小方糖甜品 (新都城中心三期)

營業中

休息中

✨小方糖甜品 @sugar_desserts_ ✨ 小方糖甜品有6間分店，提供多款中西式糖水甜品，佢哋有冬日推介燉品系列，雪耳蓮子燉湯、雪耳百合燉湯、雪耳百合蓮子燉湯、杏汁蓮子燉雪燕 及椰汁蓮子燉雪燕。🌟龍珠改 $36雲呢拿沙冰、小丸子、新鮮龍眼肉、椰果有啲似雲呢拿雪糕既味，個配搭都唔錯🌟榴槤班戟（季）$36班戟皮包榴槤蓉同cream，有一半都係榴槤蓉，味道好重，鐘意榴槤可試下🌟椰皇湯丸芓圓燉蛋白 $52椰皇、椰汁、湯圓、芋圓、西米、燉蛋白外賣都超好食嘅一款糖水，椰皇殼都會俾埋你，裏面裝咗燉蛋白，其他糖水會分開裝，返屋企可以倒埋一齊食，燉蛋白好滑，糖水嘅椰汁味都好香，食完之後仲可以食埋椰子肉

今日同朋友去咗將軍澳度食糖水😆行到嚟將軍澳商場裏便，發現將軍澳原來開咗咁多新嘅餐廳，各國嘅美食都喺晒度啦就嚟😂我哋就去咗依間連鎖嘅小方糖餐廳可能係地理位置關係，所以對比起其他分店，呢度算係唔多人🤣不過都要睇時段，發現夜晚都幾多人嚟排隊但係嘢食嘅份量都好大兜我就叫咗一個芒果拿破崙今次叫咗外賣，返到屋企發現超級大兜，分量超多☺️味道都唔錯，芒果好甜，同朋友兩個人食啱啱好但係注意，晚餐嘅時間係有最低消費㗎😉

中學果陣成日都食開，有時行開行埋都想回味一下😝 水準依舊，人潮不斷。。👉🏻士多啤梨粒粒拿破崙$45士多啤梨份量都算多但粒粒都偏酸，加埋啲芒果醬比較甜，拿破崙就keep翻水準一樣咁好食。。第一次試叫下次都係食翻黃金拿破崙 🤔👉🏻芒果紫米小丸子$38芒果味濃加上紫米，又唔會過份甜😚👉🏻榴華$50新鮮榴槤肉+椰汁沙冰+豆腐花+小晶珠組成，食落質感還好，榴槤味都算重👍👍👉🏻榴槤班戟$36榴槤愛好者必叫❗️😝👉🏻榴槤小丸子椰王燉蛋白$55小丸子咬落好煙韌，成粒椰王上碟😍自私評分：🟡🟡🟡🟡⚪️自私評論：中學食到依家，一直食開呢間，都仲keep到水準，服務質素都不變。。只係夜晚有時要等下位咁😂

🧊小方糖甜品🥣 #yms_將軍澳🥣良心糖水舖💛呢間絕對係好多人買 😯唔少人食完飯都去果度等外賣或者堂食🥣🍼芋圓豆腐花仙草凍配朱古力雪糕🍫其實呢碗野令我有少少失望 😞因為啲芋圓唔太煙銀 冇咩口感 🙈甚至有啲位我係覺得有少少硬🤦🏻‍♀️我亦食唔出每一隻芋圓嘅味🙂仙草就有陣涼涼地嘅感覺🔥其實夏天食真係幾解暑嘅～.有時候食糖水係一班人 👯‍♂️一班人吹下水 咁就已經一個夜晚🔉所以食物質素係點 已經變得比較次要😉最緊要食得開心🥳 佢嘅價錢唔算太貴😆經過附近又想食糖水嘅可以試吓佢嘅其他甜品😚.因為係外賣 我將個雪糕分開咗放😅所以我個雪糕係冇食到🥲.💰$32.回頭率💫： 🌕🌕🌘🌑🌑

今日食完晚餐，又唔算太飽，想食番啲甜野感覺滿足啲咁就經過新都城，見到小方糖甜品，因為時間尚早8點幾，唔洗等位！就入去食埋先番屋企啦！朱古力心太軟呢個心太軟配兩個雪糕，我揀左曲奇同綠茶味。 首先講個人太軟，出到黎熱辣辣就基本啦！但一切開，係超多超多朱古力流心出黎！淨係視覺既衝擊都值回票價！不過朱古力味香既，但食落就唔夠出，食得出砂糖既味，可能用多啲朱古力會好啲雪糕就不過不失啦！焦糖燉蛋（凍）可以揀凍熱既，但而家天氣咁熱就揀左凍啦！個焦糖面好厚！不過入面既蛋都好多！蛋就好濃好滑既，同埋好香蛋味！但就少少杰，食落有啲漿口，唔知係點解呢？ 但總體黎講呢個價呢個質素都唔錯，可以食得過！

