小越南 (已結業)

曾經，我愛得這間小越南愛得要死，一個星期吃過三次，和當時的女友吃得高興，很記得這裡的大頭蝦，美味非常。 近來你有睇開我文章，都知道我去完越南後，染上了愛上牛河的習慣，想起吃什麼餐廳，都會立刻想起，Pho。 有一天，跟人談起美孚美食，就想起這個從前的美孚最愛餐廳，小越南依舊，人面全非，這裡生意像還好，從前的女友，你好嗎? 今天太夜了，沒有吃什麼特別野，吃個pho便算，和朋友一人一個餐。 朋友點了的札肉粉，她說沒有什麼特別，扎肉切得很薄，湯太清，說真，我覺得和從前吃過的距離很大，在我印象中，小越南太好了。 然後，我當然吃生牛肉河，可能吃過太多的牛肉河粉都是非常精美，但這碗我實在不太欣賞。 飲一口湯，是味精有點多，我飲不得用牛肉牛骨煲出來的鮮味，只是行行交功課。 配菜沒有太多薄荷葉，洋蔥 蔥，辣椒等等，有大大舊的蘿蔔，配過湯，還是有牛河的味，只不過，太普通。 蘿蔔好硬，完全和牛油貌合神離，似離婚或分居的夫妻。 河粉就完全沒有什麼特色，不會掛湯，又不太融合成個牛河的形象。 牛肉就太細件，同埋過熟，而且牛肉也不是什麼美味的貨色。 說真，吃到這裡，已經很失望。 另外點了兩個點心，雞翼和越

屋企近meifoo而且openrice上面又有人recommend呢間小越南叫左個咖喱牛腩飯 味道唔錯 辣度亦適中剛剛好唯一失望ge位置就係等得耐 而且鋪頭裡面無咩人幫手order價錢我覺得ok 所以應該會有nextime！

去開美孚， search到呢間小越南，見openrice多介紹，又係u magazine 推介，特意品嚐一下。香茅豬扒飯，ok啦，豬扒好食，但未算突出。拼盤$88，雞翼，蒸粉包，春卷，蔗蝦，扎肉，各2件，整體都好味，特別係蒸粉包，但呢個價的確有點貴。坦白說，雖然好多人，要等位，但呢度既越南野未至於好突出，下次未必再嚟。

我們叫了一碗火車頭河粉，那河粉麻麻哋，太大條唔夠滑，裏面的牛腩也很硬，牛筋，牛柏葉及牛肉就ok. 另外叫了一碟香茅牛肉飯加小食套餐，問他們可否加飯，他們說可以，可是來到後那碟飯很少，好像普通飯的大小，連埋小食那碟飯要＄74，但吃不飽，物非所值，不會再來。

一向好少食越南菜，今次同朋友、老公同仔仔一齊去試呢間既晚餐，我地6點半去到唔需要等位。位置：餐廳地點唔算難搵，不過我揸車去，搵地方泊車就同餐廳地點有距離，泊好車都要行5-10分鐘。 環境：店面外觀好簡潔，內裡坐位都唔迫，不過燈光同佈置都可以再優化點，例如全白光燈可改用部分黃光，感覺會舒服點同warm點，牆壁有點冷清，可加一兩盞壁燈，感覺會格調會有所提升。 服務：員工都很貼心，見我有帶bb，就安排我地坐卡位，我未點食物先要求要溫水開糊仔俾bb亦很有善。用餐期間開始多人，我地分數次加菜都唔需要等好耐，食物溫度亦很好。 食物：1）越式拼盆- 我地叫既係2人分量，有香茅雞翼、蔗蝦、越式春卷、札肉、粉包 個人最喜歡春卷，香口，鬆脆。香茅雞翼都好味，蔗蝦有點咸。 2）蒜蓉包- 好香，一上菜已經香味撲鼻，入口都ok，係既脆且軟，不過食1件已經好夠，多食會覺得咸。 3）牛油雞翼- 呢個話得係招牌菜就當然要試下啦。果然抵讚，好味！蒜蓉夠入味，牛油香都好出，送啤酒一流 4）黑椒鐵板蠔仔- 呢個配蛋炒既蠔仔送飯一流，蠔仔份量都適中，不過就係黑椒多左，而且集中埋一堆，要自己減走少少黑椒先ok 5）越式金不

