尚青商號 (已搬遷) 新店位置

尚青係傅佩嘉開嘅小店，其實之前都食過一次嫁喇，不過今日再幫襯。鋪頭裝修文青feel有台灣味，記得之前lunch hour 去，排超長隊，冇得book冇籌攞。今晚去，因為二樓頗大，稍微等左兩張枱好快就可以坐，職員話一個鍾要交枱，不過走嗰時都唔係話太多人，職員都冇過黎催。試左牛肉三寶飯，排骨飯。用珍珠米，飯好食。排骨飯要等耐d，都酥脆好食。牛肉飯相對上次食牛肉面好似比較一般，但都唔錯。飲品係胚芽奶茶加仙草，早年胚芽曾經流行過，但係近年大型連鎖奶茶鋪都冇胚芽，胚芽味足，好懷念。仲叫左豬排刈包，其實都好食嘅不過似漢堡包多d，可能要叫d控肉刈包先多d台灣feel喇。你話係咪好食到令人感動又唔係，但係絕對好過求其走入一間台式餐廳，同埋以呢個地點、裝修、價錢、味道，就算唔計老闆背景，金鍾返工真係冇d好d嘅選擇囉，我都會再幫襯。

今日公眾假期，灣仔已經係比較少人排隊，坐低已經即刻落order，一個火鍋一個乾麵。離晒譜！火鍋已經係唔使煮，完全唔明點解左催右催都要等40分鐘，我起身話要走佢先送到。嚟到我仲要慢慢等佢滾，差唔多成個鐘先有得食，但朋友已經一早食完佢個乾麵。以為已經係離譜嘅極致，點知個火10分鐘之後就熄左，之後又要等佢慢慢行去搵個火，然後個湯已經凍咗我又要再等佢滾。最好笑係間餐廳仲學人規定一個鐘交枱？！如果佢地知道火鍋係要等咁耐嘅話，應該提早同客人講，就好似某一啲要焗要炸既食物，餐廳都會同寫住或者口頭提你要等幾多分鐘，就算係好食都唔係個個都咁有閑情逸致去等咁耐。仲要所有食材同湯底都十分普通，一定冇下次！

2022年8月13日 晴今日同男朋友去灣仔餐廳好台式風味, 門口有兩個側頭郵箱, 要行上一層上面有d 台灣醬料同明信片之類的東西賣因為去到已經2點幾3點, 等左一陣就有位了海膽扇睇滷肉飯 $148星期六日先有海膽都唔少, 撈埋一齊好creamy扇貝有4粒, 不過味道普通整體香濃好味紅燒牛肉面 $72好好食！牛肉煮到好入味, 唔un, 不過油炸鬼唔夠脆椒鹽炸排骨 $28大大塊好抵食茉香綠茶$20 + 蘆薈唔太甜幾好，蘆薈都好多

🍽 Beef Noodle Soup $70呢碗牛肉麵條條麵都好闊啊😆 份量算多，夠飽！🍀🍽 Handmade Cabbage Pork Dumpling (10pcs) $56今次啲皮算好薄，但係唔係次次去都咁好味。🍀平日lunch hour去會比較多人，會排隊排到落樓梯！上菜速度比較慢，如果得一個鐘食lunch可能會唔夠

神還原台灣古早味,一直都知道尚青商號係灣仔極具人氣,繁忙時間要排好耐隊,所以今次就去演藝學院睇show前,同閨密叁來朝聖,我地仲特登早D來, 唔想等位丫嘛！ 餐廳門口好易認,因為店主神還原歪歪郵筒,一入去,底層有個迷你台式懷舊雜貨店,售賣台灣食品,樓梯位又有台式打卡壁畫,有得食,有得打卡，,又有得買嘢！唔怪得客似雲來啦‼️🔮麻辣鴨血煲連冬粉 果然係店家人氣之選,鴨血連鐵煲上菜,麻辣湯味好香, 食落好麻又濃郁,第一啖真係覺得有台灣味,而且鴨血又好滑,豆腐又吸收咗麻辣湯嘅味道,簡直係麻辣爽,冬粉可以自己放落去煮,想食腍D可以煮耐D, 成個餐份量都幾多,絕對夠一個食有突呀！真係好出色 🔮半筋半肉牛肉麵 我通常食都會試一啖湯先,呢個湯底真係無得彈, 濃郁帶甜又有咸香肉味,好正！據說神秘配方係有用甘蔗熬湯,總之就好味啦！牛筋牛腩蚊到入哂味,牛筋Q彈,牛腩軟腍,必食推介呀！ 🔮埔里花雕半筋半肉牛肉麵 湯底聞落有花雕香,但係食落酒味清淡,反而有種甜甜地嘅肉湯味！唔知D牛筋腩係唔係一大煲一齊炆,一對既入味又軟腍.其實仲想讚吓跟餐既配菜小食;酸菜,醃雲耳,油炸鬼,酸酸地,開胃又好味 🔮椒鹽鹽酥雞 台灣菜點

