尚鮮海鮮料理 (已結業)

尚鮮平時主要做打邊爐，看到新推出私房菜，即管試一試。一來到餐廳，即時幫我們噴清毒洗手，感覺好好。這裡一向岀名海鮮新鮮，第一道菜先來刺身拼盤，賣相相當吸引，有帶子，有鮑魚，同埋油金魚，三款刺身十分鮮味，份量足夠，鮑魚還有海水味，好鮮甜肉身爽口👍🏻再來炒安枱斯牛柳粒，牛味濃郁，沒有筋，小小調味已經好吃！蒜香燒生蠔，這個蠔值得讚賞，大大隻，火喉剛剛好，鎖住海鮮既鮮味！而我 自己是一個湯水控，這個 川貝海椰燉鱷魚排湯 很不錯，無味精，好滋潤，湯渣燉到非常淋，火喉足。另外 雙色煎活海蝦，大大隻，新鮮 肉身爽口唔會霉，調味剛好，特別喜歡茄汁味。還有 炒雜菜 和 豚肉炒烏冬，整個餐單夠哂飽，2人份量剛剛好，很不錯！所以這次既私房菜都可以試下🙌🏻我還看到 火鍋料 有半價優惠，亦可外賣安排送貨，已經計劃緊下次的家居打邊爐😄

平時去尚鮮都係打邊爐，今日試一試佢個私房菜首先第一道係刺身，不過尚鮮不嬲岀名海鮮新鮮，當我見到個刺身拼盤，真係幾令仔，有帶子，有鮑魚，同埋油金魚，三款食落去都好新鮮，鮑魚仲有d海水味，都幾鮮甜之後有炒牛柳粒，都幾重牛味，冇咩根Set入面仲有燒蠔，呢個蠔值得讚賞，大大隻，火喉岩岩好，鎖住海鮮既鮮味到湯部份，呢個湯都唔錯，冇味精，好似呀媽煮既住家湯仲有炒大蝦，炒雜菜同埋炒烏冬，大蝦我覺得煮幾好，大大隻，仲用茄汁炒，食左甘多野，煮幾開胃炒雜菜煮烏冬正正常常，中規中矩所以呢次既私房菜都可以試下🙌🏻

因近日疫情既影響都少左人打邊爐,之前食過佢地既佐敦分店,最近咁啱係佢地社交平台睇到佢地多左私房菜既menu,望落又幾吸引就book左試試.今次就試左2份$278餐.川貝海底椰鱷魚燉湯個底好夠濃,迫晒湯料既精華出黎係湯到,飲落唔會好肥膩.三色刺身有鮑魚,帆立貝同章紅魚.2人份量都幾大份.刺身好新鮮,溶雪時間啱啱好,刺身上唔會留有雪粒之餘,入口又唔會過冰.鮑魚入口爽彈,帆立貝入口甘甜.蒜香燒生蠔,蠔經燒過後雖然個size縮左但蠔肉仍然脹卜卜.入口鮮甜唔會腥,加上厚厚蒜蓉入口更惹味.香煎安格斯牛柳粒切成一口size,入口好驚喜！估唔到私房菜都可以咁有獲氣,鹹鹹香香,加上少少脆卜卜既炸蒜好惹味.雙色煎活海蝦分別有茄汁同辣鹽口味,海蝦大大隻,蝦殼煎炒得好香脆,吸晒醬汁既味道,內裏蝦肉肉質爽彈又入味.茄汁蝦香甜,茄汁味又唔會過濃蓋過蝦本身既味道.辣鹽微辣,對比茄汁少左甜味但多左重鹹香味,2款雖然風味唔同但同樣滋味.鮮野菌炒雜菜,食完咁多肉後一定要食返d菜平衡返,碟內合集左多款蔬菜同野菌.炒得唔會好油膩之餘帶淡淡蒜味.黑豚肉炒烏冬用上較幼身既稻庭烏冬,炒完仍然保留住彈牙既口感,用上微甜醬油汁同洋蔥,

