小蜂兒 (南豐紗廠) (已結業)

叫咗杯士多啤梨優格茶，飲品完全冇味…另外，兩位店員嘅服務態度亦都係極差。最後咪臨走拎嘢飲嘅時候，仲要掉飲管。唔要求要好好禮貌，但至少都唔好咁差🙏🏻貼錢買難受就係哩啲

伏到上天花板其實都有一排冇寫食評，仲要係負評！因為唔想有人中伏，相信明眼人都睇得出係咩質素🗑️🚮溝水、又冇味🤮四月有紅日假期，帶狗狗去南豐食吓嘢影相，路過見佢哋有廣告牌話「天然」「手工」「果菜汁」，幾靚㗎…張相！我仲諗住$38杯都值得試吓呀，order咗杯「羽衣甘藍、蘋果、蜜瓜、哈密瓜」，一望真係嘩一聲！手搖飲品價好心比返少少heart，好想講你哋廣告牌張相同我收到杯實物真係可以被告商品說明條例。

一有時間都會行吓南豐紗廠，特別係有好多唔同主題嘅市集會係假日時間舉行，行行吓覺得口渴，於是乎就入咗一間水果茶鋪頭，試吓買嚟飲吓，順便可以解渴！今次就叫咗杯士多啤梨優格茶，另外仲揀咗蘆薈同四季春茶！由於士多啤梨嘅都幾甜，加埋乳酸味又幾夾喎，因為又酸又甜嘅口味都幾唔錯。當中仲加埋四季春茶底，四季春有好香嘅茶同回甘味，一路飲仲可以食到蘆薈同士多啤梨粒添，好有口感！

位於南豐紗廠大門一入位置就見到好搶眼💕有別於一般既台式手搖，應該話比較港式，款式都好多選擇😳另外仲有多款燉湯tim~我自己最鍾意就係🍉『西瓜觀音冰』，因為佢真係打到有少少沙冰+西瓜肉既口感，夏天啱晒。另外🍊『蜂盛橙子綠』我都係經常會買，橙味新鮮感覺好fresh，入面仲有塊橙肉好甜。份量都幾大杯抵飲🤤，有個小體貼位係杯蓋有個塞仔，你一路行街周圍擺都唔會漏瀉出黎～買完坐響出面d櫈chill下影下相都不錯。

今日經過天氣又凍，所以叫杯熱飲試下，姜味濃，姜味中有點檸檬既味度，甜度剛好，里種凍天氣飲杯姜茶特別溫暖，之前飲過其他飲品都幾好，員工又有禮貌而且好快手，下次經過會再幫襯下里間小店👍🏻

鍾意清新嘅飲品🎐，好多人都會揀水果茶🍍。呢間位於 #荃灣 南豐紗廠🏭嘅手搖舖頭，佢嘅茶底真係沖得好好♨️。無論係喺荃灣附近返工💼、或者週末去南豐紗廠打卡📸睇展覽嘅朋友，都唔好錯過🙋🏻！🍊蜂盛水果茶(鐵觀音, $35)茶底沖得啱啱好🍵，有茶香味同時唔澀，自然甘香💕，冇香精假味。配埋百香果、西柚、橙🍊嘅酸甜味道，好清新🍃。🍓士多啤梨優格茶(蘆薈四季春, $40)士多啤梨嘅甜味🍬，同埋乳酸味真係好夾🍦，酸甜味道互補，而且同茶香味好平衡🍵，令到整體味道豐富立體😍。仲可以食到士多啤梨乾同埋蘆薈👅。🍑蜂盛蜜桃(蘆薈鐵觀音, $35)蜜桃嘅果香味😋，同埋甜香味，都同茶底好夾👍🏻。建議可以嗌少糖，令到甜味、茶味、果香味⭐️三種味道都平衡。🍍蜂盛菠蘿(四季春, $35)菠蘿酸酸甜甜嘅味道🤤，同埋茶香味好夾🍵，而且冇澀味，飲得出茶底嘅沖泡過程做得好好🤩。

終於可以放假黎南豐紗廠同個哈哈笑打卡，天氣麻麻，咁就搵個室內場天氣chill 下，呢間係正門口位置嘅睇落幾乾淨，menu 真係有好多選擇，店員都幾友善，最後選擇困難症嘅我嗌左杯士多啤梨優格綠茶，（仲有紅茶/鐵觀音揀），個賣相唔錯喎，好適合用黎打卡, 加左蘆薈有啲咬口，沙冰yogurt加埋啲士多啤梨果肉，甜度適中，黎緊凍啲仲想試下啲湯水同熱飲。呢到真係好pets friendly, 可以一路行一路同狗仔互動。

嗌咗杯蜂盛蜜桃綠茶有椰果，想轉珍珠無得轉，平時多數台式嘢飲舖頭有得轉，加上收銀職員態度唔係太好，但見南豐紗廠好似得番呢間嘢飲舖頭，同見都多人飲就當試吓點知成杯嘢飲無茶味無蜜桃味，飲落似糖精加清水，全部味道都夾唔埋，都飲過好多唔同嘢飲舖頭但呢間係第1間覺得難飲到咁，朋友試蜂盛西柚差唔多半杯係白色泡，我哋各自覺得自己杯嘢都好難飲，價錢仲要唔平，最後$35飲得幾啖就掉咗，完全唔明點解基本茶款都可以沖得咁難飲，第1間飲到要上嚟俾劣評，真心建議可以唔洗試

同同事去試下，買左牛油果茉莉綠茶，拎左見到勁多碎已經覺得唔對路，佢係用生牛油果直接榨汁，零牛油果香，生都可以用，伏到喊，成陣臭青味，擺低半個鐘變埋色，色都變埋，成杯倒左！（同事個杯都好難飲，香芋燒珠豆奶茶都好難飲，奶茶都可以難飲到甘，好似細細個用粉溝出嚟甘死甜無茶味）

