居食屋「和民」 (雅蘭中心)

營業中

休息中

最近發現佢哋推出咗*期間限定*平價 Omakase 晚市套餐, 可以平民價享受8道菜Omakase❗️套餐會有極上中拖羅刺身、8貫壽司盛合、牛油焗日本帆立貝、廣島縣炸蠔🦪、炸雞翼。中拖羅刺身 - 油分適中而無筋, 肉質肥美, 入口即溶, 非常甘香! 🍣8貫壽司盛合 - 包括有日本帆立貝壽司、極上中拖羅壽司、鰻魚壽司、三文魚壽司、赤蝦壽司、玉子壽司等等。中拖羅壽司好肥美; 赤蝦壽司肉質爽口彈牙, 鮮味十足! 牛油焗日本帆立貝 - 帆立貝口感彈牙, 充滿牛油香味, 可以唧少少檸檬汁, 以增添味道層次, 同時減低整體油膩感。甜品 - 迷你芭菲, 以和民自家農場出產既有機蕃薯製作🍠, 雪糕旁邊既蕃薯香甜軟糯, 有淡淡黑糖既甜味。

最近見到香港和民集團20週年出咗個新套餐係一個二人前8道菜式Omakase～試咗～同大家分享吓..........首先佢就上咗一個沙律做前菜先然後就上極上中拖羅刺身感覺新鮮而且口感豐富🤣🤣幾唔錯之後就到壽司8貫望落去就已經好吸引🤤食落感覺都幾新鮮再之後就到日本帆立貝, 廣島蠔,同埋炸雞炸得剛剛好卜卜趣😂自己特別鍾意炸雞調味做得啱啱好而且雞肉好嫩滑🥰最後就係湯同甜品淨係感覺份量好夠 價錢唔貴質素亦都唔錯 性價比算係幾高👍🏻..........居食屋「和民」 地址：旺角彌敦道639號雅蘭中心2樓208號舖

記得少女時代很喜歡去和民約會，享受美味的日本料理，對和民有特別的感情，充滿回憶。和民二十週年慶推出 超值Omakase，只需$160就食到8道菜日本料理Omakase，驚喜優惠超值抵食! 要先在網上預訂才有這優惠。Omakase包括極上中拖羅刺身、8貫壽司盛合 （包括日本帆立貝壽司、極上中拖羅壽司、赤蝦壽司等)、牛油焗日本帆立貝、廣島縣炸蠔、迷你芭菲。相當豐盛，極上滿足。極上中拖羅刺身先來極上中拖羅刺身，拖羅是吞拿魚腩腹肉，脂肪比例較多，魚油很香，有入口即溶之感，軟潤鮮味。北海道芝士 凱撒沙律爽脆的羅馬生菜，配上北海道香滑的芝士，沙律醬，香口的煙肉，粒粒脆身的多士，令人胃口大開。8貫壽司盛合 包括日本帆立貝壽司、極上中拖羅壽司、赤蝦壽司、三文魚子壽司、玉子壽司、鰻魚壽司、魚子壽司、三文魚壽司，看樣子已十分吸引。飯和料的比例剛好，啖啖醋香的壽司飯，一口一件超滿足。當中私心我最愛鮮甜的日本帆立貝、再次回味的極上中拖羅、玉子甜甜的及如海綿的質感、三文魚子鹹鮮爆汁，赤蝦帶點爽脆鮮甜，質素不俗。牛油焗日本帆立貝記憶中這是和民的名物，牛油特香，加上鮮檸汁，永遠都吃不厭的味道，日本帆立貝不算大隻但啖

