尚苑京滬川菜 (已改名) 查看

一個月前成班舊同事話約食飯，就諗住帶啲舊同事嚟呢度試吓嗰樟茶鴨。但係今晚呢餐飯真係食得一啲都唔高興。基本上有幾樣嘢都令我印象分大打折扣。第一樣上菜係咕嚕肉，外脆內軟又夠肉汁，同上次試過一字骨都有返啲水準。跟住個唔知係經理定係保長話廚房今晚之後會換人。諗住開咗個好頭，點知就開始炒車啦。個炒飯同埋個上海粗炒都係冇味嘅蝦多士一碟四件我哋有九個人叫佢做九件得唔得，佢話做唔到，咁我唯有被放棄唔食。跟住之前個鍋貼係碟有拉花脆脆底，但係呢碟就將兩碟煎埋一碟求奇上菜就算。個雲吞雞尚算正常，咬落啲骨似係新鮮雞。樟茶鴨落單嘅時候落一隻，但嚟得半隻。後來上番半隻俾我，對比之下後者係肥美啲。最離譜係我要個小籠包，佢拎住 ：個籠喺個廚房同樓面之間來回咗兩次，我唔知有啲咩問題。但係佢上菜嘅時候我一見到佢開個籠就呆咗。點解小籠包個皮係咁㗎，有乜理由用生煎包皮來做小籠包，請問呢度汗水仲要整到啲包皮濕晒。跟住話唔好意思用錯被，咁用錯皮應該用返個正常俾客，唔係夾硬出一個錯嘅嘢俾客食。餐飯食到咁，最後轉咗場食甜品。如果轉咗手之後都唔知應唔應該再試呢一間嘢。

大家好今晚到了尖沙咀南洋中心的尚苑京滬川菜食飯因為這間店在尖東地庫 人唔係非常多所以坐得好闊絡這裏晚餐原來有招牌三寶我就叫左三寶裏面既燻香樟茶鴨(半隻) 同埋新鮮菠蘿拔絲咕嚕肉先講講碟咕嚕肉佢包含有大約四份一個菠蘿菠蘿都幾新鮮咕嚕肉都幾有咬口 而且肉量好多同完全無骨同埋D汁都真係有拉絲既效果我覺得$88咕嚕肉都係來這度必點既菜式之一樟茶鴨方面 6人以下可以點半隻半隻來計連埋鴨頭鴨頸一齊上其實都幾大份上枱都聞到好香既煙燻味鴨皮都幾脆鴨肉都算幾肥而且有幾濃既煙燻味下一味點了肖苑小炒皇這一碟小炒皇上枱幾有鑊氣用料都幾多有韭菜 蝦仁 蝦乾 腰果 之外仲有北寄貝 帶子調味都係幾惹味最後主食方面點了一碟上海粗炒上海粗炒都幾正宗炒得幾有鑊氣有肉絲 菇同椰菜絲侍應都會俾埋豆板醬一齊食總括食物都唔錯服務方面都幾到位經常會換碟大家去開尖咀可以試下

已經第三次去食，今次撞正換咗一批新廚師師傅，味道仲正咗！炸脆豆腐我最鐘意食呢間炸豆腐，平時食開嗰啲都唔夠呢問咁脆.同埋平時食開個喲，炸蒜味都好香，但呢間除咗炸蒜，佢伸落咗炸乾蔥，所以啲味更更更香濃，豆腐又勁；骨，次次嚟親都要order。鼓油皇煎腸粉油份啱啱好，唔會太油，食到尾都冇油浸住.味道我覺得似乾炒牛河，啲豉油炒得好香，啲味出晒嚟.腸粉中間都入咗味.鮑魚燒賣最近做緊特價，所以即刻嗌咗2隻食.鮑魚比想像中大粒.啲汁會好鹹，食到鮑魚嘅鮮味，燒賣嘅肉味好香，同埋好大粒。烤麩本身佢係冷食，但有少少暖原來都幾好食，味道甜甜哋，都好開胃，啲麩索晒汁，每啖都有汁味。蘿蔔糕佢啲蘿蔔味都好香好濃加上有蝦乾味，所以都好惹味.而且煎得啱啱好，啲海味味出晒嚟，配埋辣椒醬就一流！小龍包啲灌湯好好飲，一咬開就有湯流出嚟，啲肉都好香，唔洗點醋食都已經好好食！不過食漏咗蝦餃皇haha飽得滯就走咗，下次要嗌返蝦餃嚟食！

