居食屋「和民」 (雅蘭中心)

營業中

休息中

記得中學時期久不久就會約埋班同學去和民，近廿年太多日式料理興起，漸漸地小去了！今晚約會朋友真係好想去回味下！雅蘭中心這家分店店員服務態度很好，環境寧靜舒適。- 泡菜豚肉， 豚肉份量算多，湯底辣辣地好惹味- 蜜糖炸雞翼， 外層香脆，內層有點乾硬。- 豆腐好食-大阪燒，直得推介，滿滿椰菜絲加上芝士同蛋香非常滿意。

牡蠣明太子燒：牡蠣的鮮甜多汁和明太子的濃郁鹹香完美結合，烤得恰到好處的牡蠣外皮微微焦脆，咬開後裡面仍保持著鮮嫩多汁的口感香脆炸雞秘製醬油味（3件）：炸雞外皮酥脆金黃，裡面的雞肉鮮嫩多汁，搭配上秘製醬油的濃郁香氣，每一口都充滿了層次感。海老天婦羅（3隻）：蝦肉新鮮彈牙，天婦羅的外皮炸得輕盈而酥脆，裹著蝦肉的麵衣薄而不油膩，搭配天婦羅蘸醬，yyds鮭魚子茶碗蒸：茶碗蒸細膩滑嫩，口感順滑，配上鮭魚子的鹹香，咬開鮭魚子後鹹鮮的汁液在口腔中爆開，和茶碗蒸的柔滑感形成了完美的對比芥末辣鱆魚：鱆魚肉質Q彈有勁，搭配上芥末的辣勁，口感刺激又爽口軟殼蟹沙律：沙律清爽，搭配上酥脆的軟殼蟹，蟹肉鮮甜，沙律的酸甜醬汁和軟殼蟹的酥脆口感交織在一起，口感很豐富炸溫湯豆腐：這道菜真是別具一格，炸得外酥內嫩的豆腐，浸在溫熱的湯汁中，湯汁的清鮮味道滲透進豆腐裡，忍不住多吃幾口和民自慢鐵板餃子：餃子皮薄餡多，傳統日式餃子

食之前唔記得影相，因為唔值得影。食物唔新鮮，啲刺身好似放咗好耐，米飯質感好差。叫咗個冷烏冬，但係烏冬好硬，好似食擦子膠咁。仲有清酒煮蜆，一食就知係冰鮮。體驗極差，以後都唔會再食和民。仲有一個石頭鍋飯，三文魚好唔新鮮，同埋好少。唯一正常嘅係一杯柚子梳打，正常味道。另一樣嘢係啲餐具，好舊，感覺唔太乾淨。

尋日好肚餓求其揾左間野食，點知伏味儂呢個係梅酒梳打and 炸豆腐。炸豆腐冇咩問題，但係唔知點解入面會夾左年糕。個梅酒梳打冇梅酒得梳打，可能壽司郎仲抵另一個炸蠔幾好食，主要問題係個明太子夾蠔。原來只係大阪燒夾蠔，係冇明太子嘅，一粒都冇。仲要全程等勁耐，好多野都等成15分鐘以上，又耐又唔好食。一定唔會再黎一定唔會再黎一定唔會再黎一定唔會再黎一定唔會再黎一定唔會再黎一定唔會再黎一定唔會再黎一定唔會再黎for 200 字

今次呢間餐廳喺雅蘭中心係旺角E出口轉彎就到今次我叫嘅係照燒蒜香雞扒定食嘢飲我就揀咗柚子蜜呢份蒜香雞扒好入味 唔係只係倒咗d醬汁係面而係啲肉都好入味🤤配上醬汁 味道更加好而且啲薯條唔係煮完好耐放到淋晒啲薯條仲係脆卜卜 好好食🤤而且呢份定食唔單止有主菜雞扒仲有飯、湯、沙律同嘢飲份量超足👍🏻而且價錢仲好親民