平時飯後好鍾意食糖水，疫情之下只可以靠外賣，幾間糖水舖輪流食，但其實特別鍾情小方糖，因為選擇比較多以前好鍾意食佢嘅齒頰留香，不過而家唔係夏天，叫榴槤嘅糖水好似麻麻哋，所以叫咗另外一個都出名嘅香芒小丸子🍡香芒小丸子嘅芒果汁好濃，小丸子夠林，加埋芒果味嘅雪糕就剛剛好。另外再叫了一個糖不甩，花生芝麻碎好香，糖不甩亦好軟熟以朋友即叫了一個心太軟，他們在外賣盒上面用朱古力畫了一隻小狗🐶，你好有心思，心太軟嘅朱古力嚟到已經留咗出嚟，但佢嘅曲奇雪糕都好好味。整體而言小方糖嘅糖水真係幾好，款式多又創新，味道有keep到，會繼續支持。

女生們只食晚飯 係永遠覺得唔夠飽食甜品的第二個胃係必須的😍😍😍😍係康城係完火鍋 熱騰騰 緊係隕食返凍冰冰既野落單之後 差唔多15分鐘內 上齊野 一齊就有食👍🏻 😬 有效率朋友話個芒果拿破倫好似好厚好吸引，今次就試下啦！大大件拿破倫 個皮好脆 差唔多有手掌咁大既有3件芒果汁甜度100分 ，配上cream，一個人食完真係超級飽 must share朋友!!!! 龍珠改呢拿沙冰+小丸子+新鮮龍眼肉+椰果 好吸眼食洛好滿足👍🏻推薦芒果椰汁紫米露朋友唔食芒果 所以鋪頭另外碟上💕

以前我使用上手手提電話，上手「開飯喇」戶口仍未停用的時候，曾經光顧過位於「寶琳」「新都城中心」三期商場地下的港式甜品店「小方糖甜品」分店。當時我在光顧「寶琳」分店「小方糖甜品」的時候，只是享用了一款名稱與實際製成品賣相有少許反差，但是實際味道頗甜的甜品，甜品名稱叫做「芒果蜜糖吐司」。「小方糖甜品」廚房製造的「芒果蜜糖吐司」，沒有附送刀叉給食客使用，食客只能夠依靠匙羹去享用，一粒粒以透明小杯盛載起來的甜味芒果吐司方塊。今天我再次上門光顧「新都城中心」三期地下分店的「小方糖甜品」，選擇要嘗試「芒果蜜糖吐司」以外的其他款式口味「小方糖甜品」。今次我選擇享用「黃金拿破崙」，「小方糖甜品」廚房製造的「黃金拿破崙」屬於四四方方，比較厚身的那一種「拿破崙」，再在「拿破崙」表面淋上一層厚厚而甜味的奶油忌廉，還有已經被切粒，甜味已經成熟的「芒果」。「小方糖甜品」製造的「黃金拿破崙」實際製成品口感感覺很香脆，而且質感仍然堅挺，即使我用刀叉把「黃金拿破崙」切下一角，「黃金拿破崙」還未有因此而崩潰倒塌。再把已經被刀叉切下來的「拿破崙」，撈勻甜味的奶油忌廉和「芒果」肉，對於我來說，這樣就算是成功食到甜味的「芒果

本身好鍾意食甜品同糖水，所以對於糖水舖有一定要求，食過好多間，係得小方糖呢一間會不斷再食同向人推薦今晚就揀咗芒果樂園，我唔知道芒果咩時候先係當造，但今晚食到嘅，係勁香甜，超好味呀真係，個奶凍又滑，加埋水晶珠，成碗好多唔同口感好多層次，我開始好掛住呢個芒果樂園啦

今日有朋友生日，食完晚飯知後見時間尚早，我便提議一齊去食糖水，朋友話呢間平時多人排隊，但因已經過了九點半，所以冇乜人於是便入去試試，一打開餐牌款式多到無從入手，要了一個炭燒藍山咖啡雪巴芭、黃金拿破崙、太陽香蕉船同芒果樂園、四樣甜品之中最特別應該都係咖啡雪芭，因為中間再配上一個咖啡啫喱，食落不太甜又有濃郁的咖啡味，好咖啡的人啱晒，正😋其餘三款甜品都比較普通冇乜特別可以算得上不過不失。

