居食屋「和民」 (宇晴匯)

營業中

休息中

因為OpenRice外賣自取優惠，所以嗌咗兩客香脆炸雞，收工可以順便攞埋返屋企食。雖然價錢減半，但是質素和份量都沒有減半，拎到上屋企應該過咗氣，但炸雞仍然食落有啲脆，味道不會太鹹，配上附上嘅沙律醬還不會膩，呢個簡直係加餸之選！

好耐冇食過和民，今日難得經過又有位，所以你幫襯下吃左過午餐。今日點了特選日替都只係得$65，滑蛋雞扒鍋定食，之後加咗$10要咗個珍珠奶茶，而家先知道佢係用手機自己落單，感覺幾先進，似足日本，可以慳返啲人手。套餐上枱有羅馬生菜沙律，堅魚湯，茶碗蒸及白飯，都幾飽肚。炸滑蛋雞扒好香口，雞肉幾滑，加上滑蛋口感不錯，底汁係和民一貫和風味道，楊蔥絲幾甜但有點生，可惜油不夠新鮮，外皮太深色。荼碗蒸好滑有高湯味道，因午市關係，沒有了銀杏及上枱不夠熱。珍珠奶茶味道正常，但環保飲管大窄吸唔到珍珠，啲珍珠又會塞住支飲筒，完全飲唔到奶茶？。家陣有明太卵定食套餐，$79 有明太卵烏冬同埋加州卷，下次可以試吓！

一路都想試嘅日本餐次次都排滿曬人呀所以呢我都冇耐性去等因疫情嘅關係 人流少咗一大截唔使等位我直接入去試😏近期寫嘅食評 我發覺自己有個嗜好就係要個餐同 佢宣傳嗰張相要接近先來一個兒童餐畀我個小朋友相似度都好高佢仲有窩心嘅地方食兒童餐送一個代幣畀小朋友去出面扭蛋跟住講下佢個小食雞翼同埋煎餃子佢個擺碟同埋張相都好接近兩樣都係偏燶 比我好熱氣嘅感覺之後整個豬肉飯肉汁好好 豬肉又唔韌賣相亦都唔差最後來到高級刺身飯用了都好足夠刺身亦都好新鮮成餐飯 用咗三百幾蚊最後用卡仲減50蚊折實二百幾蚊埋單 抵食下次唔多人排隊我都會再嚟

同班同事去食，如果人多呢就可以打去預約，如果人少呢就建議喺Apps預先攞定位先。依家落單係自己用電話scan QR code，落完單之後都已經好快上菜。我叫咗明太子蛋花湯烏冬配加州卷。烏冬唔算係好彈牙嗰隻，不過都可以接受。明太子份量好多，但係個湯底變相鹹咗少少。加州卷個餡係蟹柳同牛油果，都幾好食😋。佢平日嘅午餐最平$49起，配沙律菜同飲品而且超級多選擇所以都好多人排隊，所以都好抵食。

同仔上完堂要揾食，黎到呢度見到和民，超正喔！一見到兒童餐，唔洗問一定叫！估唔到一樣出色，雞炸得剛剛好，烏冬好爽口。要推介一下呢個豚肉盒子飯，真係好好好好食！肥瘦剛好，不會太油！

同事提議去食日本野，就近近地去荔枝角和民，講真佢既午餐都已經加左好幾次價，亦都唔算經濟，不過食材都還算好，平日一至五都有一款指定優惠午餐，另外間中還有期間限定/日本直送既款式可選擇，都有好多款可揀，今次我揀左個壽喜燒，重可以揀白飯/烏冬，湯底係日式醬油

好內無食過和民丶早餐食得飽，午餐想食少D，見和民有$49 set lunch 照燒蒜香雞扒定食，質素一般拉，不過不失，包埋沙律同飲品，加一，$55蚊埋單，ok la 🤗🤭

很喜歡吃韓國的石鍋飯，不但到韓國旅遊必吃，每到韓國餐廳也必吃。不同餐廳的石鍋飯，材料都大同小異，就是熱熱的石鍋中先放飯，然後鋪上牛肉、芽菜、菠菜、泡菜等材料，吃時加入韓國辣醬，把飯、所有材料和辣醬拌勻，便可進食。和民是日式居酒屋，餐牌上竟有和民石鍋泡菜飯，一於一試。等了頗久，石鍋飯終於上桌。店家很細心，把石鍋放在木盒中，那便不會燙到，石鍋上桌時，服務員還溫馨提示，小心燙，服務滿分。加入辣醬拌勻材料，聽到微微的吱吱聲響，食慾大增。吃一口飯，卻有點失望。韓國餐廳的石鍋飯辣醬是微甜不太辣的，這兒的辣醬少了那特有的甜味，又挺辣的，於是就沒有了那傳統的韓國風味。後來一想，店家的菜名是和民石鍋泡菜飯，不是韓國石鍋泡菜飯，是自己想韓國石鍋泡菜飯想得瘋了，才會失望。不過，我還是覺得傳統的韓國石鍋泡菜飯較好吃。

