小肥牛火鍋活魚專門店 (已結業)

媽媽生日食佢至愛既打邊爐。Wasabi 墨魚丸：wasabi 份量啱，火辣之時又唔過份攻鼻；墨魚丸彈牙。本地肥牛：肉香，口感嫩。芝心牛丸：芝士味唔濃，但令牛肉味更特出。水餃：多餡彈牙，調味佳。水魷魚：普普通通，無特別。黑柏葉：爽口。粉腸：唔夠多粉，有點 “靱”。脆鲩片：太薄片，好似食唔出咩味甘。送既魚生雖然新鮮, 但唔鮮甜。依度既牛肉好正，但比較貴和份量少。

雖然我一向對肥牛不是很大興趣,，但小肥牛既牛肉真係牛味香濃又肉嫩。芥辣釀墨丸好彈牙，但芥辣餡唔夠辣。水餃好太隻，餡料豐富又好味。清酒黑豚肉就唔係好有清酒味，黑豚肉肉味香但有點 “鞋”。其他的炸腐皮、栗米、皇帝菜都唔錯。小肥牛既火鍋配料真係正，不過送既活魚刺身就腥腥地。

女友想打邊爐 ! 又想試吓呢間 ! 咁就同佢去啦 !大圍呢間地方唔算好大 ! 招呼都算唔錯 ! 全部用電爐 !牛肉有好多選擇 ! 我地叫左個$28標準本地牛 ! $10嘅和牛牛頸脊$28嘅花雕牛肉 ! 三寶丸(牛,墨,豬) ! 黃喉 ! 黑柏葉 ! 標準本地牛呢個價錢絕對食得過 ! 不過我果日果D有根 ! (就當有咬口啦)$10嘅和牛牛頸脊我覺得麻麻 ! 因為我食牛係鍾意有(0趙)頭嘅 ! 所以和牛太淋唔啱我 !$28嘅花雕牛肉不叫也罷 ! 鞋口又UN ! (早知叫牛肉刺身啦)黃喉好爽脆 ! 不過本身冇咩味...要靠配料調味 !丸類都OK ! 牛丸有好重嘅果皮味 !黑柏葉都唔錯 ! 都係好爽 !我地9:30入座,買三送一 ! 即四樣野以最低價錢果樣免費($18以上) !冷氣幾勁 ! 女仕記得帶外套喇 !

去開大圍,於是約埋朋友定位小肥牛,名字就響當當了,但從來未食過.今日終于有機會一試.通常呢類名氣大的火鍋店都係名聲響,實際上痲痲點知,一上樓已經感覺到呢閒與重不同,地方整潔,沒有一般火鍋店的聲浪,特別值得一提的係,臺面上的餐具,電磁爐,鍋都係新嘎食物方面,10元牛抵食28元一碟的本地肥牛味道啪得住和牛,又係抵哇,20元3支Ashahi beer,抵到爛比較差的係青島蠔，一入鍋就蠔屎，又老又靭總體來講，呢閒火鍋店good

很喜歡此店，食物好又抵食，特別係炸腐皮，新鮮炸起超好味；手打蝦滑爽口彈牙。最開心係有特價牛肩肉，$10一碟，雖然一碟唔係多，但人多食都唔錯，因為每兩個人就可以叫一碟。基本上所有的服務員都好有禮又細心，見到個爐唔太work會自動幫忙，唔夠湯又會自動加湯，真係好鍾意呢間店

