小洋蔥 (已結業)

『娃不會再去』話說我上星期六去東涌行下，見到這間舖門面好似都幾好喎咪進去試下，點知我就中伏。我叫了個吉列脆豬拉麵 (豬骨湯底) + 凱撒沙律 + 泡沫咖啡 $71.00第一，價錢合理第二，我叫的是豬骨湯底，來到望落去仲哀過759的包裝拉麵湯底，無味不在話下，而且來到只是微溫都不知整左多久才送過來。超水皮第三，麵質好硬，好似師傅好趕時間，未夠時間就收工。第四，碗湯入邊D餸好似俾人強姦過甘，打晒風亂晒，非常"拿西"第五，唯一可以講下塊豬扒就整得唔錯，應該係另一位師傅做。第六，講埋杯泡沫咖啡，根本不是心目中會飲到的，來到又是徵溫。

十月某一日, 我們五人眾去到 東涌 映灣薈 探訪一位從 加拿大 回流的老教友 Paul叔 ....之後熱情的 Paul叔 請我們到屋苑商場內的這間 小洋蔥 Little Onion 吃晚飯 ~餐廳的裝修不華麗, 卻十分優閒舒適 ~脆炸魚柳薯條 魚柳有3條, 每條約有6寸長, 2-3隻手指的粗度, 炸皮夠脆口, 魚肉嫩滑, 油膩感不重, 還算不錯 ~奇脆豬手 $145端上枱時豬手未斬件的, 夠睇頭 ~自己切, 非常過癮, 皮烤得香脆而不過硬, 沒過多的肉汁, 肉質嫩滑亦不過鹹, 味道好特別, 必吃 !BBQ 醬燒豬仔骨 $118大約有六條骨, 肉夠厚也很入味, 肉質未算嫩滑但也不算嚡口, BBQ醬的味道酸酸甜甜的, 惹味又解膩 ~當然, 不少得一杯凍咖啡 ~本篇完 ~

沒有對手的競賽，基本上也談不上是競賽。只是孤芳自賞，也不可能有進步的餘地，更別說大眾認受與否。若果對手太多，唯有擇個私密隱居之處，遠離繁雜瑣事。　　目標地點是博覽館，中途停下來，補給能量，然後再續旅程。不與人相爭，不加入鬧群，大老遠覓個既遠又近的清閒之地。小洋蔥，自置少一等，比起洋蔥的稱法看來低調。非喧嚷之地，小小咖啡廳樣子的快餐，與就近對手相較量。無論生意上的競爭激烈還是平和，餐廳之內是一片恬靜悠閒，寫意舒暢。日本香脆洋蔥花瓣　$40　　以日本洋蔥作賣點，話說此做法不單在外國流行，香港多家餐廳均有類似出品。論及價位，理所當然比小洋蔥的要貴個約兩三倍多吧，天淵之別。用料不是什麼山珍海錯，只是平平無奇，不起眼的洋蔥。界切成花狀，唯至中心保持不斷裂，炸得金黃之後成了大朵金花。香脆而不膩，調味鹹香恰到好處，重點要帶出洋蔥本有的清甜香味。不會金蟬脫殼，沾上美乃滋，加份酸甜奶潤，更為香口。烤百里香春雞　$108　　我們點的第一道以低溫慢煮方式製作的主菜，要等待近20分鐘。烹調時溫度保持於45至80度之間，慢慢煮熟的話，肉汁及水分就不會一下子流失。廿分鐘其實值得等候，反正連帶吃小食的時間，也沒有特

