尚膳養顏滋補鍋

營業中

休息中

旺角相當多火鍋，今次呢間大大力推介，服務好好嘅尚膳養顏滋補鍋！就近旺角e出口，一上電梯就望到。坐低就掃Code落單，好多都好吸引嘅野食！湯底就叫左酸菜白肉鍋，好快就黎到，我估唔到有咁大煲！除左鍋入面本身既酸菜白肉，另外仲送勁大碟肉，$128真係抵。底仲有寬粉，同湯底好夾。其他配料方面，鵝腸值得推介，清得乾淨又爽口。蟹柳響鈴，幾特別，脆炸口感配上軟綿蟹柳，係其他餐廳都未試過。推介四色餃子，包得靚，皮薄，足料，每款餃都好飽滿，正。到重點既牛肉，我叫左手切牛肉同牛胸爽，呢個價錢配既份量都好足。牛味濃，牛胸爽淥7,8秒就得，咬落有牛油香又爽口，不錯！總體我會俾9/10分，環境好好，乾淨。配料區除左有醬之外，仲有幾款開胃小食，算幾有心。而且服務都好好，會主動加湯，仲會幫你擺好餐點嘅位等你落得方便啲，like fb ig仲送2點菊花露，紙巾濕紙巾都放旁邊任拎，湯勺齊全，有時間仲會過黎同你隔走啲油，全部人都好有禮貌呀態度好好。當日元宵，仲送湯丸添。希望佢黎緊會多d生意啦！

最近難得晚市恢復堂食，小編即刻約埋朋友一齊去餐廳打邊爐，網上見到呢間火鍋店都好似幾高質，所以就決定一試，餐廳環境帶古色古香，位置闊落，店員亦都非常友善_湯底方便我哋就揀咗鴛鴦鍋（尚膳麻辣鍋同酸菜白肉湯)小編特別喜愛酸菜白肉湯，店員會另外提供酸菜和白肉，食落去酸酸甜甜特別開胃，另外麻辣鍋亦會附上鴨血，鍾意食鴨血嘅朋友仔千祈唔好錯過啦_火鍋配料方面餐廳亦有提供多款選擇，牛肉我哋叫咗個手切本地牛肉(細) 淥10秒就可以食得啦，牛肉味幾香濃😋鍾意食餃子嘅小編亦都叫咗個四色餃子拼盤，拼盤包括鮮蝦菜肉餃、豬肉韭菜餃、鮮蝦雲吞同鳳城水餃，餡料非常充足，另外佢哋都有丸類和蝦類選擇_另外我哋亦都叫咗個海鮮拼盤，拼盤內有海蝦、桂花蚌、帶子等等，值得一讚佢哋嘅海蝦非常彈牙又多膏，成餐小編同朋友都食得好滿足，重點係冇限時，可以好舒服咁同朋友一邊傾偈一邊打邊爐，下次有機會會再來嘗試

難得開番晚堂食，即刻卜枱淥一淥😋當日下午五點半左右去到冇乜人😁但六點半開始就好多人了～餐廳十分闊落，仲提供包廂方便三五知己暢所欲言👍🏻同埋任食涼伴小食🤤$168滋補椰子雞鍋🥥🐔半隻雞砍件上，湯滾4分鐘落肉，雞肉嫩滑不油膩😋湯底係用原個椰子水，就連加湯都係加椰子水👍🏻超清甜😋$48麻辣溏心皮蛋🥚超香麻香味🤤皮蛋有咬口，配埋酸薑十分開胃☺️$68鹽酥蚵仔🦪熱辣辣炸起原隻蚵仔脆卜卜🤤五香粉好惹味☺️$188手切牛肉🐮牛肉厚度適中，滾水淥大約十秒就食得🤤肉質鮮嫩，超重牛肉味🤤睇到牛肉紋理就興奮🤤$108牧場羊肉片🐏羊肉好夠羊羶味👍🏻👍🏻🤤鍾意羊肉的朋友仔一定鍾意❤️$58嫩滑鴨血🦆厚切鴨血分量多，咬落好濃鴨味，但配麻辣湯底一定會更加好味！！$138牛胸爽😋睇落係一層油脂的東西，原來係牛上胸軟組織😲淥幾秒已經十分爽口，牛味豐富👍🏻$78爽脆黑柏葉🌿又係淥幾秒就食得，分量又多，十分爽口😋$58蟹棒響鈴🔔新鮮炸起的響鈴入面包入蝦棒，又多一層口感😋$36台式蛋餃🍳好耐冇食蛋餃，煮熟唔洗點醬料，蛋餃內的豬肉都好夠味道☺️$48冰菜☘️冰菜分量多，新鮮又爽口👍🏻咬落口感特別🤟🏻$128三式滑拼包括蝦滑🦐、墨魚滑🦑及

