尚膳養顏滋補鍋

營業中

休息中

放寬夜晚堂食第一擊，久違了的台灣養生鍋真係好耐冇出去食晚飯，真係想去食打邊爐，因為打邊爐真係夜晚食先最有feel，所以就去openrice搜尋一下旺角附近有咩好食，見到依間咁多正評所以就去試下啦，食完之後果然完全無令我失望入到去環境好寬敞又乾淨，服務員態度殷勤有親切呢度嘅餐牌有幾款湯底，我哋就揀咗酸菜白肉鍋麻辣鴛鴦湯底一邊辣一邊唔辣可以試到兩種口味。呢度啲湯底好足料，酸菜白肉鍋會附送一碟酸菜同豬肉片， 湯底味道有濃郁，麻辣湯底裏面又有鴨血同埋凍豆腐。 其實呢度美人鍋都好出名，下一次一定嚟試下呢度係用手機落單，十分方便，好多火鍋料選擇，樣樣都想食，真心好難揀，唯有隨心揀咗幾樣：手切牛肉（大）牛肉色澤鮮明，一睇就知新鮮，呢度仲有溫馨提示教你 淥10秒就食得，食落牛味十足仲有油香，好食到停唔到口手打墨魚丸爽滑彈牙，好有墨魚味，好食到震桂花蚌新鮮爽脆，鮮味十足蟹柳響鈴好有創意！出面食通常都係就響鈴呢度嘅響鈴包住條蟹柳一齊咋，出奇地夾，同埋真係即炸，黎到仲係熱騰騰白鱔白鱔係即劏即上碟，白膳片好大片，淥完之後無乜縮水，食落非常鮮味，口感爽脆彈牙皇帝菜最後食埋皇帝菜，菜新鮮味道又濃，Happy en

疫情關係已經好耐冇同朋友打邊爐，今次即刻約埋fd子去食養生火鍋！湯底我地叫左招牌尚膳養顏美人鍋，個湯勁好飲，有好多桃膠，仲有一大隻烏雞，店員教我地脫骨連湯食，好出色，絕對可以叫少一份肉！西班牙黑毛豬：肉質嫩滑有彈性，濃濃豬味！四色餃子拼盤：因為唔知揀咩味好所以揀拼盤，點知4隻味都好好食，餃子勁足料，揀唔到邊隻最鐘意。四色手工丸拼盤：4款手工丸最愛黑松露丸！手野墨魚滑：墨魚勁彈牙，配呢個養顏湯好夾。蟹棒響鈴：有趣既配搭，外脆內軟，值得一試。鹽酥雞粒：即炸好好食！！雞肉好滑，鹽酥惹味食唔停。最後like埋ig仲可以送洛神花茶或菊花茶，一流！

今日嚟咗旺角依邊，就同朋友一齊試吓依間養生嘅邊爐店！滋補椰子雞鍋（半隻）$168原來嗰半隻雞係可以自己落嘅，職員教我地水滾之後計時4分鐘，就有雞食啦！雞件新鮮，肉質鮮嫩。椰子雞湯好清甜，吸收晒椰子水同雞汁嘅精華，朋友第一次飲都話正！日本A5三角和牛腩 $288牛肉總共有9片，上碟嗰陣已經覺得花紋好靚。和牛食落軟淋淋，油香味重，用嚟打邊爐超正！手打蝦丸（一份）$78手打蝦丸一份有8粒，勁多。粒粒都圓形、脹卜卜。蝦丸都幾大粒，彈牙。三色滑拼 $128三色滑有蝦、墨魚同埋鯪魚。我哋可以自己用匙「不」落個鍋，幾過癮！蝦滑一樣彈牙。鯪魚滑都幾香，食落好軟！墨魚滑味道幾濃，白雪雪，好味！闊條麵 $48闊條麵份量好多，最後食唔晒！煮完之後，闊條麵會變透明，識落煙煙銀銀，幾得意。唐生菜 $48打邊爐一定要食菜😂，扮健康。生菜好新鮮，好綠，食落去都幾脆。洛神花茶（凍）店員好好，提醒我哋like 社交平台就會送依兩款茶😂！洛神花茶幾清新，酸酸地又甜甜地，好味！菊花茶（凍）菊花茶好甜，仲會有幾粒龍眼喺底。打邊爐食滯咗，飲返杯都幾好。水果盤最後諗住走，原來仲有水果盤。水果盤係免費嘅，今日食咗楊桃同埋菠蘿。兩款