以前食和民多數食晚市, 記得價錢都唔平, 而家冇左晚市, 試多左唔同餐廳既LUNCH, 今日去到雅蘭見到和民而家有PROMOTION!! 【🎊和民香港集團邁向20周年慶典巡禮💳JCB會員專享7折優惠🈹】憑JCB卡係和民集團惠顧滿200蚊, 並點選指定食品, 即可享主餐牌7折優惠 7折咁抵, CHECK一CHECK自己有冇帶張JCB卡, 有! 唔洗諗就入左去~~ 睇睇MENU, 居食屋「和民」指定食品就係採用日本帆立貝既牛油焗日本帆立貝牛油焗帆立貝以小鐵板上菜,  黎到既時候仲係熱辣辣滋滋聲架~ 就咁聞都聞到香噴噴既牛油香氣。帆立貝一口一粒, 有咬口唔會韌, 表面有焦香又不失帶子既鮮, 另外有充滿蒜香同牛油既本菇, 整體十分惹味!原味炸雞 之前食過和民集團PASTAHOLIC既炸雞, 覺得係出色既! 原來居食屋和民都有, 果然一樣外脆內嫩, 欣賞佢可以做到雞肉熱辣辣又JUICY, 點埋沙律醬更香口好味!壽喜燒鍋御膳有齊前菜甜薯, 沙律同海帶湯。主角壽喜燒鍋用GAS爐滾住, 賣相討好~ 一排鮮嫩既肥牛配上乜都有D既蔬菜, 湯底甜甜的, 最中意佢一路煲住熱辣辣, 加入煙韌烏冬, 係冬天食真係

很久沒有吃和民了，早前本身想晚上堂食的，但因為疫情關係，未能吃到，今天行經餐廳門口，發現原來他們有外賣餐牌，而且價錢都不算很貴，所以便決定晚餐就在這裡買回家。滑蛋豬柳飯便當，便當的份量都幾多，除了有飯，還有沙律。滑蛋都滑溜，而且有鮮甜的洋蔥味，吉列豬柳吸了滑蛋的湯汁，味道惹味。東京牛肉飯便當，這款牛肉飯有點像在日本吃牛肉飯的感覺，用上肥牛和洋蔥，有濃濃的牛肉味，亦有洋蔥的鮮甜味，加上有牛肉汁，令味道更出。和民沙律，這款沙律用上沙律菜、雞蛋、牛油果、紅椒、黃椒、蝦、雞扒等，材料非常豐富。倒入芝麻醬一起吃，味道更美味。雞扒香脆，再拌上吞拿魚醬，口感更豐富。牛油焗帆立貝，帆立貝用上日本的帆立貝，好香牛油味，外層煎得金黃，內裡軟滑。極上中拖羅卷，想不到卷物的味道也不錯，卷物中間夾上拖羅，拖羅鮮甜，點上醬油一起吃，更能提起拖羅的鮮味。加州卷，用上牛油果、蟹柳、青瓜、蟹籽製成，口感很豐富，而且味道也不錯。和民自慢!香脆炸雞秘製醬油味，炸雞炸得不會太油，由於用上醬油汁，酸酸甜甜，不會很油膩!現在到和民用JCB信用卡付款還有折扣呢!

下午一點半左右到嚟，直入吾使排隊吾使等，坐左一半人到。叫左1個3號餐(我叫佢做雞寶飯吧)，1個9號餐(壽司/天婦羅/蕎麥冷麵)，跟熱柚子蜜同凍檸茶。飲品好快，5分鐘就到，但柚子蜜太甜，凍檸茶好似無放糖水(我無叫少甜或走甜)，又無跟糖水嚟。咁叫服務員比杯熱水同糖水，好快，即到。等左15分鐘左右，一個餐都未到，我對住廚房出菜位，亦吾見有幾多個餐出過，我叫過兩個服務員跟跟，兩個哦完就算，無埋去出餐位睇睇。再過5分鐘，我又追，佢叫我等等，我話我等左20分鐘，仲要等幾耐？我起身話走，佢話其中一個餐差壽司未整好，即刻有另一服務員托個餐嚟(欠壽司)。算！坐低食，再過5分鐘，我見有壽司出，但無人攞嚟比我地，反而攞一整個同樣嘅餐，比另一枱遲過我地嚟嘅客人，我即刻問服務員，佢即時去出菜位攞比我，我話第二個餐吾使嚟啦，埋單！佢又即刻去出菜位攞埋比我。講返餐嘅質素，蕎麥冷麵應對跟一碗日本鼓油同蔥花/鵪鶉蛋/芥末，但無，麵亦吾凍，立口，失敗。蝦天婦羅咬落去一口油。另外一個雞寶飯，啲雞寶同飯都係''微"暖嘅，即係整定，都吾明點解要等接近半個鐘。總結，服務員好好，但廚房好差，以後一定吾會再幫親佢。

