尚苑京滬川菜 (已改名) 查看

尚苑京滬川菜 （3/2/2024）今日同朋友去尖沙咀行街，都食午飯嘅時候，朋友話唔好以為喺尖沙咀飲茶一定貴，在我哋行街嘅附近有一間好抵食嘅酒樓，有平靚正嘅套餐，咁一定要去試吓啦，於是我就跟朋友去食正嘢。這間酒樓叫尚苑京滬川菜，位於尖沙咀麼地道75號南洋中心LG樓。酒樓環境乾淨企理，金碧輝煌，地方寬敞，坐得舒服，員工亦服務周到，一坐低即刻斟茶遞水送菜單。這間酒樓有多款點心，點心仲有免加一服務費，真係好抵食，本來諗住淨係食點心，但後來發現啲套餐仲更加吸引，最終選了點心套餐B，這個套餐只係$218，竟然有半隻燻香樟茶鴨 ，又有桂花海皇炒新竹米，仲可以選兩個點心，而點心有成十五款來選擇，款款都令人好想食，最後就選了萵筍蝦餃王同埋灌湯小籠包，還有白灼菜芯，真係太抵食。半隻燻香樟茶鴨份量都多，上枱就聞到香濃鴨味道，又唔肥又唔鹹，皮脆肉嫩，尤其是鴨頸都好好食，而桂花海皇炒新竹米份量十足，裡面啲海鮮真係超多又超好食，有象拔蚌、蝦仁、帶子，樣樣海鮮都好有鮮味，爽口彈牙，新竹米加埋芹菜、韭菜、芽菜來炒，炒得爽滑依韌，更有灑上芝麻，好味好食。萵筍蝦餃王就大大粒，外皮有彈性，蝦肉爽滑，每一口都充滿鮮蝦味，灌湯

朋友喺故宮文化博物館做野，可能識得同行所以有M+嘅免費門票，咁去參觀前當然都要去醫肚先，朋友中意食中菜，尤其系點心🥧就同咗佢去尖東呢間酒樓飲啖茶食個包，服務吾錯👍🏼首先試試四喜素鵝卷，不得不提及呢道菜式，素鵝可以整到壽司咁嘅樣真系好別緻😆裡面系紅蘿蔔🥕冬菇🍄同埋瓜類，素鵝豆味又濃。一口黃金脆豆腐向來系我地喺中菜館好中意食嘅小菜，外層鬆脆可口，內層豆腐又軟稔，名符其實外脆內軟🧡揀咗個高級嘅人參湯鮮蝦餃，人參湯又真系足料，味道好濃郁。蝦餃賣相精緻✨蝦肉爽口彈牙🦐灌湯小籠包裡面好多汁，肉質實在吾鬆散🐷外層包皮口感恰到好處。蘿蔔絲酥餅中食到一絲絲清甜蘿蔔絲，外層香脆不油膩。櫻花蝦香煎蘿蔔糕，櫻花蝦就吾多，香煎蘿蔔糕入面有清甜蘿蔔絲，蘿蔔糕又煎得香口。黑金流沙包吾單只賣相靚，入面奶黃部分都好味，食到鹹蛋黃味道，又吾會太甜🖤💛

呢間尖沙咀嘅酒樓乾淨企理，裝修光猛。下午有多款點心，點心仲要免加一服務費👍🏻非常抵食。最緊要喺呢度啲點心有質素😋另外，仲有其他唔同嘅午市套餐。我推介特價嘅人蔘湯蝦餃王$9.8一隻。賣相靚又精緻，味道仲唔錯。另外必要嘅係小籠包，估唔到入邊湯汁鮮甜，而且肉質鮮美😋我哋仲叫咗鮮肉水餃，餡料鮮美，皮薄有彈性，每一口都充滿肉汁嘅鮮味。蒜豉汁蒸排骨都好吸引，排骨肉質鮮嫩多汁。醬皇鴛鴦肚結合咗牛肚同魚肚，肚肉鮮嫩，醬汁嘅滋味同肚肉就好夾。紅米荷香珍珠雞係一道特別嘅菜式，入邊夠多餡料，而且配上紅米加上珍珠雞糯米煙煙韌韌。另外，韭菜豬紅大大兜，好惹味。