呢間餐廳出名係排隊排到癲，要等至少成半個鐘先有位，而且冇得book位添@@雖然要等得耐，但點都要嚟朝聖下，試下先知點解咁多人肯等嘅XDMenu上樣樣都好似好好食咁，最尾我揀咗黑嚕嚕滷肉飯，滷肉飯比想像中大碗，而且滷肉又多汁，岩岩好撈完啲白飯，醃蘿蔔好入味，木耳就普普通通呀～

約朋友係度午餐，rush hour 12:45到，排咗15分鐘入座。呢度係要用QR code 自己落單，但都有10% service charge。我叫咗個酒香椒麻牛肉絲乾拌麵，午市$58(再加一），有杯free drink, 兩小碟配菜。麻就非常麻，但無乜酒香，而牛肉絲係非常鹹，調味攪到牛肉無哂肉味，我要加半杯清水溝落碗麵，沖走一部分鹹味先比較食得落。成碗麵最好食係半隻蛋同條菜。隨餐冬瓜茶正常，無乜特別。失望既一餐，唔會想再回頭食。

不能只有我食到系列!一間我覺得係港島區嘅窮人恩物😍 價錢真係唔貴之餘仲要好食🤤 香菇魯肉飯豬肉肥瘦適中 而且魯肉飯帶有油香送飯一流！最欣賞係飯上面既魚仔乾碎好香口好惹味🤩🤩🤩 而且一個飯會配兩款小食同埋半隻糖心蛋, 晚市價錢只係52蚊!!!! 十分出色😍麻辣蜂巢豆腐 蜂巢豆腐索曬麻辣湯汁 麻辣味 唔會太搶喉 但係好惹味 好似打邊爐既湯底咁正🥰最驚喜係椒鹽鹽酥雞因為有勁多生蒜喺炸雞面 本人極度鍾意食蒜😋椒鹽生蒜加埋鹽酥雞 味道口感豐富, 鹽酥雞香脆 肉質嫩滑真你好好好味!!! 超級推介💕💕💕回頭率100%😍😍

最上一次去旅行就係自己一個去台中獨樂樂嘅感覺好好🤗Enjoy🥹真係好想再有一場說走就走的旅行😭去台灣就係瘋狂食牛肉麵同埋炸雞排🥰然後…疫情冇得去旅行😞唯有食下台灣野過下口癮啦☹️一直都幾鍾意台灣重點係我溝通到🤣😂🙂（不過日本溝通唔到但最鍾意，因為有figure🤩)然後發現自己去親啲台灣餐廳都一定要牛肉麵明明次次都想試新野但牛肉麵都係魅力沒法擋🤭但今次！！我居然唔係食牛肉麵！而係尚青商號嘅小火鍋🍲💗💗💗入正路介紹💗💗💗呢個小火鍋就勁抽啦！湯底可以簡紅燒/蕃茄/麻辣/花雕牛肉湯…好似都係牛😂Anyway最後我係簡花雕牛嘅😌同行者都十分想叫，但因為想試多款就叫左麻辣☺️肉品其實就可以簡牛小排/豬梅花肉眾所週知都知我唔係好食豬一黎係我屬豬二黎其實係我食豬食到騷味我真係唔明糖醋骨果啲我都食到係咩事另外叫牛肉湯緊係叫返牛啦，岩唔岩先？！於是我都係係台灣鋪食牛😌配料都係一堆台灣野啦甜不辣、蜂巢豆腐、台腸🤤貢丸、娃娃菜😍、小白菜同埋…油炸鬼🤔配餐可選係珍珠米/冬粉😗毫不猶豫同個朋友舉埋腳趾都要冬粉啦☺️餐飲係冬瓜茶/烏龍茶雖然冬瓜茶對女人黎講好寒，但毫無懸念我都係堅定咁選擇左冬瓜茶！犯賤黎緊生理期又怪自己😗