尖沙咀麽地道南洋中心地庫有間中菜廳，性價比非常高，由於朋友由外國來港，所以想帶佢去食中菜。中菜廳內環境寬敞，內部裝修好靚，是和朋友食飯吹水的好地方。晚市餐牌選擇非常多，而且很多是非常有特色的菜。還有很多不同配搭的套餐可供選擇。普洱係我最鍾意的茶鹽水花生好入味，好腍好好味。川式蒜泥白肉卷 $78川式蒜泥白肉卷是一道很有特色的川菜佳餚，白肉卷肉質鮮嫩多汁，內𥚃包着薄薄的青瓜片，爽口清新，配上蒜泥和辣椒油，簡直讓整道菜有畫龍點睛的效果，好好味🤤燻香樟茶鴨 $98樟茶鴨外表金黃焦脆，內裡肉質鮮嫩多汁，加上煙燻的香味，令到口感層次更加豐富，風味濃郁而不油膩。龍蝦伊麵龍蝦新鮮，肉質爽口，伊麵加上醬汁，非常鮮味可口。

今日請一位照顧左我好耐嘅長輩食飯，咁當然唔可以求其是但啦，所以特意請佢嚟依家係尖沙咀嘅尚苑，依家仲做緊三寶優惠，俾平時平左唔少😆燻香樟茶鴨（半隻）$98（其中一寶）幾個人食半隻就夠了，外皮薄薄一層保持脆口感覺，而肉質軟嫩，樟茶香味撲鼻，只係個人覺得咸左少少🤏上海粗炒$148口感煙韌，味道惹味有濃油赤醬嘅感覺，蔬菜比例岩岩好，令到口感多一分清爽，令口感冇咁油膩（6隻）灌湯小籠包$98🥢小籠包包皮有點厚，可能咁樣先包到滿滿嘅肉餡同湯汁，醋同薑絲更有提鮮嘅作用

今日爸爸生日🎂我地一家決定請佢食餐豐富嘅中式晚餐慶祝今期酒樓做緊三寶優惠，濃湯花膠雞煲翅4兩、燻香樟茶鴨（半隻）同埋新鮮菠蘿拔絲咕嚕肉都有優惠價錢，爸爸生日當然要食豪啲啦👍👍👍濃湯花膠雞煲翅4兩$468湯底非常濃厚，用料足，魚翅食得出一梳梳嘅口感，湯底充滿骨膠原好滑口，雞嘅味道大部分落左湯底到，但肉質保持軟腍新鮮菠蘿拔絲咕嚕肉$88完全做到拔絲效果，脆漿薄薄一層，咕嚕肉雖然俾糖汁包住，但食落都有脆口感覺，爸爸仲大讚👍👴🏻酸辣湯麵$88唔同於我記憶中嘅煮法，第一次食依種煮法，口感較為清爽，較為偏辣，肉碎增加口感同味道

