小甜谷 Dessert Kaffee (已結業)

Happy Friday 係銅鑼灣行完街後去覓食醫肚。行過呢間已經見到店外有人排隊，經玻璃望到入面食物貌相吸引就乖乖去排隊一試。不用5分鐘就已安排入座。兩個人一張小圓枱，室内裝潢行甜美風，燈光柔和。女侍應親切有禮。2個人食，叫左1個意粉，半份主菜，1個酥皮湯，其中一樣轉做套餐(包埋有甜品及飲品)。85度溫泉蛋黑松露意粉一上枱已聞到好香黑松露味。未撈之前試左嗒意粉，意粉很有咬口但5硬，忌廉汁5漏。撈完後，溫泉蛋令個意粉更香。雖然會結左，但仍5會太漏，2個人食份量好夠！好味😋韓式咖喱醬排骨(半份)到排骨，一陣陣的咖哩香味，配菜薯條熱辣辣，點左小小咖喱醬再點茄汁，好好味。排骨切開後有5支，禁落一d都5鞋，而且燒得夠香，個汁又相當野味，甜甜辣辣又有咖喱香，食落都非常開胃！酥皮海鮮忌廉湯配蒜蓉多士足料海鮮湯！有大大隻蝦同帶子，每樣1件。但個湯偏結，1個人飲的話會漏。試飲左2嗒已有好飽既感覺。加埋酥皮漏到不得了。蒜蓉多士，夠脆但完全5熱。如果里餐有叫到其他忌廉汁的食物，這個特濃湯絕對可以不用試。 最後套餐的甜品可自選簡3個甜品(不過係mini size)法式梳乎里撻多士，熱辣辣，超soft。抹茶雪

Went to tea with a friend and we tried the sizzling matcha waffle with ice cream. It was fun and exciting to watch as the waitress poured in the matcha liquid into the pan, creating a sizzling sound. It was an amazing experience. Definitely worth a try 👍👍😄😄I also had a hot matcha latte and my friend had a cold almond milkshake ☺️😇

想食抹茶雪糕？又心思思想食紅豆甜品？最好有埋waffle添！呢個係銅鑼灣小甜谷的鐵板宇治抹茶窩夫 $88+10% 就能夠滿足晒三個願望！😋😎😍 評價：7.5/10 📝不得否認呢個甜品能帶來不錯的的視覺效果，鐵板上的waffle第一次食，店員遞上抹茶奶，圍住個waffle淋上，頓時咋咋聲作響，心裏不禁開心了一下😆！說到味道，略嫌抹茶雪糕太甜，我比較喜歡有點苦澀的抹茶味😂！waffle則外脆內軟，不過就不太嚐到抹茶味，可能紅豆和雪糕都很甜，令味蕾都麻木了😅！ . 朱古力心太軟 $58 + 10% 評分：7/10 📝心太軟切開沒有即時流心既視覺享受！裡面的朱古力漿比較濃稠，味道香濃偏甜，配雪糕食，冷熱在口中交融在一起，感覺👍🏻。中間的抹茶糖，個人覺得有點格格不入，猶如第三者般！😛😂 . 📍小甜谷 Dessert Kaffee (銅鑼灣) 銅鑼灣謝斐道482號信諾環球保險中心地下4-6號舖📍

無意之中發現到原來小甜谷既CWB分店係餐廳而且仲幾多野食 二話不說就用book左位男朋友比我先到餐廳 影左menu比我睇 就咁睇有set lunch有a la carte有甜品 花多眼亂👅我到達餐廳後再認真睇多次menu之後就叫左一個set lunch同幾款小食泰式柚子沙律 HKD60個汁酸度適中 好開胃 不過都幾辣日本廣島炸蠔蕃茄蟹肉意粉 HKD78(set lunch)真係食到啖啖蟹肉 再加埋鮮蕃茄既汁 好夾Set lunch配既柚子玫瑰花蜜香草芝士單骨雞翼 HKD62聽個名好似好吸引 但食落覺得雞翼偏甜同埋啲芝士係無乜味神奇牛油卡疆原條粟米 HKD49同墨西哥烤粟米既做法相似 味道亦相似 就係少左d芝士味同無咁辣宇治焙茶芭菲焙茶味唔多濃但個雪糕幾滑 同埋有一兩粒白玉係結冰狀態。。。宇治抹茶waffle個size係足夠2個人share 啲抹茶醬係黎到先淋落去 幾特別 而且好窩心咁方左一塊麵包係底 以面窩芙太林整體黎講有驚喜 無諗過原來小甜谷既咸食一樣出色 而且餐廳既色調同環境都幾靚