咁見咁耐無食和民就去食下啦，咁個價錢佢就真係幾抵嘅，睇左陣我就叫左個滑蛋豬柳鍋定食。啲位係幾闊幾好坐嘅。咁個定食黎到，望落都唔錯，有麵䜴湯，有沙律，個滑蛋豬都唔少。咁食入口都夠熱嘅，但係個滑蛋就比較水同浠，搞到無乜蛋味咁個豬柳佢係有炸過嘅，可惜佢應該放左落滑蛋到好耐，所以已經淋哂。試想像下，個吉列皮係本身好脆，但係浸到淋哂，入口個感覺已經麻麻地，之後仲要入面塊豬好乾好硬。所以真心唔太好食以前和民都好似好食啲，唔知依家做咩，下次可能食另一間日本野算

今日兩個人食旺角和民，朋友叫左個溫泉蛋牛肉飯，佢話味道麻麻，而且份量細。我就叫左石鍋鮭魚&帆立具蒜蓉牛油飯，但可惜一黎到見到D飯係濃既，已經扣晒分，一入口覺得三文魚D味道好奇怪，難以形容。如果只睇賣相，好似無咩問題，可惜真係賣相比實質味道好。而且真係份量細到食完要去第度食野先夠飽(我地都唔會係大食之人)，下次真係唔會再光臨。 唯一優點係佢服務態度都係唔錯，但始終食店都是要靠食物，呢個食物質素真係服務再好都補唔番。

疫情禁晚市，對於堂食食肆嚟講係一個大打擊，為求自保轉型係其中一個方法，間中都會去和民食平民壽喜燒同豬扒鍋，轉型外賣便當後，無意中發現有個特別炸雞便當，好食指數係一星期食一次，真係平靚正呀！🍴宮崎南蠻炸雞飯便當(有餐飲)x2⭐️⭐️⭐️⭐️有4大件雞，雖然半個鐘先返到屋企變凍咗，但完全無焗腍，口感仍然脆口，雞件又夠入味同嫩滑，不過最重點都係個他他醬，真係越蘸越開胃，所以要求佢每客比多個；至於飯真的太多了，係男仕份量，兩次都有食剩飯🍴厚燒玉子⭐️⭐️⭐️玉子唔滑口感粗糙，不過有蛋香🍴燒板餃子(6件)⭐️⭐️⭐️皮薄餡料豐富，雖然凍咗但仍然香口，下次都會再encore二人共消費：$126.4 (food panda外賣優惠)

很久沒來，改變了很多，但仍然有水準的-推介：牛肉鍋特色軟殼蟹壽司三文魚牛油果壽司特價帶子及蝦刺身和民沙律好多都改變左，我掛住豚肉燒呀（即豬肉燒餅）及靜岡刺身冷麵呀！希望再不斷出新產品，繼續堅持好多個廿年！Restaurant changed a lot and I highly recommend the beef Sukiyaki! Sashimi is also delicious as well as specialty sushi! I hope you can continue running business for many more 20 years!