佢地有樣野好特別同貼心就係你無論叫左飯或者麵 都會跟油條、酸菜同埋是日小菜 份量十足之餘又唔洗淨係食麵/飯咁寡 CP值超高😍~台式蔥油拌麵~麵條軟硬度岩岩好 加埋蔥油配合香味濃郁 仲有小小肉燥伴麵 好快就會唔經唔覺擺哂落口~紅燒半筋半肉牛肉麵~👍🏻🤩試台灣菜最緊要一定係試牛肉麵！呢間既牛肉麵湯底濃但係唔油膩 最正一定係佢既半筋半肉既牛肉 牛筋同牛肉都非常腍 咬落好香甜同埋個口完全唔洗用力 仲有啲入口即溶既感覺超級推介！！🌟🌟🌟🌟🌟~甜不辣~煙韌既甜不辣 加上大量香蒜 本身甜不辣都好好食 但加左香蒜簡直係昇華！~鹽酥雞~👍🏻🤩🤩🤩鹽酥雞係我同我朋友一致覺得必點既小食！佢份量多之餘仲炸得好酥脆香口 甚至有小小返左台灣感覺 炸得岩岩好又唔會太油 同時keep住雞粒既肉汁好juicyyy不過值得一提既係 佢既麵量對於男仔黎講可能會比較小 女仔就岩岩好 但佢小食既份量真係好多！好抵食！

嚟到位於灣仔嘅台灣小店尚青商號，一上到樓上就已經見到人龍啦，好彩我哋七點前就到達人龍唔算太長，排咗15分鐘就有位啦香菇滷肉飯 ($52)：滷肉煮得幾入味，又夠哂肥美，仲有啲木魚絲同冬菇嘅香味添，加埋半隻糖心蛋，撈飯一流😋 (不過糖心蛋略嫌唔夠流心😂)黑嚕嚕滷肉飯 ($56)：味道同香菇滷肉飯幾似，不過多咗一陣皮蛋嘅香味同埋煙韌嘅口感手工椰菜豬肉餃 10隻 ($58)：有驚喜！質素拍得住好多香港嘅餃子店~椰菜豬肉餡嘅味道調得唔錯，稱得上係皮薄餡靚，沾埋蒜蓉豉油仲正🤤椒鹽炸大腸 ($54)：炸到脆卜卜十分香口，食落唔會太油膩，大腸清潔得好乾淨完全冇臭味，值得一試！椒鹽鹽酥雞 ($56)：啱啱炸起一上台仲係熱辣辣，肉質幾嫩滑，不過炸粉就厚咗少少啦🤓

話說今日去行完會展美食博覽，搵下灣仔有咩高質台灣菜～嘆返個下午茶先🤤小編我超級愛台灣菜，機緣巧合搵到呢間幾多好評嘅餐廳，於是就去咗「尚青商號」。呢度嘅環境好台灣文青feel呀，成層樓上鋪空間大都幾舒服～播嘅歌全部都係台灣歌🤤 (小編最愛) 係幾chill嘅一間餐廳☺♡「香菇魯肉飯」💰44 (下午茶)一上到嚟，見到魯肉同汁嘅份量都唔少呀～有幾片菇菇🤤 呢度嘅魯肉飯係比較偏咸偏濃味嘅，醬汁都比較濃！飯嘅份量就係一個大飯碗嘅份量，唔係特別大細嘅人都應該會飽嘅～ 我覺得味道都唔錯啦，但唔係小編心目中嘅Top 5台灣菜喇🤣♡至於隔離有個小小嘅配菜，係1粒切開咗兩半嘅炸花枝丸～～小編我就覺得呢個幾高汁，炸得幾惹味啊😋♡飲品「茉香奶綠」 ※跟餐補差價※唔知係咪因為我叫咗微糖嘅關係，我覺得呢杯味道都係偏淡嘅～ 佢係茶香同奶香味都參半😃 叫做算係幾清新嘅一杯，唔太甜～