今日帶住小朋友出到去旺角佢又肚餓，所以想搵間坐得舒服嘅餐廳坐低食lunch行過見到呢間和民set lunch有蜆肉烏冬小朋友最愛蜆肉😂😂即刻入去餐廳好大，亦好多卡位坐得夠晒舒服每日有一款特價定食，帶我去到點嗰陣已經售罄😂最後點咗蜆肉湯烏冬&鮭魚壽司定食 $79另外追加一個迷你牛肉丼$39因為一大一細，叫多個套餐一定食唔哂🙈蜆肉湯烏冬&鮭魚壽司定食蜆肉份量夠哂多，小朋友喺我影相前已經急不及待偷食咗兩隻🤣🤣烏冬彈牙，蜆肉鮮甜，湯底好味👍🏻鮭魚壽司普通，下次唔洗叫🙈迷你牛肉丼份量比想像中多，女仔食會覺得剛剛好，小朋友食應該會食唔晒😂牛肉少少韌，但份量都多，如果再多啲牛肉汁會更加好整體唔錯，環境夠晒舒適，沙發位置坐得好，set lunch可另外追加，親子嚟食就啱晒大人唔使下下食小朋友食剩嘅嘢，好難預份量追加就可以加自己鍾意食嘅嘢，又唔使專登叫多個餐食唔晒浪費👍🏻

想食日本嘢，但係又想食啲熱嘢，諗起和民生熟都有，而且好多年冇嚟食就嚟試吓啦！橫掂今日要去旺角都有一Menu好似同以往冇乜大分別，我都唔記得😄😂但係都係有啲魚生飯便當，咁樣咁！今日有多啲時間想烚吓烚吓又想食魚生就加咗啲魚生呢度好多款式好多小食可以揀！不過想提佢一個好大嘅缺點就係衛生欠佳知道好多餐廳都未必係乾淨，眼不見為乾淨，不過佢呢度門面功夫都做唔到，一坐低，應該係話一有座位，已經見到張梳化好油好濕，抹完之後都係立立令，懷疑佢條毛巾都係污糟，所以我哋自己再清潔🙉🙈其實整體所有食物都好味，小食就比較貴，因為幾舊菠菜就已經$19 ，如果我大膽啲一啖都食晒，我就食咗兩啖🤣🤣不過當過下口癮係咁㗎啦午餐set嘅蜆肉烏冬比想像中好！蜆肉新鮮冇沙，烏冬係彈牙好味嗰隻燒魷魚$89.1隻大大隻新鮮蛋呀散叫海鮮鍋都好多食物，主要係菜，但係佢金菇唔同嘅菜都有啲非常豐富！雖然呢度嘅環境比較污糟唔衛生，不過呢度嘅侍應有一位非常有禮貌

📍居食屋「和民」 (雅蘭中心)旺角彌敦道639號雅蘭中心2樓208號舖很久沒有幫襯和民居食屋了，還記得以前總是要排隊排好耐。今次食都算較晚，所以不用等位可以直入用餐。雖然見到其他食客都點了火煱，亦食得津津有味，但太晏食晚飯了，不利消化，下次有機會才試試。叫咗海老天婦羅冷蕎麥麵，蕎麥麵略嫌硬身了一點，但個天婦羅蝦新鮮美味，外皮炸得軟薄。👍🏼盒子豬柳盒子飯，未食之前以為飯很少，怎知食落夠晒一個人份量。個飯整得熱辣辣，豬柳炸詧剛剛好，唔油身。😋兩樣食物共($158-HKD)，算是價錢合理。

下午在雅蘭中心有牙科預約，一個人先過來吃個午飯，為免來回折返浪費時間和精力，所以決定在這找一間餐廳解決，不過遇上餐期人多，所以徘徊於2樓和3樓，中、西、日式餐廳酒樓逐間看看，結果選了提供多款套餐的「居酒屋」日式餐廳，在門外查看餐牌時，接待員已經殷切地招呼我內進，經過門口的幾張「吉位」後入到餐廳才發現天外有天，裏面既有卡位也有一張張倚牆的梳化桌椅座位，食客大多是一或兩個人，環境還算寬躺舒適，也比其他幾間「露天」雅座私隱度較高。坐下來便從餐牌衆多套餐中選了差不多最貴的極上鰻魚薩摩牛盒子飯，$169包含了沙律、鰹魚湯、燒鰻魚和蕯摩牛飯、甜品和飲品，還可以特價$39加一客鮭魚刺身。食物的水準雖然不是頂級，但也算中規中矩，在旺市人多的地區，二百多元吃個這樣的午飯也算不錯。

