小甜谷 Dessert Kaffee (已結業)

由大坑食到去銅鑼灣，由只得甜品食到連鹹點都有， 真係由細睇到大，講梗係小甜谷的進步。今晚專程來享用晚餐，由於落雨濕立立，又公司附近，食完可飛快回家。嘩！原個西瓜好夏曰！萌！清涼西瓜汁透心！暑氣盡消。食雞翼最怕麻煩，所以不經常食，但嚟度啲雞翼是單骨，最啱我。熱辣辣燙嘴，有清香柚子味，蜜糖恰到好處，不會過甜，滋味！嚟個意粉真係要讚！每條意粉都沾上了忌廉好濃厚但又不覺膩，還有粒粒魚籽的配搭無得頂。軟殻蟹炸得不油不膩，每啖都感受到蟹肉和膏的口感。以甜品起家當然要點啦！雜果窩夫凈賣相己吸引。窩夫做到外脆內軟，再配搭忌廉，雜苺和雪糕，你話嚟個時候有邊個會諗著減肥呢⋯⋯哈哈！

上星期五同班姊妹食完飯搵甜品食，喺銅鑼灣只諗到呢間，平時都有同同事去食午餐嘅，午餐食品幾好味又抵食，咁諗住甜品（主打）應該唔會太差。我地叫左芝麻糊豆腐花，杏仁蛋白茶，楊枝甘露，同waffle, 我食嘅楊枝甘露一d都唔凍，有點暖暖地，十分奇怪，其他我冇食冇得comment...個waffle好似～$120，太貴了，不值得😬😬題外話：30幾度嘅天氣，入到一間冇冷氣嘅舖頭係好難受，希望佢地快點維修好冷氣機。

銅鑼灣食肆林立，即使係甜品舖，亦開到成行成市，今日嚟到呢度，本意非甜品，旨在試下佢地啲正餐！乜話？甜品店正餐乜唔係甜品咩？韓國咖喱蜜糖豬仔骨配薯條，鹹味為主，骨肉烤得啱啱好，係今餐亮點……北海道軟殼蟹番茄窩夫披薩，都係鹹點嚟，窩夫仲要做埋餅底，香脆窩夫格仔滲透番茄蓉，托住成隻軟殼蟹，蟹味香濃、窩夫餅底熱辣香脆，口感幾鬼得意，似食緊pizza……嚟多個溫泉蛋黑松露卡邦尼意粉……咦！乜溫泉蛋變咗煎荷包蛋嘅，有啲失望……好彩黑松露夠香，意粉彈牙掛汁，加番啲分！好嘞！甜品店點都要叫個甜品"潄漱口"，咁就嚟個至愛抹茶雪糕芭菲啦！高身芭菲杯除咗有滑滑雪糕外，仲有白玉、大福、厥餅、紅豆、薄脆、奶泡忌廉，冇失禮街坊！一人一啖好sweet！飲品方面，點埋水蜜桃天堂、貴妃荔枝茶各一、冰凍水果茶唔太甜、少少酸，好爽！下次經過甜品店，不妨揾下有冇正餐食咯！😎

係銅鑼灣食完晚餐後，朋友就提議去小甜谷食佢推薦的法式梳乎蛋多士配雪糕 。既然佢咁熱烈推薦，令我都好想去捧下場。幸運的我們2人一入去就咁岩有位。隨後的6位食客就冇我地咁好彩，要等下位了。一坐下，我地就已經唔需要心思熟慮揀選食咩，即刻已經點叫2個法式梳乎蛋多士配雪糕。話咁快，服務員端上令人口水涶流的甜品在我們面前。我們已經急不及待好好享用。啖啖多士都好軟軟綿綿，整塊包含着梳乎蛋蛋香，分佈平均。而且配有雪糕，冰熱交融，能夠同時享用雙重温度口感，係必食甜品選擇。