點了一杯蜂蜜水果四季春加馬蹄珍珠少甜，一杯水果鐵觀音加馬蹄珍珠走甜。但茶完全冇茶味，無論走甜定少甜竟然都比一般甜，唔知落錯單定根本不理會。而且水果茶的味道似香精。最反感係馬啼珍珠，知道唔係一般珍珠，但都諗住試吓。雖然有啲似爆爆珠，但味道同質感更係出人意表咁難食，嗰種感覺似食魚油丸時咬穿咗既感覺，有啲反胃🤢！飲咗幾啖，已經要放棄，決定浪費😞！依家諗起都仲有作噁既感覺。收銀員態度差。等候時間尚算可以。

今日去左南豐紗廠chill係門口見到間台式飲品店,小蜂兒, 裝修係水泥文青風, 牆上仲有D文青字眼, 幾精緻, 小店除左有水果菜, 冷泡茶, 仲有優格茶揀我地就叫左2杯飲品, 包括別榴戀觀音冰,同蜂盛蜜桃茶, 觀音冰系列既名都幾有心思, 一打開超香榴槤味, 小店用左馬來西亞D24 榴槤, 同鐵觀音做茶底, 打成綿蜜既沙冰, 茶底同榴槤融合, 飲落香濃幼滑, 榴槤味更出👍另外, 蜂盛蜜桃茶, 比較清香我就揀左四季春茶, 茶底香濃, 仲有蘆薈配料, 增加口感😋

🥚蛋美近排差唔多一個禮拜兩杯手搖🥹南豐紗廠本地小店專賣水果茶飲🤍勁真材實料下次要飲豆乳茶‼️🥺.1️⃣果菜汁 - 羽衣甘藍、蘋果、哈密瓜(💰$38)我見個個都買茶飲😹😹想試特別啲嚟杯果菜汁！冇額外落冰落糖好健康👍🏻其實好彩係咁🥹原本呢個組合天然果糖都好夠🤍😛飲落甜甜地又有果肉蓉🫶🏻✨個陣邊行邊飲行咗幾個字已經飲完🥹2️⃣牛油果青瓜汁(💰$35）呢杯組合幾得意所以叫咗😛本身鐘意食牛油果😛呢杯相對質感輕同清新🫣唔鍾意甜嘅話又想清清地可以嗌呢個～.額外就係呢間飲品有賣本地文創作品🤍開喺南豐有佢嘅意義係到🤍大家都可以等飲品嘅時候望下✨.📍小蜂兒 (南豐紗廠) (荃灣)荃灣白田壩街45號南豐紗廠地下G12鋪🤍.#蛋美在荃灣 #蛋美在葵涌 #南豐紗廠 #水果茶 #台式飲品 #手搖 #香港美食 #荃灣美食 #手搖飲品 #水果飲品 #鮮果茶 #草莓牛奶 #愛玉 #蘆薈 #奶蓋 #奶蓋茶 #鮮奶 #拿鐵 #新地 #奶酪 #雪糕 #甜品杯 #豆乳 #果菜汁 #台式飲料 #香港奶蓋 #仙草 #香港手搖 #lemonmediahk #lemonfoodiehk #beebtea__themills

一入南豐紗廠就會見到呢個鮮果茶店，有必於一般台式飲品。會見到一堆新鮮生果係店面。🍹蜂盛奇異果鐵觀音 $35+$3 蘆薈 ，走冰少甜見住店員拎新鮮奇異果🥝切，蘆薈爽口，鐵觀音正常，700ml幾大杯。📍而家買「蜂盛果茶系列」有豚肉窩貼香港鬼怪百物語嘅貼紙送，貼紙後面原來係coupon。

是日去左南豐紗廠睇狗仔，睇到咁上下，小🐝兒台式飲品店試下先 南豐紗廠文青地方，茶飲店黎講價錢合理，仲要系大杯裝添呀😋芒不了優格茶 四季春$40芒果系列，酸甜芒果加上清爽四季春，完美比例的融合，喝的到順口茶香味又有芒果泥加上乳酪，真材實料坊間少有乳酪系列，頗為特別👍🏻蜂盛雙莓鐵觀音$35解渴一流，藍莓+士多啤梨🍓組合，雙莓清甜帶少少酸，口感入口爽滑，茶業香氣濃郁，帶一絲絲回甘🥰整體南豐紗廠系文青好去處，好多手作，假日有市集，仲有狗仔🐶，貓🐈，連平日少見到大狗品種都會有，半日休閑時間好去處🫶🏻📍 小蜂兒 (南豐紗廠) (荃灣)荃灣白田壩街45號南豐紗廠地下G12鋪📍 南豐紗廠荃灣白田壩街45號位處荃灣柴灣角的南豐紗廠，毗鄰港鐵站，沿行人路及有蓋天橋步行即可到達。

🧋別榴戀觀音冰 ～ 雖然平時鍾意食榴槤，但飲榴槤都係第一次，榴槤肉加上鐵觀音拌成沙冰，每一口吸下去都有榴槤香，幾特別喎。🧋 蜂盛水果茶 ～ 有西柚、橙、檸檬、西瓜、青檸和百香果 材料十足， 選擇了四季春茶做底茶，茶味甘甜且易入喉配上新鮮水果好夾，飲完仲可以食哂d 水果。🧋 原味燒珠豆奶茶 ～ 謙謙對燒珠好好奇，豆奶本身又係佢喜歡的所以就選點呢杯滿足下佢， 燒珠口感似蒟蒻帶點Q 彈，豆奶茶味道唔會過濃岩哂謙謙。係南豐紗廠行到累嘆返杯都唔錯。