冬天要圍爐補暖是常識吧！ 今晚就要食養生火鍋補下身先。湯底選了#滋潤魚雲靜心鍋女人到左咁上下年紀，就要靜下心😝，呢個啱晒啦，食材有大魚頭、烏雞同當歸、天蔴、川芎...多種藥材做湯底，等水滾時先嘗了一碗湯，藥材味濃郁，個人認為好飲而且非常滋補 👍，魚頭亦都滑嘟嘟的好入味🥰。#美國桶蠔共有8隻蠔，隻隻都很大隻，一定要分開2口才可食完一隻😛，飽滿而且鮮味十足，喜愛蠔的你一定要點下☺️。#牧場羊肉片色澤光鮮羊味重👍。#海鮮拼盤隻蝦出場時仲郁緊😝，聖子、象拔蚌仔、珊瑚蚌、花甲、鯇魚片很新鮮，海鮮亦都係減肥之選😘。#雜菜籃雜菜盤🧺有齊疏菜、菇菜同埋秋葵，樣樣都新鮮，因為當晚係元宵節嘅關係，店員送咗兩碗湯圓俾我哋，認真貼心☺️。

禁晚市堂食之前試過，令人念念不忘。依家開返堂食，當然要再幫襯啦！自助吧有小食可以任拎，醬料可面都勁齊，最正就係麻辣醬，食咩都夾！ 尚膳麻辣鍋 拼 酸菜白肉鍋 $128雙拼都唔洗加錢，麻辣鍋可以自選辣度，既香且麻，夠刺激得黎又唔會掩蓋食材嘅鮮味！跟湯仲送薯角同鴨血添！酸菜白肉鍋帶淡淡的咸酸味，仲有豬肉嘅香味，都幾開胃架！醇滑嘉士伯 $28可樂 $12晚市黎講，真係勁抵飲，啤酒仲要係大支裝！鹵水鴨舌 $88去唔到台灣，唯有叫碟鴨舌黎止下癮！估唔到都幾好味，點埋麻辣醬仲正！手切牛肉 $188勁靚嘅油花，如果唔怕生少少嘅話，跟指示烚10秒即食，入口軟腍鬆化，油香突出，令人回味無窮，必點item！韓國梅花豬 $168著重肉香的韓國梅花豬，肉味香濃，同麻辣鍋係絕配！四色手工丸拼盤 $88四款手工丸包括黃金墨魚丸、芝心牛肉丸、黑松露蝦丸、梅菜豬肉丸。其中黃金墨丸真係超正，極鮮味＋爽彈！而芝心牛肉丸會爆汁！什菜籃 $68乜都有嘅菜籃，而且仲好Fresh，粟米甜入心！食完仲送是日甜品，今次送嘅係芝麻湯圓，皮薄餡靚！

最近天氣時冷時熱，正好配合我打邊爐的心情🤤朋友話去一間有得食養生鍋嘅餐廳，果然女人都喜歡補身養顏🤭/我們叫了鴛鴦鍋，一邊有我們的重口味之選-麻辣鍋、另一邊是為美女們養顏的美人鍋大半隻烏雞在湯裡面，一定要喝湯補一下吧餐廳附送的餐前小食-麻辣鴨血，香濃入味🤤還送了2杯洛神花茶解膩消濟，好貼心☺️上齊了我們的菜品，看到了又想再吃🤣手切牛肉（小）雪花分佈平均，不用涮10秒，帶點粉紅色就能食了👏🏻新嘗試-牛胸爽，一開始以為它是肥油嚇得我們想退貨，怎知道是我俩不識貨😯它是牛胸前肋骨中間的軟骨部位，十分爽口和罕有的啊😋海鮮拼盤貝類繁多，處理乾淨，每款都鮮甜爽口彈牙，沒有令我們失望🤤鮮炸響鈴是必須的吧，吸盡了湯汁精華一流👏🏻/唯一希望可選擇湯底辣度，我們有點唔夠喉😂🤭

