居食屋「和民」 (雅蘭中心)

營業中

休息中

因之前疫情關係同未開放晚市，一直相约不到大家出來見面，期待以久大家見面，我們相議今晚大家在那兒吃，最终相議了這間，大家也喜歡吃日式野，坐位都舒服，不限時，食物多元化同便宜，我們Book了晚上7時30分，大家都放了工出去吃，大家都齊人了，開始看餐牌點食物吃，看了一會，首先我們點了加州卷，卷入面的瓜同料很爽脆，點了香脆炸雞，雞很嫩滑同脆，照燒雞肉批薩，好香燒汁味同皮脆，關西章魚燒，章魚很彈牙同溶口，日本原條鱿魚燒，魷魚大隻同嫩滑，石鍋蒜香海鮮飯，海鮮透入蒜香很搭配，飯味好香

今晚同朋友仔唔算好肚餓想食少DD叫D小食SHARE就黎左和民呀點左~蜆肉烏冬烏冬份量正常可能我地唔算好餓就食剩少少呀烏冬唔夠滑但個蜆肉幾好隻隻都肥肥地而且完全無沙呀湯底清清地得黎有味道有海帶清香我都飲左幾啖呀~海鮮沙律呢個好有驚喜WOR個沙律汁酸酸地好啱夏天食有帶子同三文魚刺身各兩三片雖然刺身講唔上好肥美但都尚算新鮮連埋沙律菜整體可以WOR~鐵板餃子呢個正正常常有六隻餃子皮唔算薄勝在上碟時夠熱而個料都OK既唔算好細隻連埋餃子醋上碟我覺得可以既

今日去咗雅蘭中心和民食午餐，而家和民舖頭一分為二，另一間做咗意粉狂熱，佢而家有每日限定優惠既午餐，多左好多選擇，價錢比以前平咗好多，我嗰日食咗一個係溫泉蛋牛肉丼飯配沙律配茶碗蒸配柚子蜜梳打仲有個湯，都係$69蚊，簡直係經濟實惠，係O L放lunch之選。佢嘅茶碗蒸入邊係足料，令到我哋好有驚喜，一個女仔其實食完都可以頂到去夜晚☺️座位坐得舒服，有卡位可以慢慢坐同同事傾偈，而上菜速度都好快，我覺得比起吉野家咁抵食👍🏻而下次我好想試星期五嘅天婦羅🍤，因為平時出面食天婦羅都好貴～但係佢而家午餐係同一價錢真係好抵，下次一定會再幫襯，唯一唔好係嗰度收電話收得好差，完全上唔到網🙈

今日黎食雞，以為自己去左玩獎門人，食隻雞翼原來都可以咁大挑戰。一、眼技。遠睇誇啦啦，近睇小喇叭。雞翼又細又柴，疫情下買雞翼送暖笠笠雞毛，雪中送炭，實屬難得。二、手技。你以為可以靠抆雞毛就抆得甩？錯！香港人堅韌不屈的精神完美體驗係隻雞翼上面。三、口技。黎和民食雞翼，最正宗既食法應該係先飲日式茶漱口，含一啖雞翼，一嘴雞毛，一野噴落個侍應身上「hi! 咁多毛點食呀!」聽講tvb最近玩明星運動會，我建議其中一個項目加入抆和民雞翼毛，我相信所有tvb明星都有tvb水準，一條都抆唔到，打和！

今日係6月23號星期三夜晚我哋四朵金花好耐冇出嚟食飯了，我哋約咗去旺角雅蘭中心嘅車食屋和民，我哋約咗7:00 ，師兄帶我哋入去一個好大嘅卡位，好大好歡堂同埋周圍嘅環境都好舒服，我哋都係啱啱放工所以好肚餓一坐低見到佢哋有一個炸雞啦小丸子，照燒雞肉pizza嗌咗呢三樣醫醫個肚仔先啦，之後再買過加州卷啦，日本產原條魷魚燒，石鍋蒜香海鮮飯，廣島風鐵板炒麵，蜜糖芥茉未雞翼，先講嗰個炸雞佢炸得好香入邊好Juice，而家照燒雞Pizza亦都係好好味，仲有個加州卷同埋個蜜糖雞翼都係好保持水準好好味😋