第一次黎宇晴軒搵食，仲要係breakfast time，灰爆諗住除左老麥家樂快活都無咩其他野揀，點知見到和民一早就開左，仲排晒長龍，行埋去睇下la，原來有早餐可以堂食架...(勁大鄉里)，咁就拿拿聲跟住人排Order+Payment+攞位。Order左兩個sets：玉子壽喜燒飯，吉列魚柳炒滑蛋牛角包，再加$15配多份厚多士炒滑蛋，餐飲凍熱跟餐都係加$3(睇圖都見到相同價錢，似乎凍飲抵d🤣)。玉子壽喜燒飯好正，壽喜燒牛肉同平時lunch set既壽喜燒個款一樣好好味，吉列魚柳好香脆😋。但個牛角包就麻麻地完全無味，凍冰冰😔...

今日3點幾到，人流唔算多，好多卡位可以坐。坐低叫咗一個鰻魚牛肉盒子飯，赤海老剌身，帆立貝柱剌身，炸雞同壽喜燒牛肉鍋加烏冬。上菜速度有少少慢，雖然個飯同剌身到咗但都等咗都有30分鐘先有個鍋。食物方面，個盒子飯99蚊 但就唔係特別出色，鰻魚仲覺得有啲腥，剌身就普普通通，唔係話特別清甜，炸雞岩岩炸好，幾好多，枱面有啲七味粉加 加落個個炸雞到，幾有驚喜。個牛肉鍋都幾好食，烏冬要另外加錢先有，份量都算多，夠2個人食。埋單300幾接近400蚊，但無咩驚喜，頗貴。

平時工作忙到無停手，放工後梗係想輕鬆一下揾d好嘢食，日本料理一向都係本人的至愛之一，而朋友食過和民覺得唔錯，就趁今日出開茘枝角做嘢，一於約埋朋友去食下。餐牌都有好多選擇，圖文並貿清清楚楚，單睇圖片已好吸引，好似樣樣嘢都想食，真係唔知點揀好😀幾經思量，我們終於揀到。先嚟一款豪華刺身盛合，每款有三件，因為吞拿魚無晒，轉咗帶子來， 再加上原本三件合共六件 ，質素幾好夠新鮮， 三文魚色澤亮麗， 油脂好靚，入口即溶鮮甜美味。牛肉薵喜燒份量足，set得又靚又整齊，睇落幾豐富，材料有雪花牛肉片 大萵 金菇 冬菇 豆腐 娃娃菜，醬汁味道甘甜濃郁，牛肉口感仲好juicy添， 食完個湯唔好嘥，加入烏冬同生雞蛋， 超滿足呀。點了一份和風牛小排陶板燒，$99八塊唔係貴，質量非常唔錯，油花分佈相當均勻細緻，吃起來肉質軟嫩肉味十足。壽司卷盛，五種款式 ，賣相小巧精緻。個飯唔會太大舊，整體質素都好新鮮。盛滿天婦羅盒子飯，金黃色蛋漿薄脆唔厚，食落香口鬆化，酥脆美味。以和食來說，餃子可算是常見熱門菜色，$29六隻好抵食，餃子煎至金黃色，外皮酥脆香口，皮薄多汁味道一流。和民位於四小龍商場裡面，交通便利， 荔一枝角站行上去

甚少到荔枝角的小編今日應約到荔枝角的宇睛軒 飯聚，才發覺原來地點十分方便，地鐵出口直達，而且「和民」正正記在商場入口處。《牛肉壽喜燒 （細） $69》牛肉有四大片，其餘都足料有菇、豆腐、菜和金菇。牛肉火鍋湯汁味甜，令材料都入味帶甜。本身不跟飯/麵，所以《追加烏冬 $39》。所以多了雞蛋可打於湯鍋中，令牛肉入口更滑。《和民自慢鉄板餃子(6個) $29》底部煎得香口，$29有6件感覺很超值。《免治雞肉棒軟骨入2本 $39》此免治雞肉棒不配雞蛋。入口外微脆香口，內裡有軟骨和入味的免治雞肉，再配上醬油惹味又有口感。《惹味蜜糖芥末味雞翼三件 $29》雞皮炸得厚身香口有口感而且味道味味好惹味。《鰻魚牛肉盒子飯 $99》鰻魚的份量有點小器，而牛肉份旺剛好舖滿飯盒的一半。送上時盒內是無汁的，比較乾身，最後我們要主動問職員取鰻魚汁，即時令整盒飯更提味。《青金桔柚子蜜梳打 $27》很清涼消暑。《奇異果紅茶 $29》大瓶微甜而且奇異果肉多，抵飲。