又到換季季節，係時候去東涌的 outlet 為 B女置新衣了！每次來到東涌，通常不會留下來晚飯，因為選擇並不太多；但今天買東西拖得晚了，只好搜尋一下附近有什麼特色餐廳。毗鄰地鐵站的outlet 商場內並沒有太多的選擇，最終決定走遠一點，順便當作參觀一下東涌這個新市鎮。餐廳位於「映灣園」的商場內，應該是離開東涌地鐵站最遠的私人屋苑，但其實從地鐵站慢慢步行過來，也不過12、13分鐘路程，沿途一直有有蓋行人天橋連接，所以也相當方便。餐廳從門面以至內部的裝修設計，都採用了簡約的歐陸風格，而且整個裝修主題，包括一些細微的地方，都環繞著洋蔥這個主題。首先映入眼簾的，就是每一幅牆壁都採用仿磚牆設計，但卻用上了米白色，感覺十分舒服、休閒，而且每一幅仿磚牆上皆畫了大小不一的洋蔥圖案。甚至乎天花的每一盞特色吊燈，即使色彩繽紛，但外型設計都很明顯仿照洋蔥的模樣。餐牌設計也甚具特色，完完全全是一份小報的模樣，並且說明了餐廳的創立宗旨，就是將一些以往只出現在高級餐廳的低温慢煮菜式，以極其親民的價錢，推廣給普羅大眾品嚐。和風照燒雞翼（$35）雖然標榜日式風味，但其照燒汁的味道，與坊間其他較正宗的和式洋餐比較，稍為

是日萬聖節 小妹約左fd去狂歡一晚 狂歡前要醫一醫個肚先 落樓下食個茶餐先出發樓下基本上冇選擇 得呢間西餐同大X活 實在唔想再食快餐 決定食小洋蔥 之前都食過幾次架啦 不過只限晚市 佢隻燒春雞幾好食 夠香同多汁今次決定試下佢個下午茶先 差唔多5點半落到去 好彩唔使等位同埋仲有茶餐賣 侍應安排左我坐個角落位原來已經有生啤賣 上次黎都冇 宜家仲有紅白酒賣 未寫食評之前睇左一睇樓下既留言 咁岩又係講我食既呢碟鮮茄香蒜烤蝦意粉喎 不過樓下反映d蝦好難食 完全冇蝦味咁小妹覺得又唔係難食同完全冇蝦味既 d蝦都彈牙 三十幾蚊既茶餐黎講我覺得俾多左架啦個意粉醬又調得幾好味 意粉都彈牙 我覺得幾好食 最重要係價錢同質素成正比對面大X活都係賣緊三十幾蚊個茶餐 但你食過一次之後就唔會想再食呢度既野食會令我想返轉頭食 抵食

話說是日day off，入左東涌同朋友行街街，買到成手野咁行下行下都攰啦，朋友就話不如行去佢屋企樓下果間西餐廳食個tea，話好好食，咁我見東薈城又冇咩好野食，就勉強答應左(因為由商場行去佢屋企都唔係近架，要行成兩個字)拎到成手野行左兩個字之後終於都到左lol間餐廳又幾靚喎，裝修唔錯，有小小西式cafe既感覺，好彩冇人等位即刻入得，你要我拎住咁多野行左咁多路再等位我真係會唔想食本身想影一影佢個裝修，不過冇手影haha門口有排隊飛仔可以拎，我見宜家好多餐廳都轉左用呢d機，其實係方便啲既，一睇就知叫到幾多號，唔使不停問個帶位員，又唔使等個帶位員得閒先拎飛仔俾你~見到佢有洋蔥花(!)同洋蔥圈(!)食，即刻入去先基於行到有少少出汗既緣故，先一人叫左一杯冰沙飲(題外話，佢竟然有啤酒、紅酒、白酒賣)佢d特飲價錢唔貴但又幾大杯，幾抵~我地叫左個草莓甜心冰沙同芒果熱情果冰沙，唔會太甜，而且好夠冰，凍到上腦哈哈我地兩個女人實在太肚餓，叫左個「小洋蔥華麗舞台」同「脆脆炸雞脾拼牛油粟米」~我想講個炸雞脾超好食！！皮好脆但唔會太厚，個炸漿應該唔係一般好普通個隻，入面啖啖肉，好易切開黎食，好好味呀其實都唔使切開，