第一次食飯食到咁想笑雖然成餐飯三百幾唔可以要求太高但係食物質素真係差 清酒煮蜆全部都係沙雞翼四隻兩隻好似發育不良，未成年就被指派出來工作咁細 望著真係笑左。其次，服務態度沒有最hea只有更hea！門口reception接待好似唔夠氣咁 hea到無朋友樓面得一個經理一個樓面最好笑係我地三個人叫左個大份牛肉壽喜燒 個爐「四個字」（二十分鐘） 都唔滾 問反個樓面拒講左個2021年第一個笑話「無辦法啦 個爐係咁 你地等下啦 得架啦！」（全程透露著幫你唔到 你自己搞掂啦）sorry？an i a joke to you？？？最後尼個球員（樓面）踢反個波卑經理，尼個經理死死氣來句「咁我幫你地換個爐咯」 真係好委屈拒呀？ 最好笑係換左個爐後個煲十秒即滾！個樓面真係詐傻扮懵咁好似無事咁款.....同個經理講蜆好多沙 條友最佳演員咁真係聽唔到咁款... 最後當無左件事 真係得啖笑最後雖然真係疫情 周圍情況都唔好 但都唔應該咁樣做咯，經理係咁款 樓面係咁款 reception都係咁款 明明其他和民都唔係咁咯 所以原本仲係肚餓 都寧願喇喇聲食完出去食返個甜品安慰下自己

今日去左和民嘅旺角雅蘭中心店食晚餐，以前去日本旅行都已經好鍾意去居酒屋食晚餐，而去和民就可以品嚐居酒屋嘅風味。香港和民集團邁向20週年，所以正舉行優惠活動，只要用JCB信用卡消費滿$100或以上，就即享7折優惠，真係超抵。而且和民嘅食物本身已經好抵，好多小食都只需要$19或者$39 ，再加埋七折之後真係可以好似食放題咁樣叫嘢食。🔹和民自慢！香脆炸雞原味（三件） $19炸雞外脆內軟，超多肉汁，我哋食完一份之後再叫多咗一份，就知道有幾好食。🔹和民自慢！鐵板餃子（6件）$39煎餃子再配上日式嘅辣油，真係充滿日式嘅風味，而且餃子皮煎得香脆，好味。🔹照燒雞肉pizza $39Pizza都只係$39 ，非常抵食。批底薄脆，餡料都幾多下。🔹和民農場！有機番薯天婦羅$39番薯天婦羅又係食日本菜必點嘅，天婦羅嘅炸漿酥脆，蕃薯甜美。🔹廣島風鐵板炒拉麵$59廣島風嘅炒麵，就係有滿滿嘅醬油，再加上野菜，口感豐富。🔹帆立貝鮭魚石鍋蒜蓉牛油飯$79採用日本帆立貝，新鮮美味，品質保證。石鍋飯嘅熱力令牛油飯變成飯焦，又香又脆。

見到和民有咁多連鎖店而咁岩今日經過既時候唔使點等位就入去試下第一碟三文魚上台既時候，見到唔係好新鮮，好似有d霉霉地咁侍應話可能係因為燈光問題，亦都因為唔同既部位所以先會有咁既情況出現但我地問可唔可以幫我地換過碟先會有哩碟出現但係..食落去都係好唔新鮮🤮落單既時候有問侍應個蛋係甜定係鹹？侍應答我地係甜所以先叫，結果黎到係鹹既🤯炸蠔炸到overcook😢壽喜燒係最正常既大家如果無乜胃口可以食哩個湯底唔會過甜，🐂質素亦都唔錯

原來想和朋友去吃隔壁的壽司店，可惜太多人等候，所以就選擇吃和民。因為和民有很多分店，以往也吃過一兩次，覺得不過不失，普通的一頓飯，但今次再去就發現很多菜式都中伏了🥵🥵————————————————自家製厚燒玉子 $39一開始有詢問過店員玉子燒是鹹還是甜，店員回答是甜，但一上菜就是普通的煎蛋一樣，玉子燒口感並不綿密，不甜也不咸👎🏻廣島縣產 脆炸牡蠣 $39 三件這是不過不失的炸蠔，炸衣如果更薄會更好，沙律醬是含有洋蔥的，對於不愛洋蔥的人，可能要注意一下。炸番薯 $39這是$39系列中最正常的小吃，番薯是甜的。鮭魚刺身 $48 三塊一開始上菜時給我們的三文魚刺身，非常不新鮮，又點霉的感覺，和民的射燈平時已經很顯食物的鮮色，可是在這樣的燈光下看着三文魚，顏色有點發黑，無奈之下就與店員反映，店員也很有禮貌地幫我們更換刺身，但更換後的刺身水準，就是與爭鮮外賣的三文魚刺身質素一樣，沒有什麼必要就不要點🤢牛肉壽喜燒鍋（L) $176壽喜燒是全餐飯最正常的菜式，不過這樣的價錢不能以高水準的壽喜燒相比，但牛肉很有牛味，蔬菜也十分豐富，又金針菇、娃娃菜、茼蒿、大蔥，這樣的價錢性價比算高，而且有包含雞蛋3

