尚廚

營業中

休息中

5月30星期六去食過，548另加一,85折之後都要五舊幾水一個人，真不值呢個價錢!與圖片不符，有欺騙成份，無生蚝，無煎鵝肝，龍蝦限量供應，我半隻都食吾到，鮑魚手指尾咁大粒!太小家了!三百蚊都嫌貴!小心吾好中招

疫情穩定下來的自助餐自從要戴口罩之後好耐冇食過自助餐，呢間酒店5月9號開始有返週末自助餐。Search過發現週末午餐用左Openrice八五折之後先$320就Go Go Go ....✅正常地佢都會幫每個客人量體溫先入座、同以前一樣嘢食自己出去拎！全日最期待就係海鮮、佢有長腳蟹同龍蝦任食（龍蝦係因為冇生蠔先會出現），另外仲有黃道蟹真係好似麵包蟹同埋蝦仲有螺 ⋯ 我淨係想食海鮮所以都幾滿足。不過食到一半長腳蟹越嚟越咸、其他海鮮都不錯，$320有咁多海鮮已經好開心！✅熱食就比較一般，基本上唔吸引。原本見到一大鑊泰式牛丸牛雜好吸引、點知食落全部都唔好味，D牛丸似牛筋丸非常麻麻而啲牛肚又唔夠入味食完一舊冇下次。西湯係忌廉蘑菇湯但難飲既、反而中湯係椰子雞好香！試咗一舊燒鴨都唔錯，其他熱食真係冇乜掂因為唔係炒意粉就係炒飯 ⋯✅最後甜品都有好多雪糕而且拿破崙芒果好新鮮幾好味！如果為咗海鮮我會再嚟、但熱食佢哋真係做得好弱希望可以好一D。員工收碟都快但唔知係咪戴咗口罩所以一句說話都唔想講，記得以前食Dinner Buffet都幾有禮貌同客有交流、今次反而門口Receptionist態度好過裡面侍應。

又到我哋既紀念日 近近地就去左尚廚食自助餐🍽個晚都好多人 坐到full哂 一坐低就去拎海鮮啦 都尚算多選擇 不過蝦就唔太新鮮😯 其他菜式就正正常常啦 無話好特別有一樣memorable甜品反而幾好 tiramisu好正👍🏻不過sweet既係 多謝男朋友既surprise🌹

住附近，唔想行咁遠，試試。失望😔中位價錢，低質服務，食品一般。當快餐hea 食下，還可以。用低價蠔作招徠，的確係平，迷你蠔仔冇咩味，0期望去試下係得既。侍應態度差。

我無乜寫過食評，但今次真係要分享下，希望唔好再有人中招。 *從未食過咁難食嘅自助餐* 有圖有真相。。。垃圾，真係無樣野放得入口，肉干憎憎無味，海鮮唔新鮮，西瓜無味，菠蘿生outout酸到即吐出嚟，甜品差，服務態度更加唔想講。收得成千蚊，真係無乜理由俾d咁野客人食囉。燒牛扒酸酸地，鮑魚橡皮又無味，連揀無可揀食條腸仔成陣雪味+咸到苦，我真係想問問到底d食物係咪過左期，以後都唔會再去，咁大間酒店，真係估唔到可以差成咁。

今日老公生日，我地膽粗粗咁去食buffet，係呢個疫情下好多間酒店都無開buffet啦，而呢間近我地屋企，又有折扣，就過黎試下！今次食buffet你香港好似放題嘅方式去食，侍應會俾張點菜紙我地點野食，之後再由侍應拎俾我地食，我覺得咁樣幾好，夠晒衛生，不過相對侍應就要走黎走去，好辛苦。呢度既野食都幾豐富，有新鮮既海鮮，有蠔、蟹腳、田螺等等。而三文魚都幾肥美，不過熟食就中規中矩，而甜品都幾好食，拿破崙最出色。最後我老公都好滿意今次嘅buffet，可能因為太耐無食。

一家七人本來係諗住食團年飯的，最後選擇了哩間自助餐廳離屋企近的就阿媽，點知宜家啲食物勁差，本身有七個燉盅的，點知拿著4個其中一個係已經酸臭了的，難為我妹夫試了一大啖，叫了部長過嚟，聞完仲死撐冇問題，叫佢自己試飲又唔敢，最後拿走換咗一盅，點知去到最尾結果係阿媽、妹夫同我老婆中招⋯⋯又屙又嘔，搞到大年初一去睇急症.......真係勁失望😞之前都一直有幫襯開嘅，記得冇咁差嘅，但係經過今次慘痛嘅經歷以後都唔再幫襯

佢食物種類👌🏻ge, 燒物不錯，但係啲態度有啲奇怪lo. 我們訂枱時已經表明生日，佢哋話明生日有生日蛋糕送，入座時話會一陣送上，但係個一陣係到食完餐飯（around 9:00) 都未送到黎，於是問職員，佢竟然同我哋講話「送曬」😒😒 訂枱時都已經講明，咁照道理都應該會有。咁都算la！可惜我走個時去到門口再問reception，佢竟然同我講話「咁我入去攞返俾你」😦 咁即係話唔係冇la，而係唔想拎😡 真心o曬咀 所以依間唔會再有下次😡