三五知己諗唔到有啲咩好食，咁就要留意一下我介紹嘅呢間餐廳餐廳裝修簡潔乾淨，而且設有卡位私隱度十足。佢哋亦都會因應唔同嘅季節有唔同嘅食品，好似而家肺炎肆虐，你哋就為客人準備咗抗疫湯水川貝海底椰鱷魚燉湯湯底非常清甜，而且冇落味精，原汁原味三色刺身刺身食落口完全冇雪藏嘅味道，非常新鮮，鮑魚經醬汁烹調，非常彈牙香煎安格斯牛柳粒，牛肉非常有咬口，加上蒜蓉嘅烹調，非常配合雙色煎活海蝦廚師將蝦煎到連蝦殼都可以食埋，再配以酸酸甜甜嘅醬汁，非常開胃鮮野菌炒雜菜食完咁多油膩野，用炒雜菜嚟中和一下就非常適合蒜香燒生蠔生蠔經過燒烤後，size變化不大，加上陣陣撲鼻蒜香，非常開胃黑豚肉炒稻庭烏冬食落口唔會非常油膩，豚肉同烏冬嘅配搭亦都非常可口自家製桂花糕香港人食甜品一向都唔鍾意太甜，呢個桂花糕就啱啱好，其實非常清甜二百幾蚊就能夠食到咁多野，店員服務亦都非常周到，下次同朋友經過記得黎試下

八道菜式/$278位(二人起) 在此分享套餐包括了什麼菜式 獨食難肥 所以我決定同大家分享分享川貝海底椰鱷魚燉湯此湯水有助潤肺健脾 材料包括:排骨頭，蓮子，百合，芡實，蜜棗…… 對身體好有益 增加免疫力 是餐廳送給顧客的小小心意味道清淡 湯水清澈 沒有加味精 飲完嘅感覺好舒服三色刺身 章紅魚/帆立貝/鮑魚冰鎮刺身能保持刺身嘅新鮮度 帆立貝質感軟熟鮮甜 帶有陣陣檸檬汁香味 章紅魚質感爽口 沒有腥味 沒有雪藏味 絕對新鮮 鮑魚彈牙煙韌 非常有趙口蒜香燒生蠔蒜蓉牛油嘅香味撲鼻而來 令人垂涎三尺 生蠔依然好juicy 肉質肥美 配合蒜蓉一起吃十分惹味香煎安格斯牛柳粒原來牛柳粒同黑醋嘅香味係咁夾 牛柳粒油脂豐富 黑醋正好可以解油膩 味道酸咪咪好開胃 而且牛柳粒表面煎至有點焦脆 夠香口又有鑊氣雙色煎海蝦海蝦好大隻 好多肉 肉質彈牙 蝦頭嘅膏甘香鮮甜 先將蝦炸過 在加入自家調製嘅醬汁 煮至乾身 外殼脆卜卜 同時又有醬汁嘅香味 真係可以連殼都食埋鮮野菌炒雜菜份量夠多 蔬菜碧綠鮮嫩 是一道健康的菜式黑豚肉炒洞庭烏冬烏冬係好幼條 口感確實唔錯 唔會太林 反而仲有彈牙嘅感覺 配料包括黑豚肉，蘿蔔絲，蔬菜絲