點了黑松露雜菌闊條面，意粉煮得剛好，黑松露落足料，白汁唔會太稀或大杰，可以有下次另外點了個凱撒沙律，中規中舉，蔬菜OK新鮮加$48有甜品有飲品，而且甜品不欺場，有驚喜可惜餐牌熱食炸野為多，如果怕熱器的會有較少選擇整體來講，價錢相宜，食物質素不錯，店員服務也很好，食完晚餐仲可以同時食埋甜品，係傾計食飯好地方

抵食又好味的午餐！ 今天中午在銅鑼灣找地方食中午飯！看見小甜谷有午餐入內一試！點了蘑菇漢堡包，味道和賣相一流，夠熱和加了黑松露醬的漢堡包很美味值得一試 （好味過中環有些名牌漢堡包店！ 環境舒適中午時間也不是太多人！ 漢堡包薯條+沙律加甜品和茶是大約$120！ 好抵食！

行完sogo想食個甜品小甜谷又近又好味環境比一般甜品店寛躺而且唔會見你食完九秒九趕客走除左甜品 依間店仲自main course 下次一定要試下楊支甘露豆腐花 $40豆腐花好滑，一D都唔鞋口楊支甘露甜度剛好窩夫配糕糕 $68外脆內鬆軟 帶少少肉桂香餅身較輕 食落唔會太滯

今日點零鐘一支公，見到入面無咩人，侍應又友善招待就入去試一試。其實好耐之前食過一次甜品，但未太印象心刻令我再幫襯。見lunch 既價錢真係幾抵，叫左個78蚊既煎魚柳拼薯菜，仲有果茶：）黎到碟野好大碟，果二塊魚超大！ 個汁幾香芝士味，不過如果塊魚咸番小小更加好。但岀奇地個薯菜幾好食，有啲沙律feel,入面加左啲洋蔥勁香，配埋露荀味道係好fresh, 加12蚊仲有甜品，可惜實在太飽。環境幾舒服，人流不算太多，下次可以再試ps.shared 相去fb 仲平左5%,very good

光棍節兼sogo 感謝週，去行完sogo近近地找個地方同班姊妹食晚餐，要在門口排隊等位，三位大概等左半個鐘，在門口睇定餐牌食咩先。點左68°温泉蛋黑松露卡邦尼意大利麵 $92同埋温泉火山口咖喱豬柳焗珍珠飯$89上桌已非常香噴噴，流晒口水了。意大利麵有香濃芝士白汁味，黑松露只有很少份量但都好香，醬汁味香濃，麵質夠陣滑不會煮得太軟。份量不算大碟，不過卡邦尼芝士汁好厚身，食多幾啖好快飽滯。珍珠飯我好鍾意，煮得不會太濕身，飯又好有咬口，咖喱汁微辣，豬柳也爽口，我喜歡這碟飯，無卡邦尼芝士汁咁飽滯。再吃甜品，法式梳乎蛋多士配雪糕$68超正！多士咬落軟棉棉的，中間原來有層甜甜的像流心蛋黃吉士，口感層次豐富。可以點檸檬汁，消滯，而配的雪糕全部都是雲呢拿味。另一點心是焙茶心太軟$62, 有紅豆綠茶蓉配搭加一球雲呢拿雪糕。一切開，朱古力醬真係好流心！而焙茶味未試過，比綠茶味更香濃，未食已聞到，覺得比一般心太軟特別，就係食佢嘅茶香!而個心太軟都好熱辣辣，夠熱就好味！

星期六下午4點黎食甜品，唔洗等位，正呀👍🏻坐低左即刻叫兩個甜品，法式梳乎蛋多士配鮮果及雪糕，同朱古力心太軟❣首先黎嘅係梳乎蛋多士，呢件野唔知發生咩事，咬落去中間係凍嘅😓😓😓😓😓係佢本身係咁定係未整熱😓😓😓😓😓咬落去淋淋地又外熱內凍😓😓😓😓😓完全唔知想點😓😓😓😓😓個雪糕就好好食，上面有d杏仁碎，夠香甜❣心太軟超級正👍🏻👍🏻熱辣辣，一吉落去，濃濃朱古力醬流岀黎，食落去又夠香😍😍😍岩岩好，正呀😋😋配嘅雪糕都係好好食，大愛呀❣今次雖然中左小小伏，但之後都會黎食甜品，因為其他真係幾好食😁不過呢度d位又真係窄左小小囉，坐得唔係咁舒服🤔