好耐冇見老友，想搵 一處清靜嘅地方慢慢食，閒聊一番，終於在網上搵到個近住老友返工附近嘅樓上鋪，食佢最鍾意嘅火鍋。火鍋店位於旺角，交通非常方便，可能我們相約得太早，到的時候顧客不多。食火鍋最重要個鍋底，見到呢個名為養顏美人鍋嘅鍋底，二話不說就選擇咗佢。湯底送上嚟有全隻嘅烏雞，仲有滋補嘅桃膠、淮山、杞子、圓肉、北芪、 紅棗、南棗……等。滾起，先飲啖湯，味道鮮美，好滋潤。跟住個海鮮拼盤就送咗上嚟喇，海鮮拼盤有海生蝦、蟶子、桂花蚌、鱔片、脆肉鯇。生蝦送上嚟嘅時候，見到佢條鬚仲喐喐下，非常生猛，蟶子好大隻，鳝片就非常爽脆，呢個海鮮拼盤只賣＄288，我覺得非常抵食。牛肉我就揀咗手切本地牛肉，油花分佈均勻，切雙飛，只係淥咗十秒，嫩滑甘香，充滿肉味。呢個自家製四式手工丸拼盤，係黑松露蝦丸、黃金墨魚丸、芝心牛肉丸同梅菜豬肉丸各兩粒，肉丸彈牙，味道非常有特色。雜菜籃，除咗各式蔬菜外，仲有雜菇、粟米、只賣＄68，超值。食完好飽，仲有洛神花、菊花露同生果盤送，好驚喜。點知埋單嘅時候，原來仲有七折㖭，搞到我哋兩個好開心，笑住同侍應拜拜。

火鍋控又再出動早前已bookmark定旺角新開嘅尚膳養顏滋補鍋恢復晚市終於可以約朋友嚟啦店舖地方夠哂大 深木色裝潢很古色古香酸菜白肉+麻辣鍋 $128雙拼湯底竟然唔洗加錢本身已經好足料仲額外另上各一份白肉、鴨血俾你再添加 感覺又抵咗🤩牛胸油 $138我的最愛❤️識食一定係食爽口又牛味重嘅牛胸油我去任何火鍋店一見到有就會點而尼份大約有10片 份量再多啲就更滿足(我)喇😊手切牛肉 $168 (細)我覺得份量非常之唔細牛肉高質 色澤鮮明 油脂分佈得靚海鮮拼盤 $288好豐富 包括 6 款是日海鮮特別鍾意海蝦同海鱔片全部都爽口鮮甜 貨真價實👍🏻萵荀 $48冰菜 $48 醬料 $20/位可以自取涼拌小食每枱免費贈送炸薯角、糖水Like fb/ig 仲有飲品送㗎食材非常高質店員服務有禮已經期待再次回訪！

最近放寬晚市，終於可以舒舒服服享受一下生活。希望日子一天天好起來，也可以多多吃不同的餐廳。 旺角恢復了往日的繁華，熙熙攘攘的人群，夜景也是無比美。今天火鍋特意點了鴛鴦鍋，麻辣加上美人鍋，一次吃過癮。一開始，可以先盛一碗湯，烏雞湯無比清甜，裡面有一個個桂圓，人參還有桃膠，簡直就是補身體一流。麻辣火鍋湯底要了中辣，一開始沒什麼味道，後面就越來愈熱辣😍着實爽了一把😋😋🤫😋今晚最愛還是土豆片，煮在麻辣湯底裡面，特別入味。 醬料台也是格外引人注目，各種火鍋需要的調味一應俱全。我最愛的香菜蒜粒還有香蔥，讓味道進入佳境😋😋😋 牛肉特別入味，而且是少有的牛肩脊，肥瘦剛剛好。有和牛的口感。尚膳養顏滋補鍋旺角彌敦道607號新興大廈1樓106-112號舖