假日當然要去嘆吓茶飲茶 😆， 嚟到尖沙咀一間試一試。入到去，非常之大，而且好闊落，整體嚟講都有乾淨又舒服。🥰午市提供不少套餐選擇，我呢啲懶人又有選擇困難症，所以都費事諗，一於叫一個午市套餐。而我見到酒樓推薦烤鴨、樟茶鴨和酸菜魚，我見其中一個套餐可以試當中兩款，當然馬上選擇試一試。🥳➡️友誼套餐 $268🥢半隻燻香樟茶鴨、酸菜魚、自選兩款點心🍗 燻香樟茶鴨十分大隻，將刷鴨唔會整到好乾身，而係每一嚿亦可連埋皮一齊食，食落去肉質滲出來，非常香口，當中整隻鴨條尾得剛剛好，淡淡嘅燻香味道，食落去唔會太漏😚唔怪之得係招牌菜，真係一定要試一試。🍲酸菜魚一鍋酸菜魚，濃厚嘅金湯，唔會太辣，而且食落去亦都不重味精，與非常嫩滑，份量亦都充足，當中亦有不少配菜，包括：雲耳、粉條、萵筍等，相比出邊酸菜魚門店亦不遜色，真是一味好好的開胃菜式🙂🥠點心選擇了牛肉球和蝦餃兩款點心亦都係即叫即蒸，而且用料充足，蝦餃咬落去皮薄餡靚，每一粒都唔會穿，皮亦都整得非常薄，入邊有非常多嘅蝦餡料🙂牛肉球亦都非常之大粒，汁亦都分開上，方便可以要幾多落幾多🙂🥢最後見到有款鮑魚燒賣做特價，每人可以叫一粒$8鮑魚比想像中大，這樣特價真是非常之

之前同屋企人食過午餐，已經覺得唔錯。今次專登帶啲鄰居嚟試吓。因為有鄰居鍾意食酸菜魚，今次就可以嗌晒兩樣嘢嚟試。先試咗個小食係啲腐皮包住啲蔬菜嘅卷，感覺都幾清新。跟住個蜜桃骨超驚嘆，啲蜜汁掛住啲骨同埋唔會炸完之後超乾，咬落去好有肉汁，食完呢個，真係想搵一晚出嚟再試去夜晚嘅小菜。反而就唔係好鍾意佢嗰個炸嘅卷，個皮比較厚個餡料就冇乜特別。酸菜魚就可能啲鄰居怕辣，跳晒啲辣椒出嚟，我就覺得可以再辣啲，不過啲魚肉堅揪滑。小籠包、鍋貼同埋樟茶鴨就唔多講啦，返頭再食水準依然冇變，表現幾穩定。申明試次用餐自費，並無享受任何優惠。

呢間餐廳喺尖東，行五分鐘就到海邊，食飽飽行吓吹吓海風一流。餐廳裝修好光猛，感覺舒服，可以同屋企人或者朋友嚟食飯，享受家庭樂。座位之間嘅距離都好闊落，坐得好舒服，唔會覺得逼夾，可以慢慢食飯傾吓偈。菠蘿拔絲咕嚕肉HK$128，酸酸甜甜好開胃，啲菠蘿同豬肉都好新鮮，外層炸得金黃鬆脆，咬落去啖啖肉汁，配埋酸甜嘅菠蘿，真係一流！酸甜嘅醬汁包裹住每一塊咕嚕肉，令人食指大動，配飯一流。順德乾焗魚頭煲HK$198, 香噴噴，一上枱就聞到香味，魚頭肉質鮮嫩，辣味啱啱好，食得出係用心煮嘅，好惹味。魚頭嘅膠質豐富，食落口感彈牙，配埋香辣嘅醬汁，真係令人回味無窮。乾焗嘅做法保留咗魚嘅鮮味，同時帶出香辣嘅味道，令人一試難忘。灌湯小籠包HK$98 ，皮薄餡靚湯汁多，每一啖都好滿足，豬肉餡鮮甜 juicy，湯汁濃郁，係必食之選。輕輕咬開小籠包嘅皮，鮮甜嘅湯汁就會湧出嚟，配埋鮮嫩嘅豬肉餡，真係好滿足。小籠包嘅皮薄而有彈性，包裹住豐富嘅湯汁同鮮美嘅豬肉餡，每一口都係享受。