今天約了我的好閨蜜和嫲嫲去試這間位於美孚隱蔽角落的小店～店舖外裝修得很簡潔。係店外等位期間見到餸藥選擇都頗多的而且價錢都幾親民！🙈最後我們仨就選擇左以下幾個菜式👇🏼👇🏼-越式菠蘿蝦膏海鮮炒飯-小越南焦糖薑雞翼-小越南香炸大頭蝦-越式魚露香茅炒蝦-牛油蒜蓉焗帶子-三杯越南特色飲品第一道：越式菠蘿蝦膏海鮮炒飯-這是特別點俾嫲嫲享用的⋯老人家始終都要有米落肚👀店家都俾足料落去炒喎！而且菠蘿不是用罐頭菠蘿喔！因此，炒飯入口有少少酸酸甜甜，配埋時令海鮮，感覺都幾開胃！👍🏼第二道：小越南蕉糖雞翼-我們沒有點佢呢度個「招牌雞翼」反而揀左佢，原因係貪佢個名幾特別！果然，佢冇令我地失望。雞翼入口有點似薑醋，即使食三隻都唔會好膩。我覺得都幾特別😍第三道：小越南香炸大頭蝦-睇到餐牌覺得賣相吸引而點的！切開蝦頭位勁多蝦膏喔！蝦肉蘸少少蝦膏入口彈牙而蝦膏又鮮甜⋯正呀！😎第四道：越式魚露香茅炒蝦-這個簡直是「一級棒喔👍🏼」隻隻蝦都大少適中，炒嘅火喉又鑊氣！所以蝦肉入口爽脆，當中仲夾雜惹味嘅香茅、魚露嘅香氣，真的令人食指大動😋第五道：牛油蒜蓉焗帶子-可能剛才食了魚露炒蝦，所以感覺帶子好像有點遜色😶不過，值得一提嘅係

別以為美孚沒好東西吃, 秘製牛油蒜蓉雞翼($61)超好吃!雖然$10一隻很貴… 但保證好好吃，而且人人來到都必吃! 蒜蓉超多，好香口! 炸雞翼脆卜卜，牛油香得離遠也聞到呢~三寶湯河(札肉、雞翼、豬扒河粉) $55雖然這個同樣有雞翼(2隻)，但味道差很遠。札肉和豬扒味道都不錯。炸春卷湯河($50) 春卷香脆，皮薄，餡以素菜為主，爽口。可惜只有2條春卷，份量有點不夠啊。$166/2人份量的晚餐，不算貴啦!

小越南秘製牛油蒜蓉雞翼($61)好吃﹗雖然很貴，但味道令人回味。以牛油炸成的雞翼香味十足。蒜蓉鋪滿雞翼，吃到碟底仍然有滿滿的蒜蓉，最後我當然把蒜蓉清光啦﹗三寶湯河(包括札肉、雞翼、豬扒) $55，味道不錯，札肉彈口，特別好吃。可是，粉量較少，男士吃不飽呢﹗炸春卷湯河($50) 春卷脆卜卜，皮薄，炸至鬆化，餡料爽口。粉量同樣太少，這一點需要改良啊﹗整體來說，價錢中等，味道不錯，值得再來。

蒜蓉包($28) 得4片薄片 我好服你整得出又收我咁既價錢。而且4片可以不同樣， 有兩片空了了，有啲啲牛油就攞出嚟上枱。拼盤($87) 薄片札肉， 小春卷， 攞唔起既庶蝦， 同蒸粉包各2件。當中蒸粉包粉皮“梗”既， 春卷可以炸到半梗半脆， 庶蝦 條庶細條到一攞上手會攣既， 札肉有怪味仲又薄。我真係食到反眼。😩😩😩仲有個蝦柚子沙律 ($79)。 成碟都係泰式木瓜。講明柚子沙律，總之睇相就知， 成碟都無一注柚子。 咁慳呀…蒜片， 花生碎都得少少。比佢搞到碟沙律無里文味。蝦係白烚開邊， 所以可以想像碟沙律邊有味。雖然平均每人食左只係$65。但最掃興就係食到呢啲“隱世小店”! 伏了，我回家路上就即刻寫低， 希望早啲比大家參考。

睇完食評去試吃了1） 3寶飯 $552） 黑糯米椰汁 加$113） 細冬陰功湯 加$17飯好硬，豬扒得3小塊，雞亦扎肉味道ok椰汁還好湯就過辣，味道一般（之前就見其他人話好飲，覺得言過其實)不會再幫襯，side 了時間專程來吃此鋪地點難搵，搵了20分鐘才搵到

大家食友，帶bb千其唔好入呢間小越南。服務員態度冷落，唔歡迎bb。就連bb車的位置都話阻路。好似美孚得區一餐餐廳一樣。以後咪幫襯呢間野。黑口黑面，欠你好多錢咩，粉腸