為免同其他孝子孝女撞期, 早一星期訂位慶祝父親節.點知啤酒妹嚇親, 以為自己攪錯了大日子.當日真係好多一家大細似是慶祝父親節而來呢小肥牛又冇任食喎, 好彩散叫都唔係太貴.是日晚餐:- (4人份) 云吞水餃打邊爐仲食云吞確實太飽. 吃了兩粒, 好多肉....好飽..... 響鈴做得好好, 脆脆的又熱熱的. 一浸又拎番上來good!! 油麥菜新鮮, 唔好浸得太耐.... 皇帝菜新鮮, 個味好重. 大魚頭唔識食, 媽媽食得好enjoy~~ 鱔片滑, 冇乜骨. 不過一碟好少, 唔抵食. 芋絲好味道. 放入沙嗲果邊, d味吸晒 粟米好甜好新鮮, 一個人食了半籃~ 鵝肝墨魚丸好好味. 本來想叫墨魚滑. 鵝肝看上去高級了. 口感唔錯, 有墨魚粒粒. 羊肉片非常薄片, 食完唔覺係羊肉, 冇乜味. 牛頸脊特價10蚊一碟, 要了兩點.咁平仲想點??可以啦! 花雕牛肉非常硬...........唔好食總括來說都好好味, d野又新鮮.服務都唔錯, 出菜快.我地仲要了一jar竹蔗水, 好解喝

與食家來到大圍，想打邊爐不過又唔想成日去友聯，就轉去小肥牛食下﹗10:00pm來到人客不多，野都未點就先來三支Asahi是必然，20蚊三大支真係好抵飲﹗湯底為求刺激要了麻辣鍋，麻辣鍋內有齊台灣地道的雞紅、土魷魚、豬皮等在內，用料十足﹗要了十蚊一碟半賣半送的牛頸脊，上次吃肥得不得了，今次肥瘦均稱，入口牛味濃亦相當嫩滑，正﹗手打墨魚滑是小肥牛必點食物，做得相當好，膠質豐富，入口充滿彈性，啖啖滿口墨魚粒，味鮮而香，百吃不厭﹗黑柏葉質感煙韌，就是愛她那韌得扯不開的皮質口感，吸了湯頭同吃很入味﹗炸魚皮都幾大碟，宵夜時段叫三樣食物送一樣，抵食﹗雜菌拼盤咩菇都有，岩哂我呢類貪心人，一次過滿足我十幾個願望﹗生牛肉刺身只係$28，又係來小肥牛必點食物，生牛肉有其獨特的羶肉鮮香，蘸上芥辣及日本豉油同吃十分美味﹗帶點可惜的是個麻辣鍋辣得真係人也噴火，連平日食得辣既食家都話頂唔順，我更加要將食物灼完後放在水中過一過河先食到，令完美的食物也失色不少，下次來都係唔好咁貪玩點麻辣鍋了﹗小肥牛的麻辣鍋真係好堅﹗食得到先好點﹗埋單250蚊有找，不算貴，值得再來﹗

與朋友在大圍想吃小肥牛火鍋~~~但沒有訂桌~~~便一碰運氣~~~我們7時前到達~~~很高興還有座位~~~坐下除了點火鍋湯底和配料外，也要點這裏的招牌菜---刺身~~~海蝦刺身 $55上桌的8隻海蝦的蝦頭還在跟我們打招呼.......很可怕.......明顯很新鮮.....但感覺不好........蝦肉還算爽脆鮮甜~~~但太新鮮的海蝦有點可怕......下次應該不敢點了.......> <牛肉刺身$28這是另一道招牌刺身，基本上每一桌也會點~~~$28一盤~~~份量也不少~~~沾上醬油~~~牛的味道不是太濃，因還未經火帶出油香嘛~~~但清淡的牛味卻令我們一片接一片~~~湯底：蕃茄薯仔牛腩湯 $55配料：炸腐皮拼炸魚皮 $32 (雙拼價 -- 單拼價+$2)瑞士芝士牛丸拼蟹子鵝肝墨魚丸 $57羊肉片湯底材料十足，牛腩很多~~~但不知是我們煮太久還是還不夠久.......到最後才吃還是頗硬.....> <炸腐皮也是招牌菜~~~很特別~~~它本身沒甚麼味道，吃法就像炸魚皮一樣，沾一沾湯就沾醬油來吃~~~不過所需時間比魚皮還短~~~ 炸魚皮沒甚特別~~~瑞士芝士牛

之前去過其他分店食過,服務最好既,就係呢間。必食推介 ~ 牛肉刺身(似食薄身吞拿魚刺身)、特價牛(抵食)、炸腐皮(超好食,新鮮炸起,又香又脆,放落湯底2-3秒就食得)、蝦滑(足料,好多蝦肉)、生蠔(超抵食,一碟6隻)......