籌備週年晚宴，心癢癢就來試吓，咁就週末約咗屋企人出嚟飲個下午茶。嚟到落咗樓梯，部長話今日有聯誼會包場，淨係剩返個細廳可以飲茶，只係見到兩枱人。個心即刻暗灰咗一下，唔通真係咗。但係真係好想試佢個樟茶鴨，所以就叫咗個套餐加兩個點心嚟試吓。我就覺得越式點心普通咗少少，我見佢有個貝貝粉葛以為裏面有啲細細粒嘅元貝肉，點知原來係普通粉果，同埋個皮有少少厚。$1蝦餃冇投訴，蝦肉都好爽，不過可以慳返唔使飲啲蔘水。都係講返啲京滬嘢，小籠包個湯汁好特別，同出邊嗰啲有好大嘅分別，個湯頭好特別。個鍋貼都好出色，留意返個碟底嗰啲圈圈唔係花紋而係粉漿拉出嚟嘅線條，薄脆超出色，個鍋貼亦都好Juicy。個米粉雖然淡咗少少，但係用新竹米粉炒超乾身。終於到咗打大佬嘅時候啦，即將拆鴨好味到黐線，有煙燻嘅香味，咬落去咸香適中。平時都唔食嘅，但係都忍唔住食，超入味。侍應招待都好有禮貌，同埋部長都十分健談。我覺得公司今次揀唔到呢度，真係有啲走寶。

間間西餐廳都有限時，竟然搵到一間中餐可以慢慢坐飲啖茶傾下偈！坐得舒服，食物價錢合理，食物水準中上！由小食到糖水均有唔少選擇，服務不錯！蔥油餅~蔥嘅香味非常討好！酥炸嘅外皮包裹著大量嘅蔥花多重口感，香氣四溢！新鮮菠蘿拔絲咕嚕肉~賣相已經可以攞100分！菠蘿每一件都酸酸甜甜，具有天然嘅風味！咕嚕肉每一件都沾上醬汁，非常下飯！外層香脆，內層軟滑多汁配菜用上酸橋頭，絕對係兒時回憶之作！金華火腿扒津白~菜非常香軟，配上透明嘅薄芡汁，每一片都夠曬味！金華火腿更有提鮮嘅作用！頭抽乾炒牛肉河粉~整碟河粉都非常乾身，火喉十足，仍然保留到芽菜爽脆，灑上芝麻，更有香氣逼出！桂花酒釀丸子~丸子煙煙韌韌，配上清香撲鼻嘅桂花酒，簡直係絕配，唔會嗰過甜👍🏻下次都會再嚟幫襯😉

突然心血來潮想食中菜，呢間環境乾淨企理，一入去仲有個大大魚缸，樓面服務唔錯，立即好感度上升。新鮮菠蘿拔絲咕嚕肉$88 - 非常貼心，菠蘿冇連咕嚕肉一齊炒，剛好中和咗油膩嘅感覺，甜酸度適中，推👍🏻蔥油餅$48 - 咬落香脆，脆略嫌皮厚咗啲，不過不失，不過外型幫佢加分啦。金華火腿扒津白$148 - 非常清甜新鮮、大大片嘅金華火腿，有驚喜！頭抽乾炒牛肉河粉$108 - 值得一讚唔會過鹹、大大片嘅牛肉、肉質嫩滑。最後嗌埋個甜品高力豆沙$58 - 咬落口感似疏乎厘、豆沙唔會過甜，值得一試👍🏻