來到銅鑼灣既尚鮮海鮮火鍋，一向都係打邊爐食火鍋，但近日肺炎持續，大家都擔心吾敢再去打邊爐，不過貼心既尚鮮，竟然係呢個時候，推出佢哋既尚鮮私房菜料理，實在令食客感到超級窩心，食得安心同放心。佢哋既衛生做得非常仔細，一安排好座位，就會馬上提供消毒噴霧比客人消毒雙手，亦提供足夠既濕紙巾比客人享用，啱灑鐘意乾淨既我。<尚鮮私房料理晚餐😋>- 川貝海底椰鱷魚🥣燉湯(位上)- 三色刺身🍣(章紅魚/帆立貝/鮑魚)- 蒜香燒生蠔- 香煎安格斯牛柳粒🐂- 雙色煎活海蝦🦐- 鮮野菌炒雜菜🥦- 黑豚肉炒稻庭烏冬🍝- 自家桂花糕🍮$278/位 (二人起)※※另+ $69升級 🦞活波士頓龍蝦另+ 半價享自家花茶🍵(一瓶)另+ $49/位 🍶清酒任飲(90mins)另收 10%服務費🙇🏽‍♂<川貝海底椰鱷魚排骨燉湯>燉湯非常足料，大大粒紅棗，清潤滋補，入口清甜暖胃。<三色刺身🍣(章紅魚/帆立貝/鮑魚)>刺身水準高，非常新鮮，而且切功好，帶子同章紅魚都肉厚鮮甜; 鮑魚肉質又嫰滑又彈牙，係必食推介!!~<蒜香燒生蠔>生蠔新鮮肥美，燒得脹卜卜，用好多蒜泥同

天氣凍想打邊爐一按OpenRice就見到尚鮮好評就好想試吓一入到去都幾安靜 裝修似係日式風格唔使驚聽唔到朋友講嘢好快就已經滿座嘅但係一啲都唔迫枱同枱之間有好多位每個卡位入邊有個小電視 好少餐廳會做得到咁樣原來除咗打邊爐仲有私房菜食不過我哋最後選擇左打邊爐選擇做國寶茶什菌湯同埋麻辣湯底職員話茶嘅湯底比較健康所以可以試吓茶嘅湯底比較特別適合鍾意清清地嘅人而麻辣湯底麻味比較重 喜歡食麻辣嘅朋友好鍾意而本身唔係太食辣嘅我都覺得呢隻麻辣比香辣好食😋叫咗個海鮮拼盤 有蠔、蟶子、大蜆、蝦、魚全部嘅海鮮都好新鮮 同埋肉質一流大蜆係非常之脹卜卜同埋鮮甜！特尚手切牛非常鮮美嫩滑 油花好均勻 非常高質 百花釀油條 同 響鈴 都係新鮮炸出嚟!!四寶丸 四款丸入邊嘅餡都唔同每粒丸入面都係有唔同嘅餡非常特別好似下面嗰兩款咁有鹹蛋黃同埋紫薯

冬天每隔幾日就想食火鍋，所以今日同朋友仔去左銅鑼灣百樂中心既尚鮮火鍋海鮮料理 裡面雖然面積唔係好大，但勝在坐得舒服，每枱坐位寛闊。首先一坐低服務員就介紹有咩湯底，然後好體貼咁問有沒有介口，由於款款都想食，幾經辛苦選了雙拼（秘製傳統土鄉，血池麻辣）$157湯底來到便香氣四溢，忍唔住先喝了半碗火鍋湯底看餐牌見到二人海鮮尚盛（$239）好吸引便叫了，來到果然冇令我失望，食落更加有驚喜，大花甲（名副其實的大花甲）彈牙鮮甜，廣島蠔超大肥香，蟶子王大到要分開3啖食，還有白鱔片和蝦，各樣都食得出好新鮮，呢點好重要！性價比超值！超級推介！牛三併（手切牛邊、特尚手切牛，肉質很嫩很鬆滿滿的牛味，尚鮮雪花牛柳粒油花均勻）（$268）四圍餃尚盛，最想推介蟹皇餃，有埋湯汁係𥚃面非常鮮甜，亦佈滿蟹肉！一試❤上，（$127）鮮炸脆響鈴和百花釀油條，由於係新鮮炸的所以脆卜卜，這個配搭很特別，值得一試（$55）見叫左太多海鮮、肉類，想試一試個皇帝菜（$49），放落去血池麻辣湯底入面效果超正，吸到湯入面「麻」既感覺！最後，服務員服務態度很好，多次幫我們‘不’走湯上的泡泡，主動加水同埋調節火鍋溫度大細。食食下仲見到老