小甜谷一直以來都被記在我的wish list中，總是說說又沒去成。今次為就返朋友方便，定在銅鑼灣，終於都完成我一試小甜谷的心願。兩個人小聚，二人餐就最適合我們不過。lobster combo都係$298，有成五樣菜品，看起來相當划算。先上凱薩沙律做前菜開開胃，每個餐廳的沙律風格各不同，都算清新省胃，食不停口。卡邦尼意粉，粉質偏爽口，同平時常食的濃稠軟綿有所不同，口味不錯，口感倒是一種新的體驗。韓式咖哩蜜糖豬仔骨，我同朋友一致認為最好食。試問哪個女孩不愛甜甜的蜜糖味？雖說是咖哩，但其實味道不算重。切開total有四支骨，肉質厚實，每人兩塊落肚已經差不多飽。豬仔骨下鋪有大份薯條，所配的黑松露醬又香又creamy，很久都沒食過這麼好味的黑松露薯條啦！原隻波士頓龍蝦，size比較迷你，有些許膏，都幾香口，屬於過過口癮那種，基於這個價格，還算滿意～小甜谷以「甜」品出名，但我個人覺得做得不如正餐出色，裝碟也稍顯簡陋，只是普通塑膠杯。紫薯窩夫給我印象比較深，也是三樣中比較出彩的。窩夫烤得鬆脆，裹面還有滿滿紫薯蓉，而我又好鐘意紫薯的香甜，正！夏天正需要冰涼薄荷降下溫，飲品我要了杯朱古力薄荷，飽滿忌廉看

今晚約咗兩個好朋友一齊食飯呢間之前其實都有食過嘅感覺上不錯👍所以再嚟多次因為上一次只係食甜品今次呢就會食佢嘅晚餐同埋在家常女仔最重要食嘅甜品我地嗌左第一個就係焗豬扒飯佢個焗豬扒飯材料好足而且有好多芝士，可以令到我呢個芝士控得到滿足之後仲有呢個小食拼盤佢個薯條係一個普通嘅薯條感覺唔係好大但係佢嘅雞翼就好味嘅不過都唔會話係一啲好特別嘅菜式再嚟就係呢一個卡幫你溫泉蛋意粉佢面頭加左少少黑松露食嘅時候將個溫泉蛋同埋黑松露再撈埋意粉一齊食咁樣令到個意粉呢更加滑但係佢個黑松露嘅香味吾夠濃因為我都係一個好鍾意食黑松露嘅人所以對黑松露比較有要求每一次去到呢啲cafe 食完正餐甜品一定走唔甩我哋三個人其實已經好飽但係呢都好想試佢嘅甜品叫咗呢一個士多啤梨窩夫再加一個芒果味嘅雪糕其實窩夫真係食過好多間呢間其實還好，不過佢嘅賣相唔錯嘅但係佢嘅價錢相對來講係比較貴嘅因為呢一個窩夫都要＄100左右一個總括嚟講呢一間小甜谷不過不失如果真係諗唔到有咩地方可以喺銅鑼灣食嘅可以考慮下佢。

行開銅鑼灣，見小甜谷開咗咁耐都未試過，而朋友又無所謂食咩，咁就食呢間。餐廳裝修得頗有田園feel，店內糖果色的簡約裝潢，予人整潔舒服的感覺，充滿著文青少女風味。胡椒豬仔骨配薯條 $92豬仔骨完全唔韌，好稔，可以好容易用刀切嚟食，胡椒味重又香又有少少辣，豬仔骨醃製得非常夠味，食落甜甜哋，好食。92蚊就可以同樣食到豬仔骨，性價高而且有驚喜！特厚和牛漢堡配龍蝦 & 薯條 $188和牛漢堡好厚身切開仲見到淺粉紅色的肉質，仲keep到有肉汁的感覺。薯條都幾脆，有Truffle mayo 點。可惜龍蝦唔係好大隻, 味道一般。鮮榨神奇菠蘿  $65呢個大菠蘿係用一個新鮮菠蘿打成蓉整成一大杯果汁飲品，個菠蘿真係好大個，好足料啊！食完其實都有D飽，但呢度咁多甜品，唔食對唔住自己, 最後決定每人一個甜品！！朱古力心太軟 $58心太軟流心效果好好，朱古力蛋糕有好濃郁朱古力味。好食! 梳乎窩芙 $68窩芙好脆又好食, 配埋雲呢拿雪糕食一流。未食窩芙其實已經挺飽的，但真係好好食, 於是成個窩芙食哂喇! 整頓晚餐都頗有驚喜，食物質素高，加上環境舒適，收費亦算合理，性價比算是相當不錯。適合三五知己，吹水聊天，扮下