星期日度度食野都要排隊，和民唔洗等就衝入去。見佢d set dinner都幾低食最平一個2人餐$399有前菜+ 沙律 之後揀左A炸蠔 B蜆肉湯烏冬c牛肉壽喜燒 仲有2杯凍飲另外我地為左夠錢泊停車場，再嗌多一個壽司卷味道都唔錯，但壽司種類好少。不過不失啦起碼唔洗等位，野食又上得快。

今日兩點餓住咁係旺角搵野食，入到雅蘭，睇下有咩性價比高既食物，就見到呢個好吸引價錢唔貴，二話不說就入左去，叫左呢個餐品嘗次序炸物 - 入口暖暖，以set lunch 既價錢，炸蝦真係無得頂，炸南瓜及魚不錯，炸菜有少少油，8/10味噌湯 - 唔似一般味噌湯太咸，入口暖胃一流，8/10沙律 - 普通，無特別壽司卷盛 - 有返以前黑壽既味道，火炙三文魚及帶子都出色，8.5/10蕎麥麵 - 成個餐最美中不足地方，麵煮整得唔夠整齊，食既時候難分開，如果下面加埋冰就會90分，食到後期唔夠凍，6.5/10丸子紅豆甜品 - 雖然份量少少，但味道同貌相都係有咬口又不失甜甜 ，10/10珍珠奶茶 - 好飲，珍珠狠咬口得黎粒粒分明（+$10）藉得一試視覺滿足 10/10 連鎖野，但推薦

星期六於旺角購物後，同行兩人於雅蘭中心找到屹立香港好一段時間的＂和民＂。在餐廳門外看看餐牌，留意到有歡樂/店長推介/豪華套餐，光看餐牌已經很吸引。同時由2/10/2019 - 15/12/201以HSBC信卡簽帳的店長推介/豪華套餐都有$50/$100折扣。由於我兩都不是很餓的關係，所以只比較了歡樂/店長推介二人套餐，基本上多了Ｄ項的名物。以HSBC折扣後實付金額計算，店長推介二人套餐只需多付$27便可以吃到價值$78(未計加一)的原隻蒜味雞腿燒，相當划算。一開始是三款頭盤，包裝季節前菜、盛滿芝士凱撒沙律及3品刺身盛合冷盤，很開胃加入了溫泉蛋及芝士，麵包碎很脆很讚的刺身，每人一件，帆立貝很甜！接著是一品料理、食事、鍋物及名物，我們分別選擇了海老牛油果披薩、滑蛋豬柳盒子、牛肉壽嘉燒及原隻蒜味雞腿燒。原隻蝦爽口，牛油果醬也很配，可是較重油膩感豬柳是很淋很易入口，可是醬汁略咸，必須配合白飯以作中和，不推介相當有牛香味的壽喜燒(牛肉大慨每人3-4片)，以及一些蔬菜，不錯這個鐵板蒜味雞腿燒，熱烘烘的，蒜香濃而且雞肉嫩滑，我兩認為很出色，相當好食，十分推介！套餐跟一杯餐飲及飯後甜品，青檸柚子SOD

今日出去旺角食lunch, 平時都好少係呢度食，所以無搵，求其搵個近近地，坐得舒舒服服嘅商場，所以去左雅蘭中心。入面都其實吾太多選擇，揀左細個會食多d嘅和民。今日都算晏，應該差吾多兩點，完全吾洗等位，入面幾多位，嗌左個lunch set. 無諗過都等左一陣先有，可能係無咩人做野。叫左個牛肉飯，其實吾太識分，同係吉野家食分別吾同，有湯。重點係咖啡，去親日本餐廳都要飲，特別香，果然，無令我失望，不點過未必會再食⋯⋯

今次同媽咪嚟和民同媽咪慶祝生日。叫咗個二人套餐，有前菜沙律，主食方面，我哋揀咗牛肉鍋，牛肉蛋石頭飯，牛油果鮮蝦薄餅，仲有兩杯梅酒。薄餅皮好脆，上面嘅牛油果好健康，好新鮮好好食。牛肉鍋有好多蔬菜，好健康。我好鍾意食日本菜，都係因為它比較健康。豆腐好滑。另外再叫多個鰻魚牛肉飯，很可惜因為食物太多，食唔落只能夠打包。打包包裝得非常之靚。我覺得二人餐超值啊，極度推介！