煎鵝肝, 鵝肝煎得外脆內嫩, 加埋伴碟既蘋果食, 特別好食. 有少少沙律菜, 唯一要扣分既係醋唔夠香, 若果d醋再香d, 咁就一百分啦. 青口配粟米飽, 呢個配搭一流. 青口好嫩, 白汁味道夠creamy又夠味. 值得推介. 因為個青口汁實在太好味, 所以要求老闆用番個汁加d angel hair煮個pasta出黎. 老闆欣然答應, good service. 另外食左個waitress推介既大蝦墨汁麵, 鲜味十足, 而且d蝦仲好爽. 因為食得實在太飽, 就連此店最出色既甜品都試唔到啦. 唯有等下次啦. 仲有要提既係佢地既服務非常好, 上至老闆到所有伙記都好有禮貌, 又頻頻幫你加水. 小店既人情味果然係大舖頭追唔到既.

個frien之前試過小店d甜品話好正, 尋晚就同班friend去試下....一句講晒了... 好失望:環境方面1. 間餐廳好嘈﹐嘈到傾唔到計2. 入到去間餐廳有種"up" 味3. 個廁所好溼﹐又無紙服務方面4. 個戴大圈圈耳鐶女侍應d服務態度好差5. 其他侍應就成日”睇你唔到“, 叫極都無人應食物方面6. 個南瓜忌廉湯勁難飲﹐有怪味7. 牛排好韌8. 朱古力布甸d朱古力太希﹐蛋糕太薄Conclusion: No Next Time, there are a lot of restaurants better than this one.

我上次同朋友去,點了個白酒青口,汁好正,如果有麵包點下汁吃, 仲正,好新鮮藍青口, 湯也十分好, 好夠的蝦味,自己好難做到的, 他們招呼不錯呀, 會成日幫你換上乾淨的碟,雖然地方殘左一點, 但氣紛不錯的, 多是司文人, 我點了薑味的梳呼喱, 是餐牌上沒有的, 是我主動問他, 他說有, 我好開心呢..仲有芒果拿破崙, 是新鮮自己做的穌皮, 好吃呀.. 我比90 分他們, 到這些小店吃飯, 我唔主張叫牛扒等大路的食物, 出面大把地方有得吃, 反而牛扒這裡無咁好吃, 應該點一些特別一些, 手功多一點的菜, 才可吃出他們的水準

我同朋友都成日去小店食野, 因為本人好鍾意食牛扒, 一般餐廳"淹"左既牛扒我就麻麻!小店有cafe deco既水準, 但山頂太遠啦, 一想食牛扒就會去小店!!佢d牛扒就算8成熟(而家大肚唔食得太生)都唔會硬, 仲好鬼好味, 有肉汁, 我次次都係落少少鹽就食, 原汁原味......一定要食! 有次老闆攞碟牛扒出嚟話太熟, 即刻係我面前掉左落垃圾筒, 話整過俾我, 佢要個廚知道個客係唔會接受架! 個老闆好pro!車厘蜆--又係好好食, 我本身唔食生蠔, 呢個蜆唔鯹,又大隻, 唔係度度都有得食, 正!鵝肝--煎得好好味, 加埋佢d栗米包一齊食, 好鬼正!焗大蘑姑--有cheese同d肉一齊焗, 都係果句, 好味!茄乾parma ham意粉--我每次去必食, 本身好鍾意食蕃茄, 但茄乾都幾濃幾酸, 我自己就好鍾意食, 佢會落d蒜片, oilver oil一齊整, 好香, 好好味!desert: 心太軟同香蕉船都好好味, 食心太軟唔好"duk"穿佢, 要慢慢介開個頂, 慢慢食落去!可以叫餐, 一個湯, 包包+main course, coffee/tea, 價錢係main course+$3