晚上去銅鑼灣吃飯通常要等位，等到天昏地暗，等待的時間已經令人興致缺缺。幸好，今次漫無目的經過小甜谷，給他的裝修吸引，於是看看餐牌，價錢貼地，不如放手一試，重點是不用排隊喔，娃哈哈果然我這一步的選擇，是正確的😝🤣點了漢堡包，基本款。其實我是無期待的，首先試一試薯條，如果薯條好吃，就代表餐廳的炸物ok。這家薯條炸得剛剛好，很脆，而且不油膩。漢堡包的炸魚也好吃，質素不錯👌👍另一道是豬肋骨，同樣有薯條和配菜，薯條吃太多已經很飽了豬肋骨的味道都是可以的。呢間餐廳食物質素不錯，但主菜其實欠缺特色。

以前都去過大坑嘅小甜谷，今日朋友約咗我去銅鑼灣shopping，朋友話想試一試銅鑼灣這一間。裝修同大坑的店差不多，比較清新同簡約。我哋主要係想食甜品所以只要了一份胡椒豬仔骨配薯條。餐牌寫上用美國進口的豬肋骨肉質果然 柔嫩，燒烤時間掌握得剛好。每人叫了一杯特飲，我自己叫了一杯凍貴妃荔枝茶。茶色比較深，有少許荔枝肉同一片薄荷葉，入口有淡淡的荔枝香味及香濃嘅紅茶味，整體比較清淡。主角終於出場！鐵板抺茶窩夫!用滾熱辣辣的Le Creuset 鐵鑊加埋一份抹茶汁。三件waffle 上有一個抹茶軟雪糕..... 急不及代將窩夫淋上綠茶醬再配上綠茶軟雪糕。個人喜歡吃綠茶但又不喜歡吃太甜。窩夫外脆內軟口感一流。 身窩夫不是太甜配上軟雪糕非常匹配。想再吃一份，但夏天不能放縱自己😂

上星期放工後相約好友來個小聚，在銅鑼灣食晚飯，沿途經過這間小店，被餐牌的甜品吸引，就進去試試。只點了以下兩款菜式：豬仔骨的味道很好味蜜糖加胡椒味道很匹配，便人很開胃減少漏的感覺。胡椒蜜糖豬仔骨炸薯條看到餐牌，被這個外型吸引著😍看似很好吃但食落個味道覺得一般，外面是蛋白所以味道都比較淡味。梳乎芝士鮮蝦帶子焗意利飯（2人用）食完這兩道菜後已感到很飽了，所以都沒有點甜點。雖然小小的店但裝飾的環境都很舒適，很適合與朋友傾計談心。

約了很久沒見的好姊妹吃飯，我們找了小甜谷，因為我們一定要點甜品，方便拍照呃like！這裡的dinner set也有頗多選擇的！我們爭扎了很久，又想吃鹹窩夫，又想吃龍蝦，最後還是選擇了Lobster Combo，是二人份量的！窩夫留待甜點進行！沙律有兩款，我們加$12要了泰式柚子海鮮沙律，果然有驚喜！裡面有好多沙田柚，好甜！還有不少海鮮，魷魚、蝦、蜆肉等，沙律汁酸酸的帶微辣，好開胃！龍蝦菜色有兩款，我們選了原隻鮮龍蝦尾，和牛漢堡扒，黑松露薯條。龍蝦尾上面都是芝士，很惹味！配上燒汁的和牛漢堡扒啖啖肉，好濃郁的和牛味，有咬口的質感！薯條很香脆，上面有點鹽粒，沾上黑松露醬不禁令人吃完一條又一條！主菜方面，我們選了北海道軟殻蟹忌廉蟹肉意大利粉，這裡的意大利粉質地是偏硬的，忌廉汁好creamy，軟殻蟹好香口！我們點了西柚鮮果特飲一壼，一齊share飲！陣陣清新的西柚香，消滯一流！我們最期待就是這個鮮果芝士梳乎窩夫，可以選兩款鮮果，我們選了草莓和藍莓，很美的製成品呢！上面還有一粒粒的cream cheese！充滿蛋香的窩夫，超級鬆軟！搭配雪糕吃實在太幸福了！