重陽節可跟車爸爸食過late lunch唔想喺樓下食醒起劉總介紹的小洋蔥 Little Onion便過去映灣園那邊吃啦~位於映灣園商場內的小洋蔥，到達時影門口時給商場保安禮貌地阻止入座後向店員詢問是否不能拍照，店員飛快哋去跟保安交涉後通知我拍門口已沒問題店員解決問題能力超快又貼心抵讚~店內環境頗舒適還有好幾張梳化檯可惜已坐滿客人~正好下午茶時間看看有否啱口味~最後我倆也選了意式風情~ 如果不是lunch輕食下午茶餐選擇也頗多~ 下午茶餐包有熱飲車爸爸例牌熱奶茶口感未算香滑一般巳而凍檸茶+$5茶有點反可幸喝下不太澀但沒有凍檸檬應有茶香~我的迷你鮮茄香蒜蝦意粉$36鮮茄醬酸甜味細緻意粉咬口一流可惜敗在用料上那玻璃蝦真係好難頂爽到虛偽又冇蝦味~車爸爸的迷你忌廉汁焗雞飯$36成品外型已對版面層焗得焦香忌廉汁味道香滑雞肉亦嫩滑好吃不錯呀~

自大嶼山東涌發展成為新市鎮後，在下只是到過兩次吧，今晚卻因某些原因而再來這區走訪一下，順道在這區休息一下。有時候在下會皆同家人一起到大家樂吃晚飯，無論火鍋或小菜，都是心水的菜式。而大家樂集團其中一個品牌，是把「慢煮」的方式，帶進東涌，並以洋蒽入饌，故她的名字是小洋蒽，因而身在東涌的在下，也順道來造訪一下。餐廳以歐陸西式設計。在紅磚牆上刻劃出洋蒽的圖案，樸實而又具有時尚，仿如置身在歐陸的餐廳之中，就連燈飾也仿如一個洋蒽形象，與本身主題形成一致，可見其精緻而細膩的設計。除此之外，還有簡單圖畫畫在牆上，亦有黑板寫上了 6 Step of coffee 及 5 Senses of coffee。餐牌的設計，猶如一份日報，圖文並茂，詳細介妱了何謂慢煮，及洋蒽的來歷，當然亦不乏詳列了各款美食，除此之外，還有一人滋味以至二人盛宴都有。挪威煙三文魚尼哥斯沙律（四十五個大洋）整份沙律，不單單只有三文魚和沙律，亦有雞蛋在內。單看外表，已經知道食材十分新鮮，入口就如眼看到的一樣的新鮮吧，爽脆而帶有蔬菜的鮮味。日本香脆洋蒽圈（二十八個大洋）看到吧，那粗粗的肥肥的洋蒽圈，大小如一，是在下吃過的最粗壯的一個吧。那

東涌好遠, 紅磡上車, 轉一次車, 也要五十分鐘. 看一看地產代理的樓盤, 近站的幾個屋苑, 樓價也確實不高, 最近鐵路站的東堤灣畔, 平均實用呎價也只是一萬左右, 來再到映灣園, 更是九千便有交易, 平過住屯門. 映灣園內的商場, 只有兩間餐廳, 想食好一點, 唔想快餐店, 只有這間.來到門口, 裝修摩登, 美倫美奐, 別緻的店名和設計, 面積十分大, 估計超過一百個座位. 估計午餐時段可以坐滿, 但如此獨立屋苑內的餐廳, 在晚上則有點難度.可能就是因為晚上的生意更難預計, 所以貼在門口的營業時間, 已經改了一次, 未知原本的時間, 但明顯地貼上了新的貼紙, 更改為9:30PM關門, 打算去的人要留意. 與此, 迎合時代變遷與不同人士需要, 可以帶導盲犬進內, 算是有社會責任的餐廳.裝潢設計, 有家庭感覺, 寬敞的空間, 大型梳化, 闊身茶几. 如果吃正餐, 我還是喜歡傳統的檯椅, 吃起來較為舒適. 梳化和茶几, 留翻下午茶或飯後啤酒則最佳.餐牌以雜誌型式設計, 印刷精美, 其中兩頁是意大利粉系列, 左下角, 一小圈介紹洋蔥品種, 但好似...與左邊介紹的意粉無太大關係...哈哈..