開返晚市堂食，第一時間就係約埋啲朋友圍爐打邊爐我哋真係好鍾意打邊爐，特別係麻辣火鍋呢間除咗麻辣火鍋，仲有好多藥膳湯底可以選擇而且全部真材實料，個湯好味到不得了我哋叫咗養顏美人鍋，主要有烏雞，桃膠，藥材方面有：杞子、圓肉、黑棗、黨參仲有椰子雞鍋同魚雲靜精心鍋仲有佢每次加水嘅時候都係加湯，咁個湯底就唔會越溝越淡啦手切牛肉必食，牛肉肉質較軟嫩，而且油花分布均勻珊瑚蚌爽口鮮甜仲有雲吞同雜菜藍，秋葵、粟米、雞髀菇每枱附送小食炸薯角同埋麻辣鴨血

宜家開返晚市堂食，可以同屋企人打返個邊爐晚餐😋呢間餐廳特色係主打幾款養生湯底選擇，足料滋補。好似我哋就叫咗尚膳美人鍋同滋潤魚雲靜心鍋，雙拼都唔使額外加錢。先嚟飲碗湯潤一潤，美人鍋有烏雞，藥材及桃膠，飲完有養顏功效。另一邊嘅魚湯有啲白胡椒味，仲有川芎天麻，對身體好好。 like佢哋社交平台 ，就有飲品送，可以揀洛神花茶或者菊花茶，菊花茶好清潤。我好鍾意呢度提供幾款餐前小食，仲提供檸檬水同埋熱茶。本地手切肥牛叫咗大份 $288，望落就知系靚牛，仲有我最鍾意既白鱔片$118，爽滑肥美😋😋

週末嚟到旺角尚膳養顏滋補鍋，位置方便易搵。 👍👍地方夠大，所以周末嚟都唔使怕冇位。店員都非常有禮貌，好親切，服務一流。Q r code落單，方便清晰，仲會顯示埋總計嘅價錢，唔會失預算。最愛呢度嘅湯底，真材實料，足料無味精 ，飲多兩碗先開始打邊爐。除咗火鍋必食嘅肥牛同海鮮之外，都有唔少特色菜式，手工製作，誠意十足。我哋點咗 四色手工丸拼盤，有黑松露蝦丸，黃金墨魚丸，芝心牛肉丸同埋梅菜豬肉丸。推介黑松露蝦丸，黑松露味香濃，蝦肉彈牙，高分之作。 芝心牛肉丸都好正，一咬落嚟，入面嘅芝士爆出，香濃美味。最後仲送埋免費生果盤，有菠蘿，橙及楊桃同三粒朱古力。

冬天一定要去食邊爐暖下身！但新年已經食左好多熱氣野，所以今次打邊爐都想食得健康啲，如果上網搵到依間養生嘅邊爐👅打邊爐都可以打得咁健康，正呀🤩湯底方面我哋叫咗一個尚膳美人鍋材料真係勁豐富！裏便有藍棗、紅棗、淮山、龍眼肉，仲有原隻會烏雞，超級多肉🤯 冇諗過一個湯底都可以材料咁豐富，果然係養生湯底😋 邊爐都可以打得勁健康㗎我哋都叫咗好多，特別推介嘅日本A5三角和牛腩，落去一啲筋都冇，入口即溶🤩 真係超級高質嘅和牛！另外仲有一個海鮮拼盤材料真係超級新鮮，尤其是係象拔蚌，超級脆口，你有材料新鮮到基本上唔使點醬汁，就咁食已經好好食😋依間火鍋店一定要推介俾各位，其實食邊度都可以食得好健康，好養生，重點係依度材料超級豐富，一啲都唔吝嗇，健康首選😆

之前已經去過一次尚膳養顏滋補鍋, 覺得好正, 決定再ENCORE!尚膳麻辣鍋 拼 酸菜白肉鍋 $128麻辣鍋香氣十足之餘口味亦相當濃郁, 麻辣度恰到好處!湯底內有蜂巢豆腐, 仲附有鴨血及薯角！酸菜白肉鍋嘅湯頭帶微酸, 好清好順口！手切牛肉 $188絕對係必點推介! 雪花紋路好靚, 色澤紅潤鮮明, 賣相滿分!肉質嫩滑, 牛味濃郁, 正!韓國梅花豬 $168梅花豬比較偏瘦, 唔使怕肥膩！四色手工丸拼盤 $88有黃金墨魚丸、芝心牛肉丸、黑松露蝦丸、梅菜豬肉丸! 個人最鍾意芝心牛肉丸, 但要小心芝士流心太熱！鹵水鴨舌 $88鴨舌軟滑彈牙, 滷水味濃!鹹蛋黃魚皮 $68香脆可口帶咸蛋黃香！