喺尖沙咀區約左朋友食飯，雖然有好多選擇，但係要求平靚正真係唔容易，好彩個靚女朋友帶我藜呢度，佢話呢度新開，環境好服務好，仲有好正嘅套餐，一定要試下。於是我就跟班跟藜呢度， 果然環境好靚，金碧輝煌，服務周到，一坐低即刻有人斟茶遞水送菜單。本來諗住食點心，但係發覺啲套餐真係太吸引，一個套餐只係200蚊，竟然有半隻樟茶鴨 ，有海皇炒新竹米粉，兩個點心，仲有油菜，真係太抵呀，唔食對唔住自己。于是兩個人就揀左其中一個套餐 ，睇睇下原來有幾個套餐都好吸引，食完哩個下次再試第個。中午人客都唔少，哩度地方闊落，而且仲有好多房間，更有一間好大既跳舞房，真係呢度消磨1日都得。抵食套餐好快就到，首先喺樟茶鴨，份量一啲都唔馬虎，味道香濃，皮脆肉嫩，真係好好食。跟住有碟好嫩嘅油菜，最驚人就係桂花海皇炒新竹米粉，裡面啲海鮮真係超多，竟然有 BB 象拔蚌，蝦仁，帶子，芹菜，韭王，米粉炒得爽滑依韌，灑上芝麻，絕對完美的炒米粉，炒值超好食。👍👍點心❤都好得，特別係抄手，棗王糕，超水準出品，而且點心❤價錢💰超平，真是食過番尋味。😋😋

唔好以為尖沙咀飲茶一定貴，今日同屋企人飲茶，咁啱俾我搵到一間，性價比都幾高嘅酒樓，環境都幾舒適，叫咗個四人餐，有埋片皮鴨都係$398，都幾抵食！午市烤鴨餐 （四位用）$398北京烤鴨半隻因為即烤嘅關係，要等大概半個鐘，但都值嘅，份量都唔少！烤鴨外皮烤到脆卜卜，肉質保持嫩滑，另外附上熱辣辣嘅餅皮，餅皮厚薄適中，自由配搭甜麵醬，青瓜及京蔥條，抵食！老火靚湯-粟米羹湯羹杰度岩岩好，粟米清甜，冬天食暖笠笠～套餐仲會奉送餐前小食：酸紅白蘿蔔酸酸地，超開胃👍🏻自選點心兩款：陳皮鮮竹牛肉球食牛肉球最鍾意就係食啲鮮竹，索晒d牛肉汁，夠晒juicy!萵筍蝦餃皇 4 隻蝦餃面有金箔，蝦餃皮好煙韌，蝦都好彈牙，仲有啲麻油香自選京滬小菜兩款：金瑤蛋白炒飯炒飯粒粒分明，冇過多嘅油，蛋白唔會老，配合瑤柱嘅香味同埋青菜嘅清甜，整體感覺好健康京式賽螃蟹師傅係賽螃蟹嘅火温油路控制得宜，蛋白軟滑得嚟夠挺身，食落有口感之餘，更係口腔中散發陣陣蛋香，鑊尾油恰到好處，不會太油膩，又可以令菜帶上光彩，畫龍點睛之處，在於處理瑤柱絲，瑤柱絲完全釋放瑤柱清香甜美鮮味，甜品：陳皮蓮子紅豆沙唔會太甜～服務：侍應專業有禮，傳菜有效率，令到整

大鄉里出城🤣好耐冇去尖沙咀飲茶，見到呢一間新開嘅酒樓，性價比好似幾高就入去試吓！ 櫻花蝦香煎蘿蔔糕 推介❤️煎到外面脆卜卜，而且上邊仲有櫻花蝦同XO醬嘅香味，辣辣地幾惹味！萵筍蝦餃皇 推介❤️同出邊蝦餃唔同之處係裏面有萵筍。 除此之外佢個蝦餃好大粒，裏面仲有好多鮮蝦，萵筍就提升左成個蝦餃嘅口感。 咬落去中間有少少爽脆。四喜素鵝卷 特色❤️呢個特色，喺出邊好少酒樓見到。 裏面應該係蘿蔔木耳，外面就係腐竹皮。 包得好精緻，食落去口感都好特別，外面係林嘅裏面係爽脆嘅！ 原隻鮮蝦燒賣皇賣相非常唔錯，豬肉香味亦都好濃郁，而且個外皮好薄。蘿蔔絲酥餅脆卜卜熱辣辣，外脆內軟！裏面嘅蘿蔔絲落咗少少調味鹹鹹地有啲胡椒粉。 鮮蝦菜苗餃裏面嘅菜苗唔會有草腥味，再加埋鮮蝦嘅香味。 裏面仲要好Juicy添。整體來講呢間酒樓新開半年都幾企理，碗碟乾淨。 而且啲侍應都好細心，留意到冇水就主動斟水，食完嘢又好快收碟！ 食物水準都唔錯，尖沙咀來講呢個價錢幾抵食！ 👍🏻