往日如果若然到快餐店裏吃扒餐扒飯 , 在不同的快餐店裏會有心水的拼飯醬汁 , 美 M 是黑椒）汁、大快 W 是蕃茄汁、大家樂是洋蔥汁 , 各具滋味各有特色。 沒想過出名醬汁是洋蔥汁的大家樂 , 其集團在遙遠的東涌開了間西餐廳 , 店名字是「小洋蔥」。若然不是早在七月時有報章雜誌的介紹 , 也不會知道大家樂集團希望把「慢煮」這個烹調模式帶到社區裏 , 讓一般平民百姓也可以體驗「慢煮」帶來的原汁原味 , 營養豐富。曾到訪過「小洋蔥」兩次 , 一次是與親友「 昂坪 360 」之後 , 另一次則是血拼 Outlets 之期 , 兩次皆有愉快的用餐經驗 , 唯獨電訊接收不良是大忌。走歐陸風的室內設計 , 蠻愛這刻劃出洋蔥形態的磚牆； " A little Excitements Every Day " 應該是「小洋蔥」想表達的思想 , 一層一層地剝開洋蔥 , 越深藏的部份會越嫩越清甜 , 正如每天發現一樣新喜悅 , 漸漸會發現人生處處都是美 , 食物的美味也需要一層一層的逐啖去嚐去體會 , 才不負廚師的苦心。 餐牌印刷是十分精美 , 紙質也有適當的厚度 , 我們人多便叫了三套二人套餐 ( $ 2

東涌開咗間新餐廳，食過幾次，早上來食個All Day Breakfast。All Day Breakfast食物都幾豐富，有黑松露炒蛋、雞肉腸、漢堡扒、炒薯粒、茄汁豆、蕃茄和牛角包。呢到服務都幾細心，但野食就麻麻，質素好一般。雞肉腸、漢堡扒都是超市都可以買的普通種類，茄汁豆當然是罐頭的，牛角包係長命嗰種，一定唔會好食，唯一好少少的是炒薯粒，有香草味，黑松露炒蛋都很麻麻，炒得好乾。這個All Day Breakfast 連餐飲$64，我寧願比多少少錢去食好Ｄ。雖然食物質素麻麻，但這兒服務好好，侍應們都帶著微笑的。

經過門口見到呢間野幾吸引喎，價錢又唔太貴，見入面滿座應該都唔會難食得去邊，於是就同朋友入左去醫肚啦~環境非常唔錯，裝修靚，我覺得似外國cafe入到去大約1點半到啦，仲有lunch set揀，我同朋友都想食意粉，於是我地就一個叫左一個意粉set，跟餐仲送餐湯(羅宋/忌廉)或者熱飲，我地都揀左湯等左一陣就有湯飲啦，仲送牛油餐包，個餐包好搞笑，鋪滿左芝麻，唔係一般坊間既餐包，不過又幾好食，白湯都唔錯，唔會全部都係粉，仲有粟米同火腿片~過左冇耐就有意粉食，熱辣辣！我叫左個卡邦尼芝士煙肉意粉，唔好睇佢碟細細，其實份量好多，我慢慢咁食完係超飽我本身好鍾意食Carbonara，呢度果個好好食！意粉沾滿左蛋香，加埋我鍾意既芝士一絕！！而朋友叫左個鮮菌肉醬意粉，佢都話好食，肉醬加鮮菌個配搭okay，唔會只係得肉食~~兩個人食左$108，佢唔收加一，我覺得算係幾抵食，東涌呢邊其他野食都好貴架，最重要係裝修靚、野食好味、服務好，絕對會對我返轉頭食多次