好耐無打邊爐啦,難得夜晚可以堂食我就約左好友去食火鍋,仲要係養生滋潤既火鍋「尚膳養顏滋補鍋」!唔怕熱氣又可靚靚,見到個名都被吸引了點左個鴛鴦鍋,滋潤魚雲靜心鍋和酸菜白肉鍋,魚雲靜心鍋,職員溫馨提示話要飲下湯先打邊爐!補下先!(湯裡有薯粉,超正!食到停唔到口)之後我地開始打邊爐,樣樣都想食,但我地兩個女仔個胃有限,最後揀左嫩滑鴨血,手切牛肉,牧場羊肉片,韓國梅花豬,四色餃子拼盤,什菜籃和稻庭烏冬(2個) ,再加多個小食「鬼馬雙星」真係同鬼馬,外脆內肉,口感好得意!仲可以去調味吧到混醬兼食開胃小食!超開心火鍋店做更優惠,只要係社交平台. 打卡,就可以免費有杞子圓肉菊花露或寧神洛神花茶,我地一人一杯!

同友人講最近覺得手腳冰冷友人提議要補補身 帶咗我去食養生火鍋其實都係想食餐好嘅 😋入到餐廳覺得環境唔錯, 坐得好舒服。重頭戲係滋潤魚雲靜心鍋, 有烏雞 、大魚頭同藥材做湯底，一上枱就聞到好重北耆黨參嘅味道，一試嗰湯，非常好飲，覺得好補 🥰 即時食咗個魚頭，好嫩滑好入味。今次主力食海鮮，叫咗個海鮮拼盤，嘩～隻蝦又大隻又新鮮，好有咬口，十分回味。另外嘅象拔蚌、珊瑚蚌、花甲、鯇魚片都好新鮮，好好味。再叫咗最鐘意食嘅美國桶蠔，有好多隻，隻隻都係大size，好味好滿足🥳🥰。另外仲有牧場羊肉片同什菜籃，啲羊肉唔腥👍，菜亦新鮮😋。好味好味好味👍，重要嘅嘢要講三次😉

今次同朋友黎左呢間係旺角新開既台式藥膳火鍋店，叫尚膳養顏滋補鍋，早早地卜左5點半冇咩人，環境好寬敞，古色古風坐得好舒服，岩哂同朋友相聚。用 QR code 掃黎落單，等緊上菜就去醬料區自己配醬料，另外仲有 d 小菜可以開下胃先。拎完醬料，我地揀既椰子雞（半隻）湯底就已經到左啦，等 d 湯滾左先，就可以放 d 雞落去滾 4 分鐘，個湯好足料，半隻雞兩個人食都好多，飲落夠哂鮮甜。打邊爐點可以少左手切牛肉（細）呢，牛肉份量超足，入口嫩滑，牛肉味好香，質量十分之高。放入去滾十秒左右就岩岩好。另外仲叫埋羊肉，不得不讚羊肉真係好出色，嫩口入味，有騷味得黎又唔會太重，肉質超高質，份量都好夠。蟹棒響鈴，幾特別比較少試，放左蟹棒係響鈴入面，又意外地幾夾。黑松露蝦丸同芝心牛肉丸，蝦丸好濃烈既黑松露味，好香好好味。嫩滑鴨血，切得好靚，嚇左一跳超大份，唔係麻辣湯底但又幾夾下，食到最後真係好飽整體黎講食物素質真係唔錯，侍應亦都好好，會主動加湯同好好禮貌，咁岩元宵節黎食，最後仲送左每人兩粒湯丸添，so sweet