今日在尖東酒店睇完新娘子出門，就諗緊附近有沒有酒樓食中午，我哋行返去南洋中心嗰邊，見到有間又有點心食，又有砂鍋雲吞雞食的酒樓。午市套餐10分抵食，我們叫了半隻砂鍋雲吞雞，幾樣點心，仲送埋甜品。砂鍋雲吞雞非常之入味，雞湯暖笠笠，一口雲吞非常之大及新鮮，仲有啲蔬菜，淡淡滿足。雞肉點埋啲辣椒豉油，入口嫩滑， 10分入味。就算是半隻砂鍋雲吞雞，都有成六粒雲吞，非常足料。雪山叉燒包10分特別，適合打卡，上面竟然是粉紅色，入口鬆脆， 10分足料，淡淡叉燒。豉汁鳳爪非常之惹味，唔停得口。蘿蔔絲酥餅鬆脆，淡淡滿滿的蘿蔔絲，非常之大個。中午仲送埋紅棗糕同埋紅豆沙，紅棗糕啱啱蒸好，不太甜，非常適合任何年齡人士食。下次再有人喺尖東酒店出門結婚，晏晝一定會嚟返呢度食。

星期日瞓到下晝先起身😆之後準備去尖沙咀做facial，喺附近食個late lunch先，見到南洋中心「尚苑京滬川菜」下午茶點心做緊八折優惠，仲免加一，佢哋嘅下午茶時間去到4:30pm，可以慢慢嘆😊點心套餐B 桂花海皇炒新竹米粉超足料，用象拔蚌仔、帶子、鮮蝦、芽菜、洋蔥、韭黃去炒新竹米粉，味道似星洲炒米辣辣地夠惹味，呢度嘅豪華版海鮮炒米非常高質，米粉乾身彈牙，夠晒鑊氣，加入咗大量海鮮提升鮮味，推介👍🏻燻香樟茶鴨店家招牌菜樟茶鴨，果然係真材實料，半隻嘅份量亦有一大碟，足夠三四人分享，入口充滿煙燻茶香味齒頰留香，鴨肉肉質緊致有咬口，皮薄之餘仲帶點脆口，夠晒入味萵筍蝦餃王粒粒肥大飽滿嘅蝦餃上加上金箔，每粒入面都有4,5隻新鮮爽口嘅蝦仁，皮薄餡靚原隻蝦燒賣皇每粒燒賣上面都有大大隻嘅蝦仁，鮮美彈牙，以豬肉、冬菇、鮮蝦作為餡料，口感豐富白灼菜心追加：蘿蔔絲酥餅即叫即製，金黃色嘅外皮酥脆鬆化，裏面嘅蘿蔔絲軟稔多汁，一啖咬落去爆汁，味道清甜帶咸香，非常出色好食的點心鮮肉鍋貼鍋貼底部煎得金黃香口脆卜卜，豬肉餡料鮮嫩多汁，外皮厚度適中，入口啖啖肉而且有豐富嘅肉香味📍尚苑京滬川菜 (尖沙咀)尖沙咀麼地道75號

呢晚同家人提早慶祝中秋節食晚飯，因為家中長者鍾意食中菜，但我又唔想成日食港式粵菜酒樓，於是就選擇上海菜。呢間尚苑京滬川菜應該最近轉手，前身係粵菜酒家。地點位於尖東，環境都幾大，座位之間都唔會好逼好窄。❇️雙色拼盤$128▶️有好多款小食可以自選，我地揀咗鎮江餚肉拼鎮江小排骨餚肉彈牙，小排骨外脆入味，但份量如果多返少少會更好❇️美味燻魚$108▶️juicy入味，亦唔會太乾❇️灌湯小籠包$58▶️外皮夠薄，肉夠鮮而且多汁❇️砂鍋雲吞雞 $198/半隻▶️好大鍋同足料，湯底鮮甜，雞肉都幾滑，入面亦有好多粒雲吞，雲吞外皮亦夠薄❇️北京填鴨 $398/隻▶️鴨肉做到皮脆肉嫩，每片唔會太薄亦充滿鴨油香味❇️蝦仁兩麵黃$148▶️蝦仁爽口彈牙，麵唔會好乾❇️上海炒年糕$128▶️呢個正常發揮，年糕口感亦彈牙✅成餐飯食到好飽，整體食物質素唔錯，侍應有禮亦會主動同我地介紹菜式，家中長者都食得滿意✅新張期內用OpenRice網上訂枱全單仲有8折，相對抵食d