同事話：見你手長腳長，帶你行遠d搵食😂😂😂打公仔得1個鐘頭食飯，由太原街街好似近5個街口嗎🤔🤔🤔不過好在正值2:00左右，去到尚青就唔使等位（不過lunch set好似到2:30）傅佩嘉唱歌好聽，原來呢間台灣食店係佢開架😍😍😍 加上covid前其實我成日港台兩邊飛，好掛住家鄉嘅味道喇🙈🥲食落真係好唔錯😋😋😋 我好鐘意成個set嘅擺盤，好精緻，好文青咁😍見正都會好想食😋佢個牛肉麵湯底好濃，但唔覺佢味精，應該都有用心淆過; 排骨飯係我喺台灣成日都會食嘅便當🍱，講真，香港要食到真係似台灣口味嘅餐廳，除咗阿元，我覺得尚青係做到嘅😋配菜我個人覺得好食，係會清晒佢嘅😆不過lunch time時間真係太多人🙈暫時都未有機會再encore, 希望再試埋佢其他菜式，如果有素食選擇就更加好喇☺️

由藝人傅珮嘉和台籍丈夫開嘅尚青商號，主打台灣料理🥡，喺灣仔分店每逢lunch hour都有排長龍🔥多得朋友一早去排隊先有機會試下！🌊喜歡就記得CLS 再加Bookmark🔖🙂#小胖遊灣仔🐠 #小胖遊金鐘🐠 #小胖遊荃灣🐠—————————————————🔹紅燒牛肉麵 $70配手工寬麵+凍無糖烘焙烏龍茶湯底充滿牛香🐮又不會油膩，濃而溫潤(完全無味精，亦唔會口渴)飲落十分舒服😌牛肋條厚身🥩、份量都幾多，炆得超腍入味，可以輕鬆分到一絲絲😳手工寬麵有咬口，而且幾掛湯，另外亦有幼麵選擇🍜附送小食有油炸鬼、酸菜及木耳，將酸菜加入湯底更香，木耳好開胃又爽👍🏽👉🏻同事點麻辣鴨血煲，煲連爐送上邊滾住食，湯底帶辣勁好香，都值得一試🌶—————————————————🧜🏻‍口水度：🌕🌕🌕🌖🌑🤑性價比：🌕🌕🌕🌖🌑🧚🏻‍打卡值：🌕🌕🌕🌑🌑🥰舒適度：🌕🌕🌕🌗🌑👅回頭率：🌕🌕🌕🌕🌑.♟Overall♟午市套餐都幾抵，味道唔錯好足料，不過因為近金鐘，價錢又相宜，好多人排😅排到成條樓梯都係人如果想試/不是附近返工，比較suggest大家可以食晚餐😂

舖喺樓上閣仔。樓下門面嘟二維碼同探熱位超悶焗。行到樓上收銀位，估唔到已經下午兩點半仲有兩組人等緊，佇立等候位置依然冇冷氣到，而且冇飛攞只能乾熱咁排隊等，後來嘅人唔想企樓梯排隊都知難而退⋯⋯奉勸唔等得真係咪嚟，要預咗啲食客都係文青式慢食而唔會秒速騰空番張枱出嚟。打卡位甚多，見圖，不過熱到36度條街都熔嘅時候，暑到變阿呆都冇乜心情自拍他拍。約廿分鐘後，汗濕之我們仨終有侍應招呼入最盡頭近窗邊之四人座，一下子由極熱到就坐至最冷凍位置。先嚟嘅「麻辣蒜香雞絲乾拌麵」揀咗小辣，所以突出咗「麻」味痺痺哋，雖然汁底唔多不過撈起辣辣哋幾滋味。枱邊有樽疑似辣椒醬，食開頂盡小辣嘅本人𢳂半匙，有xo 醬風味，亦都足以辣到臉出汗。再嚟嘅「台酒三杯雞飯」，寧舍大陣仗，用熱鍋熱住上。不過總覺調味差啲咩，辣就夠但調味唔夠層次。「椒鹽排骨雞湯幼麵」朋友反映湯頭有陣蔥油味，加埋d辣醬就更加香；雞扒炸得內脆又夠熱。順帶一提係老闆幾殷勤，主動引領我枱小朋友去廁所門口。總言：靚裝台式小店，啱慢活人士。