居食屋「和民」 (已結業)

結果就係APM 呢間.上個星期個friend 想行下街relax 下, o係APM 行左一陣, 結果就o黎左呢間.又係同其他和民一樣, 八點幾去到, 就算係閒日(o個日係星期三) 都係要等一餐先有位.兩個人, 大家都知和民o的碟頭係點, 所以叫左五樣野, 有拉麵, 什錦海鮮飯, 一口牛肉, 芝士豆腐同埋燒魷魚.燒魷魚o的魷魚冇乜味, 不過個sauce 幾好味. 個拉麵o係menu 度話係小辣, 不過我同我個friend 都只係食到甜味, 普通貨仔冇特別. 海鮮飯叫幾好, 而且係o係檯上用明火即煮, 等左一段時間先可以食, 不過熱辣辣, 亦都算得上係香噴噴, 食得開心, 個飯煲外型亦都好cutie (!). 一口牛肉依然唔錯, 以後一定會再食. 芝士豆腐我個人唔覺得佢勁好味, 但我個friend 好鍾意個sauce, 仲撈埋飯咁食!食完正餐, 就當然要整番個dessert. 叫左雙球雪糕(抹茶同豆腐味) 同埋豆腐布甸. 豆腐布甸好細個, 又係冇特別. 我個friend 話豆腐味雪糕似佢家鄉馬來西亞o既豆奶味雪糕, 但我又覺得可以o番! 不過最最好味都係個抹茶雪糕... 好夠味, 又香!環

同事請我食lunch慶祝我生日, 我叫左蝦定食, gas爐上放着吉列蝦(偏細隻), 有D燒汁, 再自打一隻白雞蛋, 微暖之後變成滑蛋, 配飯一流, 熱柚子蜜有柚子絲, 不過略甜, 多謝可愛同事門!

lunch 和同事在此午飯, 叫左照燒雞扒飯set, D雞扒切左一舊舊(正確應該係一條條), 雪藏雞扒都唔係好貴啫, 點解小同細成咁? 比較起來石頭飯set好食同抵食D lar!!

聽朋友講和民d野好好食,點知係apm見度,咪try下lor,結果...一入度去,係咁sell野飲,見都算係全餐廳最評既,咁咪試下lor,點知只不過點了四個菜,成半個鐘都未有野上枱,淨係好快咁比左杯話做promo.的飲品,唯有飲住等,點知杯野又甜又難飲,有少少酒味,但就好似飲緊糖漿咁...d侍應又各有各忙,想找到都難...終於上菜,又好似擺左好奈咁,又凍又難食...燒餅凍的，壽司又一夾就散等等等，真係頂唔順,結果同fd即走,再去掃街....

十一月, 和民(AEON) 送左張$100 COUPON俾我, 見咁抵就去試下, 點知就中左招!!!一坐低個侍應就勁hard sell 飲品買二送一, 見咁抵我地兩人都叫, 點知埋單個時, 個侍應話兩個優惠不可同時使用, 要我地二選其一, 咁分明搵笨, 而飲品買二送一的宣傳單張根本冇寫明!!!終於我揀了用$100, 而飲品就要$86. 我真係嬲到震!!!!!! 平時d飲品咁根本唔抵, 點會叫, 大家有機會收到coupon都記住小心!!! 唔好俾人搵笨!到於食物:1)XX炸若露: 勁鯹!! 琳都死, 炸唔似炸, 食左兩條已經唔要得.2)XX星鰻: 凍!!! 以前食都係熱!!3)其餘都一般!

和民D野好細碟, 如果多人一檯好唔化算, 要叫好多碟食物.款式唔算特別, 廣島燒餅算ok, 不過我諗可以再好少少.

因為之前o係尖咀間分店食o既廣島燒餅勁好味,所以星期五同男友黎左apm分店再試,可能未係食飯時候,所以冇咩人等位,不過埋單走時已經好多人等緊位好奇怪,入到去,d waiter放左兩本雜誌係到比我地睇, 可能上菜速度較慢,所以安撫一下我地,野食叫左:廣島燒餅,一口豆腐同蕃茄海鮮pizza.廣島燒餅:失望!非常濕,一d口感都冇,同上次食簡直差多遠,不過食物上時熱勒勒! 蕃茄海鮮pizza非常同意maggiecyf講法-唔好食,無論係d醬同個pizza底都唔得)好似食緊普通白麵包咁一口豆腐: 三個之中最好一個,不過唔太記得咩味飲品叫左個士多啤梨雪(巴):幾好味而且個杯上放既士多啤梨好fresh,好甜.