是日去左東涌探個岩岩生完既媽咪，係佢屋企玩完bb之後走都差唔多6點，咁就決定同幾個朋友係附近食埋野先番屋企~原來諗住去東薈城食既，但經過樓下個商場果陣發現有間幾靚既西餐廳，價錢唔貴又唔使等位，於是就入去食啦~~門面是咁的，叫做"小洋蔥"，幾得意，裝修都幾靚喎我最鍾意呢幅洋蔥形狀既紅磚牆好啦坐低叫野食，佢個menu設計都幾靚架，好似份報紙咁，不過唔記得影相哈哈~我地三個女仔叫左四樣野食：先叫左個洋蔥湯，佢d洋蔥焗過架，個湯唔會話好重洋蔥味，仲跟左塊蒜蓉包，幾好味再黎一個洋蔥圈小食(叫左好多同洋蔥有關既野食添哈哈)本人最鍾意食熱氣野架啦，呢d香香脆脆既洋蔥圈簡直就係我既摯愛點埋個醬食，勁好味跟住我地叫左個香草醬雞肉扁意粉，呢個青bb既意粉我覺得普通啦，不過朋友一號二號都話好好食，成碟意粉就咁俾佢地掃哂不過份量都大碟既，而且48蚊算係幾抵食架啦~最後我地仲叫左個烤百里香春雞~呢個春雞係我成晚最滿意既，同menu張相冇乜出入，好大隻又烤得好靚，切開食熱辣辣，d肉仲好嫩口，唔會過老，值得一讚不過可能因為佢即叫即整，所以都要等一陣先上枱，想食就要俾d耐性啦~食完埋單係要自己去收銀處俾錢既，收銀個位

食之前見有師兄話帶位無禮貌 食品呢樣無果樣無 / 本住好醜一餐心態就去試試~ 係6點幾7點時分入場 首先講講態度 , 我入去時係無人帶我位的 所以我求其搵個位坐低左 / 期間有位男員工可能見我單拖入去坐 都黎同我吹左兩嘴 到講食物 , 我叫左一個肉眼扒 一個磨菇湯 一個炸洋蔥圈 ,首先個湯係幾好的~(之前都有聽周圍D朋友講) , 好重蘑菇味 , 個人黎講有小小唔夠咸!  讚!到個洋蔥圈 , 粉唔會太厚  洋蔥好甜 ,   讚!最後牛扒黎到 ,  講四成真係四成 , 火侯控制得唔錯 , 我揀果個"芥末醬" 好重蒜頭味塊扒有成人男士手掌咁大   重點係佢好厚  ,  食落外面唔會燶 ,  里面唔會凍    讚!所以我今次食都幾滿足  , 至於師兄話份量唔夠 , 我一個成年男人(肥)  都食到飽住走   所以~至於禮貌方面由於我 無人帶埋位  所以不予致評  但亦無覺得特別無禮貌餐牌上面  的確係有好多野售罄 , 呢個係我覺得要改善的 。 但體諒到佢岩岩開業都唔夠一個月 , 我可以接受 , 始終新開餐廳預食材係需要經驗。

知道這裡開了新餐廳，我和家人特地來吃午餐。12點左右已全店滿座，這裡的裝修佈置很有特色，餐桌椅子很細小，不太夠位放食物，也坐得較迫。全店只有六張長梳化位，早已被一家大小的家庭佔據。本來看見有按鈴服務很高興，怎料按了鈴都沒有侍應前來，於是我們只好舉手請侍應落單。原來此設備形同虛設，頗為失望。午餐套餐有十款選擇，每款都啱我口味，我選了All day breakfast配沙律，飲熱檸水。沙律的菜很新鮮，有麵包糠，上面灑滿芝士粉，很美味！All day breakfast 中的牛角包很香很軟熟，黑松露炒蛋很滑，焗茄汁豆味美，薯仔粒香囗，豬柳煎得恰到好處，肉質juicy, 煙肉香脆，香腸味道濃郁，番茄多汁鮮味，整體不錯！