打邊爐最緊要個湯底!呢間個湯底隻隻都要二三百蚊，因為落足料去煮個湯底，而且喺打邊爐前，仲可以飲兩啖湯先，認真唔錯。今次揀咗椰子雞湯，除咗滿滿嘅椰子，仲落足成隻雞去煲，唔清甜都唔得啦！佢仲額外俾咗啲調味我哋自己點雞食，隻雞記得唔好煲太耐，咁啲肉先夠鮮嫩。食完隻雞，開始落其他火鍋料，雖然唔係任食，係逐樣叫，但樣樣野食嘅質素真係高級啲，特別推薦個海鮮拼盤，鮮魚片厚切，淥熟之後鮮味出哂嚟，好好味😋最後菊花露都值得一讚，打邊爐就應該飲返杯冇咁熱氣。

尚膳養顏滋補鍋地址：旺角彌敦道607號新興大廈一樓106至112號舖 琴日同朋友 去旺角食邊爐，最近想打邊爐但係又想打的健康啲，之前上網見到有人推薦呢間，感覺上都幾推廣健康飲食，所以就帶埋朋友嚟食呢間！滋補椰子雞鍋(半隻）🥥我以前一直都好少食椰子雞湯，但係喺朋友嘅推薦之下，決定今次試吓。其實呢度嘅椰子湯飲落去甜甜地，大概係雞嘅鮮甜味，作為湯底唔濃唔淡，完全係揀啱咗湯底！而且呢度嘅雞肉質鮮嫩，感覺好新鮮，整個湯底抵晒！日本A5三角和牛腩🥩首先睇落去肉脂分布均勻！一擺落口入口即溶，肉質細軟，好似唔使用力咬都吞到落去咁，完全係對得起呢個價！手打蝦丸+三色滑拼🦐呢度既蝦丸唔單止彈口，更有仲有少少蝦肉，完全感受到滿滿嘅誠意！ 而三色滑拼有墨魚丶鯪魚同蝦，都食到少少嘅魚肉，鯪魚滑仲有芫荽添，而且份量好多，真係好抵嗌寬粉條🍜寬粉條嘅份量好多，有成兜咁多，實在係好抵食，側邊仲有一個小筲箕，將啲麵擺落去，隔幾秒撈返上嚟，有啲煙韌，越食越好食！去到最尾買單嗰時仲有水果餸，呢度嘅服務都好周全同細心，真係又抵又好食

📍 尚膳養顏滋補鍋 (旺角)今日去左打個滋補養顏邊爐，基本上啲湯底都係藥膳，整體食物高質，藥膳味濃。服務不錯！啲姐姐非常殷勤服務。🥢叫咗個鴛鴦湯底勁足料，分別係招牌尚膳養顏美人鍋&滋補魚雲靜心鍋，入邊除咗藥材大大隻烏雞，真係好滋補，味道都算濃郁，仲無限添一模一樣的湯，唔洗驚溝稀左d湯！🥢手切牛肉（小）（推）牛要碌十秒即起，好有牛味入口即溶啊呢個！😍🥢而黑松露蝦丸蝦滑都算幾彈牙，佢嘅好處係可以叫半份，就算小人食都可以食多幾樣野！🥢食物嘅分量每份都唔算話好少，整體不錯！🌾用餐心情：想三五知己健康食過美顏鍋都可以試下，食物質素不錯，佢啲飲品仲會有洛神花茶蘆薈小麥茶、菊花茶等等，唔洗得汽水，食完仲有一盤精緻嘅水果！真係好啱我哋女士！🥰

💕終於等到晚市開放，當然要去食火鍋，始終都是晚上食盡興過癮😉😉約了老公先去攞位，揀了張有中國畫的坐位，覺得特別配合主題🤭🤭湯底有多種款式，魚頭、酸菜、椰子雞……，但最後揀了個葯材豐富滋補烏雞美人鍋，早排天氣太乾燥，要補下一大鍋上枱，4人都夠食，原隻烏雞，配料有桃膠、杞子、淮山、龍眼肉、北芪、黨參……非常滋補✌✌，先飲碗原味湯才放火鍋料，是服務員提醒，湯味鮮甜藥材味濃，好手切鮮牛肉火鍋必叫，無令人失望，片片鮮嫩幼滑，記得跟足指示，只可以滾10秒鐘，否則 over 左，變得韌海鮮拼盤有勁大隻生猛🦐、聖子、脆肉鯇魚腩，片、珊瑚蚌，全部新鮮美味，尤其是隻大蝦，肉厚彈牙四色餃子 － 鮮蝦菜肉餃、韭菜豬肉餃、鮮蝦雲吞和鳳城水餃，粒粒大隻，熟了後脹卜卜，皮薄餡多，最 like 韭菜餃，特別惹味烏雞服務員幫忙用手撕，真是一流服務，要讚另加了個蔬菜盤，樣樣少許，2人夠食社交平台 打卡，送了2杯菊花龍眼杞子茶，潤喉舒服最後還有生果盤送今餐盡興，滿足