今日晚上同屋企人諗住試下e間甜品店，店內裝修都好傳統。座位與座位之間有一定嘅相距👍🏻😊睇返餐牌都有唔少特色食物，新派同舊式甜品都有。最吸引我地嘅當然係椰皇系列🥰我地點左熱椰皇蛋白蓮子燉雪燕。食落好香椰皇味😍蛋白好滑，白蓮子煮得好腍👍🏻😆雪燕吸收哂椰皇嘅水，食落好滋潤❤️

小方糖黃金拿破崙龍珠楊枝甘露小丸子價錢💲: $ 43/ $36/ $38好味程度😋: 4.3/5服務🍴: 3.6/5環境🗾: 3.5/5性價比🥢: 4.2/5回頭率😚: 4.3/5-小方糖係💛甜品店，最啱食完正餐去食下！我去將軍澳店都要等一陣位架，比起隔離的x記真係多人好多🥳 今次叫左3個甜品。-首先有招牌的芒果拿破崙，佢地有3大舊，超有睇頭，個個來到必叫！🤪 但其實一拮落去就碎晒，所以唔洗擔心食唔晒！佢地超脆，可以asmr咁😂入面勁空氣，一督就會連埋d cream同芒果醬食，都幾match，芒果醬有小小甜，而cream就覺得有啲太多🤐 但芒果肉都甜，拿破崙就小小牛油香咁🤓最緊要係睇見都開心！😌-另一個係龍珠，有椰汁沙冰，珍珠，椰果，龍眼肉。呢款我就麻麻地因為個椰汁沙冰底好甜，不斷食好漏😫 都好甜下。上面的珍珠就增加咬口，龍眼肉的份量都幾多😉-最尾仲有楊枝甘露小丸子😘呢個好食!楊枝甘露浸味唔假，仲好濃芒果味，入面有金柚肉，水晶珠同西米，配料豐富😚食多幾啖都唔太甜，因為酸酸地😝小丸子煙煙韌韌，有小小糯米粉味，好有咬口。呢間甜品店，都幾推介，除咗椰汁沙冰底之外，大家行開都可以食下👍🏻

Fatvava 揾食😋中西式甜品黃金拿破倫 $43芒果汁夠香濃，連埋cream同芒果粒，再加上脆脆既皮，口感豐富有層次。份量都多，2個人share岩岩好。泰式芒果黑糯米 $38小丸子再加黑糯米，兩樣都有咬口，再加上椰汁，香滑，芒果有d酸，始終有糯米，食完都有d飽。熱椰皇湯丸芋圓燉蛋白 $52無得輸！好味道，勁滋潤既感覺，好香濃既椰汁味，再加上蛋白既滑，勁潤。芋圓都煙韌，湯丸大大粒，食完會飽左！糖不甩 $22熱同煙韌，加上花生同芝麻，好香同份量都非常夠。。📍椰皇燉蛋好快賣晒。

💛💛💛-🥭Mango Napoleon $43How could we forget about mango in the summer time?💛 The signature mango napoleon is sooo huge - perfect to share among your friends for the post-dinner treats😋 The napoleon is quite flaky and you wouldn’t feel too heavy to finish the whole thing😛-🍴7/10

由唔知幾時開始，將軍澳分店衣間既小方糖既質素差左咁多，所以我地一開始係去左都喺將軍澳既蜜蜜見，不過基於係星期五既晚上，太多人冇位。逼於無奈去左小方糖一去到見到有一乍人喺出面以為冇位，最後係有位既，一入到去問啲staff可唔可以坐卡位，佢話有人留左，唔可以，咁我地都冇咩，就照坐入去嗌嘢食。嗌左野食冇幾耐，有另一位職員就叫我地坐去頭先我地想坐既卡位，仲話坐果度可以慢慢傾，佢地要清潔。咁我地依然都冇咩野既到啲甜品上左喇，首先餐具係幾污糟架，係有漬而家疫情，衞生仲要麻麻地，好彩我地有帶消毒餐具既清潔液，自己清潔啦啲甜品上齊唔夠5分鐘，同地講5分鐘之後我地要走，因為要閂門！？然後我先影底啲相寫食評，連污糟既叉羹都冇到實在太嬲喇，衣間野好離譜，未食完就叫人走，食多一陣仲同我地講話{撘10我地要收工｝勁無奈、啲職員仲要勁嘈勁大聲傾閒計！ 落單時間43分，50分你話要收工！？有冇搞錯？你地可以唔比我地入黎，但冇理由入到黎食左一陣同未食得哂就叫人走囉！進哂譜！！冇下次！