第一次同屋企人去呢間餐廳食飯，好多人排隊，等左大概20分鐘就有得入去啦！食物款式非常之多，壽司刺身鍋物定食串燒，包羅萬有！我哋叫咗套餐，有刺身同埋沙律，當然唔係話好新鮮，但都唔差，沙律就一般般，唔係話特別好食呢個鰻魚飯就好好食，鰻魚即叫即燒同埋多汁，日本米加鰻魚係完美既鰻魚飯，估唔到喺呢間餐廳可以食到咁好食嘅飯！呢個海鮮鍋都唔錯，好似食緊吉野家嘅打邊爐咁😂蜆肉都多，同埋都入味，魷魚八爪魚就唔係話太多，不過好適合一個女仔食，因為唔會話太肥太多，份量係啱啱好天婦羅同埋呢一個雞髀，都唔錯全部都係即叫即炸即燒，黎到既時候係熱辣辣的因為有小朋友所以叫咗呢個兒童餐，賣相好吸引小朋友去食，佢有薯條🍟啫喱，炸雞，玉子，烏冬，飲品同埋玩具一個！小朋友見到我都開心，但係竟然冇食晒啲薯條，佢話冇味，烏冬就普通稻庭烏冬，最開心係有一個toys story 系列散子包！平均消費大概每人200左右，食到咁多野都抵食

中學時沒什麼零用，出生於平民家庭的我吃飯最大消費應該是和民了。和民早在2001年已成立，即是18年前。和民在我們班同學心中是個很高級的地方，小朋友嘛，都喜歡吃日式料理。除了放題以外，大家都覺得和民是搞眾會/慶祝的地方。長大了，有經濟能力，吃飯也就多了選擇。普遍約飯也不會想到和民。其實，中五時我的男朋友正正是住在宇晴匯商場的上面。當時的宇晴匯也有一間和民。那是我的回憶。我還能說出我跟他是坐在那個位置的。夕陽無限好，只是近黃昏。每一份現在就是一份永恆，你想念那個人，那個人就在你心裡。風花雪月不等人，愛過了，哭過了，我知道那裡的和民也消失了。得知它重開的消息是因為我朋友在附近上班，做設計的OT O得嚴重，在附近找近的餐廳，發現了這件事。雖然情逝了，但味道還在，不變，我竟然感到有一絲安慰。裝潢如出一轍是日式的木，長吊燈。以前就覺得和民裝修好簡單，舒服，讓人吃飯也放鬆起來。坐位寬，打得火熱想坐一起/保持距離都可。頭盤先吃刺身，這樣之後吃熟的不會交叉感染味覺。我小時候沒多的閒錢叫。現在當然是選擇帆立貝和鮭魚刺身。鮮度絕， 厚度差一點。對比起圖片基本上是一模一樣的。數數最吸引我的當然是牛肉壽喜燒(1

#居食屋和民和民係抵食既日本料理餐廳☺️選擇多，刺身、燒肉、火鍋、蕎麥麵等等，應有盡有二人套餐都幾正，包埋沙律、煙三文魚同飲品小編就點左個牛肉壽喜燒、泡菜石頭窩飯、雞翼-🔅牛肉壽喜燒湯底好鮮甜，濃郁好味過吉邊果款湯底勁多塊肥牛，半肥瘦，都幾大塊幾新鮮入面仲有蔬菜、金菇、芫茜解膩，非常清甜-🔅泡菜石頭窩飯熱辣辣勁好食，配料份量都多，有牛肉、泡菜、菇、蔥花等等小編落曬成兜辣醬撈，好惹味撈埋隻半熟蛋，成碗飯就更加香滑-🔅小食類黑椒蜜糖雞翼好 Juicy出面炸得夠脆，入面雞肉又嫩滑，唔錯大蔥肥牛卷都燒得好 Juicy蔥既味道好突出，肥牛甜甜地做陪襯，都幾夾--🔅清酒煮蜆蜆肉係有淡淡既清酒味，食落都冇沙但小編唔覺意煮老左d 蜆肉😩 --P.S. 蜆同牛肉卷係額外叫既小編三個人食，食到超飽‼️ --評分： 7.7 / 10