呢排天氣有d 風，好想吃火鍋，約了朋友打邊邊！叫了姬松茸冬瓜湯+鮮牛肝菌昆布湯。好足料啊！d切粒冬瓜吸滿d湯，味道變得濃厚, 養顏滋潤。又有好多唔同菇菌同昆布，食落冇落味精，飲咗好多。前菜叫了泰式海生蝦，香港唔係好多地方有得食海生蝦，見到有就當然要食啦。個蝦超厚肉，又大隻又鮮甜, 比起好多泰式生蝦好好多。叫左四圍餃，分別有尚鮮蟹皇餃，松葉蟹皇餃，鮮蝦雲吞同西洋菜香菇餃。四種餃各有特色，蟹黃餃蟹味超濃！有好多蟹肉喺入邊！新鮮鮮蝦雲吞爽口彈牙！西洋菜香菇餃好正！豚肉片，每塊豚肉都大大塊，最重要係唔會太肥，唔會靭身。廣島蠔，一望就知新鮮！蠔好大，多汁滑嫩、有肉質鮮美的口感。上海年糕加湯好好味。炸脆響鈴，沾一下湯底，香脆可口，好入味。

Never thought of having hotpot so called ‘binlo’ per Hong Kong people’s speaking in a small space with a television)))As the weather was getting colder, I decide to have hotpot with my friends. Off work in Causeway Bay, my friend suggested to go a Japanese mix Chinese restaurant.When we arrived, the staff recommended us to order the soup which is made by tea. It’s surprisingly fresh tho I feel like the soup is not strong enough at first lol🤨 Yet, after several minutes, it tastes much better.We o

發現左一間高質打邊爐！銅鑼灣「尚鮮」野食正之餘服務都好好👍🏻 「鮮牛肝菌昆布湯底🥘」好足料，好多菇🍄未上野食前d醬油味料已經睇得出好用心，大大盤😻首先有豐富嘅「海鮮尚盛🦞」有大蝦，蠔，魚片等🐟個蠔真係鮮甜到我驚呼左幾次🤤之後嘅「手切牛邊位🐮」又係好新鮮好有牛味，雪花分明唔會韌，同平時食嘅普通肥牛好唔同~「鮮炸脆響鈴🔔」好大舊，一啖食落口滿足到呢🤪仲食左「松葉蟹皇餃🥟」同「羽衣甘藍🥬」，第一次食呢仲菜打邊爐，好味好特別😋間唔中同朋友屋企人食餐豪嘅好西都唔錯架😁提提你用openrice訂座仲有低至7折💵！

天氣轉涼就會特別想打邊爐，有同事反工時候介紹過銅鑼灣而間打邊爐，身為火鍋控既我第一時間訂位試下，地點為於銅鑼灣時代廣場附近交通都幾方便，一入門口服務員態度非常好，店舖唔算好大，但每台座位寬闊，整體環境很不錯.我地就叫左雙拼鍋底，三高野菌鍋加姫松茸冬瓜湯，而到個打邊爐鍋底唔同出面不銹鋼果種，而到係用類似石鍋既鍋，三高野菌個湯底幾香菇特有既香味，再加上隔離鍋既姫松茸冬瓜湯既清香十分唔錯.醬料方面，坐底後店員就會放係台面，可以俾你自由配搭食物方面，叫左個百花釀油條上台時候好吸引 ，新鮮炸出黎脆卜卜 ，油炸鬼加蝦既配合下口味同味道十分唔錯，配啤酒或餐前小食係一個非常好既選擇打邊爐點可以無牛肉，今次叫左特尚牛切肥牛，牛肉紋同脂肪分佈幾好同每塊牛肉都幾厚身，牛肉好有牛香味，淥幾十秒就食得，好食鮮打四寶丸，今次叫左牛肉，豬肉丸，蝦丸同墨魚丸，四種丸上台每粒都脹卜卜好吸引，口感彈牙，咬落去有口感，幾有驚喜，特別推介墨魚丸，好好食好香墨魚既鮮味脆魚鯇片，同出面其他火鍋店唔同，每塊魚片都非常脆同新鮮最後係田園盛 ，有粟粉，蕃茄，白蘿蔔同生菜等整體上食物質素十分高，同事無介紹錯，下次打邊爐首選