原來尖東南洋中心有間食中菜嘅餐廳，位置少少隱蔽，入面地方好大，非常闊落好座。晚市有啲單點菜式之餘，仲有啲孖寶、三寶小菜選擇，價錢都幾抵食。燻香樟茶鴨半隻（$98）- 半隻分量都唔少，鴨肉十分嫩滑，帶少少燻香及鹹香味，開胃惹味。新鮮菠蘿拔絲咕嚕肉（$88）- 呢個絕對係必食推介，超驚喜。咕嚕肉炸得香脆，配埋新鮮菠蘿嘅酸甜味，十分之夾。值得一讚，拔絲做得一流。鍾意食咕嚕肉嘅朋友，一定要點嚟試吓。尚苑擔擔麵（$68）- 擔擔麵帶微辣，麵質軟滑，少少彈牙，鍾意佢湯底有花生醬香味，唔會只係食到辣味咁單一。灌湯小籠包 （$98）- 一客共六隻，上菜時熱辣辣，灌滿湯汁，一咬落去就時爆汁，味道不錯。

今日係尖沙咀附近收工，女朋友話有d想去打冷/川菜，但4月中都已經開始有d熱熱地🥵正當我say no、見到佢都皺皺地眉果陣靈機一觸不如去中菜廳食啦既然想食中菜🤪坐得舒服d又有冷氣歎🤣就係咁我吃貨既comfort zone又擴大左，因為每個星期都試一間新餐廳係我既原則，香港咁多野食，無理由每星期都重覆！最後揀左附近既依間尚苑京滬川菜😁款式都好多，冷盤、前菜、小菜、主食、海鮮、小食、甜品樣樣齊，事關今日都肚餓到傻，所以嗌左5款，捧腹而歸🫃🏻擔擔麵🍜 $68擔擔肉碎辣香味濃，麵條彈牙，湯底都幾濃，有少少麻香花生嘅味道，麻中帶點微酸，幾好食😋回鍋肉 $98回鍋肉滋味香濃，香氣撲鼻，而且份量都多🤩有青椒，紅椒，洋蔥，蔥，槨菜，至於豬肉肥瘦勻稱，調味都恰到好處。回鍋肉永遠都係我至愛🥹因為我鐘意食辣，但又唔食得太辣，回鍋肉就啱哂我~魚香茄子煲 🍆 $98魚香茄子煲酸甜可口，茄子入口即化，口感軟綿🤤 魚香味好濃郁。肉碎、蔥、辣椒等配料提升風味，而且上碟果下係好滾🔥熱辣辣超正，食到尾段都仲係好熱，為左佢專登嗌多碗飯，勁開胃，每啖都好滿足😌椒鹽九肚魚 $88椒鹽九肚魚香脆可口，外脆內嫩，鹽香適中，增添左魚肉

朋友在尖沙咀東返工，我倆約咗係附近食晚飯吹吹水。發現東邊幾多美食，除咗小食店外，有很多茶餐廳、酒家、燒肉等…放工時間仲好多人係嗰邊食飯，又多個筧食地方🤪今次舒服啲揀咗酒家食飯，邊食飯邊吹水，冷氣夠涼，酒家主要係地下層，環境都幾大，坐得好舒服。落到去，已經見到魚缸，入面有好多生猛海鮮游嚟游去，朋友已經點名要食海鮮。除咗鑊氣小菜/生猛海鮮外，都有川菜。可惜我哋喉嚨不適，無幸試川菜🥲茶水（位）$18小食$20晚飯海鮮孖寶C$288清蒸沙巴龍躉班（一斤）+燻香樟茶鴨（半）龍躉班肥美，啱好兩條女食。魚肉滑，鮮甜👍🏻係自己唔會煮到嘅味道🤭燒鴨食得多，燻鴨就是沒吃過。鴨子帶點脂肪睇落好乾。食落都有肉汁，重點要講燻味好濃烈，調味夠。外皮都脆卜卜，愛皮人士要叫了🫶🏻菜心炒牛肉$128清清哋叫碟菜，清腸胃🤭牛肉份量比相像中多，牛肉滑滑，菜心有口感剛好宋嫂魚羮（位）$58宋嫂是誰？原來是魚肉羹，真材實料，見到好多魚肉、蛋白、木耳、荀絲…味道偏清淡，但食到十分鮮味😋啱食鐘意食魚/懶人（me)