今期主題係蟹！果然真係好多冇呃人、週末同埋閒日 Dinner Buffet 差$40，但係週末有龍蝦所以 Book 星期日。OpenRice 訂枱有八五折大約$540一位 ⋯ 鍾意食蟹可以回本。—————————比較以前熱食少咗好多、但係冷盤海鮮供應充足 ⋯ 開邊龍蝦、龍蝦鉗、麵包蟹同埋一款好似加菲蟹同毛蟹大量任攞。長腳蟹好咸但大舊肉、生蠔好細隻但味道正常仲有螺同埋蜆！—————————魚生切得好樣衰但味道OK週末仲有帶子同紅蝦、坐低每人一張卡可以換燉湯應該係椰子響螺煲牛奶。仲有粉麵檔姐姐態度好好、可以自己揀羊架、豬腩肉同埋牛扒比佢即燒送到去你個位 ⋯—————————熱食好似有炒伊麵、蒸魚、乳鴿同埋燒味，依家諗返好似乜飯都冇、仲有一啲中式炒蟹或者炒辣蝦另外有中湯西湯沙律同埋甜品。今次主要食海鮮所以都滿足！—————————檸茶奶茶自己沖亦可以提早要求寫生日字喺碟、不過啲字體中文就 ⋯⋯⋯⋯⋯整體上都食得開心、員工態度都好好，鍾意食蟹可以一試！

We made the reservation via Openrice and got a 25% discount, it only cost $430/ person, including 10% service charge!  Given the variety of food and quality, it was a great deal!  The theme for December was "crab" and there were really at least 6 cold and hot dishes of crab.  There were also unlimited supply of oysters.  Sashimi was less attractive though.  They offered more than 6 choices of special flavoured Hagen Daze ice cream.   Service was acceptable.  Last but not least, I heard mostly Ca

刺身尚算新鮮，係由師傅即切雪味重，基本上係無味嘅~冷盤海產之中，呢款黃金螺品質算係最好蜆，無味之餘，每粒都有沙...黃金螺、青口、蝦都屬正常蠔係即場開及用水沖洗過，可惜算幾細隻，無乜味，失望即點即煮粉麵燒牛肉&羊肉，只屬一般香港人應該唔會食嘅小龍蝦中、西湯各一，只試咗中湯，無味精，好飲！熱飲，如檸茶、檸水、自助咖啡機，另有凍飲係有侍應即沖甜品種類都幾多，當中竟然有已經好少見到嘅龍鬚糖！雪糕係由職員舀，有七款味可揀，個人認為最好味係日式焙茶&士多啤梨朋友生日(訂位時通知酒店)，有一件蛋糕送，雖然味道一般，但呢個服務係加分嘅~三歲或以下小童免費，訂位時通知酒店，會安排兒童位，有BB櫈、兒童餐具及填色用品，算幾貼心自助午餐供應時間為中午12時至下午2時30分-凍海鮮包括即開生蠔、青口、黃金螺、白蜆、熟蝦；逢星期六、日及公眾假期供應松葉蟹腳-四款刺身、六款壽司、沙律吧、八款頭盤、中西餐湯、各式主菜、龍蝦薯仔沙律、西班牙烤雞、參巴小龍蝦、即煮意粉檔、即煮粥檔、叉燒煎蛋飯檔、鐵板燒、及十多款甜品-七款口味的Haagen-Dazs雪糕及朱古力噴泉$193.70 (原價65折)+$29.80 (原價加

生日有小蛋糕送，安排位置0k。款式不多，但算好味。不過不失的選擇，交通便利，將軍澳地鐵站一出就到。飲品方面要改善，尤其茶方面要改善，沒有增加茶葉，茶色很淡，無味。

星期日，一家人去左食自助餐，地址位於將軍澳九龍東皇冠假日酒店。Book左6點半，準時到達已經見到有好多人排隊拎緊野食啦，現場有90%的枱都坐滿人，好旺分享下今次食左D咩先長腳蟹多肉鮮甜 👍🏻生蠔要排隊拎，不過師傅即開都好快，每次每人限拎3隻。雖然細細隻，不過係好鮮，海水味濃仲有蝦同青口係紐西蘭青口 肉質比較甜刺身都係好新鮮 熟食最正係呢個「咖喱蟹」必食首先隻蟹有好多膏，加上呢個咖喱煮法，無得頂呀食左兩盆蟹🤭另外都有鮑魚仔，同海參串燒區有羊架入場每位會有個湯卷，每人一碗花膠湯整體來講一家人去滿足晒所有野

今日預早慶祝囝囝生日，book咗將軍澳皇冠假日酒店尚厨食Dinner Buffet，有85折Couple每個人折咗都要五佰幾，人哋話週圍的Buffet平咗，但將軍澳區，佢都唔算平，但希望有啲驚喜。當6:30開始食，攞嘢食條龍好亂又多人，因為地方細，攞食物地方一排過，攞沙律又畀攞海鲜的人阻住，場面好混亂。枱上有幾張card話有啲食物轉頭有服務員遞畀你，order個類似龍蝦海鮮湯，等咗20分鐘都未有人攞嚟，出去問阿姐仲要等幾耐，佢冇幫我睇，一味話轉頭攞過嚟，等都甜品都食埋，最後有個黑衫的經理遞碗海鲜湯嚟，試一啖係凍，問番佢哋，厨房阿叔話放咗好耐冇人攞，所以就係咁的一吐氣，食物冇水準，服務又差，以後都唔會去。

和一班工作上的姊妹去食buffet lunch, 食物款式非常迎合香港人口味，衛生乾淨，唯一有少少缺欠就是甜品種類不及其他酒店的多, 整體而言, 我的評分是水準達標, 可以“食過番尋味”！