為左迎接小妹本年度最後一次大假，於是就揀左呢間小甜谷食個happy lunch 之前同事都Share 過話覺得唔錯，聽個名以為係甜品店，原來係有熱食架。星期六都有lunch set 價錢都好平民，$70-90 一個set 就包埋飲品，加$28可揀3款甜品甜品都好多選擇我嗌左煎大蝦蟹膏意粉，賣相雖然唔太美觀，但味道係中上，可能太肚餓，我9秒9就清晒男朋友揀左漢堡包配薯條，他的評語係：好正！我地另外+$28 揀左呢三款甜品，右上既係梳乎蛋蛋士，好好味！要襯熱食！窩夫同抹茶卷都不俗，用咁抵既價錢有咁既質素我好滿意埋單都係2百零蚊左右下次想試佢原個既西瓜汁

第三次食小甜谷，菜式多左好多，裝修都唔同左，一入去，侍應問有冇訂位，我話冇，結果就坐左系門口d位度，同埋話限時1.5小時，唔知係咪因為佢賣多左廣告，多左人食，所以要限時。。。 講返食物先，叫左個黑松露扁意粉，唔錯，有香味同幾濃味，本身想食個熱狗，點無冇晒，結果叫多左個burger加黑松露薯條同湯，burger正常，入到口，但唔系話好好識，湯就得一款口味，有點過咸，um.... 我覺得今次冇之前兩前咁好食。

同男朋友去街街⋯佢無啦啦話book佐枱今晚食飯（十年難得一遇🤔）⋯原來慶祝拍拖第n個月⋯算佢有d心思啦⋯⋯平時好少過海食飯⋯（車費好貴😂）⋯專登去銅鑼灣食⋯希望唔好太差⋯⋯餐廳細細間⋯二人枱都係細細的⋯叫兩樣餸加野飲都爆爆地⋯⋯等佐好耐既漢堡包⋯⋯本人覺得味道一般⋯牛扒唔夠juicy⋯同埋太熟⋯個飯都還可以啦⋯⋯今晚最喜歡的就是這杯菠蘿冰！是一整個菠蘿泎汁連果肉⋯因為會不斷飲到菠蘿渣😂 飲完都好飽⋯⋯因為好大個⋯⋯最後當然唔少得叫甜品啦⋯⋯上面既綠茶好好味⋯不過太大杯⋯⋯同埋下面中間果層原來係牛奶⋯⋯岩晒唔中意綠茶既男朋友同唔中意牛奶既女朋友

Went for tea set, portions were larger then expected and tasty. Dishes came out pretty quickly as well. Will definitely go again

當小甜谷還是位於大坑的一間小小甜品店時，已經時常幫襯了。今天經過銅鑼灣，突然發現小甜谷不只是甜品店，原來也有正餐供應，於是便走進店內即管試試。店內環境簡潔舒服，再看看餐牌，食物的選擇也有很多，而且也有套餐供應。花多眼亂之下，最終選擇了兩個套餐。炸越式豬肉春卷賣相不錯，不會有油淋淋的感覺，咬落十分酥脆，配以少許麻醬，十分開胃。北海道軟殼蟹忌廉蟹肉意粉以香滑忌廉配以淡淡的蟹肉及蟹子煮意粉，最後才加上炸得香脆鬆化的軟殼蟹，感覺新鮮亦相當搭配。韓式咖喱蜜糖豬仔骨配薯條坊間以蜜汁或燒汁烹調的豬仔骨就吃得多，但以咖喱醃製再燒的豬仔骨真的第一次吃到，淡淡的咖喱香原來與豬仔骨十分匹配，豬仔骨肉質鬆化非常美味。宇治抹茶芭菲來到小甜谷沒理由不吃甜品吧，這個抹茶芭菲，抹茶味香濃而且氣味溫醇，創造出多層次帶來口感豐富，甜而不膩。想不到由甜品屋變奏出來的食肆，食物也相當有質素。