五個人每人食咗$500 ，叫咗好多嘢，呢個環境算幾抵食。有間房有得唱K，叫咗松子魚、砂鍋雲吞雞、黃金蝦、脆鱔、雞絲粉皮、小籠包、半隻片皮鴨、壽包幾靚仔、會再返嚟。全單有八折。

喺尖東經過，見到新開左間上海菜，見到裝修唔錯，門口的套餐圖片幾吸引，今日放假咪諗住試下 ，新張店舖 ，光鮮明亮 乾淨整潔。人均150元左右。涼伴拼盤，宮爆雞丁，蔥爆牛肉，高力豆沙，小籠包，脆香小蘇肉，鹽水菜心，分量十足，味道不錯。牛肉嫩滑爽口，小蘇肉炸得好香脆 ，熱辣辣食超正 係唔錯嘅小食。下次人多啲想叫片皮鴨和酸菜魚。

服務員十分不禮貌，態度惡劣，接電話的服務生語氣十分不專重人，這家公司的負責人麻煩檢討一下員工態度，我沒講完野cut人線！問佢野就話唔知cut線！都不知你們怎麼培訓員工的！

踏入生日月節目特別豐富, 朋友知我鍾意食京浥川菜, 特意帶我到於8月隆重登場位於尖東的“尚苑”!餐館廚師團隊以精選食材, 炮製多款精緻菜式. 我地4人每人各自點了自己喜愛嘅套餐, 平均每人$800菜式好豐富喔!餐廳在食物方面亦盡花心思, 用新派手法呈現京浥川菜, 當中包括代表作之一, 經過多小時炆煮的蘇杭東坡肉, 肉質軟腍, 油香四溢;蝦籽蔥烤刺參 ~ 用了矝貴食材刺參, 燜煮到軟腍入味, 極為滿足.宋嫂魚羹 ~ 還有我最愛的魚羹, 重現800年歷史杭州名菜, 啖啖魚鮮, 非常滋味套餐份量十足, 食物質素非常高, 環境寬敞舒適, 啱哂同家人朋友聚會或宴客, 絕對係滿足美味嘅一餐!地址: 尖沙咀麼地道75號南洋中心低層地下訂座電話: 2868 6898

之前有試過依間野既飲茶，都OK，所以就諗住再試埋佢既晚市。同左兩個同事放工落去叫左個套餐，依個套餐係每位計既，連埋茶位，前菜等等，折扣左之後每位800蚊度。共有7道菜揀左D比較出色同大家分享：前菜 (開胃三小碟)推介花鵰醉雞，雞好嫩滑又夠酒味，其他地方試過同類菜式，酒味處理得唔好好易有苦味，依道小菜既酒味幾恰到好處。湯羹海皇酸辣湯，幾足料，有海參又有花膠同蝦，酸度啱啱好，如果可再辣D就一流。主菜黃金明蝦球，蝦勁大隻，彈牙又有好強勁蛋黃味，口感唔錯。甜品 (尚苑美點薈萃)一共有三款，有桂花榚、高力豆沙同馬仔，三層甜品架上，賣相幾靚，推介桂花榚，清甜好味，桂花味天然。整體食物都幾高質，會返轉頭，聽講黎緊會有大閘蟹套餐，期待!食完之後同經理傾左幾句，原來隔離有個場有得跳社交舞，過去望過下都幾有氣氛。有興趣既大家可以去見識下。

一班同事收工見到剛剛開業就入去試試，竟然有驚喜，食物質素非常一流，價錢適中，第一次吃到甘好味的北京填鴨，皮非常脆，極力推介，另外鮮肉鍋貼，皮薄有汁，宜家還有全單8折，值得再次幫襯！