住0係呢頭咁耐都好少0黎, 今日同3 個同事0黎0左食lunch, 叫了個芝士焗吞拿魚腸仔意粉lunch set - $30 一個, 凍飲唔洗加錢, 仲唔洗加一, 平到嚇0左一跳!先0黎野菌忌廉湯, 好香, 野菌味濃, 夠creamy 又唔會好漏, 非常唔錯!白汁芝士焗吞拿魚腸仔意粉... 賣相幾「港式」, 份量足夠. 意粉比想像中有咬口, 汁又唔係咁漏, 不過芝士略嫌燶0左d. 吞拿魚一般; 反而腸仔幾得, 甜甜0地有d 似BBQ 時塗0左蜜糖的脆皮腸0既味道, 好好食!同事們0既蒜蓉汁煎雞脾+ 火腿扒賣相一般, 聞落就好香, 不過同事們話兩塊火腿扒好鹹, 餐廳老闆(?) 走出0黎同我0地傾兩句, 就連佢都話鹹0左d @_@"環境一般, 幾迫, 果然係「小店」; service 幾好喎, 餐廳老闆(?) 好友善, 店員s 亦非常好好禮貌.唔錯的一間0野, 相信會再幫襯. 好想試佢d 甜品!!!!!

這是一家小店，賣點原是舒適和親切感，但這已經是以前的事了。特別是經蘇施黃介紹，生意越來越好，隨之而來，自然是服務態度直線滑落。小店的名菜，焗豬扒、乳鴿意大利飯、酥皮焗青衣柳等，不是不好吃，但其實要找這樣水準的餐廳，並不困難，犯不著去排隊等位，吃一頓晚飯，卻要忍受被人催迫埋單像吃快餐。不過，這兒的甜品，金寶撻跟朱古力蛋糕，仍是一絕，所以我依舊有幫襯，但僅限宵夜時間。

自上次到「小店」後，一直對其「拿破崙」念念不忘，籍著今天生日，順道再到此吃一頓「生日晚餐」，一嘗「再戰拿破崙」的滋味。其實早在星期五已先定下會點甚麼菜，在星期六訂位時亦先在電話查詢有沒有該菜式。可惜今天早上收到電話回覆，由於買不到材料，所以沒辦法供應。當然最後亦選擇光顧此店，因為還有其他菜式有興趣一試。晚市是由六時開始，我們訂了六時半，早了十五分鐘到達，故推門後發現已有兩檯客人進食，坐下來便立即點已定下的菜式。頭盤︰牛油果、水牛芝士、蕃茄、希臘沙律主菜一︰法式蒜子焗羊鞍(七成熟)主菜二︰香草焗乳鴿(八成熟)配香草意大利飯甜品一︰拿破崙甜品二︰朱古力梳乎利此店奉送食物的安排，會按照客人是「一人吃」還是「分來吃」，前者當然會將主菜同時送上，如果是後者，便會等待第一道主菜吃完才上第二道。免得同時送來，令客人來不及在熱騰騰的情況下品嚐食物。上一回的頭盤(香草牛油焗釀田螺配鮮磨菇)比較油膩，吃後已飽了四成，但今次的「牛油果、水牛芝士、蕃茄、希臘沙律」十分清新，美中不足是水牛芝士比過往吃的濃了一點，不過伴牛油果的沙律卻十分出色，令牛油果也頓時生色不少。頭盤後便是第一道主菜「法式蒜子焗羊鞍(七成熟)

食飽總係想有多個甜品，令一餐dinner有個完美的句號。男朋友介紹，話呢間好味。叫左個心太軟同埋apple pie (french style)。心太軟唔錯，好rich的朱古力但又唔係甜到漏；只係相比之下，apple pie比較好味d，個pie夠薄又夠脆，加埋雪糕感覺好好~裝修方面都唔錯，見佢d set dinner都好多選擇，service亦都好好，店主會為大家介紹食物，仲有定時加水，不過呢個價位就貴左少少啦。

lunch以前番學成日食,$25/set~ 而家唔係番學就$30, 有湯,主菜(每日3款任簡),飲品肉眼扒好好食嫁,可惜今次唔係ai~

午飯時間又一支公流落九龍城，本來想去「大婆」食牛肉麵，兜兩個圈都唔到，去到侯王道見到「小店」，食友評語不俗，於是一試。真係名乎其實，間舖真係很小，最多坐廿人。午餐$30，有三款揀：肉眼扒、雞扒及意粉（唔記得係乜）。揀了肉眼扒跟薯菜，肉眼扒是薄切，有肉味唔算。薯條係新鮮炸，好好食兼份量十足。至於杯咖啡就淡，唔落糖都唔會苦。整體講，都好滿意。唔明白有D人幫襯少少又要求多多，如果係大酒店又收你幾百蚊就梗係唔收貨。區區幾十蚊就有咁水準，咁都要彈，真係唔知佢食乜大？另外，全店除本人外，全部都係學生。而家D學生都好幸福，我舊時食學生餐只係賣$1.7。