睇過之前既食評, 好多都話佢BOOK位時有問題發生. 但係我覺得OK喎. 我之前一日打電話去, 第一次打去既時候佢哋無人聽, 我就依照指示留左個言比佢哋. 佢哋之後就打電話黎confirm我個booking, 係到之前又打多次黎re-confirm. 我覺得好好喎, 無問題呀!嗰晚我哋準時去到, 七點可以都仲有D早, 朋友渣車去都仲可以泊到正正係小肥牛既門口! 不過坐低左一陣間就發現全滿咁濟!!湯底我哋點左最貴既魚翅湯底. 開頭我都係諗住應該都係得個名嗰D黎, 點知佢上既時候打開個湯蓋先知原來個湯底入面有成隻雞! 個湯都幾夠味, D所謂既魚翅就分開上!! 不過真係要用一次次咁整黎食, 如果唔係實搵唔番囉.其實我本身唔係咁食牛, 所以是晚我只係試左牛刺身一樣比較特別既牛. 味道OK啦, 因為少食, 其實我都唔知點分好唔好. 不過從佢消息既速度黎睇. 我諗大家都好滿意. 朋友們是牛魔王, 所以都點左好多唔同既牛肉, 不過佢哋就話麻麻, 同出面既都差唔多. 只係勝在多花樣. 質素一般. 其中有一個叫做芝士牛丸既野... 嗰D牛肉都麻麻, 不過就幾得意~~~ 炸腐皮. 上枱嗰陣見到佢一卷卷咁都

繼續是食家的生日飯，正日的夜晚收工收得夜，諗左好耐決定簡簡單單去小肥牛打邊爐﹗成10:30pm來到仲要有訂位，都要等成三個字先有得入座，真係估唔到咁鬼好生意，上到去見到其實有好多大枱都俾左0的二人三人座，睇黎佢地0的排位有0的問題，可以做得更好的﹗先來一個牛肉刺身，呢樣係小肥牛必吃之選，28蚊有成十幾片，入口味道鮮甜，廿幾蚊有0的咁既貨色很是超值，連埋洋蔥再加少少日本豉油同吃相當美味﹗今日要左個花鵰藥材鍋，0的藥材味十分之勁，淥菜同菇同齒脥留香，好野﹗10蚊碟既牛頸脊切得細條又肥又薄，雖然係特價貨不過都應該留意下質素吧﹗講真我真係唔覺呢款可以賣到七十幾蚊做生招牌﹗再要一彈係佢個咩澳洲牛，見食家生日梗係點最貴的牛吃吧，佢賣$88，賣相很一般，得五六片下面仲有0的蔬菜托底，吃落唔腍滑不特止仲要偏韌，講真個賣相同出面超市廿幾蚊包既大同小異，只係大片小小，我就唔明點解佢要賣到最貴了，差﹗要讚的是佢地既手打蝦滑，真係好香彈牙好好食，食落啖啖都係蝦粒，鮮甜味美，我地兩個打包左一粒返去俾大狗，佢一聞到已經眼睛發亮﹗吃完個十分麻麻既澳洲牛之後，意猶未盡問問部長有咩牛係最好食，佢就推介咩安格斯牛，於是又