四個字 「不過不失」抹茶雪糕夠滑，但味道唔夠濃而份量比我想像中多2個人share就啱啱好😋至於小丸子同紅豆就無咩特別都係平時食到既味😂經開尖沙咀又想試新野既不妨一試💕.另外想呼籲下其他食客網絡越發達，資訊就越容易傳播開去亦都有越嚟越多人會相機食先之後會post係自己既社交網絡度去食野時候，不時會見到有人直接係餐廳投訴、大吵大鬧話好難食、好差等等既負面評價我唔係反對人地dislike間餐廳我只係覺得應該要保持返做人既禮貌無論係對個餐廳、對個廚師、定對其他食客唔好食既，唔啱你胃口既都唔需要係餐廳大吵大嚷既有禮貌啲咁比下意見再唔係係網上寫返自己既食評都得既姐何必騷擾埋其他食客又顯示埋你自己既無禮貌呢？以上係我個人既小小睇法 大家可以唔同意我不過我都係想抒發下姐

上兩個星期，我相約了朋友到小甜谷食晚飯。看看餐牌也有很多不同的選擇，例如英式早餐、牛扒、意粉、甜品等等...這是柚子蜜糖雞翼，這個雞翼已經細心地替我們已經拆了一條骨，令我們吃得更有儀態。呢個雞翼十分惹味，柚子和蜜糖的味道配合得恰到好處，帶點酸甜的感覺這個是海王酥皮湯，酥皮焗得十分香脆，還配料一片蒜蓉包，蒜蓉包十分香。這個是紐西蘭西冷扒配薯條，薯條炸得十分香脆，西冷扒肉味濃厚，不過略嫌煎得比較熟了一點，如果比較生，會比較軟熟。不過味道也不錯！薄荷朱古力沙冰，這個朱古力沙冰有淡淡的薄荷味，涼涼地十分適合夏天，還有面頭的忌廉，很香甜最後還叫了一個腰果露溝芝麻糊，芝麻味濃厚，比較搶了腰果的味道，但還是品嚐了淡淡的腰果香味

一聽小甜谷, 當然是想起吃甜品.原來現在連正餐都有了放工就相約朋友去試試地方都很寬落很舒適餐牌除了甜品真的多了很多選擇很多款都想試, 最後決定試一試"Lobster Combo"這個餐有凱撒沙律, 份量都很多主菜是原隻鮮龍蝦尾, 和牛漢堡扒, 黑松露薯條龍蝦很大隻, 啖啖肉, 很彈牙很鮮甜和牛漢堡扒肉質很軟黑松露薯條很香脆可口這個餐還有一款意粉可選擇, 我們選了溫泉蛋黑松露卡邦尼意大利粉,意粉有很香的黑松露, 每次吃卡邦尼都怕很漏怕奶味太重, 這個味道剛剛好.想不到這裡也做到這個質素!我們加了一個小食"焦糖單骨雞翼"最愛吃單骨, 因為很方便, 每隻雞翼都有很濃的焦糖味鮮榨菠蘿汁, 很巨型, 真的原隻菠蘿鮮榨最後當然要吃甜品, 今次選了抺茶心太軟,水準仍然很高, 心太軟配上雪糕真是一流.蛋糕軟度剛剛好很滿足的一餐, 款式很多, 價錢平民價, 環境又舒適!下次會再試下其他菜式

宇治培茶白玉新地培茶味夠突出，有少少澀。玉子有部分未解凍，食到冰渣雪糕融得好快又偏甜。最底層啫喱彈牙，本身無味，但配埋雪糕食又balance翻個甜度，別有一翻滋味水果梳乎窩夫 （芒果/草莓/藍莓/青提子） 4選2 窩夫賣相好吸睛，仲用樹幹木板做碟，好襯好悠閒嘅感覺。表面灑滿糖霜，窩夫溫度夠熱，表面鬆脆，但我個人偏愛更有厚度嘅窩夫。水果份量都好多，cream佈滿成個窩夫邪惡keke 剛好冇咗芒果所以揀咗青提子 同士多啤梨，但青提子太酸，如果係芒果相信會更好味同吸引 。雪糕亦好大球，係雜莓味，普普通通。窩夫份量大 可以2個人share ，但味道未值108 嘅價錢