多得Openrice之食評, 令奄尖的我省略不少時間去"試菜" - 尤其那些唔多掂的食市. 雖則笑面多的食店較有保證, 但始終口味因人而異, 難免要親身試過才知真偽. 以小店為例, 笑面不少, 因媽子想試此店已久, 但又不想專程到來, 所以就由我這探子先試其午市, 十二點左右便到, 西餐廳佈置, 有兩枱OL, 今次揀了套餐"雜菌忌廉汁煎雞扒", 自選配上意粉, 先上莧菜忌廉餐湯, ok啦, 見其莧菜蓉之顏色都預咗是昨晚的leftover, 尚算淡口, waitress服務不錯, 見客人吃罷才示意廚師再上下一道菜, 主菜一到, 沒甚驚喜, 看到碟上的雜菜粒, 心想D雜菜粒嘜咁快餐feel, 先試雞扒, 普通不過且略咸, 再試意粉, 絕對算不上西餐廳應有之基本水準, 意粉的貨色就像小時候於茶餐廳或快餐店吃過的茄汁雞扒意粉, 那更談不上"咬口不咬口"之質地, 心想午市pasta的貨色也如此, 晚市材料好極有限, 媽子試菜的list又可交义一間.

店子的氣氛好舒服，微黃既燈光同輕悠既音樂今整個感覺好悠閑。點了午餐（＄３０）的雜菌白汁龍利魚柳（好像不是這個名的）跟意粉。魚柳炸得外脆內軟還有內汁，好得；雜菌白汁很普通，普通得不會令人留下印像；令我失望的有二。一是意粉，「淋」得好像是為了遷就沒了牙的老人家而切，浪費左佢。一是跟餐的咖啡，酸（這視乎個人口味，在此不淡）而淡（這個不可不評），至命的是混合了奶才送上。猜想若不是為了掩飾咖啡的質素不好，便是沒有細心考慮它與店子風格的配合。整個食飯過程尚算愉快，若待應小姐在我食完主食後才問我要咩餐飲，會更好。你可以話＄３０一個午餐，你仲想點。你又可以話，如果＄３０蚊即一個午餐都花心意做得細緻利落，我會回頭食個＄３００的晚餐

經過九龍城，同女朋友去食set lunch。叫了兩客set lunch，紅酒汁繪牛腩跟薯菜及葡汁雞排焗長通粉。葡汁雞排焗長通粉味道ok，有椰絲係面，女朋友唔鍾意食。點解牛腩得4舊既? 仲要有渣，唉，跟飯會好d，不過獨立來說，薯條炸得好好食!

當日我生日,同女朋友舊地重遊,去了小店品嚐晚餐.叫左以下食物:軟殼蟹,芝士春卷,煙肉焗薯皮拼盤、鮮蠔周打湯、煎鵝肝釀牛仔骨,跟薯仔蛋和蘇格蘭烤羊膝伴闊條。先來一個拼盤,軟殼蟹味道普通,芝士春卷幾特別,不過不太夠質感,煙肉焗薯皮-標準菜式.跟住來一個鮮蠔周打湯，蠔好新鮮,仲有兩大大隻帶子,個湯比之前食個次稀左,都仲幾得既,值得一試.煎鵝肝釀牛仔骨,肉味香濃,但d鵝肝就打碎落左d汁度,少左d，都幾好味，舊牛仔骨整得剛剛好，掂!女朋友仲讚d薯仔蛋配菜有誠意，因為係將d薯仔切碎,然後用人手搓,唔係交來的薯寶。最後來個蘇格蘭烤羊膝伴闊條，普普通通，又係不過不失。老闆服務態度一流，每上一道菜就換一套餐具，連碟仔都換埋，伙計仲識即刻抺，5 星級服務，裝修情調都好好，同女朋友食得好開心。