小週末，在公司搏殺過後已經七時多了，看著晚餐仍未有著落，就約了同是沒有著落的同事一齊來頓簡單飯局，盤算著石門方圓十公里內的食肆，刪除了新城市每每餐廳外人龍不斷的情景，還是跑來大圍落落腳穩妥一點！原先想是光顧裕寶或合發，路經這裡已經見到店外一字排的人龍，但都想碰碰運氣，就跟知客小姐說，結果是仍有位置可馬上安排，更加可以馬上入坐，好彩頭！坐下來，招呼的阿哥阿姐服務相當不錯，客客氣氣，有些如擺碗放碟添醬油等的小點都服務窩心。肥牛這主角在火鍋配料裡當然小不得，分別點上手切黃牛、花雕肥牛及特價的澳洲肥牛三種，其他的如四寶丸、釀豆腐、鱔片、腐皮卷…滿檯皆是，湯底，就來個下火的芫茜皮蛋。論肥牛，好像是特價十元一份的的澳洲肥牛最為得妥，其次是手切黃牛與肥得有點過份的花雕肥牛，但花雕肥牛是經燙水一灼，花雕的濃味蓋過了牛肉的鮮味，有點得不償失；新鮮的四寶丸夠彈牙，釀豆腐是家庭打邊爐媽媽經常制作的，情意結配料，其他配料都是新鮮企理，食得放心。另外有兩個讚賞位的是一，這裡的電磁邊爐，火力夠猛，跟其他要等到望穿秋水湯底仍未滾燙的呆等真是差天共地，二是附送的小型生果盤，配上話梅粉，好味。多謝同事請客，不過價錢好像

一行十二人定了VIP 房，第一次黎大圍的小肥牛．都幾大間，VIP房都有九間．十二人點了三個鍋，三款吳同的湯底．一個雞煲翅鍋，一煲係皮蛋芫茜加一煲麻辣．間房吳算好大，不過都有兩部冷氣機，仲有LCD電視添．星期四晚ｄVIP房都full晒．大堂都好滿，打邊爐都係香港人的favourites!點了好多款火鍋料，有牛肩脊，黃喉，海中蝦，手打蝦丸，手打花枝丸，炸腐皮，蝦刺身，牛肉刺身，鯊魚脣，炸芋頭，粟米，水餃，油墨菜等．牛肩脊，幾香軟，有牛肉味，不過個人認為同沙爹湯底會夾ｄ．黃喉，好爽，第一次食．海中蝦，黎到仲係郁緊，好鮮味．手打蝦丸，手打花枝丸，好像比以前係灣仔店食那些細粒左．不過依然好咪．炸腐皮，熱剌剌，好香脆，差不多係呢度招牌食物．蝦刺身同牛肉刺身，我都無試．水餃，新鮮包，有木耳那種，幾好味道．除了飲Asahi beer外，也有試它的酸梅湯，調教得宜，不是太甜也不酸．幾開胃的．好彩呢度有電視，可以一路食一路睇＜珠光寶氣＞，very nice!

好耐無打邊爐..星期六訂位，6:00 full左，訂在8:30pm.鍋底叫最普通的鴛鴦湯底.但都可以好好味..食物新鮮...尤其是蟹子墨魚滑、雜菇(很多款)、付皮卷、大大粒蝦既雲吞..好滿足呀~!環境: 人多了一點，迫了一點.我諗人多book房會好d.服務: 成日有人來想收碟..同埋好殷勤加湯..價錢: 中上啦..好似貴小肥羊少少

星期一，一家七口走去試下這一間有無葵涌果間咁好吃啦~~我地一早訂左位，仲比間房我地添~~一按掣就有services，要讚既~~不過d野食就麻麻喇~~1. 鵝肝墨魚丸: 鵝肝超騷，有幾粒搵唔到添~~2. 雜錦刺生: 真係好難食，尤其係果個所謂海螺刺身，好似咬膠咁~~3. 芝士牛丸: d芝士我差d搵唔到，仲要無芝士味既~4. 10蚊碟牛肉，太薄同太細喇，淥完都無咁半，根本都好似無吃過咁。四大失望，我唔會再去沙田分店囉~~