這是待客之道，應有的服務水平!?我們今天大概19:27分到店，枱號405，帳單000-3383，消費了$339.9.首先，你們員工上了前菜後，然後該名男店員跟我們說要hold起什麼。我發覺我們吃了前菜後身邊枱的客人，甚至後來到店的客人都已經在吃火鍋了，只有我們吃了前菜後其餘的菜式也沒端上過，我們期間枱子上是空著的，坐了半小時2000分發覺仍然沒人上菜才叫男店員看看什麼一回事，然後跟我們說hold起來，我們發覺之後仍沒採取任何行動只給了我們一個gas 爐，之後我們再叫了一位男經理詢問是什麼一回事，男經理了解後為其向我們作出賠罪及適當的補償。最後免費收取我們一份牛肉及雞肉價錢及放1隻蛋作為補償。最大問題是要客人我們空著肚子呆等半小時，還白白浪費了我們享餐時間！我今天是生日希望來店享受美食和服務，但你們期間有7名店員在場仍沒人留意我們桌子一直空著，相反身邊及後進店的客人都已經在享受火鍋了，對於你們店服務水平是偏低，待客之道是這樣嗎？你們還是知名的一間飲食集團，我從事零售業也得知，上菜後應該要在該單把已上菜的標籤剔號代表已到已上菜作確認，就算單據在收銀機旁打單，你們應該也要確認每一張枱客人上了

和民都算係女仕們喜歡嘅日式餐廳，貪佢食物款式多，價錢親民，又坐得舒服。唔經唔覺和民係香港都開左二十年啦，最近佢地推出左呢個20週年超值Omakase，網上預訂嘅話只需$160就可以食到8道菜，非常超值。Omakase共有8度菜，包括前菜、刺身、壽司、帆立貝、炸雞、炸牡蠣、湯同埋甜品。前菜：前菜係北海道芝士凱撒沙律，既新鮮又爽脆嘅羅馬生菜，加入香口嘅煙肉同多士粒，配上芝士同沙律醬，感覺非常清新，真係令人越食越開胃。刺身：極尚中拖羅刺身：拖羅其實係吞拿魚腩腹肉，脂肪比較多，不過既然出得去食飯都唔驚得咁多，入口真係有厚實油潤嘅感覺，好有質感，味道非常鮮甜。壽司:壽司每人有八件，分別係日本帆立貝、極尚中拖羅、赤蝦、三文魚子、玉子、鰻魚、魚籽、三文魚，整體賣相非常吸引。壽司飯採用日本珍珠米，飯嘅味道已經調配好， 壽司飯有醋香味，每一件壽司入口鮮甜肥美，一口一件，超滿足，所以唔使點豉油已經好夠味。玉子壽司甜甜地，入口刈海綿嘅質感、三文魚子鹹鮮爆汁，赤蝦帶點爽脆鮮甜，好好味。最值得一讚嘅係日本產帆立貝夠厚身而且無雪味，入口嫩滑， 至於極尚中拖羅，除左厚切之外，油份相當十足，入口即溶，讚。牛油焗日本帆

这篇食记完全不带个人偏见，但是有一说一，这家店真的是让人非常生气！给大家友情提示：不推荐！哪怕你去路上随便找一家都别去这家店！！！除非你想体验气饱的感觉！在HK吃了许多餐厅，还没有一家让人觉得服务如此之差。首选是餐厅环境，在外面看着还行，但进去了之后发现桌子都还是湿的，还得自己动手去擦第二是服务员态度，落座之后招呼了许多次才过来点餐。我们和隔壁桌的客人都等得快要不耐烦。第三是等餐，这个真的是最最生气的。本来七点多肚子已经非常非常饿了，好家伙等了快一个小时连杯饮品都没催了服务员之后好像也没有用就算是客人多上杯饮品也不是什么难事吧？！原本脾气好好地耐心等待，最后真的心情爆烂！为了等个锅竟然等了90分钟以上？？第四就是吃饭。上了锅之后pang！一下放你面前，连火都不给你开，还得询问服务生才帮你开火。因为海鲜锅还是生的，就又煮了半个小时才吃当下已经气得没脾气了。尝了下味道也超级一般。加的面条坨了也没什么嚼劲！海鲜也很一般！不知道自己当时是脑壳子瓦特了还是什么的才会选择这家店。第五就是催你走！没错！催你走！明明上菜那么晚，吃没两口，把账单怼你面前告诉你九点多了快关店了！把账结了走吧！不好意思咯！