APM 好似有好多選擇，但花多眼亂下，尋晚黎左這間試下。不過d服務比起其他間和民好似差左d。我地六點三已經黎到，不過等兩張二人都等左半個鐘。入到去，叫左三次侍應先黎到兩杯茶，有待改善喇。個人認為侍應不用跪低落單，特別是這間分店的與距離也比較近，只要態度有禮已okay喇。至於食物都okay既，不過，真係比以前細碟左，但相反可以試多幾樣野，兩個人叫左七樣野和民沙律(細) - okay，d汁咸左d蘿蔔茸醬茄子- 幾好味，不過，好多油芝士焗海鮮飯- 非常"的識"，都幾好味燒雞軟骨(醬燒) - 真一節節雞軟骨同大蒜串埋燒，不過無味蕃茄海鮮pizza - 唔好食，無論係d醬同個pizza底都唔得西印度柚子冰特飲- 酸酸地，幾開胃豆腐雪糕- 唔太甜，幾香同滑

上星期去APM，見都係六點鬆少少，和民唔使排隊，所以三個人就去食。我地柯打左五樣野，分別係明太子年糕燒餅、炸章魚餅、芝士菠菜豆腐、鐵鍋庵列飯、牛油焗帶子。最先來到係焗帶子，一碟有六隻，味道都好香好唔錯；之後到明太子年糕燒餅，係該晚既特選menu入面搵到，果然係幾好，年糕加強左成個餅質感，加上入面餡料好多好實淨，唔會「散收收」，份量亦唔太少。之後就到鐵鍋庵列飯，呢樣就差少少喇，雖然配左牛肉汁，味係好濃，但係飯就略油同硬，而且蛋面唔夠滑。至於芝士菠菜豆腐，唔多得，芝士味就好夠，但係成兜都多油，食落感覺麻麻。而個炸章魚餅，冇乜特別，同一般小食舖既分別唔大，而且仲比較咸！除左呢幾樣之外，我地亦要左個叉燒拉麵，係用面豉湯底，麵質較其他拉麵店粗少少，不過口感不俗，然而湯就比較咸一點。最後，我地亦有食甜品，就係蕃薯雪糕（幾好，香口又唔太甜），$10一杯OK呀！不過有一樣野，就係去食野要帶多件衫，因為冷氣都幾凍下，短袖衫頂唔順！

兩個人去食，午餐了海鮮石鍋飯同韓式石鍋飯，等好耐不止，個飯勁多，但勁少，同叫個白飯冇乜分別。個海鮮飯可以得每種兩粒，個沙律的菜又黃又爛，嘔> o < ！

呢間和民係坐得幾舒服架，但侍應就服務麻麻，有時叫人都冇人理既，又叫又舉手都冇用！！！而ｄ食物細份左ｄ牙！！！

今晚去左創紀之城第五期(即APM) 食日本菜, 原本唸住去xx亭, 但間舖地方較少, 同D 職員態度麻麻, 所以去左和民居食屋(本人從未去過任何和民). 叫左個炒烏冬, 冷麵, 魚生, 3 串雞軟骨, 燒菠菜, 一個唔知咩三紋魚菜捲, 好似係咁上下, 連加一約$300, 3 個人食(2 女1 男), 夠飽. 卡位闊落, 冷氣夠, 侍應態度好, 食物好食, 算新鮮, 烏冬好惹味, 冷麵好彈牙, 有口感, 麵汁味正, 鹽燒雞軟骨一碟3 串只是廿皮(大大串), 魚生OK, 燒菠菜原來有餃子墊底, 幾好食. 反為跟魚生果舊WASABI 唔多掂. 但值得再去.

午餐同女友+佢細佬去左呢度食... 叫左一個拉面(唔知咩名堂),一口炸芝士,煙三文魚卷,同一個魷魚燒餅..拉面普通... 炸芝士冇芝士味,似炸香口膠... 煙三文魚卷得一片三文魚加生菜..一舊檸檬.. 開胃但好唔抵... 魷魚燒餅就等於將小丸子倒落個煎pan度,一般.總共140... 如果唔係我食左飯先上...估計要二百蚊先可以落樓...

食過咁多間和民,覺得葵芳n 尖沙咀太陽廣場的最好味, 相反, 太子始創的份量好少,又唔好食, 不過最差都係沙田, 所有好好食既野都變成好難食, 果次食完真係唔想比錢呀~和民唔知點解愈來愈差, 又貴又唔好食份量又少, 好多時要食完再去第度食過~~

我一向都好鍾意去和民開飯,今日兩個人去呢間分店食,除左好坐之外, 就覺得呢間野唔多得...我地叫左一d之前係其他分店食過覺得好食既野,係度竟然變得一d都唔好食...d 野又唔多夠熱...所以叫左好少野就埋單...我食過荃灣,沙田同九龍灣個間都冇呢個情況....真係唔知係個別事件定係間野既問題...