很久沒去和民吃，今天一家三口到和民吃午餐，點了兩碗豚肉拉麵+1個咖喱豬柳飯，先唔講上菜超慢⋯⋯碗豚肉拉麵，只有一片超薄切豚肉，根本同吃淨麵加半只流心蛋冇分別，另外咖喱豬柳飯，豬柳完全冇味，只係用微辣的咖喱送飯，等咗15分鐘，才吃了幾口，枱上突然出現一隻曱甴在跑步，唯有大叫「有曱甴」，服務員有幫手殲滅，但係仲食得落嗎？唯有埋單走人，雖然服務員有打個八折俾我，又如何？永不錄用！一想食咖喱就諗起隻曱甴！好大陰影🥲🥲（掛住避曱甴，無同佢影相）

星期六兩個人去幫襯中午飯，帶位職員非常好，見我哋拎住好多嘢，就專登帶我哋去一張方便擺嘢嘅枱。叫咗一個十勝豚肉盒子飯、一個壽喜燒定食，都好好味。但想講嘅係，除咗食物要有質素外，職員嘅質素其實更加重要，食得窩心，至會食得開心！謝謝和民服務員，加油

我本身坐係二人座位，但知道一陣會叫火鍋，張枱一定好迫，唔會擺到野，因為我見佢都俾對情侶兩個人坐4人枱，加上有吉枱，於是就問個呀姐可唔可以轉，佢話出面有人等緊位，好明顯沒人食，擺到明耍你😡到我地點餐時，個火鍋係ok ,因為都係將生野變成熟野，沒難度，之後點左炸豆腐，真心難食，食緊啲膠落肚，到最後個豚肉拉麵，塊豚肉細到睇唔到，湯底更加淡，都沒湯底😩，啲麵係生既，硬到食唔到，既然個呀姐鍾意random 俾枱人，咁唔公平，真係沒下次，佢以為自己可以隻手遮天，咁下次未唔會再幫襯，最緊要坐得舒服同埋食物基本既質素，佢仲夠膽死收服務費，個呀姐態度咁差😡唔憂做！

第一次食和民，感覺唔錯。座位舒適而且食物味道好好。$99壽司，每件壽司賣相精緻而且份量適中，入口唔會太膩。鯖魚燒值得一讚，夾落魚肉唔鬆散，食落口感好好，再加上檸檬汁令魚肉味道昇華。牛肉壽喜燒煱，2-3人份量，壽喜燒醬汁味道濃郁，牛肉入味。$39 芒果益力多沙冰呢個份量足夠兩人飽肚，埋單人均消費$185。環境寧靜，晚市價錢公道。

平安夜外去食晚餐，去左好耐冇去既和民，佢價錢親民，我哋叫左好多野食叫左牡丹蝦刺身，帶子壽司，牡丹蝦壽司，薩摩牛火鍋，串燒拼盤，芥末蜜糖雞翼，豆腐兩個人食到超級飽😋下次再黎幫襯☺️

雅蘭中心食店唔多，如果想揾中等價錢，和民就係我首選👍🏻今日兩個人分別叫咗一個套餐，再每人追加一個特價小食。壽喜燒鍋御膳壽喜燒可以配飯或者烏冬，我就選擇了烏冬，仲包埋紅豆丸子，熱蜂蜜生薑茶，另外加配廣島脆炸牡蠣喜壽燒啲牛肉好靚，份量都好足料，加埋湯底和配料，簡直係完美。叉燒豚肉醬油拉麵除左拉麵，仲有沙律、柚子蜜、再加配香脆秘製醬油炸雞我選擇2點半食，人流較少，可以揀私隱度較高嘅座位，方便攞電腦出嚟做公司嘢😌