今日又可以同朋友去行街食飯，去咗一間高質素嘅火鍋店打邊爐🥘地方又大又古色古香，坐得又舒服；如果你同成大班朋友一齊去，有幾間不同大細嘅房間方便一齊坐(座位約16-30人) 任你選擇嘅自助醬料區；有檸檬水🍋；有小食：涼拌大豆芽、五香毛豆及蕎頭 我哋點咗個鴛鴦鍋🥘滋潤魚雲靜心鍋 + 酸菜白肉鍋，淨係個鍋，已經勁多配料，勁正；滋潤魚雲靜心鍋有魚頭🐟又有四分一隻烏雞🐓，加埋其他藥材配料，湯底鮮甜好飲，味道仲好濃郁，夠哂滋潤；另一款酸菜白肉鍋🥬，有薯粉又爽又好味，酸菜 + 白肉，仲有好多配料，真係好正 火鍋配料就揀咗：手切牛肉🐂牧場羊肉片🐏韓國梅花豬🐖嫩滑鴨血🦆四色餃子拼盤🥟什菜籃🥗稻庭烏冬(2個) 值得推介嘅小食：鬼馬雙星，用墨魚🦑及蝦🦐釀落油炸鬼整成，香口又脆卜卜，好好食 仲有兩杯滋潤飲品🍹杞子圓肉菊花露 及 寧神洛神花茶 尚膳養顏滋補鍋旺角彌敦道607號新興大廈1樓106-112號舖

上月天氣急降，打邊爐當然就係不二之選，見到旺角新開了呢間邊爐店，而且仲主打養顏滋補，所以就入去試下。我地要了半邊尚膳養顏美人鍋、半邊滋潤魚雲靜心鍋，兩款湯底都充滿藥饍味道，而兩邊亦都相當足料。美人鍋有半隻烏雞，飲落好鮮雞湯底味，另一邊有大大件魚雲，湯底熬成奶白色，湯底魚鮮味最適合煮海鮮類配菜。海鮮拼盤材料有聖子、蝦、貴妃蚌、帶子、魚片，三百蚊唔駛一盤絕對物超所值，海鮮材料新鮮，值得一叫！鮑魚片店員推介當日鮑魚，薄切嘅鮑魚片鮮味十足，果然無介紹錯西班牙黑毛豬賣相可見油脂分布得好靚，食落肥瘦均勻，口感嫩冧鴨血近年受歡迎嘅台式鍋必食鴨血，口感就好似巨形豬紅，吸收晒湯底味道係精髓所在野生竹笙平日外出打邊爐食嘅竹笙都係短而薄嘅一細片，但識食一定係食呢種貴價野生竹笙，比起一般食到嘅長而厚好多，加倍爽口之餘更加入味台式蛋餃呢款蛋餃其實就好似蛋角，都係煎香蛋皮後再包上肉餡料，係花心機之作，作為火鍋配料都係第一次手打墨魚滑墨魚滑香滑而彈口，手打嘅果然無得呃人特別一提餐廳有幾款冷盤小食讓客人自助任添，送酒一流之餘，亦係打邊爐食到好熱嘅時候最啱食返幾啖

【尚膳養顏美人鍋】 HKD188.【手切牛肉 細】 HKD188.【西班牙黑毛豬】 HKD168.【美國桶蠔】 HKD168.【桂花蚌】 HKD138.【南非鮑魚】 HKD128.【牧場羊肉片】 HKD108.【馬刀貝】 HKD88.【蟶子皇】 HKD58.【鹽酥雞粒】 HKD48.【麻辣溏心皮蛋】 HKD48.天氣凍凍地🥶，打邊爐🍲就岩曬。今次揀左間中位價嘅火鍋店。一坐低就嗌左啲小食，鹽酥雞粒🐥係意想不到咁好食。炸粉唔厚，而且肉質一啲都唔鞋。至於湯底揀左養顏鍋，以杞子、烏雞🐔等材料熬製，夠曬清甜。肉類方面🥩，牛🐂、豬🐖、羊🐏樣樣嗌左啲，質素唔錯。每款肉味都幾濃，特別係豬同羊肉，仲切得有番咁上下厚，食落有口感。海鮮方面🦞，會推介大家嗌超肥大桶蠔🦪同爽口桂花蚌。相反馬刀貝同鮑魚就唔太建議🙅🏻‍♂️，前者有沙，後者切得過薄冇口感。如果以刺身黎講，問題不大，但打邊爐原隻鮑魚上會好好多。.📍尚膳養顏滋補鍋旺角彌敦道607號新興大廈1樓106-112號舖🚇旺角站E1出口 步行約4分鐘🕑星期一至日 17:00-02:00