唔講真係唔知有間咁好味嘅越南餐館，是晚來探朋友來到美孚，順道一齊食個飯，一班人連同bb一齊黎到小越南，店員十分好人安排左旁邊沙發坐，雖然得四個人但拍埋左六個位比我地，佢話佢都明有bb需要好多位擺野，真係又細心又有禮貌，十個讚 點菜又朋友拍板，大家都好客氣叫左好多野，一個二人套餐再散點了好幾樣小菜，大家share試下 冬蔭功湯河，越南餐廳的冬蔭功得唔得？絕對得！一上枱香味已經湧埋黎，湯清不油膩，酸辣度適中，濃濃的海鮮味同香葉味，好味到無野好講。河粉彈牙掛湯，配料很多，有大蝦，蜆肉，魷魚，雜菌等十分豐富，滿滿一碗大滿足，一枱人都讚不絕口 生牛肉湯河，黎越南餐廳點可以唔叫招牌名物，呢碗同樣無令人失望。牛肉下得很多，而且用上靚牛肉，牛味濃又有嚼勁，非一般用凍肉舖肥牛沖當的劣貨。湯清晰不混濁，喝得出用了不少心機去熬湯底呢，濃烈的牛骨，蘿蔔味等，仲有冰糖同香葉味，咸甜鮮通通都嚐到，味道好平衡，非常正！ 二人餐的小食要了越南札，肉質鮮甜爽口彈牙，啖啖食好正，大家都搶住食呢。二人餐還有炒菜一碟，選了馬拉盞炒芥蘭，炒得火候十足好有鑊氣，味道濃烈好惹味，而且不過油，抵讚！點了餐廳的招牌小食牛油雞翼

今日去咗試“小越南”。離開咗加拿大之後，好耐無食過越南粉，成日都好恨食。不過今日食嘅唔係牛肉粉，只係香茅豬扒湯粉，另外加咗越南春卷。仲有點咗餐廳好出名嘅牛油雞翼。豬排湯粉好香甜。河粉粗幼適中，同以前食過嘅越南河粉差不多。豬排其實無乜香茅味，但係味道算唔錯嘅。越南春卷個外皮好脆卜卜，而且裡面嘅餡熱辣辣，材料都同喺加拿大食過嘅味道一樣。有肉絲，粉絲，等等。因為好味，我食得太快，無特別留意裡面有啲咩。最後到雞翼啦! 未食已經聞到好香啦! 熱辣辣，外面超級脆卜卜。炸漿一啲都唔厚，一咬落去超級重嘅牛油味，全部入晒去雞翼裡面。唯一我覺得麻麻哋嘅位就係個碟底好多牛油盛喺度，會覺得油淋淋，但係食果陣唔會有咁嘅問題，只係去到第就會怕底果啲索晒啲牛油。其實我覺得真係好好味，只不過價錢如果可以平返啲就好啦。

今日又黎到我至愛既越南菜之一食LUNCH啦, 仲帶埋呀媽添. 有感遲D都會少係呢頭出沒, 有點依依不捨. 我今日叫左, 想食好耐既咖喱牛腩飯 (因為之前驚喉嚨痛), 呢個咖喱拍得住翠華, 咖喱香得黎唔太辣, 夠惹味, 個醬汁濃度又剛剛好, 用黎撈飯一流! 另外佢D牛筋腩又夠腍, 炆到好夠味, 正呀!!!阿媽就叫左我平時最鐘意食既香茅豬肉湯檬, 豬肉香茅味足, 肉質夠鬆, 不過可惜今日有少許燶, 而佢個湯真係飲極都唔厭, 個湯用左魚露, 金不換去餚製, 我每次都飲哂咁劑另外叫左兩款小食, 香茅雞翼, 呢個味道乎合預期, 始終唔及佢既牛油雞翼做得咁出色媽媽每次都要叫呢個蒸粉皮, 皮唔太厚, 香米味, 裡面既餡料包括蘿蔔,雲耳, 菇, 肉碎調味恰到好處, 加埋勁多酸醋一齊食, 正呀~

4:20要等半小時才可取餅，行2步去食碗粉+咖啡。叫左個下午茶套餐+滴漏咖啡.下午茶餐都好似幾多野，春卷一件，越式米網紙己經放涼，所以吾脆口，仲潮了走氣，所以痴牙，加上索左D油，更加難咬開，要用D力，有D尷尬才咬得開件春卷，個餡有D微溫，但食吾到係D乜，也無乜味，所以只係知係度咬米網紙皮! 粉包一件，粉包包皮算薄，也夠滑，餡料有菇有肉，鮮味夠，吾油，加埋上面的炸蒜，香口惹味，口感層次豐富。香芧雞亦一件，雖然放涼，但炸得透，外皮脆卜卜，內裡肉汁豐富肉質嫩口，真係外脆內軟，惹味可口吾肥膩。仲有碗細細嘅香芧豬扒朦，朦粉一般彈口乾爽，香芧豬扒薄薄一塊，肉質鬆軟吾嚡口，整體酸酸地夠醒胃，加埋生菜絲丶炸蒜，口感層次豐富，有口咬，舌頭和胃也大大滿足。另外叫個越南滴漏咖啡，咖啡味夠香夠滑濃郁，杯底練奶中和了本來強勁的咖啡，變得啱啱好，女仔飲微甜，又保留原有咖啡香。