🔎 銅鑼灣耀華街3號百樂中心8樓*📍 尚鮮火鍋海鮮料理.高野菌茶鍋姬松茸冬瓜湯($165)不論高野菌定姬松茸冬瓜都較為清淡唔會太濃味.自己鍾意湯底淡D,因為覺得太濃食唔到材料嘅原汁原味.雙拼可以有唔同口感.加上湯底又有配料,絕對大飽口腹.特尚手切牛($180)手切牛好考功夫,一試就知真材實料.相信係新鮮即切.每塊都切得好平均,唔會過厚或者過薄,有落足心機之餘亦都非常有誠意.四圍餃尚盛($127)鍾意食餃嘅非常建議試.內有蟹皇餃,木耳鮮雲吞,西洋菜香菇餃等.餡料充足有餘,鮮美十足,完全滿足我呢個餃迷.五味豚拼盤($149)最近多咗食豬,佢有一個三層高嘅盆內有豐富嘅豬系列,有黑豚肉.豬皮,豬紅,豬大腸,豬潤等.如果本身唔食牛,或者鍾意食豬嘅真係唔好錯過.田園盛($86)想有多款種類嘅蔬菜,可以考慮呢個.餐廳整體質素都OK,不過燈光有D暗,如果光返DD可以更舒服.#entrycausewaybay

自從天氣轉涼之後，我出街打邊爐嘅次數都密左好多，今次同文員G去左銅記打邊爐。呢間鋪個名叫尚鮮，其實我去過另一間尚鮮，個間就係食日式烤肉放題嘅，而今次呢間就係打邊爐嘅，唔知會唔會都一樣咁高質呢。坐低之後，我地叫左個雙拼湯底，分別係三高野菌茶鍋同埋血池麻辣，一個就好養生，另一個就好刺激。血池麻辣呢個湯底真係好岩食辣之人，個名真唔係浪得虛名，初頭望落個湯底又唔似咁辣，因為以往見親啲麻辣湯底會有好紅嘅辣油係表面。第一次擺食物落去煮黎食都未覺辣，但係滾多幾滾，就開始黎料啦，愈食愈辣，超級過癮。而野菌茶鍋就會清一啲，同個麻辣湯底做返個平衡。食物方面，我地叫左碟手切牛邊位，文員G聽到牛邊位以為我叫左牛鞭去進補，笑左。話說呢個牛邊位其實都幾好食，牛味好出，而且都幾厚身。跟住有碟四圍餃尚盛，一碟有四款餃子，每款兩隻，個人特別鍾意蟹皇餃，每款餃子用嘅食材都好新鮮，包得好足料。之後就叫左個二人海鮮尚盛，呢個好嘅地方就係可以一次過試唔同種類嘅海鮮，例如蟶子、廣島蠔等等。整體上，呢間店令我覺得有驚喜相信就係個麻辣湯底，深藏不露，食辣之人一定要試。

冬天到左，梗係要食d熱辣辣的野暖下身，原來呢間打邊爐係有私房菜㗎，多人既話仲可以包房，想食好西嘅記得要預早訂😉今日叫咗個二人海鮮盛依家減緊肥，所以所有醬都冇落，原汁原味，新唔新鮮一食就知最好食係廣島蠔，好juicy又冇沙👍另外仲食咗四色丸上盛 芥末籽蝦丸芥末籽蝦丸芥末籽蝦丸，一定要試！!松露豬肉丸都好足料 成餐又點可以無肉呢特上手切牛睇落冇特別，淥完先知塊塊都好厚 減肥不能沒有蛋白質的（from牛） 最後講講湯底啦 健康人士首選，冬瓜湯，98國寶茶雜菌湯打邊爐又點可以冇嘢飲呢，咁熱氣梗係要飲返啲健康野平衡下 鍾意花茶嘅朋友可以揀洛神花蜂蜜茶（凍既） 花味重又有少少甜 配肉好啱精明嘅消費者記得睇清楚時間入座同埋埋單 係會有折架