限聚令已經可以放寬到四，之前晚晚叫外賣，咁梗係要出街食個飯啦，今日就去咗旺角打邊爐，湯底叫咗個椰子雞鍋，半隻個份量，雞件都已經好多 ,肉質非常鮮，嫩滑，有timer, 個時間掌握啱啱好，點埋沙薑一齊食，頂瓜瓜另外手切牛肉 ,個色質都幾紅潤，口感都唔錯 , 有口咬之餘，牛肉嘅香味慢慢滲出口腔內，唔需唔需要點任何sauce食，都已經覺得好正 另外再叫咗鮮南非鮑魚 , 刀刀切得好薄身，賣相精緻，淥一陣就食得，肉質非常之q 彈，點麻醬汁一齊食嗰個 ,鮑魚嘅口感提升，個湯底鮮甜嘅嘢子嘅香味 ,潤而不燥 ,冇味精 ,不錯不錯，

必吃養生火鍋🤩👍🏻平時去打便爐，加湯都是加水或上湯，但呢間就唔同啦，係加返我哋原本選擇嘅湯底，保持原汁原味，唔會越加越淡味。位於旺角的「尚膳養顏滋補鍋」，餐廳環境幾寬敞舒適，無限時，想同朋友傾幾耐都得。讚好餐廳社交平台仲送咗杯「杞子圓肉菊花露」，幾大杯幾好飲，清甜滋潤。👍🏻點餐用QR code 掃一掃就可以落單，好多款湯底都好吸引，但係得一款湯底可以鴛鴦鍋，所以我哋選咗「尚膳養顏美人鍋」同「滋潤魚雲靜心鍋」，雙併湯底仲要不用額外收費，讚👍🏻。「尚膳養顏美人鍋」用料十足藥材：淮山、北耆、黨參、杞子、圓肉、龍眼干、紅及黑棗湯料：竹絲雞、桃膠湯底淡淡清甜滋補，飲完一碗又一碗😍太好飲了🥰🥰🥰🥰用來灼肉和菜就最適合「滋潤魚雲靜心鍋」藥材：天麻、川芎、白芷、淮山、圓肉、當歸、鍋料：魚頭、竹絲雞、白胡椒粒、玫瑰露湯底藥材味甚濃，我們都超鍾意藥膳，覺得超正，又飲咗幾碗🥰🥰🥰🥰用來灼丸類、麵條會更入味靜係湯底已經令到我地好滿意😍「手切牛肉」細 $188雪花紋均勻，入口嫩滑肉味濃「蟹籽墨魚丸」$78濃郁墨魚味，手打彈牙有口感「海鮮拼盤」$288有聖子、大蝦、鯇魚、象拔蚌、蜆象拔蚌尤其新鮮，鮮味鮮甜鯇魚又大

食得多放題, 有時都會想去吓啲單點嘅餐廳, 尚膳就提供左唔錯既選擇, 呢到最勁係落完單之後, 野食好快就到湯底揀左酸菜白肉, 除左入面已有既酸菜、白肉、寬粉外, 另外仲俾多碟酸菜白肉你, 越煲越出味手切牛肉好靚, 呢到係細碟, 2人share都夠食, 我地仲叫左牛胸爽, 佢係軟骨黎, 咬落爽口又香牛味四色餃子個皮厚薄中等, 味道正常唔會特別有驚喜咁, 另外仲試左蝦丸同蟹籽墨丸鵝腸爽口彈口, 少少肥多多彈雜菜籃咩都有少少, 2人食剛剛好蟹棒響鈴即叫即炸, 入面個蟹棒唔係cheap cheap急凍蟹柳, 食落有層次Like/follow 社交媒體仲會送杞子圓肉菊花露/寧神洛神花茶一杯, 我地飲個菊花露, 清甜解渴, 好岩打邊爐飲