限聚令真係好麻煩，有d野外賣唔好食，如果遇到個唔盡責既外賣仔，就直頭係慘，可能兩個鍾都送唔到黎，熱食變凍食，真係喊都無謂！食炸嘢，就更係要堂食啦，新鮮熱辣辣咁送過嚟，齋聞都開心十倍啦！呢間居酒屋，係香港都好耐歷史啦，仍然做得住，皆因佢啲嘢真係唔錯囉，又唔算太貴，座位又舒適，份量又適中，又多選擇，所以都經常黎！今次都令我失望，餃子皮煎到脆卜卜，炸雞d粉漿唔會太厚，調味又剛好，重沈咗少少香料，味道剛剛好！

提起平民日本菜，「和民」絕對係必然選擇之一，唔經唔覺和民已經係香港屹立20年，近日更推出Omakase，$160就可以食到，咁抵食梗係要試下。由前菜到甜品總共有8道菜，夠晒多野食。前菜係凱撒沙律，沙律菜好新鮮，加入煙肉及沙律醬食，作為前菜好開胃。第二道菜係極上中拖羅刺身，刺身係厚切，入口新鮮肥美。食完刺身就到壽司8貫，有拖羅、三文魚、赤蝦、帶子等等，每款料同醋飯都好夾，當中我最喜愛帶子，入口甜美；而三文魚籽一咬落去好多汁，每一件都好好味。食完壽司就開始食熟食了，第一道就係牛油焗帆立貝，呢道菜係我每次去和民必點食物之一，今次Omakase都食到真係開心，帆立貝焗完後外脆內軟，有好香牛油味，入口味道甜甜地，但仍然保留帆立貝鮮味，真係百吃不厭。來到炸物了，先食炸雞，賣相呈金黃色，相當吸引，外皮炸得香脆，雞肉依然嫩滑多汁，個人覺得唔需要沾沙律醬都已經好好味。炸廣島蠔係另一樣我去和民必點菜式，廣島蠔入口熱辣辣，外皮炸得香脆，內裡非常juicy。鰹魚湯味道鮮甜，配料有豆腐及海苔，食飽飽後飲返碗就最適合不過。晚餐尾聲當然要有甜品，係和民農場出產嘅有機蕃薯迷你芭菲，由頂層嘅蕃薯、珍珠、雪糕，到底層嘅粟

自從禁晚市後，真係好耐好配無出街食晚飯，多數都5點半食下午茶或直接買外賣返屋企食。旺角食野真係特別多選擇，去到雅蘭中心，見到和民，就入左去，真係勁耐無食。 店員有禮地帶位入餐廳坐卡位，餐牌都多選擇，但壽司類會較少。最後揀左二人歡聚套餐😋，可以樣樣都試D加埋有野飲，計落其實同散叫差唔多。 💁🏻‍♀️前菜分別有3款季節前菜、北海道芝士凱撒沙律、鮭魚刺身 1️⃣一品料理清酒煮蜆，容易入口，不會太大的酒味，味道清清地配少少蔥花，仲有唔會有沙! 2️⃣食事和民石鍋泡菜飯，真係特別鍾情石鍋飯😍😋😋，店員把熱辣辣香噴噴的石鍋泡菜飯放上枱，賣相吸引，味道濃郁，大讚!!!!👍🏻👍🏻👍🏻有少許微辣，不食辣的朋友要注意⚠️  3️⃣鍋物(小)牛肉壽喜燒，牛肉、豆腐、冬菇、蔬菜，細細既鍋物滿足左我想打邊爐又唔想咁多野既慾望，呢個配合，如果跟餐有埋烏冬就完美配搭!🥰 4️⃣另外叫左個8貫壽司盛合 (日本帆立貝壽司、極上中拖羅壽司、赤蝦壽司、三文魚子壽司、玉子壽司、鰻魚壽司、魚子壽司、三文魚壽司)，貪佢咩都有得食，味道可以。